Pronari i Agon Channel fiton gjyqin ndaj Qeverisë Rama: Kostoja për shqiptarët, 110 milion euro

[Albo]

Berisha del në mbrojtje të Beketit te Agon Channel

Kerkesa e prokurorise per ta arrestuar pronarin e Agon Channel i akuzuar per pastrim parash ka sjelle reagimin e politikes. Ish kryeministri Sali Berisha i ka dalë sot ne mbrojtje pronarit të Agon Channel Beketi ndaj të cilit u shpall masa e arrestit në mungesë dhe i cili po hetohet për pastrim parash. Berisha e ka parë sot arrestimin si një dhunë ndaj medias e cila kishte denoncuar fallcifikimen e kartave të identitetit, zhvendosjet e zgjedhësve në Durrës, dhe implikimin e bashkëshortes së erion Velisë me pastruesin e parave rumuno gjeorgjan e të tjera skandale. Pikërisht për këtë ish kryeministri e ka krahasuar sjelljen e prokurorisë ndaj Beketit, me atë ndaj ish guvernatorit Fullani dhe ish kryebashkiakut të Vlorës Gjika. më pas berisha u ka bërë thirrje edhe mediave të tjera të mos e kalojnë në heshtje këtë akt të paprecedent se ato janë të gjitha të kërcënuara. Rama është rrezik për lirinë e shtypit, tha Berisha i cili e mbylli fjalën e tij më një batutë: shumë shpejt Rama do të mbetet vetëm me Filip Cakullin.

Koha Jone

[Albo]

Sevdarasi, prokurorja që arrestoi Mziun urdhër-arresti për Becchettin



TIRANE - E njëjta prokurore që arrestoi kryebashkiakun e Kamzës Xhelal Mziu tashmë ka lëshuar një mandate arresti edhe për biznesmenin italian Francesco Bechettin. Antoneta Sevdarasi, prokuroria ka firmosur dje urdhër-arrestet, ndërkohë që njëherësh i ka kërkuar gjykatës të ngrijë dhe të gjithë pasurinë e shtetasit italian.

Prokuroria ka marrë indicie nga një material i dërguar nga ana e Drejtorisë së Pastrimit të Parave pranë Policisë së Shtetit, e cila pas disa verifikimeve të kryera ka mësuar se shumë nga transaksionet e kryera nuk korrespodonin me origjinën reale të këtyre parave që shpesh herë tërhiqeshin kesh dhe shpesh herë kryheshin transferta nga njëra llogari në tjetrën. Kallëzimi është depozituar në prokurori në fillim të shtatorit 2014 ndërkohë që pas administrimit të materialit është kërkon informacion nga shumë institucione të tjera,prej të cilave është mësuar se si kryheshin transfertat gjatë këtyre viteve. Pritet që sot ose nesër, prokuroria të përballet në gjykatë me dy të arrestuarat e këtij operacioni.

Ndërkohë nuk dihet asnjë gjë për arrestimin e Bechettit pasi vetë ky i fundit ka deklaruar se ndodhet në Angli, por nuk dihet nëse do vijë vullnetarisht në Shqipëri ose jo.

Shqiptarja

[Albo]

2 shoqëritë e Becchetit për plehrat e energjinë çuan në arbitrazh Shqipërinë

TIRANE- Kontratat koncesionare të nënshkruara vite më parë përbëjnë një telash më vete për qeverinë. Dy nga shoqëritë e Becchetit kanë hedhur në gjyq arbitrazhi ndërkombëtar Shqipërinë. “HYDRO” S.R.L. dhe “ALBANIABEG AMBIENT” SH.P.K., e Angelo Novelli & Costruzioni S.R.L. kërkojnë dëmshpërblim nga Shqipëria për mosmarrëveshje të lindura nga marrëveshja e koncesionit për HEC-in e Kalivaçit dhe anulimin e kontratës për import dhe përpunim plehrash duke përfituar energji.

Historia e hidrocentralit të Kalivaçit nisi me Vendimin e Këshillit të Ministrave nr. 222 datë 24.05.1997 që hapte dritën jeshile për një projekt shumë ambicjoz për kohën, që duhej të ndërtohej në harkun kohor të 5 viteve.

