Incidentet ne zgjedhjet lokale

[Duke_Of_Arberia]

Incidenti me armë, Kryemadhi: Provokim i hapur për të krijuar incidente. Bumçi të gjejë ku e ka makinën

20 Qershor, 2015 Lajmi i Fundit
Deputetja e LSI-së Monika Kryemadhi ka folur sot për “Ora News” vetëm pak orë pas sulmit me armë ndaj makinës së saj dje në Lezhë. Ajo theksoi se ngjarja e mbrëmshme është një provokim i hapur nga Partia Demokratike teksa i bëri thirrje deputetëve të saj të disancohen nga këto incidente dhe të mos njollosin ditën e zgjedhjeve.

Kryemadhi i bëri apel Bumçit që të kërkojë makinën e tij se ku e ka, teksa nënvizoi se ishte e sigurtë që me armë dje është qëlluar nga automjeti i deputetit demokrat.

“Ne kemi bërë edhe denoncimin në polici…. personat ishin persona të shtabit elektoral të PD-së…për të ushtruar një lloj presioni. Me atë çka u kuptua ishte një provokim i hapur për të krijuar incidente. Kemi denoncuar makinat që kanë qenë prezent, targat, dhe sigurisht pronarët e makinave, ato që njohim ne.


Deputetja e LSI-se Monika Kryemadhi
Deputeti Bumçi të bëjë thirrje të kërkojë ku është makina e tij, të pyesi shoferin e tij ose nëse ka qenë vetë shofer të pyesi veten e tij, ku është makina e tij. I bëj thirrje deputetit Bumçi të distanciohet dhe të marri në kontroll situatën për veten e tij dhe ata që e rrtehojnë. I bëj thirjre policisë së shtetit të kontrollojë të gjitha makinat edhe makinat e deputetëve, që në orët e para se është e rëndësishme të kuptojmë që të gjithë jemi të barabartë para ligjit. I pari të distancohet Bumçi. E gjitha kjo i humb pikë zotit Bumçi i cili mbahet si një nga figurat më të pastra të Partisë Demokratike…Ka qenë provokim i hapur për të krijuar incident, për të njollosur standartin e zgjedhjeve, për të njollosur zgjedhjet”,- tha ajo ne nje lodhje telefonike per televizionin “Ora News”.

[Duke_Of_Arberia]

INTERVISTA/ Deklaratat e Kryemadhit, Bumçi: Shpifje të ulëta. Ngjarja u inskenua për t’i hapur rrugë blerjes së votave

20 Qershor, 2015 Lajmi i Fundit
Deputeti i Partisë Demokratike Aldo Bumçi ka reaguar në lidhje me deklaratat e koleges së tij Monika Kryemadhi, pas incidentit të mbrëmshëm në Lezhë. Në një intervistë telefonike me “Panorama Online”, zoti Bumçi thekson se akuzat e Kryemadhit se nga makina e tij kanë qëlluar me armë, janë të pabaza, pasi ai me stafin kanë qenë duke ndjekur intervistën e kandidatit të PD-së Fran Frrokaj, në një media lokale në Lezhë.


Aldo Bumçi
Deputeti demokrat i ka quajtur intriga dhe shpifje të ulëta deklaratat e Kryemadhit dhe ka akuzuar LSI-në se ka inskenuar ngjarjen e djeshme për t’i hapur rrugë blerjes së votave në fshatrat e Lezhës. Sipas tij, mbrëmë, makinat e PD-së kanë ndjekur ato të LSI-së të cilat kanë nisur që pardje ndarjen e lekëve nëpër shtëpitë e lezhjanëve, në këmbim të votës.

Deklarata e plotë për Panorama Online

“Jam i skandalizuar nga intrigat dhe shpifjet e ulëta dhe të neveritshme që ka bërë deputetja Kryemadhi. Mbrëmë ndërkohë që doli ky lajm nga deputetja Kryemadhi, kandidati jonë Fran Frrokaj ka qenë dy orë e çerek në emision live në Media Plus dhe unë bashkë me stafin e tij dhe dhjetra mbështetëes kemi qenë në godinën e medias, duke ndjekur intervistën. Dhe aty kanë qenë me dhjetra njerëz, plus ka edhe kamera ambientale të godinës.

