SHBA dhe ODHIR: Shqetësim blerja e votës dhe presionet ndaj qytetarëve në votime

[Albo]

SHBA si ODIHR: Shqetësim blerja e votës

Ambasada e Shteteve të Bashkuara të Amerikës në vendin tonë ka folur me të njëjtën gjuhë si ODIHR sa i përket problemeve të vërejtura gjatë ditës së zgjedhjeve.

Në një njoftim për mediat Ambasada bën të ditur se “Shtetet e Bashkuara përgëzojnë qytetarët e Shqipërisë për ushtrimin paqësisht të të drejtës së tyre demokratike për të votuar në zgjedhjet vendore më 21 qershor 2015. Numërimi i votave vazhdon dhe u bëjmë thirrje institucioneve demokratike të sigurojnë certifikimin e shpejtë dhe tërësor të rezultateve”.

Sipas përfaqësuesve të Uashingtonit në vendin tonë shqetësim ishte blerja e votës dhe kërcënimi i votuesve.

“Votimi ditën e zgjedhjeve nuk pati incidente madhore apo akte dhune. Ne i bëjmë jehonë gjetjeve paraprake të OSBE/ODIHR për zgjedhjet vendore dhe ndajmë shqetësimet e tyre për blerjen e votave, pretendimet për presione mbi votuesit, institucionet e politizuara zgjedhore dhe parregullsi të tjera. Nxisim qeverinë dhe partitë politike të punojnë për t’i trajtuar këto gjetje dhe rekomandimet e tjera të ODIHR”.

Panorama

[Albo]

Deklaratë e Ambasadës së SHBA Për Zgjedhjet Vendore (22 qershor 2015)

Shtetet e Bashkuara përgëzojnë qytetarët e Shqipërisë për ushtrimin paqësisht të të drejtës së tyre demokratike për të votuar në zgjedhjet vendore më 21 qershor 2015. Numërimi i votave vazhdon dhe u bëjmë thirrje institucioneve demokratike të sigurojnë certifikimin e shpejtë dhe tërësor të rezultateve.

Votimi ditën e zgjedhjeve nuk pati incidente madhore apo akte dhune. Ne i bëjmë jehonë gjetjeve paraprake të OSBE/ODIHR për zgjedhjet vendore dhe ndajmë shqetësimet e tyre për blerjen e votave, pretendimet për presione mbi votuesit, institucionet e politizuara zgjedhore dhe parregullsi të tjera. Nxisim qeverinë dhe partitë politike të punojnë për t’i trajtuar këto gjetje dhe rekomandimet e tjera të ODIHR.

Ambasada Amerikane,
Tirane, Shqiperi

[Albo]

OSBE-ODIHR: Zgjedhjet pozitive, por pati edhe disa parregullsi. KQZ vendime të politizuara



TIRANE- OSBE-ODIHR publikon raportin paraprak të zgjedhjeve. Kryetarja e misionit OSBE-ODIHR-it Andry Glover deklaroi se klima e zgjedhjeve ishte përgjithësisht pozitive, por pati edhe disa parregullsi që mi8nuan besimin e publikut

”Dita e zgjedhjeve ishte pozitive, por janë vënë re votime në grup dhe parregullsi proceduriale. Ka pasur grupe aktivistësh partiakë që qëndronin jashtë QV duke mundur potencialisht të frikësonin njerëzit. Në përgjithësi këto janë elementet që kanë minuar besimin e publikut. Ekipi i ODIHR do ndjekë proceset e mbetura dhe do të publikojmë raportin përfundimtar pas dy muajsh”.

E pyetur për standardin e zgjedhjeve, nëse mund të flitet për një standard të ri që Shqipëria ka arritur me këtë proces zonja Glover tha se, “Ne në deklaratën përfundimtare do themi gjithçka, duhet të prisni raportin pas dy muajsh. Puna jonë është të komentojmë atë që kemi parë”.

Përfaqësuesi i ODIHR-it përmendi ëdhe çështjen e blerjes së votave, e cila sipas tij “është ngritur nga të dyja partitë por edhe kandidatët përpara ditës së zgjedhjeve. Këto përfshijnë pagesa financiare dhe ushqim, heqje e kartave të identitetit të disave dhe kthimi në fund të procesit. Ne do ti shikojmë këto akuza, do shikojmë evidencën”.

