Incidentet ne zgjedhjet lokale

[Duke_Of_Arberia]

Persona të armatosur me kallashnikovë terrorizojnë familjen e përfaqësuesit të PD në Elbasan

Postuar në 18 Qershor, 2015 11:06

Një ngjarje e rëndë është regjistruar në lagjen “Rome” të Elbasanit, ku një bandë prej 4- 5 personash të armatosur kanë hyrë në shtëpinë e përfaqësuesit të PD për këtë zonë elektorale sot në mbrëmje rreth orës 22.00. Ai ka mundur t'u shpëtojë atyre duke u hedhur nga dritarja dhe më pas është larguar nga oborri i shtëpisë fqnije.

Personat e armatosur kanë hyrë brenda në shtëpi dhe pasi nuk e kanë gjetur përfaqësuesin e PD, kanë terrorizuar gruan dhe fëmijët e tij duke u vënë armët në kokë. Lajmi konfirmohet nga fqinjët, por edhe nga deputeti i PD, Ridvan Bode, i cili ka mbërritur në vendngjarje menjeherë sapo ka marrë vesh lajmin. Sipas dëshmitarëve, këta persona janë parë edhe një natë më parë në këtë lagje. Njerëz të PD dyshojnë se mund të bëhet fjalë për persona me precedentë penalë, të cilët kanë ardhur në Elbasan nga jashtë për të ushtruar shantazh përpara ditës së votimeve.

Ndonëse disi me vonesë, policia ka mbërritur në vendngjarje. Aty kanë shkuar edhe shefi i komisariatit dhe ai i krimeve për Elbasanin. Policia është vënë në ndjekje të grupit të armatosur, të cilët hynë me forcë në shtëpinë e përfaqësuesit të PD për zyrën elektorale të Adrian Turkut në lagjen e romëve. /lapsi.al/

[Duke_Of_Arberia]

https://m.youtube.com/watch?v=DgPm608z8ik

Video-Skandali/ Karta identiteti për Safet Gjicin

Postuar në 18 Qershor, 2015 07:06

Ashtu siç pati paralajmëruar një ditë më parë në studion e Abcnews, ish kryeministri Berisha ka bërë publike sot një video, në të cilën shihet dialogu mes një personi të lidhur me shtabin e kandidatit të PS për bashkinë e Kamzës, Safet Gjici dhe një gruaje që i ofron atij plot 70 karta identeti si kontigjent votash për të dielën e 21 qershorit.

Ky fakt skandaloz është në vazhdën e denoncimeve të shumta, përfshi edhe një material flagrant të transmetuar nga Agon Channel, ku jepen prova se persona që nuk gjenden fare në Shqipëri, pritet të "votojnë" pikërisht me këto karta të trafikuara.

Në videon e publikuar sot nga Sali Berisha, një pjesë e këtyre kartave, 70 copë, mbërrijnë sipas një porosie të bërë më parë, tek njerëzit e Safet Gjicit. Më poshtë dialogu i plotë dhe video që tregojnë hapur se çfarë po luhet nëntokë me procesin zgjedhor, të publikuara sot nga ish kryeministri Berisha.

Ajo: Ça bëne?

Ai: Hiç si kaloni

Ajo: Hiç mirë për zotin

…

Ai: Ça bëhet nga Tirana?

Ajo: Hiç, a ishe andej me pyet për atë?

Ai: … Nuk është t’u bë gjë njëherë për momentin, të shohim mos bëjmë gjë më vonë…

Ajo: I gjeta unë…njehere

Ai: Do pish gjë?

Ajo: Jo rrofsh, se do lëviz. Unë erdha sa me fol pak se ty isha duke të kërkuar. Fola pak me (nuk dëgjohet emri i personit). I gjetëm nja 70 copë.

Ai: Sa?

Ajo: 70 karta

Ai: 70? A janë me pashaportizim?

Ajo: Me pashaportizim ketu janë

(ai ngre telefonin)

Ajo: Me kë flet tashi me Safetin apo atë tjetrin?