Pra ndërkohë që ishim dikur tjetër live dhe faktet janë kokëforte akuzohemi se kemi qenë diku tjetër në mënyrë të turpshme dhe të neveritshme.

S’ka njeri në Lezhë dhe Tiranë kudo që më njohin të besojnë që nga makina e Aldo Bumçit të dalin kriminelë dhe armë. Pra fakti i parë është që kemi qenë ne studio me njerëz me kamera.

Fakti i dytë. Në shtabin tonë elektoral na ka ardhur si informacion, që personi që është ndaluar mbrëmë si i kauzar se ka shtënë me armë, është i lirë, dhe sot na kanë thënë se po bën kallëzim penal për denigrim te figures se tij.


Pra këto dy fakte tregojnë qartazi se është një ngajrje tërësisht e sajuar me të vetmen arsye për të tensionuar situatën për të rritur prezencën policore që mbrëmë ka qenë e jashtëzakonshme në Lezhë, dhe për t’i hapur rrugë blerejs së votës nga LSI-ja.

Një natë më parë LSI ka intensifikuar aksionin e blerjes së votës në fshatrat e Lezhës. Demokratët s’e kanë lejuar dhe kanë ndjekur makinën e tyre. Mbrëmë krijuan këtë ngjarje për të shtuar prezencen që të ndalojnë makinat e demokratëve edhe ti hapet rrugë lëvizjes së tyre.


I bëj thirrje të gjithë qytetarëve lezhjanë të dalin masivisht në zgjedhjet e të dielës dhe të votojnë me dinjitet siç e kanë traditë duke refuzuar blerjen e votës”.

[Duke_Of_Arberia]

DENONCIMI/ Berisha: Ja trafikanti i drogës në stafin e Zamira Ramit në Gjirokastër
20 Qershor, 2015 Lajmi i Fundit
Ish-kryeministri Sali Berisha ka denoncuar sot përfshirjen sipas tij të një trafikanti droge në stafin elektoral të kandidates së mazhorancës në Gjirokastër Zamira Rami.


Foto e publikuar nga Berisha në Facebook
Në një postim në Facebook, Berisha ka postuar denoncimin e një personi që i ka shkruar në rrjetet sociale.

“Stafi kryesor i zonjes Zamira Rami, kandidates se “aleances se krimit”, person ne kerkim, arrestohet sepse kapet sot me 25.5 kg droge! sb

Pershendetje Doktor. Po te shkruaj nga nje profil i vecante, sepse informacioni qe kam nuk duhet te kaloje nga facebooku im. Sot policia e Vlores ka arrestuar per trafik droge shtetasin Alsid Cani, banues ne Gjirokaster:

Ky person eshte ne stafin e Zamira Ramit ne Gjirokaster.
Behet fjale per personin me bluze blu”,- shkruan Berisha.

[Duke_Of_Arberia]

Zbardhet e shkuara kriminale e kandidatëve për zgjedhjet vendore

Postuar në 17 Qershor, 2015 06:06

Të dhëna policore të marra nga BIRN në Itali dhe Zvicër tregojnë se së paku tri kandidatë që garojnë në zgjedhjet e së dielës kanë të shkuar kriminale.

Shqiptarët do të votojnë të dielën për të zgjedhur kryebashkiakët dhe këshilltarët e 61 bashkive, në një palë zgjedhjesh që konsiderohen si shumë të rëndësishme për ambiciet e vendit në përparimin e procesit të integrimit në Bashkimin Europian.

