Vritet nje polic ne Lazarat, plagosen dy te tjere

[Qyfyre]

Ibrahim Basha eshte polici i vrare ne Lazarat. Incidenti ka ndodhur pasi policia po kryente nje aksion pasi me pare ishin qelluar dy police te tjere. Policia kishte ndaluar nje automjet qe kishte brenda tre arme dhe kishte arrestuar shoferin.

http://www.sunherald.com/2015/06/24/6291677/albanian-policeman-shot-dead-in.html

[Albo]

Sulmi në Lazarat, FOTO/ Ja makina e Xhuliano Malos për të cilën u kërkua ndërhyrja e RENEA-s



Publikohen fotot e makinës së Xhuliano Malos, e cila u bllokua mëngjesin e sotëm në Lazarat dhe ku u gjetën një sasi armësh si dhe lëndë narkotike. Në momentin kur u neutralizua makina ka ndodhur dhe vrasja e efektiv të RENEA-s dhe plagosja e dy të tjerëve.
“Gjatë operacioni për kapjen e këtyre personave, 200 metra nga rruga që të çon për në qendër të komunës u kostatua një automjet benc i bardhë pa targa, i cili mbahej në vëzhgim nga shërbimet e policisë.
U bë neutralizimi i drejtuesit të mjetit i cili është shtetasi Xhulio Ilirjan Malo dhe u kërkua ardhja e forcave të tjera të RENEA me mjetin tip Volcvagen me targa MB 060 AA, ku në afërsi të vendit të quajtur “Pularia” në drejtim të këtij automjeti është qëlluar me breshëri armësh, ku si pasojë kanë mbetur të plagosur tre efektivë të policisë të repartit RENEA, ku punojësi i policisë Ibrahim Basha si pasojë e plagëve të marra gjatë rrugës në drejtim të Spitalit Rajonal Gjirokastër ka gjetur vdekjen, ndërsa punojësit e policisë J. I. dhe P. H. janë çuar në Spitalit Rajonal Gjirokastër dhe më pas janë transportuar me helikopter në Tiranë per një trajtim më të specializuar dhe ndodhen jashtë rrezikut për jetën .
Nga grupet e ndërhyrjes është bërë shoqërimi i automjetit tip benc i bardhe së bashku me drejtuesin e tij Xhuliano Malo.
Gjatë kqyrjes së automjetit në ambjentet e Drejtorisë së Policisë Gjirokastër në këtë automjet janë gjetur, një arsenal armësh:
Një automatik kallashnikov,një pushkë model 63, një pushkë model 56, tre gëzhoja të qitura model 56, një ndezës, një granatë e armatosur, një këmbëz mitralozi, një thes lini e mbushur me fishek të kalibrave të ndryshëm ndër ta edhe fishekë mitrolozi , një kasetë fishekësh me disa krehëra, katër kallëpe tritol, disa fishek 12.7 mm, dy radio komunikimi dhënëse marrëse për distancë deri në 5 km, tre aparate celulare si dhe tre qese farmaceutike të dyshuara si kokainë
Gjithashtu po gjatë kësaj kohe është bërë shoqërimi edhe i 7 shtetasve të tjerë nga fshati Lazarat për të parë kanë lidhje me ngjarjen apo jo. Ndërkohë forcat e policisë mbajnë në vëzhgim grupin e armatosur që ndodhet te ish Pularia në fshatin Lazarat” thuhet në njoftimin e policisë.





ORA NEWS

[Albo]

Ky është efektivi i RENEA-s që u vra në Lazarat (FOTO)



Në Lazarat ka një të vrarë dhe dy të plagosur nga Policia e Shtetit. Ky që shihni në këtë foto është efektivi i RENEA -së që mbeti i vrarë gjatë natës në Lazarat. Ibrahim Basha, 31 vjeç lindur dhe ka banuar në Tiranës. Ibrahimi është fëmija i dytë i familjes Basha. Mësohet se ai kishte pak kohë që i ishte bashkuar forcës elitë të Policisë së Shtetit.

Përpara së të ishte pjesë e RENEA, Basha ka qenë pjesë e Batalionit të Operacioneve Speciale (BOS) në Forcat e Armatosura. Si pjesë e BOS Basha është një nga efektivët më të trajnuar të ushtrisë shqiptare, e cila njihet dhe si njësia elitë e forcave tona të armatosura.

Ai ka qenë pjesë e disa misioneve ushtarake në Afganistan. Gjatë karrierës në ushtri, Basha është vlerësuar me medalje për misionet e luftimit në Afganistan dhe Irak.

