Sekuestrohen 10 mln euro pasuri e paluajtshme trafikantit të drogës Astrit Nimani

[Albo]

Policia e Lezhës, sekuestron 10 milionë euro pasuri të paluajtshme, produkte të veprimtarisë kriminale të kryera nga shtetasi Astrit Nimani. Vendimi është marrë në kuadër të procedimit penal të regjistruar në vitin 2013, për veprën penale të “Pastrimit të produkteve te veprës penale ose të veprimtarisë kriminale”.

Prej 1 muaji, Sektori për Krimin Ekonomik Financiar të Policisë së Lezhës, në bashkëpunim me Prokurorinë Lezhë, kishin nisur hetimet, duke bërë të mundur sekuestrimin e pasurive të paluajtshme me sipërfaqe totale 25000 m2, të cilat kapin një vlerë sipas çmimeve të tregut, rreth 10 milionë euro, ku përfshihen; një godinë 5-katëshe, Hotel-Bar-Restorant, me sipërfaqe totale 7940 m2, e ndodhur në qytetin e Shëngjinit, një godinë 13-katëshe, ndodhur në qytetin e Shëngjinit, me sipërfaqe totale 5000 m2, ku përfshihen: 65 apartamente banimi, njësi tregtimi dhe garazhe parkimi, një godinë 13-katëshe, e ndodhur në qytetin e Shëngjinit, me sipërfaqe totale 6500 m2, ku përfshihen: 65 apartamente banimi, njësi tregtimi dhe garazhe parkimi, një godinë 10-katëshe, e ndodhur në qytetin e Shëngjinit me sipërfaqe totale 9500 m2, ku përfshihen: 90 apartamente banimi, njësi tregtimi dhe garazhe Parkimi. Këto pasuri dyshohet se janë produkte të veprimtarisë kriminale të kryera nga shtetasi Astrit Nimani, i cili është arrestuar me date 15 nëntor 2013 në Serbi dhe me datë 20 dhjetor 2013 është ekstraduar drejt Italisë. Personi në fjalë ka qenë i shpallur në kërkim ndërkombëtar nga Interpol-Roma, Itali, pasi Gjykata e Apelit të Milanos-Itali me 26 nëntor 2009 e ka dënuar këtë shtetas me 7 vjet heqje lirie, për kryerjen e veprës penale të “Trafikimit të lëndëve narkotike”.

Shqip

[Albo]

Policia i sekuestron “Titit të Ukës” pronat me vlerë 10 milionë euro në Shëngjin



Akuzat për drogë ndaj Astrit Nimanit dhe roli i tij politik në Bashkinë e Lezhës

ÇËSHTJA

Sekuestrimet – Në total janë 230 apartamente banimi. Nimani është administrator dhe ortak me 40% i kompleksit turistik “Marina San Giovani Ermiri Palace”, në Shëngjin dhe i regjistruar në qershor të vitit 2013

Aktiviteti – Në vitin 2013, Astrit Ukë Nimani ishte anëtar i Këshillit Bashkiak në Bashkinë e Lezhës, nën siglën e Partisë Ora e Shqipërisë, e cila ishte në koalicion me Partinë Demokratike

Arrestimi – Pasuritë dyshohet se janë produkte të veprimtarisë kriminale të kryera nga Nimani, i cili është arrestuar më datë 15 nëntor 2013 në Serbi dhe më datë 20 dhjetor 2013 është ekstraduar drejt Italisë

Mariglen Mullai

Ish-anëtarit të Këshillit Bashkiak të Lezhës i sekuestrohen tre pallate dhe një hotel në Shëngjin, me vlerë 10 milionë euro. Pasuritë e Astrit Nimanit, i njohur ndryshe si “Titi i Ukës”, i arrestuar prej dy vitesh në Serbi, dhe i ekstraduar në Itali, pasi është dënuar për trafik droge, janë sekuestruar nga policia pas vendimit të Gjykatës së Lezhës.