Gjithsesi, të dhëna të mbledhura nga BIRN nga agjencitë ligjzbatuese nëpër Europë tregojnë se një numër kandidatësh të nominuar nga partitë politike kanë të shkuar kriminale. Madje, disa janë akuzuar për kontrabandë të sasive të mëdha të drogës mes vendeve të ndryshme të Europës.
Prova të siguruara nga BIRN tregojnë se dy kandidatë që garojnë për koalicionin e udhëhequr nga Partia Socialiste, Artur Bushi dhe Elvis Rroshi, të cilët kërkojnë postet e kryebashkiakëve në Krujë dhe Kavajë, kanë qenë të arrestuar për trafik droge.
Një kandidat nga Partia Demokratike për bashkinë Këlcyrë, Gentian Muhameti, është ndërkohë i dënuar për trafik droge.
Gjithsesi, Partia Demokratike më vonë e tërhoqi Muhametin nga lista e saj e kandidatëve, dukshëm nën presion nga BE dhe SHBA-të.
Partia në pushtet nuk e ka bërë këtë. Një zëdhënës për kryeministrin Edi Rama, kryetar i Partisë Socialiste, mohoi akuzën që partia e tij ka nominuar “ndonjë kandidat të dënuar penalisht nga ndonjë gjykatë vendëse apo e huaj, qoftë me vendim të formës jo të prerë”.
Një zëdhënës i Rroshit i tha BIRN se akuzat janë të pavërteta dhe të motivuara politikisht. Ndërsa zëdhënësi i Bushit nuk iu përgjigj kërkesës së BIRN për koment.
Kryetari i Partisë Demokratike, Lulzim Basha nuk komentoi arsyen pse demokratët e patën mbështetur më herët kandidimin e Muhametit për ta tërhequr atë më pas.
Ambasadori i SHBA-së në Tiranë, Donald Lu dhe kreu i Delegacionit të BE-së, Romana Vlahutin, i thanë BIRN se vendosmëria e dukshme e partive për të kandiduar njerëz të dyshuar për krime përbën një poshtërim të popullit shqiptar.
Gentian Muhameti dhe Lulzim Basha. Foto: Facebook

Gentian Muhameti dhe Lulzim Basha. Foto: Facebook

Që të dy kanë bërë thirrje që votuesit të refuzojnë kandidatët e dyshuar, kur të hedhin votën të dielën.
Vlahutin shtoi se kandidimi i njerëzve me të shkuar kriminale do të ketë edhe pasoja negative në procesin e integrimit të Shqipërisë në BE.
Pas një bojkoti gjashtëmujor të opozitës në parlament, në dhjetor 2014, me ndërmjetësim të Parlamentit Europian, socialistët në pushtet dhe demokratët arritën një marrëveshje dhe premtuan se do të zgjidhin problemin e njerëzve me të shkuar kriminale që garojnë për poste publike.
Gjithsesi, provat e mbledhura nga BIRN tregojnë se partitë politike thjesht po shtireshin përballë Brukselit.
Ironikisht, Artur Bushi si ish deputet, mbështeti në janar një rezolutë të parlamentit, ku bëhej thirrje ndaj partive politike që të pastronin radhët e veta nga njerëzit me të shkuar kriminale.
Para se të bëhej deputet më 2013, policia italiane e arrestoi Bushin më 11 qershor 2010 në qytezën e Gallaratës.
Ata e mbajtën atë deri më 24 korrik atë vit, të dyshuar si pjesë e një organizate kriminale, të njohur si banda e Morriggia-s.
Franco Novati, një ish komandant policie në Gallarate, i cili drejtoi hetimin, i tha BIRN se kjo bandë importonte kokainë nga Hollanda në Itali.
Njoftimi i policisë italiane për bandën Moriggia. Foto: Policia Italiane

