Itali: Shkatërrohet rrjeti i kokainës, drejtohej nga futbollisti durrsak Guido Tepshi

[Albo]

25 të arrestuar, Itali, shkatërrohet banda e drogës, drejtohej nga futbollisti shqiptar i Superligës



Një operacionin antidrogë i shtrirë në Shqipëri, Itali dhe Gjermani ka cuar në pranga 25 persona. 6 prej tyre janë arrestuar në Durrës dhe 19 të tjerë në rajonin e Toskanës në Itali dhe në Gjermani.
Personat e arrestuar në Shqipëri në kuadër të Operacionit të koduar “RICARICA 2013″ janë Kastriot Dyrmishi, Artur, Edmond, Guido Tepshi dhe Luan Tepshi, si edhe Laert Teneqexhi të gjashtë me banim në Durrës dhe akuzohen për trafik ndërkombëtar të kokainës dhe krijim të organizatave kriminale.
Mediat italiane raportojnë se 24-vjeçari Guido Tepshi është biri i biznesmenit Edmond Tepshi, që cilësohet si koka e grupit kriminal ndërkombëtar. I diplomuar në drejtësi, Tepshi në një nga telefonatat e përgjuara është dëgjuar të thotë se ka ndërmend të hyjë në polici e më pas të konkurrojë në Shkollën e Magjistraturës. Gjatë karrierës së tij sulmuesi durrsak ka luajtur me Teutën, Lushnjën, Kastriotin, Kamzën dhe Apoloninë, ndërsa ka provuar edhe një aventurë të pasuksesshme te Bohemians Praga në Çeki. Në periudhën 2009-2010 Guido Tepshi ka veshur tri herë edhe fanellën e Kombëtares U-19
Kjo organizatë kriminale nga korriku i 2013 e deri më qershor të 2014 ka trafikuar të paktën 15 kg kokainë. Kokaina importohej nga Holanda e shpërndahej më pas në tregun italian. Pothuajse cdo javë shuma të mëdha parash deri në 300 mijë euro dërgoheshin nga Italia drejt Shqipërisë.
Ndër të arrestuarit është dhe një futbollist 24 vjecarë shqiptar që luan në superligën shqiptare, djalë i një sipërmarrësi të njohur shqiptar e konsiderohet si kreu i kësaj organizate kriminale.

ORA NEWS

[Qyfyre]

Gjynaf Tepshi, si paska ecur karriera futbollistit

[Albo]

Kokainë nga Holanda për në Itali, pranga futbollistit. Tepshi jurist edhe në Port, i ati ndërtues, dyshohen koka të rrjetit

UPDATE/ Nga futbollist në një të akuzuar për trafik ndërkombëtar droge dhe krijim të organizatave kriminale.


Guido Tepshi, 24 vjec

Kjo është historia e Guido Tepshit, mesfushorit durrsak që dje ka përfunduar në prangat e policisë për llogari të shtetit italian. 24-vjeçari është një prej gjashtë të arrestuarve nga Policia e Durrësit në bashkëpunim me atë të kryeqytetit. Kastriot Dyrmishi 32 vjeç, Artur Tepshi 49 vjeç, Edmond Tepshi 52 vjeç, Guido Tepshi 24 vjeç, Luan Tepshi 46 vjeç dhe Laert Teneqexhi 25 vjeç janë gjashtë të arrestuarit e djeshëm në Durrës.

Ashtu siç kanë bërë të ditur burimet policore, arrestimet e djeshme janë bërë në kuadër të operacionit “Ricarica 2013″ në bazë të urdhrit të arrestit të lëshuar nga Gjykata e Firences më datë 23 mars 2015. Ky operacion antidrogë ishte i shtrirë njëkohësisht në Shqipëri, Itali dhe Gjermani dhe gjashtë personat e arrestuar dje në Durrës janë ndër 25 në total që përfunduan në pranga nga ky aksion i shtrirë në tri shtete.

Rrjeti u godit pas mbërritjes së urdhër-arresteve të lëshuara nga Gjykata e Firences në Itali, më datë 23 mars të këtij viti. Operacioni për kapjen e tyre është organizuar nga Sektori për Narkotikët në Drejtorinë e Policisë së Durrësit, në bashkëpunim me Drejtorinë e Përgjithshme të Policisë së Shtetit dhe zyrën e Interpol Tiranës. Burime nga Policia bënë të ditur se katër prej të arrestuarve kanë lidhje gjaku me njëri-tjetrin. Ata kanë aktivitete në fushën e ndërtimit, peshkimit, karburanteve etj.

