Publikuar: 15:11 / 3.07.2015
Një ish mësuese nga Florida, u dënua me 22 vjet burg, ditën e së enjtes, pasi e njëjta kishte kryer marrëdhënie seksuale dhjetëra herë, me tre nga nxënësit e saj.
“Do të dëshiroja që të kthehesha mbrapa dhe të largojë atë çfarë unë kam bërë”, tha Jennifer Fichter, 30 vjeçare, gjatë gjykimit të saj .
Ajo thotë se urren atë se çfarë kishte bërë dhe do të dëshironte që të mund ta kthente kohën mbrapa për të menduar së pari për viktimat para vetes.
Mirëpo, prindërit e viktimave u shprehen se nuk do të falnin veprimet e mësueses. “Është shumë e dhimbshme teksa shikoja se si po e humbisja djalin para syve të mi, dhe nuk mund të bëja asgjë”, tha njëra nga nënat e viktimës gjatë gjykimit.
Mësuesja i kishte obliguar viktimat e saj, të cilët ishin të gjithë 17 vjeç gjatë asaj kohe, që t’i gënjenin prindërit e tyre rreth takimeve të tyre të paligjshme.
Në njërën nga telefonatat e incizuara që u lëshua për dëgjim në gjykatë, ish-mësuesja angleze, pranoi të ketë abortuar, pasi kishte mbetur shtatzënë me njërin nga viktimat e saj, shkruan Nydailynews.
Ajo është arrestuar në muajin prill të vitit 2014, pasi pranoi se kishte pasur marrëdhënie seksuale me një student, mirëpo gjatë hetimeve policia zbuloi se ajo po ashtu kishe kryer marrëdhënie edhe me dy studentë te tjerë.
Përgjigju Duke Cituar
Krijoni Kontakt