Njoftimi i policisë italiane për bandën Moriggia. Foto: Policia Italiane

“Kur ne i vumë nëntë prej tyre nën përgjim, ata folën për ‘pjesë këmbimi’, por ne e dinim se kjo qe fjala në kod për kokainën,” rikujtoi ai.
Novati tha se kokaina vinte nga Amsterdami përmes korrierëve dhe shitej me shumicë te bosët vendorë në Breshia, Modena, Luka dhe Piaçenza.
“Ne ndërhymë në transportin e fundit të 10 apo 11 kileve të kokainës nga Hollanda dhe arrestuam bandën,” shtoi ai.
Gjithsesi, megjithëse Bushi u arrestua, ai nuk u dënua, tha për BIRN zyra e prokurorisë së Busto Arsizio.
“Çështja e Bushit u nda mënjanë nga çështja nr. 1986/2010RGNR mbi bandën Moriggia. Numri i çështjes së re qe 7257/2010,” shpjegoi një zëdhënës.
“Më 20 mars 2011, çështja e Bushit u arkivua dhe u mbyll pa dënim kundër tij,” shtoi zëdhënësi.
Novati tha se Bushi pretendoi në gjykatë se ai po shkonte në Hollandë bashkë me të tjerët, thjesht për të blerë makina dhe për t’i shitur në Itali dhe se nuk kishte dijeni për atë se çfarë bënin të tjerët në Hollandë.
“Policia qe e sigurt që ai qe i përfshirë, por provat nuk qenë të mjaftueshme në gjykatë,” tha Novati. “Ai qe pranë bosit të bandës Morrigia”, shtoi ish-shefi i policisë, aktualisht në pension.
Një kandidat tjetër i akuzuar në të shkuarën – dhe i dënuar – për trafik droge, është ajo e kryetarit të bashkisë Kavajë Elvis Rroshi, i njohur gjithashtu si Ervin Rroshi.
Rroshi, i cili u zgjodh më 2011 si kryebashkiak, po kërkon aktualisht një mandat të dytë në këtë bashki.
Para se të bëhej kryebashkiak, Rroshi qe dënuar në Zvicër për shpërndarje droge.
Një zyrtar i Zvicrës, i cili foli në kushtin e anonimatit, i tha BIRN se të dhënat policore të Zvicrës tregojnë se Rroshi qe subjekt procedimi penal nga viti 1993 deri më 1997.
“Ai u hetua për trafik droge dhe shpërndarje, por nga ajo që mund të shoh unë, qe një peshk i vogël,” tha zyrtari i policisë për BIRN.
“Atij iu dha një dënim i vogël dhe u deportua në Shqipëri pas periudhës së paraburgimit,” shtoi ai.
I njëjti burim tha se autoritetet e Shqipërisë patën kërkuar informacion në vitin 2011 nga homologët e tyre zviceranë nëse Rroshi qe dënuar për trafik droge dhe pastrim parash dhe se ata e patën marrë përgjigjen.
“Interpol Tirana mori të njëjtin informacion,” specifikoi zyrtari zviceran.
Zëdhënësi i Rroshit, Shpend Barameta i tha BIRN se ai nuk ka qenë asnjëherë i dënuar.
“Na vjen vërtet keq që situata dhe histori të tilla sajohen sa herë ka fushata zgjedhore…,” tha ai.
Endri Fuga, këshilltar i kryeministrit Edi Rama, gjithashtu mohoi që ndonjë nga kandidatët e koalicionit të udhëhequr nga socialistët, Aleanca për Shqipërinë Europiane, qe dënuar për krime.