Mësohet se ndaj gjashtë të arrestuarve për llogari të Drejtësisë italiane ka nisur edhe hetim pasuror, me dyshimin se mund t’i kenë ngritur këto aktivitete përmes parave të fituara nga trafiku i kokainës. Dosja për këtë i është referuar Prokurorisë së Krimeve të Rënda.

Sipas burimeve, urdhër arresti ndaj tyre ka dalë pasditen e së hënës, rreth orës 18:00, nga Gjykata italiane, ndërsa natën ka mbërritur me faks në Shqipëri. Në 05:00 të mëngjesit të së martës, policia kreu arrestimet e këtyre gjashtë shtetasve. Policia e Durrësit bëri të ditur se dispononte informacione të shumta për aktivitetin e tyre kriminal, por nuk ka pasur prova për t’i arrestuar, pasi veprimtaria e tyre ishte kryer në shtetin fqinj. Siç mësohet, Arturi, Edmondi dhe Guido Tepshi u arrestuan në një pallat të ndërtuar prej firmës së tyre në zonën e Vollgës.

Ndërsa Luan Tepshi u arrestua në lagjen numër 4, Kastriot Dyrmyshi në zonën e ish-Kënetës dhe Laert Teneqexhi u prangos vetëm 100 metra larg drejtorisë së Policisë së Durrësit. Futbollisti 24-vjeçar, i cili punon edhe si jurist në Port, është djali i biznesmenit Edmond Tepshi, i cili, referuar mediave italiane, dyshohet të jetë edhe koka e këtij rrjeti. Dyshohet se prej korrikut 2013 e deri në qershor të 2014 ky rrjet ka trafikuar rreth 15 kg kokainë, e cila kalonte nga Holanda në Itali.





Panorama

[Albo]

Bizneset e familjes Tepshi, nga transporti i udhëtarëve te karburantet

Dokumentet

Italianët pohojnë se paratë e drogës u investuan në Shqipëri, çdo javë kalonin 300 mijë euro





Familja Tepshi zotëron disa firma në qytetin e Durrësit, kryesisht për transportin detar dhe me hidrokarburet. Arturi dhe Edmond Tepshi kanë në zotërim dy firma, njëra prej të cilave është çregjistruar pak vite më parë, ndërsa tjetra mjaft aktive dhe ka qarkulluar qindra milionë lekë xhiro vjetore. Sipas antimafies italiane, anëtarët e grupit kanë dërguar shpesh shuma të mëdha parash në Shqipëri, ku një dërgesë shkonte në 300 mijë euro. Mësohet se paratë dërgoheshin të fshehura në automjete dhe shërbyen për ngritjen e disa pasurive të luajtshme dhe të paluajtshme në Tiranë e Durrës.

Sipas një vëzhgimi të gazetës “Shqip” në QKR, rezulton se firma “Irger” është hapur në vitin 2006 dhe ka si seli rrugën Taulantia në Durrës. Kapitali është 100.000 mijë lekë dhe ka si objekt import-eksport, transport detar për mallra dhe udhëtarë. Ajo merrej edhe me prodhim dhe përpunim druri, tregti me shumicë e pakicë të artikujve industrialë, ushqimorë, bujqësorë dhe blegtoralë. Madje, merrej me prodhim dhe tregtim të luleve dhe pemëve dekorative, prodhim konfeksionesh, prodhim mobiliesh dhe prodhime mekanike me lëndë të parë, dhe material porositës dhe tregtimi i tyre. Sipas ekstraktit të QKR-së, “Irger” merrej edhe me tregti artikujsh konsumi, detergjentë, elektroshtëpiake, materiale ndërtimi, prodhim, botim dhe tregtim shtypshkrimesh. Në dokument thuhej gjithashtu se firma me ortak dy vëllezërit Artur dhe Edmond Tepshi merrej edhe me hapje agjencish detare, apo me transport mallrash dhe udhëtarësh brenda dhe jashtë vendit. Kohët e fundit ka ushtruar aktivitet për tregtim me pakicë të karburanteve, lubrifikantëve, çeljen dhe ushtrimin të servisëve për distributorë etj. Pra, firma ka pasur një gamë të gjerë, ndërsa mësohet se ka pasur disa anije në pronësi dhe të tjera që merrte me qira. Për një muaj, në shtator të vitit 2010, kompania u pezullua por i riaktivizua, ndërsa në vitin 2012 u fut në tregun e hidrokarbureve, duke hapur disa pika karburanti. Ndryshimet e fundit në QKR i ka bërë para disa ditësh, më datë 26 qershor, kur ka bërë depozitimin e pasqyrave financiare. Në vitet e mëparshme ka pasur pajisje dhe kapitale deri në 1 milion USD.