Ai: Të dy shokë jena.

Ai: Ça bone, ka je? Te shtabi aty je? A është Ladi aty (Ladi mendohet se është Vladimiri, vëllai i Safet Gjicit)? Po Vini, as Vini? Vini, është? Ej, 70 copë! 70, po.

Ai: Gjysëm ore? Mirë në rregull. Hajt.

(Ai mbyll telefonin)

Ai: Të kthej përgjigje për gjys ore më thotë ai shoku im, se jam aty në Kamëz.

Ai: A ke ndonjë nr telefoni?

Ajo: A përdor ëhats app?

Ai: Jo pra se kam

Ajo: Ose në facebook, më shkruaj në facebook.

[Duke_Of_Arberia]

Prokuroria nis verifikimet për votuesit fiktivë në Vorë

Postuar në 18 Qershor, 2015 05:06

Prokuroria e Tiranës ka nisur verifikimin e kontratave të qerasë për 60 familje në Vorë, bashkinë e cila së fundmi ka përfshirë në debate LSI-në dhe opozitën. Hetuesit do të shohin në terren nëse në banesat e dhëna me qera, jetojnë apo jo familje. Po kështu pritet të zbardhet nëse një kontratë qeraje është dhënë më shumë se dy herë në emër të një familje. Një hetim i ngjashëm me këtë ka nisur edhe në Durrës, pas kallëzimit të bërë nga Partia Demokratike. Një pjesë e madhe e atyre që dyshohen si e emra fiktivë në listat e votuesve, janë emigrantë. Organi i akuzës do të verifikojë përmes sistemit TIMS nëse këto familje kanë qenë në territorin shqiptar në kohën kur janë lidhur kontarat e qerasë./Lapsi.al/

[Duke_Of_Arberia]

Ambasadorja e BE-së: Mos e shisni votën, raportoni parregullsitë

Postuar në 18 Qershor, 2015 03:06

Romana Vlahutin, ambasadorja e BE-së në Tiranë, u ka bërë thirrje qytetarëve që të denoncojnë çdo formë presioni që u bëhet për votën. Deklaratat ajo i bëri në takimin që u organizua tek “The Elections Situation Room” që është një nismë për vëzhgimin zgjedhor e ngritur nga fondacioni SOROS.

“Ne e dimë që do të ketë ndoshta presione që do të vihen , presione për të blerë një votë, për të dhënë rryshfet, për të bërë gjëra të tilla, po për këtë gjë , për këtë lloji transaksioni që ky të ndodhë duhet që nga ana tjetër të jetë një person i cili dëshiron ta bëjë këtë, ndaj kërkesa jonë për ju është ju lutem mos e bëni, ju lutem mos merrni pjesë në një transaksion të tillë. Po ashtu do tu bëja thirrje të gjithë qytetarëve që të mos qëndrojnë pasivë, përkundrazi në rast se shikojnë një parregullsi, në rast se shikojnë diçka që nuk shkon ju lutem raportojeni ose denoncojeni atë.”.

Më tej përfaqësuesja e BE-së në Shqipëri garantoi se ndërkombëtarët do të monitorojnë fort zgjedhjet./Lapsi.al/

[Duke_Of_Arberia]