“Përsa i përket medias ka një numër të madh transmetuesish, por kjo s’do të thotë që ka pluralizëm. Këto mediume kanë lidhje me parti të mëdha për shkak të lidhjeve të pronarëve me politikanë të fuqishëm. Videot e fushatës prodhoheshin nga vetë partitë politike, kjo lejohet por quhet reklamim politik”, sqaroi Glover.

(ma.ar/BalkanWeb)

[RaPSouL]

Për zgjedhjet që sapo lam pas në Shqipëri, deklarata të ndryshme kanë ardhur nga qarqe të ndryshme. Ajo që bie më shumë në sy është këndvështrimi mjaft pozitiv i të huajve që monitoruan nga afër/larg këto zgjedhje.

Kukan: Përgëzime për progresin. Dekriminalizimi, minusi i të gjithë procesit zgjedhor

Edhe eurodeputeti Eduart Kukan përgëzoi për progresin e arritur në këto zgjedhje. Por, ai tha se do të pritet raporti përfundimtar i OSBE-ODIHR-it. Për Kukan, minusi më i madh i procesit ishte dekriminalizimi.

Eduart Kukan: Nga çfarë kam lexuar deri tani, në përgjithësi zgjedhjet ishin paqësore. Nuk pati parregullsi të mëdha dhe raporti paraprak i OSBE/ODIHR-it thotë se, ky proces zgjedhor pati shumë përmirësime dhe se dita zgjedhore nuk shënoi parregullsi, apo incidente të rënda. Prandaj dua t’i uroj shqiptarët për zgjedhjet dhe dua të çmoj përmirësimet e bëra për këtë proces. Sigurisht që pati parregullësi, të cilat përfshihen në raport dhe duhet të hetohen plotësisht, me qëllim që të arrihen përmirësime të mëtejshme në të ardhmen. Pati mjaft polarizim të medias dhe ndërmjet vetë partive politike. Por, përshtypja fillestare është se zgjedhjet shkuan në rregull, e për këtë arsye ato do të vlerësohen si një hap i mirë për përmbushjen e pritshmërive nga Shqipëria, përpara publikimit të raportit të progresit.

TCH: Pra për ju, Shqipëria e kaloi testin për nisjen e negociatave, apo jo?

Eduart Kukan: Është shumë herët dhe do të ishte e papërgjegjshme nga ana ime po të shprehesha. Le të presim raportin përfundimtar të OSBE-ODIHR-it. Këto zgjedhje ishin të rëndësishme për të kapërcyer testin për datën e çeljes së negociatave të anëtarësimit me BE-në, por jo i vetmi faktor që do të merret parasysh nga Komisioni, për të shqyrtuar nëse do të rekomandojë, apo jo, nisjen e bisedimeve të anëtarësimit.

TCH: Por, përveç reformave në 5 prioritetet kyçe, këto zgjedhje u quajtën të rëndësishme për të vijuar me fazën tjetër të procesit anëtarësues të Shqipërisë. A ishin fushata elektorale, dita zgjedhore dhe procesi i numërimit deri më tani, në përputhje me pritshmëritë?

Eduart Kukan: Kjo është ende një deklaratë paraprake dhe unë gjykoj në bazë të raportimeve, që kam marrë deri më tani. Kështu që, qëndrimi im është se Shqipëria, me këto zgjedhje lokale veproi mirë dhe pres me plot besim për raportin e radhës dhe rekomandimin, e nëse 5 prioritetet kyçe janë trajtuar pozitivisht, rezultati i këtyre zgjedhjeve lokale nuk do të dëmtojë imazhin e Shqipërisë.

TCH: Këto zgjedhje përbënin dhe ushtrimin e parë elektoral për kreun e opozitës, Lulzim Basha. Si doli ai, sipas jush?

Eduart Kukan: Për çfarë kam dëgjuar, zoti Basha ishte shumë aktiv në fushatë zgjedhore dhe u paraqit në një mënyrë mjaft shembullore, siç më kanë treguar shumë njerëz nga Shqipëria. Rezultatet e deritanishme të këtyre zgjedhjeve nuk janë pozitive për të, por le të presim për rezultatin përfundimtar të bashkive. Ai bëri më të mirën e tij, si udhëheqës.

