Incidentet ne zgjedhjet lokale

[Duke_Of_Arberia]

Meqenese keto zgjedhje jane shoqeruar me retorike te ashper, te pershkallezuar pastaj me incidente te ndryshem, ku spikasin ato ne Vore, do ishte e udhes t'i publikonim ne kete teme te re te gjitha incidentet dhe parregullsite.

[Duke_Of_Arberia]

Simpatizantët e LSI-së në Cërrik dhunojnë nipin e kandidatit të PD-së

Postuar në 19 Qershor, 2015 06:06

Mesnatën e së enjtes, me datë 18.06.2015, persona tashmë të identifikuar si anëtarë dhe simpatizantë të LSI-së, kanë dhunuar fizikisht nipin e kandidatit të së djathtës në Cërrik, z. Qamil Boja. Kështu raporton portali Za’lart. Ngjarja ka ndodhur në aksin rrugor Papër-Banjë, pranë lagjes nr. 3 Cërrik.

Shtetasi Klodian Boja, i cili është dhe nipi i kandidatit të APPD, Qamil Boja, teksa po kalonte me automjetin e tij në këtë rrugë, është ndalur nga disa makina të tjera, të cilat i kanë ndërprerë rrugën.

Më pas, persona të identifikuar si anëtarë dhe simpatizantë të LSI-së së Cërrikut, kanë dhunuar barbarisht Klodianin duke i shkaktuar fraktura dhe gjakosje në fytyrë. Klodian Boja ka bërë menjëherë kallëzim penal pranë organeve të policisë./

[Duke_Of_Arberia]

PD: Tom Doshi u jep 100 mijë lekë votuesve në Vaun e Dejës

Postuar në 19 Qershor, 2015 05:06

Partia Demkoratike e Vaut të Dejës akuzon deputetin socialist Tom Doshi për presion ndaj votuesve. Përmes një deklarate për mediat thuhet se Doshi ka angazhuar persona me precedentë penalë që kërcënojnë njerëzit të mos votojnë kandidatin e PD-së, Zef Hila. Gjithashtu denoncohet edhe fakti se Doshi shpërndan 100 mijë lekë për blerjen e votës.

“Denoncojmë fenomenin e shëmtuar të shitblerjes së votës në bashkinë Vau Dejës nga Tom Doshi. Këto ditë Tom Doshi ka aktivizuar arsenalin e tij kriminal të qarkut të Shkodrës, element me precedent penal, banditë që lëvizin të armatosur, ditën dhe natën, me makina pa targa, me xhama të zinj, duke i bërë presion votuesve, e duke i dhënë 10 mijë lekë të reja në këmbim të votës. Ju bëjmë thirrje banorëve dhe votuesve të Bashkisë Vau Dejës: mos bini viktima të këtij personi me rrezikshmëri shoqërore dhe të kësaj dukurie me pasoja katastrofike”, thuhet në reagimin e degës së PD-së.

Deputeti socialist është përfshirë në fushatë pasi Gjykata e Lartë i caktoi masën e sigurisë “detyrim paraqitje”/Lapsi.al/

[Duke_Of_Arberia]

5168 të dënuar do të marrin pjesë në zgjedhje. Votojnë në bashkitë ku janë burgjet

Postuar në 19 Qershor, 2015 06:06

5168 të dënuar, nga 5798 që mban aktualisht gjithë sistemi penitenciar, janë regjistruar në gjendjet civile në qytetet ku ndodhen burgjet që ata vuajnë dënimin, për të shfrytëzuar në këtë mënyrë më 21 Qershor të drejtën e votës, raporton Tch. Për herë të parë të dënuarit do t’u drejtohen kutive të votimit në formë masive edhe për zgjedhjet vendore, ndërkohë që ata e ushtronin këtë të drejtë vetëm për zgjedhjet e përgjithshme.

Për zgjedhjet e mëparshme vendore u drejtoheshin kutive vetëm të dënuarit që ishin të regjistruar në gjendjen civile të qytetit ku ndodhej edhe burgu, duke u shoqëruar në qendrën përkatëse me automjetet e policisë së burgjeve.Ndërkohë, për shkak të dinamikës që kanë burgjet ku përfshihen edhe të paraburgosurit, në të gjithë vendin, 700 persona u janë drejtuar gjykatave për të marrë leje votimi. I vetmi burg që përjashtohet nga votimi është institucioni i Kavajës, pasi të dënuarit janë të mitur e nuk kanë të drejtë vote./


Edhe burgaxhinjte jane njerez me principe, çfare menduat ju? Ata mezor po presin te votojne!

[Duke_Of_Arberia]

Zgjedhjet, vëzhgues të BE edhe në Vorë

Postuar në 19 Qershor, 2015 07:06

Bashkia e Vorës do të jetë një nga më të vëzhguarat në këto zgjedhje, për shkak edhe të debateve të krijuara rreth saj në ditët e fundit të fushatës. Përveç vëzhguesve vendas do të ketë edhe ndërkombëtarë. Rreth 100 vëzhgues të Delegacionit të Bashkimit Europian në Tiranë do të shpërndahen në disa bashki të vendit. Mes tyre është edhe Vora, ku përballë njëri-tjetrit janë Luan Sallaku i LSI-së dhe Fiqiri Ismaili i PD-së. Ambasadorja Romana Vlahutin do të jetë për vizita në disa qendra zgjedhore në Kavajë e Durrës. Vëzhgues të tjerë të BE-së do të shkojnë në Tiranë, Malësinë e Madhe, Shkodër, Vlorë e Himarë. /Lapsi.al/