Rama, fushatë në xhami

Postuar në 18 Qershor, 2015 11:06

Kryeministri Edi Rama mallkoi ata që po ngjallnin përçarje duke përzier fenë në fushatën elektorale në Konispol. Pak ditë pasi mallkimi i tij bëri xhiron e botës në televizione, agjenci lajmesh, portale e rrjete sociale, kreu i qeverisë kërkoi në emisionin Opinion të gazetarit Blendi Fevziu, mbrëmë, që feja të mos përzihej në politikë. E madje tha se në raste të tilla do ta përsëriste pa droje mallkimin. Por vetë kryeministri është shfaqur duke bërë fushatë në një xhami. Fotoja është marrë teksa ai ka vizituar xhaminë e re të Dragostunjës, në Librazhd. Është bërë pak orë përpara intervistës në Opinion. Kryeministri shfaqet në xhami me bluzën që mban veshur në fushatë, atë me numrin që PS ka në fletën e votimit. Përpara imamit të xhamisë, myftiut të Tiranës Ylli Gurra, disa besimtarëve dhe banorëve të Dragostunjës ai mbajti edhe një fjalim ku foli për ndërtimin e xhamisë së re si simblo të vullnetit të mirë, të realizuar me kontributet e besimtarëve dhe jobesimtarëve. Kryeministri uroi edhe besimtarët për muajin e Ramazanit. Zyra e shtypit në kryeministri saktësoi se ai e zhvilloi këtë aktivitet në rolin e kreut të qeverisë dhe jo si kryetar i Partisë Socialiste, ndonëse mbante para besimtarëve simbolet e partisë. Sipas saj, kreu i qeverisë devijoi nga rruga që po bënte për të shkuar në Librazhd në një takim elektoral. Por duket se gjithçka ka qenë e menduar. Xhamia ishte zbukuruar për pritjen e kryeministrit dhe dhjetëra banorë ishin njoftuar për t'u grumbulluar për ta pritur. Shfaqja e simboleve të PS dhe numrit që kjo parti ka në fletën e votimit është një thirrje ndaj besimtarëve për ta votuar këtë subjekt, çka është një përzjerje e pastër e politikës me fenë. Pak ditë më parë në Tiranë, Erion Veliaj bëri pjesë të fushatës së tij imamin e Farkës, i cili në një takim elektoral me militantë e simpatizantë të Partisë Socialiste, bëri thirrje për të votuar Veliajn.



Pertej incidenteve te shumta, perfshirja e klerikeve ne kete fushate, eshte diçka e pashembullt dhe teper e rreziksshme! Uroj te mos ndodhi me kurre

[Duke_Of_Arberia]

Rama gënjen për Elvis Roshin. Thotë se nuk ka qenë i dënuar. Ja vendimi i dënimit

Postuar në 17 Qershor, 2015 10:06

Në emisionin Opinion të gazetarit Blendi Fevziu kryeministri Edi Rama tha se kandidati i PS për Kavajën, kryebashkiaku aktual Elvis Roshi nuk ishte dënuar asnjëherë. Lapsi.al publikoi pak ditë më parë vendimin e gjykatës së Kavajës të vitit 2000 që e dënonte Roshin me gjobë për plagosje me dashje me armë. Roshi në atë kohë mbante emrin Ervin. Babai i Roshi ka pohuar publikisht se Elvisi quhet Ervin. Vendimi është ky që shihni mësipër. Prokurori kishte kërkuar dënimin me 2 muaj burg, por pasi Roshi e pranoi krimin me anë të avokatit, gjykata dha dënim me gjobë.

[{A_N_G_E_L_69}]

Po Kallashi qe plasi mbremene Lezhe sapo shkoi deputetja e LSI Monika Kryemadhe, keni urdher nga lart qe mos ta postoni kshu e...

Vaj medet thuaaaj

[Duke_Of_Arberia]

Ti shoku me je ngjitur si Meta poshte kepuces dikur Saliut!
Publikoje si artikull dhe te lutem mos hajde te komentosh apo te replikosh ne çdo postim timin anembane forumit! S'ke pune tjeter me çfare te merresh kshu???

[Duke_Of_Arberia]

Video: Kryebashkiaku socialist i Elbasanit duke i bërë shantazh gazetarëve!
Regjistrimi video/ Kapet Qazim Sejdini duke shantazhuar gazetarët