TCH: Po përsa i takon dekriminalizimit?

Eduart Kukan: Aty ka një hapësirë të madhe për përmirësimin e kësaj çështjeje, sepse nuk u zbatua plotësisht, ashtu siç ishte rënë dakord në dhjetor. Këtë e shoh si një minus ndaj të gjithë procesit në tërësi.

TCH: Nga cila palë nuk u zbatua?

Eduart Kukan: Nga qeveria.

T.CH

[RaPSouL]

KE përshëndet zgjedhjet e 21 qershorit: U monitoruan nga ODIHR, në pah disa sfida

Bashkimi Europian përshëndeti zgjedhjet lokale të së dielës. Zëdhënësja e Përfaqësueses së Lartë, Maja Koçiançiç, tha se vërejtjet e OSBE-ODIHR-it nxjerrin në pah një numër të madh sfidash për vendin.

Maja Koçijançiç, zëdhënëse e KE-së: Bashkimi Europian ka ndjekur nga shumë afër përgatitjet dhe mbajtjen e zgjedhjeve lokale më 21 qershor 2015, ndaj dhe duam të përgëzojmë qytetarët e Shqipërisë për pjesëmarrjen dhe vendosmërinë e tyre në ushtrimin e të drejtës së tyre demokratike për të votuar. Zgjedhjet u monitoruan nga OSBE-ODIHR, të cilët publikuan vëzhgimet e bëra dhe gjetjet paraprake, që nxjerrin në pah një numër sfidash. Ne u bëjmë thirrje dhe inkurajojmë autoritetet kompetente të Shqipërisë, për të vijuar punën me trajtimin e çështjeve të ngritura nga vëzhguesit ndërkombëtarë, duke siguruar ndjekjen e duhur të rekomandimeve të Misionit Vëzhgues të ODIHR-it, për të arritur më tej përmirësimet aty ku është e nevojshme.

TCH: Në Këshillin e fundit të Stabilizim-Asociimit me Shqipërinë, Presidenca e BE-së dhe Komisioni u shprehën për rëndësinë e këtyre zgjedhjeve, për hapin e radhës të procesit anëtarësues të vendit. A mendoni se Shqipëria e kaloi testin me këto zgjedhje, për të pasur një rekomandim pozitiv të Komisionit në vjeshtë, për nisjen e negociatave?

Maja Koçijançiç: Ne kemi raportin paraprak të vëzhguesve dhe, sigurisht që presim për kompletimin e rekomandimeve përfundimtare. Kësaj do t’i bashkëngjiten dhe vlerësimet e tjera, që janë duke u përpiluar, sepse, siç e dini, Komisioni e ka nisur tashmë punën për raportin vjetor, që miratohet në tetor. Prandaj, unë do të thoja se, kur të gjitha këto vlerësime do të jenë dorëzuar, Komisioni do t’i analizojë dhe do të japë qëndrimin përfundimtar në raportin, që do të publikohet më 14 tetor.

T.CH

[Albo]

Zgjedhjet 2015, Tahiri: Shumë shumë shpejt rezultatet e hetimeve për blerjen e votës