“Partia Socialiste dhe Aleanca për Shqipërinë Europiane po punojnë për një ligj europian dhe demokratik, përmes të cilit të vendoset një vijë e kuqe që ndalon zgjedhjen apo emërimin në detyrat publike të personave me rekorde kriminale,” tha ai.
“Të tjerat janë politikë e llojit të ulët që merr rëndom formën antidemokratike të gjuetisë së shtrigave, të cilën, Partia Socialiste e refuzon me bindje të plotë si mjet famëkeq të së kaluarës diktatoriale apo gjysmëdiktatoriale,” shtoi Fuga.
Gentian Muhameti, kandidat për Këlcyrën, i cili më pas u tërhoq nga Partia Demokratike, qe arrestuar gjithashtu në Itali më 1997, për trafik droge.
Eliana Martella, zëdhënëse e policisë për qytetin e Leçes në Italinë e jugut i tha BIRN se Muhameti qe arrestuar më 20 janar 1997 në Melendugno, provinca e Leçes, me 30 kilogramë marijuanë.
“Ai u dënua me dy vjet burg dhe me 15 milionë lireta [gjobë] (në atë kohë rreth 7,500 euro],” shtoi Martella.
“Ai e pranoi fajin dhe përfitoi një dënim [të reduktuar] prej një viti e gjashtë muajsh burg dhe 10 milionë lireta [gjobë] më 15 mars 1997”, shtoi ajo.
Më 9 qershor, Komisioni Qendror i Zgjedhjeve votoi për të hequr Muhametin nga lista e kandidatëve për Partinë Demokratike. Kolegji Zgjedhor, një gjykatë e specializuar për mosmarrëveshjet zgjedhore, e la në fuqi këtë vendim.
KQZ, njësoj si partitë politike, ka qenë nën presion nga SHBA dhe BE për të ndaluar kandidatët me të shkuar kriminale në zgjedhje.
Drejtuesja e delegacionit të BE-së në Tiranë Vlahutin, i tha BIRN se kjo qe një çështje për të cilën BE “ka lobuar fort… për shkak se zyrat publike janë për t’i shërbyer popullit”.
“Të vendosësh nëpër lista njerëz për të cilët ka të dhëna se janë të përfshirë në aktivitet kriminal, veçanërisht trafik droge, trafik qeniesh njerëzore dhe prostitucion, është fyese dhe poshtëruese për qytetarët, votat e të cilëve kërkojnë këto parti politike,” tha ajo.
“Në procesin e integrimit do të analizohet gjithashtu angazhimi për t’i dhënë qytetarëve qeverisjen më të mirë, kështu që do të ketë efekt, por ne duhet të jemi njësoj, madje edhe më shumë të shqetësuar për pasojat që kjo do të ketë mbi shoqërinë [shqiptare],” shtoi Vlahutin.
Ambasadori i SHBA-së në Tiranë, Donald Lu, i cili ka bërë gjithashtu përpjekje kundër nominimit të kandidatëve me të shkuar kriminale, thotë se Shqipëria meriton të ketë kandidatë më të mirë.
“Nëse do të zgjidhen, ata do pretendojnë se ju mbështesin, ndërkohë që vjedhin paratë tuaja për të financuar Mercedezët e zinj luksozë, vilat anës detit apo rezidencat e tyre skandaloze. Shqipëria meriton më shumë,” tha ai mbi këta kandidatë.
“Tashmë i takon votuesve t’i refuzojnë këta kriminelë që përbëjnë tallje për sistemin politik të Shqipërisë,” shtoi ai./BIRN/

