Kryeparlamentarja Jozefina Topalli, ashtu si Kryeministri Berisha, u ka bërë thirrje qytetarëve që t’i dalin për zot vendit, pasi është në rrezik. Topalli ka komentuar dje në faqen e saj zyrtare në “Facebook”, se në zgjedhjet e 23 qershorit krimi dhe banditët kanë hyrë në Parlament. Sipas saj, në vende të tjera të botës ka rezultuar se politikanët kanë pasur lidhje me bandat, por sipas saj në Shqipëri bandat kanë hyrë në Kuvend nëpërmjet parasë dhe forcës. “Ka ndodhur në vende të tjera që disa politikanë të kenë pasur lidhje me grupe banditësh, por jo si te ne, në këto zgjedhje ku krimi e banditët kanë hyrë brenda Parlamentit, përmes parasë e forcës. Shqipëria është në rrezik! Ne duhet t’i dalim për zot vendit! Të gjithë bashkë!”, u shpreh dje Topalli. Në një koment të dytë, Topalli i ka paralelizuar zgjedhjet me sportin, duke thënë se duhet respektuar fituesi kur gara është e rregullt. Ajo tha më tej se do të refuzojë me gjithë shpirt fituesin jo të rregullt. “Si në sport, ashtu dhe në fusha të tjera kampionët janë inspirues! Kur gara është garë, fitimtari nderohet, kur shkel rregullat, si amerikani në garën e fundit, skualifikohesh; Kur blen ndeshjen me para e kur këto janë dhe të pista, nuk ka fitues, por sundues. Këto të fundit ndëshkohen. Unë, si çdo njeri normal që beson në disa vlera, adhuroj të parët dhe refuzoj të fundit me gjithë forcën e shpirtit!”, u shpreh Topalli
Përgjigju Duke Cituar
Krijoni Kontakt