Ministri i Brendshëm Saimit Tahiri deklaron se shumë shpejt do të ketë rezultate të hetimeve për blerjen e votës. Në një deklaratë për shtyp të bërë mesditën e sotme për të informuar për angazhimin e policisë në mbarëvajtjen e procesit zgjedhor të 21 qershorit ministri konfirmoi vullnetin për të çuar përpara hetimin e nisur kryesisht dhe vendosur para ligjit përgjegjësit.
Këto janë zgjedhjet më të mira të 25 viteve të fundit pa asnjë asnjë akt dhunë që mund të cëojnë legjitimitetin e 61 bashkive në vend.
Në një deklaratë për mediat ministri i Brendshëm Saimir Tahiri e ka vlerësuar maksimalisht procesin e votimit të mbajtur dy ditë më parë.
Saimir Tahiriëto janë zgjedhjet më të mira të 25 viteve të fundit, pa asnjë incident dhe asnjë akt dhune apo akt problematik që mund të cënonte vullnetin e qytetarëve në 61 bashkitë e Shqipërisë.
Ministri Tahiri ka paralajmëruar hetim për të gjitha rastet e manipulimit të evidentuara nga minsioni i OSBE/ODIHR.
Saimir Tahiri:Problemet, sado të vogla, të konstatuara në këto zgjedhje, si dhe rekomandimet e partnerëve ndërkombëtarë, por mbi të gjitha gjetjet e misionit të monitorimit të OSBE/ODIHR, do të jenë axhenda e punës për Qeverinë dhe Parlamentin për të garantuar në të ardhmen zgjedhje në përmbushje të standarteve më të larta zgjedhore. Konfirmoj vullnetin e policisë së shtetit për të çuar përpara në bashkëpunim me prokurorinë çdo hetim i nisur kryesisht apo përmes kallzimit të shtetasve për akuzat që kanë të bëjnë me blerjen e votës apo me deformimin e vullentit të qytetarëve. Shpejt kemi rezultatet e këtyre hetimeve duke ndëshkuar çdo përpjekje të kujtdo që ka të bëjë me shtrembërimin e vullnetit të zgjedhësve.
Në fund Tahiri nënvizoi se në zgjehdjet e 21 qershorit janë të gjithë të fituar, teksa nuk la pa felenderuar edhe kandidatët e opozitës.
Saimir Tahiri: Dua të falenderoj të gjithë kandidatët dhe përfaqësuesit e partive politike të të gjitha partive politike, veçanërisht të PD dhe opozitës, me të cilët kontaktova intensivisht para dhe gjatë procesit zgjedhor, për të garantuar një proces plotësisht të rregullt zgjedhor.
Deklarata e Ministrit të Punëve të Brendshme Saimir Tahiri:
Tashmë që procesi zgjedhor ka hyrë në rrugën e përfundimit, është e qartë se fituesit më të parë, fituesit e vërtetë më shumë sesa fituesit e çdo gare elektorale, janë vetë qytetarët.
Është demokracia dhe shteti ligjor, që pa zgjedhje të lira dhe të ndershme, nuk hedhin dot kurrë rrënjë të shëndosha.
Arritëm standartet më të larta zgjedhore demokratike, kjo falë qytetarëve në çdo Bashki, të cilët dhanë një shembull qetesie, rregulli dhe qytetarie.
Por falë edhe vullnetit institucional për të garantuar zgjedhje të lira e të ndershme, më shume sesa rezultatin e garës.
Këto janë zgjedhjet më të mira të 25 viteve të fundit, pa asnjë incident dhe asnjë akt dhune apo akt problematik që mund të cënonte vullnetin e qytetarëve.
Si të tilla, janë dëshmia më e qartë se kur vullneti i institucioneve shkon në shërbim të qytetarëve pa dallim partiak, në shërbim të demokracisë dhe shtetit ligjor e jo në shërbim të interesave të ngushta partiake, zgjedhjet e lira dhe të ndershme janë tërësisht të mundura.
Këtë të diel, fituan zgjedhjet e lira e të ndershme, fitoi demokracia dhe shteti ligjor, ndaj fitues nuk është vetëm fituesi i çdo gare në të 61 bashkitë, por kanë fituar të gjithë.
Ky është suksesi i vërtetë sot, por mbi të gjitha, ky është bazamenti më i mirë për të ndërtuar standarde të konsoliduara demokratike për zgjedhje tërësisht të lira e të ndershme në të ardhmen.
Kjo është një rrugë pa kthim, një standard që nuk mund të kthehet dot pas, por mund vetëm të përmirësohet.
Dua të falenderoj të gjithë kandidatët dhe përfaqësuesit e partive politike të të gjitha partive politike, veçanërisht të PD dhe opozitës, me të cilët kontaktova intensivisht para dhe gjatë procesit zgjedhor, për të garantuar një proces plotësisht të rregullt zgjedhor.
Bashkë me përfaqësuesit e opozitës me të cilët pata rastin të komunikoj intensivisht gjatë procesit zgjedhor, dëshmuam se na ndajnë partitë por kur na bën bashkë vullneti për zgjedhje të lira e të ndershme, respektimi i zërit të qytetarëve nëpërmjet votës është tërësisht i mundur.
Dua të falenderoj kryetaren e KQZ dhe Prokurorin e Përgjithshëm për bashkëpunimin e shkëlqyer për të vendosur përpara përgjegjësisë cilindo që tentoi të shkelë dispozitat ligjore në fuqi.
Ashtu siç dua të falenderoj Drejtorin e Përgjithshëm të Policisë, drejtuesit e Policisë në qendër e në çdo Qark e Bashki, por mbi të gjitha të falenderoj mbi 7.000 punonjësit e Policisë së Shtetit në çdo cep të Shqipërisë, që u shërbyen qytetarëve dhe kontribuan bashkë me ta, për të arritur standartet më të larta zgjedhore në këto 25 vitet e fundit.
Partitë politike, kandidatët dhe veprimtaria e tyre, janë elemente kyç në një proces zgjedhor, ndaj dëshiroj të falenderoj të gjitha partitë politike dhe të gjithë kandidatët që, me përjashtime të vogla, kontribuan që këto zgjedhje të jenë të lira dhe të ndershme.
MPB u angazhua intensivisht që në fazë përgatitore për këtë proces zgjedhor.
Drejtoria e Përgjithshme e Gjendjes Civile u angazhua në kohë, për përmirësimin dhe përditësimin e listave të zgjedhësve. U përmbushën në kohë rekord adaptimet e nevojshme në sistemin e Rregjistrit Kombëtar të Gjendjes Civile, në zbatim të ndryshimeve ligjore.
U realizuan ndryshimet e nevojshme për gjenerimin e ekstrakteve dhe listës përfundimtare së zgjedhësve, publikimin online në faqen zyrtare të Ministrisë së Punëve të Brendshme, sipas ndarjes së re administrative prej 61 bashkive, në mënyrë specifike duke futur konceptin e ri të bashkisë së madhe dhe të ndarjes administrative; Listat paraprake dhe lista e fundit zgjedhore u shpallën në kohë sipas përcaktimeve të Kodit dhe asnjë parti politike nuk pati konstestime për to.
Çdo zgjedhës pati mundësinë të verifikonte emrin në listë, në adresën online të shpallur në faqen zyrtare të Ministrisë së Punëve të Brendshme.