[Duke_Of_Arberia]

Ambasada e SHBA dënon shantazhin e Sejdinit ndaj gazetarëve

Postuar në 17 Qershor, 2015 03:06

Një ditë pas publikimit të videos ku shfaqej kryebashkiaku i Elbasanit, Qazim Sejdini, që shantazhonte gazetarët, vjen edhe reagimi i Ambasadës Amerikane në Tiranë. Përmes një shënimi të Twitter, ambasada dënon çdo lloj kërcënimi apo kanosje kundër gazetarëve.

“Kur shtypi është i lirë, demokracia është më e fortë. Një shoqëri e lirë s’ka vend për kërcënime apo kanosje të çdo lloji kundër gazetarëve”, thuhet në Teitterin e Ambasadës.

Përveç rastit të Qazim Sejdinit, reagimi i ambasadës së SHBA-së, lidhet edhe me kërcënimin e ISIS ndaj gazetares së Gazetës Shqiptare, Aurora Koromani./Lapsi.al/


Meqenese kemi nevoje edhe per citime nga organet e huaja, po e sjell te plote reagimin e ambasades amerikane, ne lidhje me Qazon, qe tenton te futet ne histori si djegesi i plehrave ne mes te qytetit...

[Duke_Of_Arberia]

Durim Bami, fushatë për Artur Bushin

Postuar në 16 Qershor, 2015 11:06

“Persona në arrest shtëpie, të njohur si element të rëndësishëm në procese të rënda hetimi janë shfaqur në fushatë në mbështetje të kandidatëve lokal. Durim B, personi I shfaqur në foto është nën masën e arrestit nga Gjykata e Lartë për një çështjet hetimore bombastike të vitit të fundit. Kjo nuk e ka penguar atë të thyej masën e arresti dhe të shfaqet në vizita elektorale të kandidatit për kryetar Bashkie në Krujë.”

Ky denoncim vjen nga “Za Lart”, një organizatë që po monitoron procesin zgjedhor në Shqipëri. Sipas saj, Durim Bami, personi që Tom Doshi tha se ishte paguar nga Ilir Meta për ta ekzekutuar, shfaqet në mbështetje të kandidatit socialist për Bashkinë e Krujës, ish –deputetit Artur Bushi. Edhe Bushi është akuzuar publikisht nga PD se ka qënë i arrestuar në Itali për trafik droge, por ai i ka mohuar akuzat. Bami është në arrest shtëpie, pasi Gjykata e Lartë e ndryshoi masën e sigurisë. Fotot janë marrë nga faqja zyrtare në Facebook e kandidatit Artur Bushi.

[Duke_Of_Arberia]

Artur Bushi heq fotot me Durim Bamin nga faqja në Facebook

Postuar në 16 Qershor, 2015 02:06

Kandidati i majtë për Krujën, Artur Bushi, heq nga faqja e tij në Facebook fotot me Durim Bamin. Kjo vjen pak pas raportimit në media se Durim Bami, personi që Tom Doshi tha se ishte paguar nga Ilir Meta për ta ekzekutuar, shfaqet në mbështetje të kandidatit socialist për Bashkinë e Krujës, ish –deputetit Artur Bushi. Bami është në arrest shtëpie, pasi Gjykata e Lartë e ndryshoi masën e sigurisë, por ai thyen vendimin e gjykatës dhe del për fushatë në mbështetje të Artur Bushit. Ky i fundit është akuzuar nga opozita dhe media për të shkuar kriminale, si pjesë e rrjeti të trafikut të drogës./Lapsi.al/

[Duke_Of_Arberia]

Artur Bushi heq fotot me Durim Bamin nga faqja në Facebook

Postuar në 16 Qershor, 2015 02:06

Kandidati i majtë për Krujën, Artur Bushi, heq nga faqja e tij në Facebook fotot me Durim Bamin. Kjo vjen pak pas raportimit në media se Durim Bami, personi që Tom Doshi tha se ishte paguar nga Ilir Meta për ta ekzekutuar, shfaqet në mbështetje të kandidatit socialist për Bashkinë e Krujës, ish –deputetit Artur Bushi. Bami është në arrest shtëpie, pasi Gjykata e Lartë e ndryshoi masën e sigurisë, por ai thyen vendimin e gjykatës dhe del për fushatë në mbështetje të Artur Bushit. Ky i fundit është akuzuar nga opozita dhe media për të shkuar kriminale, si pjesë e rrjeti të trafikut të drogës./Lapsi.al/


Bushi i denuar ne Itali flet lirite dhe te drejtat e njeriut... Ironi pa kufi

[Duke_Of_Arberia]

Jo politikë me fenë/ KMSH reagon pas përfshirjes së një imami në fushatë nga Veliaj

Postuar në 16 Qershor, 2015 10:06

Erion Veliaj do të mbahet mend si politikani i parë shqiptar që përfshiu hapur fenë në një fushatë elektorale. Nuk kishte ndodhur më parë: një imam bëri thirrje për ta votuar atë në Farkë. Imami Naim Leci këndoi edhe “sure” në arabisht në takimin elektoral, diçka e padëgjuar deri më sot në Shqipëri. Komuniteti Mysliman i Shqipërisë është irrituar nga kjo ngjarje e parprecedent. Ky institucion bëri një deklaratë për shtyp për të sqaruar paanshmërinë e tij ndaj spektrit politik dhe për t’u distancuar nga ata që përdorin dhe flasin në emër të tij dhe të fesë për fushatë elektorale.