Vëllezërit Edmond dhe Artur Tepshi kanë pasur në pronësi edhe firmën “Guen”. Ata e kanë themeluar në vitin 2003 dhe merrej me transport detar për mallra dhe udhëtarë. Por kjo firmë u çregjistrua në vitin 2012.

I arrestuari i djeshëm Luan Tepshi ka pasur një shoqëri “Tabaccino” në Durrës, e regjistruar si person fizik. Lokali është regjistruar në QKR në datën 16 shkurt 2015, në lagjen numër 7 në Durrës, në katin e parë të një pallati në rrugën “Aleksandër Goga”.

Shqip

[Albo]

Durrës, Sekuestro pasurisë së anëtarëve të familjes Tepshi, të akuzuar për trafik drogë



8 apartamente, një vilë, një lokal dhe një pikë karburanti prona të familjes Tepshi në Durrës janë vënë në sekuestro nga Prokuroria.
Vendimi është marrë pasi antarë të kësaj familjeje tashmë në pranga akuzohen nga autoritetet italiane si pjesëtarë të një organizate kriminale, të përfshirë në trafikun e lëndëve narkotike në Itali dhe pjesë e një rrjeti më të gjërë që siguronte kokainën në Holandë.
Edmond Tepshi 52 vjec, djali i tij Guido Tepshi 25 vjec dhe dy vëllezërit e Edmondit, Luan dhe Artur Tepshi së bashku me Kastriot Dyrmishin dhe Luan Teneqëxhiun u arrestuan në kuadër të operacionint të koduar “Ricarica 2013″ pas urdhër-arrestit të lëshuar nga Gjykata e Firences.
Prokuroria është në pritje të dosjes së plotë nga ana e autoriteteve italiane për ekstradrimin e tyre ndërsa pasuritë janë sekuestruar nën dyshimin se mund të kenë prejardhje nga veprimtaria e dyshuar kriminale në Itali.
Vendimi i Prokurorisë është përcjellë në Zyrën Vendore të Regjistrimit të Pasurive të Paluajtshme si edhe në llogaritë bankare të tyre në bankat e nivelit të dytë.
Sipas mediat italiane që i referohej prokurorisë dhe policisë Edmond Tepshi dhe djali i yij 25-vjeçar Guido, futbollist i ekipit të Kastriotit ishin koka e këtij grupi kriminal.
Operacioni u zhvillua paralelisht në Itali-Shqipëri-Gjermani. Autoritetet italiane thanë se hetimet ndaj Guido Tepshit, i cili është i punësuar edhe si jurist në portin e Durrësit kanë nisur 3 vite më parë pas vrasjes së një shqiptari në Firence. Përgjimet telefonike zbuluan se Tepshi u kish thënë bashkëpunëtorëve të tij se dëshironte të bëhej gjykatës.

ORA NEWS

[Albo]

Ja futbollisti i superligës shqiptare i përfshirë në rrjetin e kokainës



Një lojtar i Kastriotit është mes personave të arrestuar për trafik kokainë në Durrës me kërkesë të drejtësisë italiane.

Bëhet fjalë për Guido Tepshin. 24-vjeçari është djali i Edmond Tepshit, gjithashtu i arrestuar.

Edmond Tepshi rezulton se është bosi i grupit kriminal të shkatërruar nga policia. 24-vjeçari që luan me ekipin e Kastriotit është i diplomuar për drejtësi.

Në përgjimet e bëra nga policia italiane, Guido dëgjohet duke thënë se ka ndërmend të bëhet pjesë e Policisë së Shtetit dhe më pas të konkurronte edhe në Shkollën e Magjistraturës.

