Aforizmat e Agim Metbalës #2

[Agim Metbala]

- Mbase nuk kemi dije e guxim të merremi me ata që merren me neve, do të mirremi me veten bile me ashpërsi të skajshme!
- Shumica e njerëzve me natyrën sillen si hajdut!
- Nëse dëshiron të kompletohesh si njeri, merr një troh nga dashuria e nënës, merr një pjesë nga sinqeriteti i fëmijës e përqafo sado pak atdhedashurinë nga atdhetari!
- Shumë nga politikanët shqiptarë, sillen sikurse politika të ishte lojë gugjas!

[Agim Metbala]

- Si vepron politika shqiptare, shumica nga populli, do të kërkojnë ndihmë te klerikët dhe neuropsikiatrët!
- Mos ec rrugës së djallit, edhe nëse ta shtron me lulet!
- Rruga e djallit, duket e shtruar me lulet, por në fakt, është e shtruar me therra!
- Vetëmohimi, çdo herë shpaguhet!

[Agim Metbala]

- Nëse vërtet dëshirojmë zhvillimin e sporteve, hallat dhe stadiumet, duhet t’u ngjajnë teatrove!
- Politika po të kishte rregullat dhe parimet, me të do të merreshin njerëzit parimor!
- Hajnat kurrë nuk kanë qenë të rrezikshëm për popullin, por poltikanët hajna!
- Barometër më sigurt i udhëheqjes dhe i qeverisjes së keqe me një shtet, është ikja dhe migrimi I popullatës!

[Agim Metbala]

- Dje ishte ndjekur, sot nuk ndiçet, ku e di, nesër mund të dekorohet me dekorata e medaljie!
- Mirënjohjet dhe dekoratat e pamerituar, të marrin në qafë!
- Nëse miku të vonohet në tri takimet e caktuar, ta kesh me dije se nuk të vlerëson!
- Shumë intelektualë të nivelit të lart, nga “nokdaunet” e “nokautet” të pushtetarëve, detyrimisht tërhiqen në këndë!

[Agim Metbala]

- Pushtetarët i kemi shumë të “pastër”, sa edhe paratë po i “pastrojnë”!
- Çuditërisht njerëzit sa janë mosmirënjohës ndaj të mirës e sa mbamendës ndaj të keqes!
- Gurët e çmuar, nuk gjenden në sipërfaqe, por në thellësitë!
- Njeriun kurrë mos e mat derisa gjendet në pozitën e nështruar, mbase do marrish vendim të gabuar!

[Agim Metbala]

- Tensioni ngritet për një sekondë e duhen orë të tëra për ta zbritur!
- Shmange rrugën të trasuar nga djalli!
- Me ëndje i shikoj emisionet mbi kafshët e egra, jo për diçka tjetër, por për t’i kuptuar më mirë njerëzit!
- Sa herë fitohet epërsia, duhet ruajtur distanca!

[Agim Metbala]

- Shqiptarit mund t'ia marrish çdo gjë nga dora, mos gabo t'ia marrish digitronin!
- Lumturia zvogëlohet krahas shtimit të apetitit me dëshirat dhe kërkesat që vështirë realizohen!
- Vetëkënaqësia ta minimizon dëshirën për synimet e reja!
- Besoju fjalëve që lahen me lot!

[Agim Metbala]

- Bindja e fuqishme, nuk i njeh rreziqet!
- Kujdes, jeta nuk i duron spektaklet!
- Në triumfin e së keqes, kurrë mos merr pjesë!
- Vlerën e vërtetë të gruas, e di vetëm vejani!

[Agim Metbala]

- Dita lind për të gjithë njësoj e secili e shfrytëzon sipas karakterit të vet!
- Mjerë ai që bie në duart dhe mëshirën e të dobëtit!
- Të keqes, kurrë mos ia mbaj mikrofonin!
- Psherëtimën, kurrë mos e neglizho!

[Agim Metbala]

- Indiferenca dhe ftoftësia e njeriut të sotëm, e bënë jetën e frikshme!
- Vuajtja nga kompleksi i mbivlerës, ta humb vlerën që posedon!
- Tundimi, shumë lehtë. e sjell korinë!
- Kur mungon GUXIMI, në fotele ulet DËSHTIMI!