“Komuniteti Mysliman i Shqipërisë, duke vlerësuar rëndësinë e ushtrimit të votës së lirë si një e drejtë kushtetuese e çdo qytetari, i bën thirrje besimtarëve myslimanë dhe mbarë qytetarëve shqiptarë që ta përmbushin këtë detyrim në qetësi qytetare dhe në respekt të plotë të normave më të bukura që ne trashëgojmë.

Komuniteti Mysliman i Shqipërisë në përmbushje të funksionit të tij institucional ndaj besimtarëve dhe qytetarëve të këtij vendi shpreh paanshmërinë ndaj spektrit politik, si dhe distancohet ndaj çdokujt që përdor emrin e KMSH dhe tenton të flasë në emër të fesë për efekte elektorale.
Ne inkurajojmë të gjithë besimtarët të shprehin të drejtën e tyre ligjore përmes votës së lire, sikurse ata individualisht e gjykojnë të arsyeshme, për të dhënë kështu kontributin për qytetin e tyre.”

Reagimet për teatrin e radhës së kandidatit Erion Veliaj kanë qenë të shumta. Por vetë ai nuk ka bërë asnjë deklaratë për t’u distancuar nga përfshirja e fesë në politikë, si një akt i rrezikshëm që mund edhe të krijonte përçarje, sic u shpreh edhe kryetari i tij, kryeministri Rama, në Konispol. Rama madje i mallkoi ata që përmendnin faktin se kandidati i mazhorancës në Konispol nuk duhej votuar, pasi ishte ortodoks. Lapsi.al


Per tu pershendetur, ndonese tejmase i vonuar dhe i shkelur po prape nga zv/kryetari i KMSH-se ne Librazhd mbas dy ditesh!

[Duke_Of_Arberia]

Imami i xhamisë në krah të Veliajt: Ky do të bëhet kryetar i PS (video)

Postuar në 14 Qershor, 2015 06:06

Feja nuk ishte përfshirë deri tani në fushatën elektorale. Edhe ajo që nuk kishte ndodhur deri tani, ndodhi këtë të diel. Pasi nuk ka mbetur më parti, shoqatë apo rrymë pa përfshirë në koalicionin e tij, kandidati i së majtës për Tiranën, Erion Veliaj shkoi edhe më tej. Ai ka dalë të dielën pasdite në krah të një imami xhamie duke bërë fushatë gjatë një takimi të zhvilluar me banorët e Farkës. Atë e prezantuan si përfaqësues të Frymës së Re Demokraktike, por që në fillim Naim Leci tha se ishte banor i zonës dhe imam i xhamisë. Ai ka thënë disa shprehje në gjuhën arabe dhe më pas ka uruar fitoren e Veliajt. Leci ka shkuar edhe më tej pasi tha se “jo vetëm kryetar bashkie, por Veliaoj do të behet edhe kryetar i Partisë Socialiste”. Sipas tij shenjat janë të qarta. Komuniteti Musliman Shqiptar ka qëndruar larg komenteve politike, por pjesëmarrja e një imami në fushatë elektorale është diçka për të cilën ky institucion duhet të kërkojë sqarime.






Skandaloze, jo se mbeshtet Veliajn apo Halimin, por per perfshirjen e tij ne fushate. Nderkohe qe eshte koshient se s'ka asnje argument fetar ne ate qe ben ky zoteria, per me teper qe kjo gje eshte Harram!!!