Koha Jone

[Albo]

Të mbijetosh në Irak dhe të vdesësh në Lazarat



Njerëz si Ibrahim Basha shteti ynë ka pak. Është një batalion i Operacioneve Speciale në Ushtri dhe Forcat Speciale RENEA. Trajnimi dhe sakrifica që bëjnë këta burra në ushtri apo në polici i bën të jenë të rrallë për cilësitë profesionale. Basha i kishte të dyja, edhe përvojën në ushtri edhe atë të forcave më të trajnuara tek RENEA.

Në Forcat e Armatosura ishte pjesë e Batalionit të Operacioneve Speciale. Njësia e vetme me rreth 200 trupa, që ka marrë pjesë në luftime me terroristët në Irak dhe Afganistan. Janë të vetmit ushtarak shqiptarë që pas Luftës së Dytë Botërore që luftën nuk e kanë njohur në libra dhe teori, por kanë qenë në terren ku kanë njohur dhe humbje. Feti Vogli ishte një prej tyre. Ibrahim Basha ishte pjesë e së njëjtës elitë ushtarake dhe të vetmit Batalion që nga SHBA-të është vlerësuar si më profesionalja e ushtrisë shqiptare. Si pjesë e BOS (Batalionit të Operacioneve Speciale), Basha arriti t’i mbijetojë terroristëve në Irak dhe Afganistan. Njerëz të tillë në strukturat e shtetit janë të rrallë. Janë të rrallë sepse besojnë në atë që bëjnë dhe nuk veshin uniformë për të marrë një rrogë.

Fati që e mbështeti në shkretëtirat dhe shpellat e Kandaharit dhe rrugët me mina të Mosulit e braktisi në Lazarat. Pabesi, organizim i gabuar i operacionit, apo neglizhim i rrezikut? Të gjithë këto mund të jenë arsyet që çuan në humbjen e një jete dhe plagosjen e dy efektivëve të tjerë të repartit special RENEA. Detajet se ku çaloi operacioni nuk janë bërë ende të ditura. Por duket se pabesia dhe mos organizimit i duhur i policisë ka çuar në këtë humbjeje të rëndë. RENEA është një nga repartet që cilësohet si krenaria e Policisë së Shtetit. Quhet i tillë sepse shumë pak herë ka pasur humbje brenda radhëve të saj. Më një viktimë dhe dy të plagosur nuk është goditur vetëm një skuadër, por gjithë krenaria e Policisë së Shtetit.

Pikëpyetjet për atë çka ndodhi janë të shumta. Si ka mundësi një vit pas operacionit më të madh në historinë e policisë në Lazarat, në këtë fshat të ketë ende kriminelë dhe njerëz të armatosur? Çfarë nuk funksionoi në strukturat e policisë dhe ato të Shërbimit Informativ Shtetëror që nuk informuan në kohë për ekzistencën e një grupit të rrezikshëm kriminal? Sepse këtu nuk bëhet fjalë thjesht për trafikantë, por për grupe narko-terroriste që jo vetëm kanë punuar të qetë, por patën guximin të godasin dhe të marrin jetën e një efektivi të policisë.

Koha Jone

[Albo]

17-vjeçari që qëlloi mbi efektivët e RENEA-s, besimtar i devotshëm

Ky është Xhuliano Malo, personi që qëlloi mbi efektivët e RENEA-s ditën e sotme në Lazarat.

17-vjeçari Malo është arrestuar nga policia dhe në makinën e tij tip Benz janë gjetur armë dhe municione të ndryshme.

Siç shihet në profilin e tij në FB Malo është një besimtar i devotshëm madje aktualisht ishte duke agjëruar për muajin e Ramazanit.

Ndërkohë vazhdon operacioni i 400 trupave në Lazarat për të arrestuar grupin e armatosur.



MAPO

[Busy Girl]

Qofte i xhenetit. Ngushellime familjes pa njerezit llafe kan

[Albo]

Basha: Rama po bën politike në derën e spitalit

Kreu i PD-së Lulzim Basha ka vizituar sot dy efektivët e plagosur në Lazarat. Në një komunikim për mediat, Basha shprehu ngushëllimet për humbjen e jetës së efektivit të RENEA, Ibrahim Basha dhe shërbim të shpejt të dy të plagosurave.

“Dua të shpreh dhimbjen e thellë familjarëve të Ibrahimit. Jemi të shokuar nga kjo humbje. Vizituam dy kolegët e tij, të cilët fatmirësisht janë jashtë rrezikut. U uroj shërim të shpejtë. Kemi kërkuar që në orët e para që Policia të marrë të gjitha masat për të mos pasur cenimin e jetëve të efekivëve dhe banore”,- tha Basha.