Për herë të parë është dhënë aksesi i kërkuar auditorëve të KQZ-së në Zyrat e Gjendjes Civile, gjë e ndaluar më parë, me motivacionin e mbrojtjes së të dhënave të shtetasve.
Nuk ka patur asnjë ankesë nga asnjë aktor politik apo ndërkombëtar në lidhje me mungesa të shtetasve lidhur me saktësinë e të dhënave dhe përbërësve zgjedhor të shtetasve në ekstrakte dhe në listën përfundimtare.
Numri i dublimeve të dyshuara në lista ishte rreth 91% më pak krahasuar me listën përfundimtare të zgjedhësve, në procesin zgjedhor të kaluar.
Sot jam krenar për punën e palodhur e të përkushtuar të Policisë së Shtetit që ndihmoi dhe u shërbeu qytetarëve për të garantuar që vullneti i tyre të ishte i lirë, duke sigururar njëkohësisht procesin më të qetë që Shqipëria ka njohur në historinë e zgjedhjeve pluraliste.
Gjatë ditës së zgjedhjeve janë regjistruar vetëm 2 procedime penale, një prej të cilëve është nisur kryesisht nga Policia. Të dyja këto raste janë duke u hetuar nën drejtimin e Prokurorisë dhe përgjegjësit do të përballen me ligjin.
Janë arrestuar 2 shtetas për vepra penale që lidhen me zgjedhjet, si dhe 8 ndiqen në gjendje të lirë.
Policia kishte marrë të gjitha masat dhe iu përgjigj në 5 raste, kërkesave nga Komisionet e Qendrave të Votimit, apo Komisionet Zonale, për të rivendosur rendin në ato njësi të administrimit të votave, kjo jo për shkelje të ligjit por për rradhë masive votuesish në QV.
Gjithashtu, dua të konfirmoj vullnetin e Policisë së Shtetit për të çuar përpara, në bashkëpunim me Prokurorinë, çdo hetim të nisur kryesisht apo nëpërmjet kallëzimit të shtetasve, për akuza që kanë të bëjnë me blerjen e votës.
Shpejt pritet të kemi rezultate për këto hetime, duke ndëshkuar çdo përpjekje për shtrembërimin e vullnetit të zgjedhësve.
Gjatë gjithë procesit zgjedhor, por sidomos gjatë ditës së zgjedhjeve, në cilësinë e Ministrit të Brendshëm kam mbajtur kontakt të vazhdueshëm me të gjitha institucionet ndërkombëtare, për të bërë të mundur reagimin në kohë dhe me transparence për çdo rast, sado të vogël, që mund të shkaktonte probleme.
Dëshiroj të falenderoj të gjithë partnerët ndërkombëtarë dhe misionet e vëzhgimit për bashkëpunimin e ngushtë që në fazën përgatitore, ditën e zgjedhjeve por edhe tani.
Jemi plotësisht të vetëdijshëm se puna që kemi përpara është më shumë se gjithçka kemi bërë deri më sot, ashtu siç jemi të vetëdijshëm se standardet e arritura në keto zgjedhje janë detyrim i yni për të bërë më shumë për zgjedhjet e ardhshme, në mënyrë që ato të jenë tërësisht të lira e të ndershme në përmbushje të plotë të standarteve ndërkombëtare.
Problemet, sado të vogla, të konstatuara në këto zgjedhje, si dhe rekomandimet e partnerëve ndërkombëtarë, por mbi të gjitha gjetjet e misionit të monitorimit të OSBE/ODIHR, do të jenë axhenda e punës për Qeverinë dhe Parlamentin për të garantuar në të ardhmen zgjedhje në përmbushje të standarteve më të larta zgjedhore.

