Incidentet ne zgjedhjet lokale

[Duke_Of_Arberia]

PD: Shefi i policisë së Vorës dhe kreu i AKU, pjesë e skenarit kriminal të Metës (foto)

Postuar në 14 Qershor, 2015 01:06

Partia Demokratike publikoi disa foto në të cilat shfaqet shefi i komisariatit të policisë së Vorës, Bujar Laze nga Skrapari dhe drejtori i AKU, dy njerëz që sipas saj janë vënë në shërbim të kandidatit të LSI –së në Vlorë. Demoratët e akuzuan Ilir Metën se po zbaton në Vorë një skenar kriminal me njerëzit që ka emëruar në polici e institucione të tjera dhe me elementë kriminalë që bashkëpunojnë me ata.

“Duket qartë, Bujar Laze nga Skrapari, shefi i komisariatit të Vorës, në shërbim të kandidatit të Ilir Metës. Ky tjetri këtu është edhe drejtori i AKU, i cili ka spikatur me sulmet ndaj biznesit të kandidatit të Partisë Demokratike. Dhe në sfond, janë si gjithnjë banditët e makinave me xhama të zinj, që vijnë lart e poshtë gjithë ditën e gjithë natën në Vorë”, u shpreh deputeti i Tiranës, Keltis Kruja.

Sipas Partisë Demokratike “pjesë e këtij skenari kriminal të Ilir Metës, në traditën e tij të shëmtuar të zgjedhjeve të vitit 2001, është dhe inskenimi me metodat e sigurimit të shtetit i ngjarjeve dhe dëshmive të sajuara për të manipuluar opinionin publik. Një ditë më parë policia e Tiranës njoftoi se ndaj kandidatit të PD në Vorë, Fiqiri Ismailit ishte nisur një procedim penal në gjendje të lirë pasi dyshohet për blerjen e 2 votave. Sipas policisë, ai u ka dhënë 2 qytetarëve nga 10 mijë lekë për të blerë votat e tyre.

[Duke_Of_Arberia]

Zgjedhjet lokale, 21 raste raportimi për blerje vote

Postuar në 13 Qershor, 2015 01:06

Deri në datën 12 qershor, në portalin Za’Lart kanë mbërritur 200 raportime qytetare. Ato përmbajnë informacion dhe denoncime për abuzime në kuadër të fushatës zgjedhore. Raportimet janë të ndara në 12 kategori shkeljesh, ku numri kryesor i raportimeve ka të bëjë me raste të keqpërdorimit të administratës dhe sektorit publik.

Për këto lloj shkeljesh ka një sensibilitet të lartë që përkon me 44% të rasteve të raportuara apo thënë ndryshe me 98 raportime. Tentativa për blerje të votës kundrejt parave apo me shërbime dhe kundrejt interesave të drejtpërdrejta është raportuar në 21 raste. Vend në raportime qytetarë zënë edhe njoftimet për tensione dhe parregullsi sikurse ndërhyrja apo prezencë e forcave të policisë së shtetit.

Sa i takon përdorimit të sektorit publik konstatohen raste të urdhëruara të prezencës së punonjësve të administratës në mitingje elektorale, kërkesa për ta deklaruar dhe premtuar votën kundrejt mundësive për të mbajtur vendin e punës. Raste tipike janë largimet e bluzave të bardha nga spitalet dhe qendrat shëndetësore për pjesëmarrje në takime elektorale në orar të punës dhe duke lënë pa kujdes edhe pacientët përkatës.

Këto raportohen në Librazhd, Fushë Arrëz, Mirditë dhe Berat. Gjithashtu konstatohen raste më të përshkallëzuara të përdorimit të sektorit publik në bashki ku rikandidojnë kryetarët aktualë.

Tentativa për ta pasur votën e 18- vjeçarëve duke tentuar të rekrutohen ata në shkolla publike, është një detaj që është raportuar në Vorë, Rrëshen, Kukës, Kamëz dhe Lezhë.

Probleme janë vënë re edhe me objektet që do të përdoren si qendra për KZAZ ku raportohen se shumë prej tyre janë në godina publike të papërshtatshme si godina të bashkive, objekte të institucioneve që refuzojnë të vënë sallat në dispozicion të KZAZ-ve apo raste të godinave të shkollave të mesme të cilat në datën 19 qershor vetëm 48 orë para votimeve do te jene ne dispozicion te matures shtetrore.

Janë deri tani 21 raste raportimi për blerje vote.

