Qeveria e Rilindjes: Bien të ardhurat nga doganat e tatimet me $110 milion

[Albo]

Doganat e Tatimet, të ardhurat, 110 milionë USD minus

Situata e financave mbetet problematike dhe këtë e vërteton edhe një herë maji, ku sërish realizimi i planit të të ardhurave nuk ka qenë i mundur.

Në kushtet kur arkës i mungojnë 70 milionë dollarë, qeveria ka shtrënguar kahun e shpenzimeve. Treguesit fiskalë të Financave reflektojnë një ecuri të dobët të disa taksave që sinjalizojnë një ekonomi të dobët.

TREGUESIT

Në fakt, totali i të ardhurave ka ardhur me një përmirësim krahasuar me një muaj më parë kur buxhetit i mungonin 85 milionë dollarë nga diferenca plan-fakt. Ky ngushtim ka ardhur jo më tepër si një rritje e të ardhurave nga dy administratat kyçe Tatime dhe Dogana, por nga disa të ardhura ekstra të buxhetit për dhënien e shërbimit 4G. Nëse këto para nuk do të ishin arkëtuar, atëherë do të kishim një dështim të realizmit të planit me 110 milionë dollarë nga dy administratat. Por cilët janë zërat më problematikë? Së pari kemi një rënie të Tatimit mbi Vlerën e Shtuar. Plani i këtij viti parashikonte që të paktën deri në maj ky zë të ishte jo më pak se 480 milionë dollarë, por në fakt mosrealizimi është me më shumë se 1.5 milionë dollarë. Krahasuar me faktin e majit të vitit të kaluar, situata është edhe më pesimiste, pasi rënia është me 3 milionë dollarë.

Nga ana tjetër kemi më pak akcizë të arkëtuar që sipas treguesve në maj ishte 130 milionë dollarë, më keq sesa plani, por më mirë sesa një vit më parë. E ndërsa për disa zëra ka argument që mban për rënien e lirë të të ardhurave duket se për TVSH është e qartë se ekonomia nuk po jeton ditët më të mira. Kjo tregon për një rënie të investimeve nga biznesi, rënie të fuqisë blerëse në vend dhe padyshim situata e parazgjedhjeve duket të ketë dhe ajo efektin e vet.

SHPENZIMET

Qeveria ka mbajtur nën kontroll shpenzimet për pesë muajt e këtij viti, duke harxhuar shumë më pak sesa plani. Nëse në buxhet ishin parashikuar 1.76 miliardë dollarë si shpenzime totale deri në fund të majit u harxhuan 1.61 miliardë dollarë. Ka një ulje të shpenzimeve korrente, atyre për fondet speciale apo edhe kompensim për ish-pronarët. Pavarë- sisht kësaj, qeveria i ka qëndruar besnike planit të saj për shlyerjen e detyrimeve të prapambetura ku deri në fund të majit janë dhënë 120 milionë dollarë. Në total kemi një deficit 98 milionë dollarë, i cili është financuar më shumë nga borxhi i marrë jashtë vendit gati 86 milionë dollarë, kurse pjesa më vogël në tregun vendës.

Shpenzimet kapitale arrijnë 176 milionë USD

Qeveria e ka lëshuar dorën për shpenzimet kapitale nëse krahasimin e bëjmë me një vit më parë. Deri në fund të majit për këtë zë kanë shkuar 176 milionë dollarë. Kjo shifër edhe pse është më shumë sesa një vit më parë kur ky zë ishte 137 milionë dollarë, sërish është me një diferencë 30 milionë dollarë krahasuar me planin e buxhetit të këtij viti. Në fakt, nisur nga situata e vjetshme kur shpenzimet shumica u kryen në fundvit, gjatë këtij viti, qeveria ka vendosur të shpërndajë në mënyrë më të njëtrajtshme paratë. Kjo vjen pas këshillës së Bankës Botërore dhe asaj të Shqipërisë që vunë theksin edhe te rëndësia që kanë në ekonomi këto shpenzime.



Panorama

[Albo]

Nisma anti-informalitet, Shtatori, mosrealizim me 30 mld lekë në të ardhura

Nisma anti-informalitet nuk ka ndihmuar tatimet dhe doganat që të mbyllin gropën në buxhet pasi edhe në shtator të ardhurat nuk u realizuan me rreth 30 mld lekë.



Ndërsa për periudhën 9-mujore të dhënat tregojnë përkeqësim të dukshëm të gjendjes së financave publike.
Kështu sipas Ministrisë së Financave në periudhën janar-shtator u grumbulluan 279 mld lekë të ardhura ose 119.1 mld lekë më pak se plani. Të ardhurat e kësaj periudhe janë realizuar në masën 70%.
Mosrealizimet më të forta janë nga tatimet dhe doganat me rreth 82.2 mld lekë më pak se plani në këtë periudhë 9-mujore, ndërsa zërat ku është performuar më dobët janë tatimi mbi vlerën e shtuar (TVSH) me 40.3 mld lekë më pak, akciza me 15.3 mld lekë më pak, tatimi mbi të ardhurat personale me mosrealizim me 9. 8 mld lekësh, si dhe taksat nacionale me 10.2 mld lekë më pak.
Mosrealizim të të ardhurave ka edhe nga pushteti vendor në masën 3.1 mld lekë si dhe nga të ardhurat jo tatimore me 9.7 mld lekë.
Performanca e institucioneve shtetërore nuk është e dobët vetëm në kahun e të ardhurave, por edhe në ato të shpenzimeve. Të dhënat e MF tregojnë se shpenzimet kapitale ose ndryshe investimet vlerësohen në 9 muajt e këtij viti në masën 32.9 mld lekë ose 30.3 mld lekë më pak se plani. Për këtë periudhë investimet publike janë realizuar në vetëm 52%.

ORA NEWS