ORA NEWS

[Albo]

E bukura me keta rilindesat ne Qeverisje eshte se jane shejtan budallenj. Nga nje ane Tahiri na thote se "keto ishin zgjedhjet me te mira te mbajtura ndonjehere ne Shqiperi" e nga ana tjeter na thote "do ti kapim e nxjerrim para drejtesise ata qe blejne vota".

Domethene o Tahiro, edhe ne ato zgjedhje ku blihen vota, mund t'i quajme zgjedhjet me te mira te mbajtura ne vend?
Domethene o Tahiro, edhe ne ato zgjedhje ku ambasadori i SHBA dhe BE dalin e thone hiqni trafikantet e droges qe kini ne lista nga zgjedhjet, e ju nuk e beni kete gje, prape zgjedhjet jane me te mirat?

Dhe budallalleku i Tahirit merr kupen kur thote: "Tani qe votat i bleme, tani qe zgjedhjet u mbajten, tani qe vota e shqiptareve u ble e manipulua ne favorin tone, tani pas zgjedhjeve ne do ti kapim ata qe blejne votat e do ti nxjerrim para drejtesise!" O Tahiro, nuk do te ishte me mire ti kapje e nxirrje para drejtesise keta para se te mbaheshin zgjedhjet?!

O Tahiro, kap ndonje fakir prej veshi qe bleu 5 vota, fute ne burg, dhe ja u zgjidh edhe puna e blerjes se votave!

Se mos te le mendja e na fund ne burg Ilir Meten qe u jepte karta krediti njerezve me siglen e LSI per tu blere voten ore?!

Ashtu te lumte, ashtu te lumte...

Albo

[Wrangler]

E ç'nevoje kane Shqiptaret te shesin voten per $ 50, kur per nga gjendja ekonomike radhiten te dytet ne Europe pas Gjermanise ?!!

[Qyfyre]

Bravo. Nese ka pasur ndonje rast te rralle qe jane shitur e blere vlota, atehere ata duhen cuar ne burg. Hetimet te shkojne deri ne fund, sic i shkon pershtat nje shteti demokratik qe aspiron te futet ne Europe.

[par]

nje mik I imi ka marre 50000 leke te vjetra nafte qe voten te ja jepte lsi, lagjia pakuqan, tirane