“Theksojmë se deri tani ato nuk përbëjnë raste tipike të vërtetuara, të blerjes së votës kundrejt shumave konkrete. Por nisur edhe nga eksperienca me Za’Lart 2013, ngjarje të tilla shënohen me intensitet në javën e fundit të fushatës e për këtë i bëjmë thirrje qytetarëve ti raportojnë raste të tilla në Za’Lart,” thekson kjo organizatë./Za'Lart/

[Duke_Of_Arberia]

Rrihet me grushta koordinatori i fushatës së PD në Durrës

Postuar në 12 Qershor, 2015 04:06

Shenohet nje tjeter incident elektoral ne Durres. Ne zyren elektorale te PD-se ne lagjen nr.10, Agron Haxhija dhe Luan Haxhija për motive të dobëta janë konfliktuar dhe kanë goditur me grushta koordinatorin e fushatës zgjedhore shtetasin Meritan Stari 45 vjeç, banues në Durrës. Policia ka nisur procedim penal ndaj ketyre shtetasve. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Dëmtime të tjera me dashje” parashikuar në nenin 90 të Kodit Penal./Lapsi.al/

[Duke_Of_Arberia]

https://m.youtube.com/watch?v=Aq4mcoK9qQk


Skandali/ Ja si manipulohen listat e votuesve në Vorë (VIDEO)

Postuar në 12 Qershor, 2015 02:06

Nje jave para mbajtjes se zgjedhjeve, zbulohet skandali me manipulimin e listave te votuesve. Dhe pikerisht ne Bashkine Vore, per te cilen eshte debatuar se fundmi edhe ne Kuvend. News24 ka sjellë një video ku konfirmohet qartë shtimi i personave fiktivë në listat zgjedhore në Bashkinë e Vorës. Behet fjale per rreth 500 votues. Polici Jaho Leka qe shfaqet ne video ka konfirmuar se prej një viti paguhej me 100 mijë lekë të vjetra për të shtuar emra fiktivë në listat zgjedhore. Per kete ai ka bashkepunuar edhe me nje noter. Shihni videon:

[Duke_Of_Arberia]

Mesazhi kërcënues ndaj kandidatit në Pogradec: Hiq dorë ose pas 3 ditësh të zhduket një familjar

Postuar në 11 Qershor, 2015 06:06

Pak orë pasi nga selia blu, Edi Paloka denoncoi kërcënimin që i është dërguar me sms kandidatit të opozitës në Bashkinë Pogradec, Lapsi.al sjell procesverbalin për kallëzimin penal që Eduart Kapri ka bërë në prokurori. Po kështu zbardhet edhe teksti i mesazhit kërcënues.

“Hiq dorë brenda tre ditësh duke shpikur ndonjë arsye për motiv shëndetësor apo personal ndryshe një pjesëtar i familjes të dne do zhduket. Mos të shkoj mendja te policia se pasojat do të jenë të menjëhershme”, thuhet në mesazhin që i është dërguar Kaprit nga numri 069 21 42 957.

Në proçesverbal kandidati i PD-së e përshkruan me detaje momentin se ku ishte kur i mbërriti ky mesazh dhe me vullnetin e tij kërkon ndjekje penale të kësaj çështje. Ai gjithashtu pohon se nuk ka dyshime për ndonjë që mund ta ketë bërë këtë veprim./lapsi.al/

[Duke_Of_Arberia]

https://m.youtube.com/watch?v=Hqpbr0hE8wk

Shikoni çmendurinë e kryetarit LSI Shijak, pasi polici i vendos gjobën (video)

Postuar në 11 Qershor, 2015 01:06

Eduard Lala, kryetari i degës së Partisë Lëvizja Socialiste për Integrim në Shijak, ka reaguar në një mënyrë të pazakontë kur polici e ka ndëshkuar me gjobë. Me sa duket, pas bllokimit të mjetit dhe debatit me policinë, Eduard Lala është nervozuar aq shumë sa në shenjë proteste ka ngritur një gur të madh dhe i është sulur xhamit të makinës së tij duke e thyer. Veprimi jashtë normales, është kërkuar nga vetë Lala të xhirohet (siç dëgjohet në videon më poshtë). Kryetari i LSI në Shijak është emri i parë në listën e Këshillit Bashkiak të Këtij qyteti.

[Duke_Of_Arberia]

PD e Cërrikut denoncon dhunimin e një simpatizanti, Boja: Erjon Bahën e goditën me makinë.

CERRIK– Një tjetër denoncim për dhunë ndaj një simpatizanti të Partisë Demokratike, vjen kësaj here nga zyra e kësaj force politike në Cërrik. Sipas Qamil Bojës, simpatizanti i PD-së Erjon Baha është goditur me makinë nga persona ende të paidentifikuar.

Si pasojë e dëmtimeve të marra, i riu Baha është dërguar me urgjencë në kirurgjinë e spitalit të Elbasanit, ku është vizituar edhe nga kreu i Partisë Demokratike Lulzim Basha.

Lidhur me ngjarjen, nipi i kandidatit të së djathtës në Cërrik, Qamil Boja, është shprehur se “E kanë goditur Erjon Bahën teksa po ecte me makinë. E goditën me makinë nga mbrapa simpatizantë të LSI-së në Cërrik. Ngjarja ka ndodhur në Shtërmen, në orët e para të mëngjesit. Si pasojë e goditjes, Erjon Baha ka përfunduar në kanal dhe është dëmtuar”.