[Duke_Of_Arberia]

Qeset me ushqime në makinën e kandidatit të PS (foto)

Postuar në 20 Qershor, 2015 12:06

Partia Demokratike denoncoi atë që e quajti një akt të shëmtuar të kandidatit të PS për Bashkinë e Mirditës, i cili sipas saj u kap sonte në flagrancë duke shpërndarë ndihma në këmbim të votës. Partia Demokratike denoncoi neglizhencën e Policisë, e cila sipas saj megjithë insistimin e kërkesat e vazhdueshme nuk reagoi në kohë. Përfaqësuesit e Partisë Demokratike arritën të ndalonin furgonin e Ndrec Dedës, arritën të bllokonin këtë përpjekje të kandidatit për dëmtuar standardin e zgjedhjeve.

[Duke_Of_Arberia]

Durrës, dhunohet sekretarja e qendrës së votimit, dërgohet në spital

Postuar në 20 Qershor, 2015 12:06

Merene Agalliu, sekretare e një qendre votimi dhe bashkëshortja e kryetarit të Seksionit nr 6 të Partisë Demokratike të degës së Durrësit është dhunuar në mënyrë barbare. Partia Demokratike deklaroi se persona të paidentifikuar kanë sulmuar fizikisht aktivisten e Partisë Demokratike duke i thënë: “Tani voto PD-në”. Më pas e kanë dhunuar rëndë fizikisht. Aktivistja u dërgua në spital në një gjendje të rëndë. Deputeti i Partisë Demokratike Oerd Bylykbashi e dënoi ashpër këtë ngjarje dhe i bëri thirrje kandidatit Dako të tërhiqet nga dhunimi i aktivistëve të PD-së.

[Duke_Of_Arberia]

Kallëp tritoli pranë banesës së kreut të grup seksionit të PD në Shijak (foto)

Postuar në 20 Qershor, 2015 10:06

Nuk ndalen incidentet elektorale. Një tritoli është gjendur pranë portës së banesës së Altin Allës 39 vjeç, kryetari grup seksioni të PD-së në fshatin Sallmone të Shijakut mëngjesin e sotëm. Nga informacionet e policisë mësohet se kallëpi i tritolit është gjetur pa fitil e pa kapsolle. Hetimet për ngjarjen vijojnë.

Vijon..

[Duke_Of_Arberia]

PD: Kandidati i majtë në Dibër shpërndan pako ushqimore në këmbim të votës

Postuar në 20 Qershor, 2015 11:06

Kandidati i majtë për Bashkinë Dibër, Ndrec Deda, po shpërndan pako me ushqime në këmbim të votës. Denononcimi është bërë nga deputetja e PD-së për Dibrën, Albina Deda. Ndërkohë që përfaqësues të kandidatit të djathë kanë mundur të fiksojnë pamje nga makina e kandidatit socialist, ku shihen pakot ushqimore. Deputetja e PD-së thotë se pavarësisht denoncimit të bërë, policia nuk ka marrë masa.

[Duke_Of_Arberia]

Komisionerët e Helsinkit: Duhen zgjedhje të lira dhe të drejta në Shqipëri

Postuar në 19 Qershor, 2015 09:06

Kryetari dhe një nga anëtarët e Komisionit amerikan të Helsinkit thanë në prag të zgjedhjeve lokale se “populli i Shqipërisë meriton një shans për të zgjedhur një qeverisje lokale të përgjegjshme dhe të ndershme që është jetike për t’i ndihmuar të realizojnë aspiratat për shtet ligjor dhe mirëqenie”. Kongresmenët republikanë Chris Smith dhe Robert Aderholt thonë në deklaratën e tyre se “qytetarët shqiptarë duhet të jenë në gjendje të kenë besim se po marrin pjesë në një process zgjedhor transparent, pa frikësime, ngacmime ose sulme ndaj kandidatëve, medias, zyrtarëve zgjedhorë apo votuesve”.
"Populli i Shqipërisë meriton një mundësi të ndershme për të zgjedhur një qeverisje vendore të përgjegjshme dhe të ndershme, çka është jetike për ta ndihmuar atë që të arrijë aspiratat për prosperitein, si dhe vendosjen e shtetit ligjor. Qytetarëve shqiptarë i duhet bërë e mundur që të kenë besim se po marrin pjesë në një proces zgjedhor transparent, pa intimidime, kërcënime, apo sulme ndaj kandidatëve, mediave, zyrtarëve të zgjedhjeve, apo votuesve. Fatkeqësisht, të gjitha këto janë shqetësime aktuale në Shqipëri, dhe ne shpresojmë se këto zgjedhje do të vëzhgohen rreptësisht nga komuniteti ndërkombëtar, sidomos nga OSBE-ja dhe nga vetë grupet e brendshme shqiptare. Sipas OSBE-së, zgjedhjet e së dielës për kryebashkiakë dhe këshille bashkiake janë zgjedhjet e para që zhvillohen për njësitë e reja qeverisëse që janë vendosur nga reforma parlamentare e 2014-s që sjell 61 bashki të reja, që zëvendësojnë 373 bashkitë dhe komunat. Gjatë 25 vjetëve, Komisioni i Helsinkit i SHBA-ve e ka monitoruar dhe nxitur Shqipërinë që të implementojë angazhimet e OSBE-së përmes vizitave në vend, dëgjesave dhe këshillimeve në Kongres dhe deklaratave periodike."