Një material filmik, ku kryetari aktual dhe njëkohësisht kandidat për bashkinë e Elbasanit, Qazim Sejdini, kërcënon hapur gazetarët e një televizioni lokal atje, u bë publik sot nga televizioni AbcNews.
Në këtë regjistrim, kryetari Sejdini, fare hapur u kërkon gazetarëve të jenë të kujdesshëm kur ta intervistojnë atë, pasi interesat e pronarit të tyre janë të lidhura me të si kryebashkiak. "Ju nuk mund të dilni kundër pronarit tuaj, pronari është i lidhur me pushtetin pazgjidhmërisht dhe nuk ka ku ta luajë topin", u thotë Sejdini gazetarëve, duke u sjellë si shembull rastin e një kolegu të tyre, që nuk kishte vepruar sipas kësaj porosie dhe tashmë ishte i papunë.
Lapsi.al mësoi se kjo histori e shëmtuar, ku kryebashkiaku i qytetit shfaqet si një "padrino" që kontrollon gjithçka, ka ndodhur përpara se gazetari dhe kameramani i një tv lokal në Elbasan të bënin një intervistë në zyrën e tij. Përpara intervistës, Sejdini u ka kërkuar atyre të fikin kamerën për t'u dhënë disa "porosi" që t'i kishin parasysh kur të bënin pyetjet. Dhe porositë dalin qartë, me zë dhe me figurë, se si përfaqësuesi më i lartë i pushtetit vendor shantazhon gazetarët. Nëse më ngacmoni do ta pësoni nga pronari juaj pasi interesat e pronarit janë të lidhura me mua. Ky është shkoqur mesazhi që u jep Sejdini gazetarëve në mënyrë brutale.
Eshtë folur shumë për presionin që pushteti ushtron mbi mediat. Eshtë folur po ashtu edhe për pronarët e mediave që janë të lidhur me interesa të ngushta me pushtetin dhe për rrjedhojë janë vënë në shërbim të njëri- tjetrit. Por rasti i Qazim Sejdinit është dëshmi e hapur e faktit se këto lidhje okulte kanë arritur në atë nivel sa tashmë shfaqen në mënyrë arrogante dhe thuajse legale. Eshtë e para herë që një përfaqësues kaq i lartë i pushtetit pranon hapur lidhjen e interesave me biznesin dhe e përdor këtë lidhje si kërcënim mbi gazetarët.
Rreth një minutë e pak regjistrim, dëshmojnë se si mund të jetë përdorur bashkia e një qyteti në dëm të qytetarëve dhe në shërbim të një grushti njerëzish. Sigurisht që nuk është vetëm Elbasani, janë edhe shumë qendra të tjera pushteti, është edhe vetë qeveria. Regjistrimi i Elbasanit vetëm sa sjell një provë të gjallë të asaj që njerëzit e dinë dhe e përflasin prej kohësh. Abuzimin me pushtetin, korruptimin, mungesën e transparencës dhe përqëndrimin e parave tek një grusht njerëzish. Dhe nëse guxon të flasësh për këtë, mund të mbetesh edhe pa punë. Qazim Sejdini sjell edhe shembuj për këtë.
Më poshtë mund të shihni regjistrimin e plotë, një skandal i vërtetë që do të çonte në dorëheqje çdo pushtetar në një vend normal demokratik. Qazim Sejdini ka qenë i preferuari i kryeministrit Edi Rama për të rikandiduar për një mandat të tretë dhe, pas këtij skandali, kuptohet arsyeja përse. Ramës i pëlqejnë ata njerëz që kontrollojnë gjithçka, e veçanërisht mediat. Por a i pëlqejnë edhe kur kapen me presh në duar?
Shihni Qazim Sejdinin në rolin e një "padrinoje babaxhan" që u do të mirën gazetarëve.

Lapsi

[Duke_Of_Arberia]

Rama mbron video-skandalin e Qazim Sejdinit

Postuar në 17 Qershor, 2015 10:06

Kryeministri Edi Rama ka dale hapur në mbrojtje të Qazim Sejdinit, kryebashkiakut të Elbasanit që u filmua duke shantazhuar një gazetar. Pasi e pa filmimin të plotë në emisionin Opinion, Rama tha se video ishte një montaturë. Ai u shpeh se deklaratat e Sejdinit ishin nxjerrë jashtë kontekstit. Kryeministri kërkoi që të shohë videon e plotë për të mbajtur një qëndrim mbi këtë video.