Vetë Boja, dy ditë më parë ka denoncuar ushtrimin e dhunës ndaj tij në aksin rrugor Papër-Banjë, sipas tij nga simpatizantë të LSI-së.

Nisur nga këto ngjarje, Partia Demokratike në Cërrik akuzon maxhorancën se po ushtron presion ndaj qytetarëve dhe simpatizantëve demokratë.

(BalkanWeb)

[Duke_Of_Arberia]

Klos, goditet shoferi i kandidatit të APPD-së


MAT- Mbrëmë në orët e vona në afërsi të bashkisë Klos në fshatin Shulbatër është goditur shoferi dhe njëkohësisht i afërm i kandidatit të APPD për Bashkinë Klos. Bledar Shahini, është goditur nga shefi i krimeve në Komisariatin e Policisë Mat, Ferdi Kola, njëkohësisht Bashkëshort i Kandidates së ASHE-së Valbona Kola. Kreu i PD Mat, Alfred Ahmetcenaj thotë se situata është tepër e rëndë. Ai tregon se ndaj shefit të krimeve Kola është bërë kallëzim penal në Prokurorinë e Rrethit të Matit.



(m.k/BalkanWeb)

[Duke_Of_Arberia]

Vorë, vijon blerja e votave, kapen furgonë me miell dhe lista të banorëve



TIRANË- Vijon blerja e votës në Vorë, edhe 24 orë para ditës së votimit. Në fshatrat e Vorës nga ana e kryetarit aktual të bashkisë, po vijon shpërndarja e miellit me furgon. Në mesditë në fshatin Malsubash të Marikajt është kapur një furgon me miell i firmës Agro Blend që shpërndahej tek banorët e zonës në këmbim të votës.


Ndërkohë është bërë i mundur shoqërimi në polici i drejtuesit të mjetit shtetasit Beqir S., i cili po merret në pyetje.

Shoferit i është gjetur dhe një listë me 27 emra, disa prej të cilëve iu është dërguar mielli dhe disa të tjerëve ishte planifikuar për t’iu shpërndarë sot. News24 sjell pamjet e listës dhe furgonit me targë TR 4798 G me miell.

Problemi i shitblerjes së votave është kthyer në një shqetësim real për bashkinë e Vorës. News24 publikoi më herët video dhe materiale filmike që provonin se si banorët e Vorës thirreshin në zyrat e firmës Agro Blend dhe iu shpërndahej nga 100 mijë lekë të vjetra për person. Kjo është një tjetër video ku shtetasi me iniciale B.S. nxjerrë lekët që ka marrë tek firma Agro Blend. Ndërsa në këto foto duket i njëjti shtetas që pret jashtë ambienteve të firmës private të kryetarit të bashkisë Fiqiri Ismaili, në të njëjtë kohë që në fshatra apo zona të thella të zonës shpërndahej miell me furgon.

https://m.youtube.com/watch?v=vJPYOOkByxg

(m.k/BalkanWeb)

[Duke_Of_Arberia]

Shijak, kallëp tritoli në portën e komisionerit të PD, Xhaferri: Tregon panikun që ka kapur palën kundërshtare



https://m.youtube.com/watch?v=P8-mOB9uUeY


(në përditësim) SHIJAK- Një kallëp tritoli është gjetur pranë banesës së një aktivisti të Partisë Demokratike në fshatin Sallmone në Shijak. Sipas të dhënave të para, tritoli është vendosur në hyrje të banesës së Altin Allës, i cili mësohet se do të jetë komisioner i PD-së të dielën në një qendër votimi në Shijak.


Ka qenë vetë Alla që ka konstatuar pakon e dyshimtë dhe ka njoftuar forcat e policisë.

Menjëherë pas kësaj, blutë e Durrësit janë nisur drejt vendit të ngjarjes, dhe kanë nisur këqyrjen dhe hetimin për rastin, duke larguar edhe lëndën plasëse që me sa duket nuk ka pasur fitil apo ndezës.

Menjëherë për ngjarjen ka reaguar Partia Demokratike në Shijak, e cila pohon se Altin Alla është aktivist i kësaj force politike. Ndërkohë përfaqësuesi i PD-së, Ferdinand Xhaferri deklaroi se kjo ngjarje tregon panikun që ka kapur kundërshtarët.

“Dëshpërimi godet zgjedhjet me tritol. Kjo tregon panikun që ka kapur palën kundërshtare”, ka thënë Xhaferri. Ndërsa vetë aktivisti, Altin Alla është shprehur se nuk ka asnjë problem më ndonjë person.

“U hutova dhe u tmerrova kur pashë tritolin. Nuk kam pasur probleme me asnjë”, ka thënë Alla.

(BalkanWeb)