Aforizmat e Agim Metbalës #2

[Agim Metbala]

- Vërtet jemi të katandisur në shpirt e mëndje – të gjithë kandidatët, njerëzit më të ndershëm, të kandiduar për ansamblenë komunale, kanë marrë më së paku votat për të mos thënë hiç!
- Zemra dhe shpirti, nuk i pranojnë kufizimet e nuk i durojnë dot përvojat!
- Të ecish nëpër stazën e DREJTËSISË, vërtet është shumë vështirë, por fitimi është i madh!
- I preferoj krijuesve të mos shkruajnë shkrimet e porositura, ato janë shumë të rrezikshme si për shoqërinë, ashtu edhe për vet krijuesin!

[Agim Metbala]

- Politikani – pushtetari, i ngjan shumë fëmijës, mirëpo kanë një dallim të dukshëm – fëmija prej ditës në ditë shton peshën e politikani – pushtari, krimet!
- Po të ishin gjallë dëshmorët, shumë fytyrat politike që nga nivelet më të ulta e deri në ato më të larta, kurrë s’kishin hypur në skenën politike!
- Hezitimi, përgjysmon forcën dhe guximin!
- Mos lejo vehten që miku ta përplas derën para hundës!

[Agim Metbala]

- Miqt e parë që i gjen dhe i do, miqt e parë që i xhelozon, dhe “armiqt” e parë, i gjenë në lagje – pastaj shpërndaheni nëpër botë!
- Intelektualët e dështuar në politikë, zakonisht “aterrojnë” nëpër organizata joqeveritare apo ato fetare!
- Lëvizja prej pozicionit në pozicion, në mënyrë transparente shpalos karakterin e luhatshëm!
- Para se ta ngrisish volumin e zërit dhe gishtin tregues, analizoi mirë e mirë fjalët që do t’i thuash!

[Agim Metbala]

- Ka ardhur koha që asgjë e askujt mos t’u thuhet para syve, mbase të gjithë i mbajnë syzat e diellit!
- Po të pyetesha unë, askund në botë nuk do të kisha lejuar që politikanëve t’u ngriten përmendoret, mbase mundi dhe mjetet do të shkojnë kotë, kohës në vijim, do rrënohen pa kusht!
- Shpesh ndodh rasti që të afërmit t’i “gëzohen” vdekjes të të afirmit – kur të afërmin e kanë pasanik të madh!
- EKUIVALENCA, është i vetmi mjet, për të ecur vertikalisht në jetë!

[linda l]

o Agim re telef o i shkret me gjith kto aforizma

[Agim Metbala]

o Agim re telef o i shkret me gjith kto aforizma

Nuk e di ore kush është telef e kush është i shkret...unë mendoj ndryshe, s'ka lidhje, secili ka mendimin e vet...

[Agim Metbala]

- Në errësirën e madhe, edhe një xixëllojë, bënë shumë dritë!
- Heshtjen e krijuar, mund ta thej vetëm njeriu i mençur!
- Padrejtësia pjell frikën e frika pagjumësinë!
- Në ecjen shqiptare prej pikës A e deri te pika B, dalin edhe një mijë e një pika të panevojshme!

[Agim Metbala]

- PAGJUMËSIA i ka rrënjët tek PADREJTËSIA!
- Në qetësi absolute, edhe lëvizja e një insekti më të vogël, dëgjohet shumë larg!
- Kohën kurrë mos e mat me atë se fëmija veshi trikon!
- Kur shumica heshtin, analizoje sjelljen tënde, diçka s’është në rregull!

[Agim Metbala]

- Për shumicën, DREJTËSIA është dëshirë e LAKMIA realitet!
- Shumë nga intelektualët të angazhuar deri në maje, u ngjajnë shtëpive të ngritur me çerpiqë, e të zbukuruar me një fasadë të jashtme!
- Po t’ish shitur mendja, ishin hapur shumë dyqane e qendra tregëtare!
- Nëse dëshirojmë progres, fushata elektorale, nuk duhet të mbetet akoma “tregu i zi devizash”!

[Agim Metbala]

- Më heret, nuk kam pas njohuri se politika është luftë më e ndyer nga të gjitha luftërat të tjera!
- Padrejtësia dhe gënjeshtra, i ngjajnë ujit të detit që herëdo kurdoherë, të gjitha pisllëqet i qet në breg!
- Krahas dijes – hapet goja!
- Sa herë do ta thuash një të vërtetë, priti kundërshtimet dhe kundërshtarë!