Policia italiane bën me dije se grupi merrej me trafikimin e kokainës nga Holanda në Toskanë dhe më pas shpërndahej në disa qytete në Itali.

Pjesëtarët e kësaj organizate jetonin në Itali ndërsa të ardhurat që siguronin i dërgonin në Shqipëri me dërgesa nga mbi 300 mijë euro.

Hetimet për zbulimin e këtij grupi nisën pas vrasjes së një shqiptari në Fucechio në vitin 2012.



Shqiptarja

[Albo]

Futbollisti në rrjetin e kokainës

Përgjimet: Bëhem polic e gjyqtar



TIRANE - Hetimet që zbuluan rrjetin e kokainës Hollandë-Itali të drejtuar nga shqiptarët mes tyre dhe futbollisti i superligës Guido Tepshi njëherazi dhe jurist në portin e Durrësit kanë nisur 3 vite më parë pas një vrasje të kryer në Fuchecio të Firencez për prishje të pazarave të drogës.

Kjo konfirmohet nga hetuesit italian, të cilën kanë bërë publik faktet si dhe disa prej përgjimeve telefonike ku rezulton se futbollisti Tepshi shfaqte dëshirën të futej në strukturat e policisë e më pas të fitonte dhe magjistraturën për tu bërë gjykatës pasi Universitetin e kishte mbaruar për Juridik.

Përgjimi i numrit të një prej shqiptarëve dëshmitarë në vrasjen e 2012-ës në Firenze ka ndihmuar policinë të zbardhë rrejtin ndërkombëtar të trafikut të drogës nga Holanda në Toskana të Italisë, ku rezulton se gjithçka drejtohej nga qyteti i Durrësit.

Në total hetuesit italianë nxorrën 18 urdhër arreste, 17 prej tyre të ekzekutuara mes Italisë e Shqipërisë ndërsa një person është ende në kërkim dhe dyshohet se fshihet në Gjermani.

Pjesëtarët e kësaj organizate jetonin në Itali ndërsa të ardhurat që siguronin i dërgonin në Shqipëri me dërgesa deri në 300 mijë euro në javë, për të cilat tashmë Prokuroria e Krimeve të Rënda në Shqipëri ka nisur procedim penal në zbatim të ligjit Antimafia.

Shqiptarja

[benseven11]

Gazetari dhe policia bejne te njohur faktin qe nga pergjimet telefonike Guido ka thene qe do te behet gjykates.....
Ky pergjim eshte pergjim leshi,informacion leshi per publikun qe s'ka lidhje fare me krimin.Pse ky fakt jepet ne lajme????
Del sikur ai eshte arrestuar sepse ne pergjimin telefonik na paska thene qe don te behet gjykates!!!!!
Cfare ka thene ai ne telefon qe mund te lej per te dyshuar per aktivitet kriminal?
Gazeta s'thote gje sepse nuk din gje.
Policia nuk thote gje sepse s'din gje,s'ka fakt nga telefonatat.
Tufa injorantesh,druvaresh dhe fshataresh provojne zarin e fatit duke shit droge ne Itali.
Kulmi i idiotesise.Policia italiane ka mbi 30 vjet eksperience me trafikun e droges se rruges.
E garantuar qe do kapen.
Titulli i temes eshte keq.Rrjeti drejtohej jo nga Guido Tepshi,por nga babai i tij Edmond Tepshi.

[Meriamun]

Shumë ordinerë ka shqipëria aq sa nuk ka ditë që mos të dëgjosh krime nga më të ndryshmet. Këta na nxorën namin e keq në gjithë botën dhe na kanë nxirë faqen. Të vjen zor të thuash se je shqiptar prej këtyre plehrave..

[benseven11]

Shumë ordinerë ka shqipëria aq sa nuk ka ditë që mos të dëgjosh krime nga më të ndryshmet. Këta na nxorën namin e keq në gjithë botën dhe na kanë nxirë faqen. Të vjen zor të thuash se je shqiptar prej këtyre plehrave..

Nqs shkon ne Itali kurre mos thuaj qe je shqiptar.
Me mire thuaj qe je nga Danimarka, ose Suedia dhe do kesh prestigj dhe respekt te plote nga italianet