Pallatet

Policia e Lezhës tha se sekuestrimi është në kuadër të Procedimit Penal nr. 615, në ngarkim të shtetasit Astrit Nimani, banues në Lezhë. Hetimet janë ndjekur me metoda proaktive për një periudhë njëmujore, nga Sektori për Krimin Ekonomik-Financiar të Drejtorisë së Policisë Qarkut të Lezhës në bashkëpunim me Prokurorinë. Kështu u bë ekzekutimi i vendimit penal të Gjykatës së Lezhës për sekuestrimin e pasurive të paluajtshme të shtetasit Astrit Nimani, me sipërfaqe totale 25 mijë metra katrorë, të cilat kapin një vlerë sipas çmimeve të tregut, rreth 10 milionë euro. Sipas policisë, në këto pasuri përfshihet një godinë 5-katëshe, Hotel-Bar-Restorant, me sipërfaqe totale 7940 m² në qytetin e Shëngjinit dhe një godinë 13-katëshe, në qytetin e Shëngjinit, me sipërfaqe totale 5000 m², ku përfshihen: 65 apartamente banimi, njësi tregtimi dhe garazhe parkimi. U bllokua edhe një godinë 13-katëshe, në qytetin e Shëngjinit, me sipërfaqe totale 6500 m², ku përfshihen: 65 apartamente banimi, njësi tregtimi dhe garazhe parkimi, si dhe një godinë 10-katëshe, në qytetin e Shëngjinit me sipërfaqe totale 9500 m², ku përfshihen: 90 apartamente banimi, njësi tregtimi dhe garazhe parkimi. Pra, në total janë 230 apartamente banimi. Sipas të dhënave në QKR, Nimani është administrator dhe ortak me 40% i kompleksit turistik “Marina San Giovani Ermiri Palace”, në Shëngjin, dhe i regjistruar në qershor të vitit 2013.

Aktiviteti politik

Në vitin 2013, Astrit Ukë Nimani ishte anëtar i Këshillit Bashkiak në Bashkinë e Lezhës, nën siglën e partisë Ora e Shqipërisë, parti e cila ishte në koalicion me Partinë Demokratike. PD, edhe për këto zgjedhje vendore, e ka në koalicion Partinë Ora e Shqipërisë. Në vitin 2013, Nimani, përveçse anëtar i këshillit bashkiak, ishte edhe anëtar i Komisionit të Urbanistikës dhe Programeve të Zhvillimit, nënkryetar i Komisionit të Arsimit Kulturës dhe sporteve dhe anëtar i Komisionit të Ekonomisë dhe Financës në këtë këshill bashkiak.

Akuzat

Policia e Lezhës thotë se pasuritë dyshohet se janë produkte të veprimtarisë kriminale të kryera nga shtetasi Astrit Nimani, i cili është arrestuar më datë 15 nëntor 2013 në Serbi dhe më datë 20 dhjetor 2013 është ekstraduar drejt Italisë. Sipas policisë, Nimani ka qenë i shpallur në kërkim ndërkombëtar nga Interpol-Roma, Itali, pasi Gjykata e Apelit të Milanos, Itali, me vendimin e datës 26 nëntor 2009 e ka dënuar këtë shtetas me 7 vjet heqje lirie për kryerjen e veprës penale të “Trafikimit të lëndëve narkotike”, parashikuar nga nenet 81 dhe 110 të Kodit Penal italian. Astrit Nimani ndryshe njihej edhe si Titi i Ukës dhe u arrestua nga Interpol Serbia nëntorin e dy viteve më parë, në pikën e kalimit kufitar të Merdarës, në kufirin me Kosovën. Nga të dhënat që u mësuan në atë kohë, Nimani arriti të largohej nga territori i Shqipërisë vetëm pak orë para se të shpallej në kërkim nga policia, ku mundi që të kalonte i qetë doganën në Morinë. Në mediat italiane shkruhet se në vitin 2010, Astrit Nimani u dënua me 12 vjet burg për trafik ndërkombëtar droge, bashkë me shtetasin me inicialet Sh.T. Nimani ishte akuzuar për trafik droge në vitin 2005, që niste nga Shqipëria e përfundonte në Luka.

Shqip