Nga ana tjetër, Basha ka hedhur akuza në idesë të kryeministrit duke u shprehur se këtë ngjarje po e përdor për politikë. Ai tha se PD ka kërkuar transparencë, ndërsa ka shtuar se efektivët e RENEA nuk kanë qenë në aksion me mjet të blinduar, por me makinë të thjeshtë.

“Kemi kërkuar transparencë se çfarë ndodhi dhe çfarë po ndodh. I gjithë grupi i efektivëve që është goditur ka qenë në operacion me automjet të papërshtatshëm, “Volsvagen”. Ky nuk është momenti për tu ndalur këtu. Një analizë e plotë duhet bërë patjetër pa politizim. Shpreh keqardhjen e thellë që në një qëndrim totalisht të papranueshëm kryeministri i vendit. Njeriu që duhet të marrë përgjegjësi të bëjë transparencë e përdor për politikë në derën e spitalit për të sulmuar opozitën. Një deklaratë e papërgjegjshme diabolike që e hedh poshtë me neveri”,- tha Basha.

Koha Jone

[Albo]

Reagon Nishani! Rama: Mos flisni me dy kuptime, paçi faqen e zezë

Skedarët e Bashkëngjitur 167955

Kryeministri Edi Rama vizitoi në spital dy policët e plagosur në Lazarat.

Pasi doli jashtë, Rama tha se kjo është një ditë zie për Policinë e Shtetit.

Megjithatë Rama më shumë foli për ata që tha se bëjnë deklarata me dy kuptime, duke nënkuptuar PD-në.

“Ndërkohë që duke i shprehur ngushëllimet më vëllazërore familjes së atij që nuk arriti t’i mbijetonte kësaj barbarie, dhe duke shprehur në të njëjtën kohë edhe sigurinë e mjekëve që dy të tjerët janë plotësisht janë rrezikut për jetën, dua të nënvizoj se duhet të ndjehen vërtet keq ata që për faqen e tyre të zezë, edhe në këtë moment që policia është në fushën e betejës me një grup vrasësish, flasin me dy kuptime dhe i kërkojnë llogari policisë, edhe duke fajësuar edhe aq në mënyrë indirekte,” tha Rama.

Më herët ish- kryeministri Sali Berisha bëri një status për këtë ngjarje.

“Nje ngjarje e rende, ne te cilen ka humbur jeten nje efektiv i Policise dhe jane plagosur dy police te tjere, ka ndodhur ne Lazarat. Duke denuar ashper kete krim te shemtuar, shpreh ngushellimet me te thella familjes te efektivit te Policise, te ndjerit Ibrahim Basha dhe ju uroj sherim te shpejt e te plote dy punonjesve te plagosur te Policise. Me kete rast u bej thirrje organeve te zbatimit te ligjit te identifikojne, vendosin e ndeshkojne me forcen e ligjit autoret e ketij krimi te shemtuar!” tha Berisha.

Për ngjarjen reagoi edhe kreu i shtetit.

“Presidenti i Republikës po ndjek me shqetësim ngjarjen e rëndë që ka ndodhur në fshatin Lazarat gjatë ditës së sotme ku ka humbur jetën Ibrahim Basha, efektiv i forcave speciale RENEA, dhe ku janë plagosur dy efektivë të tjerë.

Kreu i Shtetit ngushëllon familjen e të ndjerit Basha për humbjen e rëndë si dhe i gjendet pranë të gjithë familjarëve e të afërmve në këtë ditë të rëndë për ta, ndërkohë që u uron shërim të shpejtë policëve të plagosur.

Presidenti Nishani dënon aktin kriminal dhe u kërkon autoriteteve ligjzbatuese që në mënyrë profesionale të bëjnë zbulimin e menjëhershëm të këtij krimi dhe vënien përpara drejtësisë të autorëve, duke u bërë njëkohësisht thirrje për qetësi qytetarëve të Lazaratit në këto momente të vështira,” thuhet në deklaratën e Bujar Nishanit.

MAPO

[Albo]

Per budallane qe shqiptaret kane bere kryeminister, edhe vdekja e nje polici eshte mundesi e mire per te bere politike, e per te sulmuar opoziten.

Ngushellime familjes se viktimes dhe presim te mesojme se perse personeli i forcave speciale te policise leviz ne nje zone te nxehte si Lazarati me makina personale

Albo

[ermela sweet]

Qofsh i xhehnetit miku im me i shtrenjte . jo vetem familja e tij humbi nje djale te mrekullueshem ,por e gjith shqiperia sot ka humbur nje trim qe dha jeten ne krye te detyres.......