Koncensionari, BEG S.p.A., deri në vitin 2000 nuk kreu asnjë punim dhe Këshilli i Ministrave më 02.11.2000 me VKM nr. 590 miratoi ndryshime të rëndësishme në kontratën fillestare, duke lejuar koncensionarin që të transferonte të drejtat në një kompani tjetër të kontrolluar prej tij. Në vitin 2007 BEG krijon “Hydro” S.r.l. në Itali dhe “Kalivaç Green Energy” sh.p.k. në Shqipëri dhe i kalon kësaj koncensionin, pa asnjë miratim dhe në kundërshtim me kushtet e vendosura nga shteti shqiptar.

Pak ditë më vonë, “Kalivaç Green Energy” sh.p.k. i shitet 100% “Hydro” S.r.l. Ndërkohë, i njejti kryeministër, Fatos Nano, në vitin 2004, miratoi një marrëveshje me kompaninë italiane “Albania Beg”, për vendosjen e një impianti plehrash në Tiranë dhe u lejua importimi i plehrave nga Italia në Shqipëri. Një marrëveshje që shkaktoi shumë reagime dhe protesta para Kryeministrisë.

Marrëveshja parashikonte importimin e së paku 4.500 ton plehrave nga Roma për në Sharrë të Tiranës dhe u firmos nga tre ministra të qeverisë shqiptare. Berisha në atë kohë në opozitë, ishte kundër kësaj marrëveshjeje të cilësuar anti-shqiptare për importin e plehrave. Marrëveshja u la pezull, për t’u konkretizuar në 2010 me një vendim të qeverisë Berisha, që në në 2004-ën e kundërshtoi.

Mbas reagimeve të shumta të shoqërisë civile dhe grupeve të ndryshme të interesit, qeveria përsëri nuk e vuri në zbatim këtë VKM. Në vitin 2011, parlamenti, vetëm me 69 vota, votoi miratimin e këtij ligji, por me ardhjen në pushtet, kryeministri Edi Rama e shfuqizoi sërish këtë ligj.

Këto afera krijuan probleme edhe jashtë Shqipërisë. Sipërmarrësi nga Roma kishte planifikuar një investim prej 160 milionë dollarësh, në të cilin merrte pjesë edhe Enel Poëer, e cila vendosi të tërhiqej. Nisi një betejë e fortë ligjore mes Enel-it dhe Becchetit, me kërkesë dëmshpërblimi në masën 400 milionë euro. Becchetit ndërkohë iu rinovua koncesioni, nëpërmjet kompanisë tjetër, Hydro srl, e cila zgjodhi një partner tjetër të madh: Deutsche Bank.

Nisin punimet, por pas pak edhe Deutsche Bank braktisi gjithçka dhe rinisën paditë gjyqësore.
Se çfarë ka ndodhur saktësisht mes Deutsche Bank dhe Becchettit nuk dihet, sepse banka nuk përgjigjet; ajo që është e sigurt është se në fund Deutsche vendosi të lëvrojë 159 milionë euro, por në bilancin e 2013-s të bankës gjermane nuk ka gjurmë për këtë çështje: citohet vetëm në një dokument informues.

Shqiptarja

[Albo]

Sekuestro ndaj “AgonSet”, Sollaku: Nuk ka prova për pastrim parash



Hetimet e Prokurorisë dhe vendimin për sekuestro të 60 % të aksioneve të Agon Channel avokati Theodhori Sollaku i cilëson si të nxituara.

Sollaku shprehet se deri në këto momente s’ka asnjë akuzë konkrete dhe duhet që prokuroria të paraqes prova për pastrim parash nëse i disponon.

“Nuk ka akuzë zyrtare, ka dyshime që lidhen me veprën penale të pastrimit të parave. Ende prokuroria nuk ka të dhëna që ka apo jo pastrim parash.”- tha Sallaku.

Për të gjitha vendimet e gjykatës dhënë deri më tani në ngarkim të “AgonSet” dhe personave për të cilët është vendosur masë sigurie përfshi dhe atë të arrestit me burg ndaj Francesco Becchettit sollaku u shpreh se do t’i drejtohet Gjykatës së Apelit.

Këto deklarata Sollaku i bëri në përfundim të seancës ku Gjykata e Tiranës, vlerësoi masat ndaj Eriona Troplinit dhe Pranvera Gjikës duke ndryshuar arrestin me burg që po kjo gjykatë kisht dhënë 3 ditë më parë.

“Paradoksi është që Troplinit i kërkohej që duhet ta dinte që transfertat që bënte ishin kriminale, ku ta dinte ajo”,- tha avokat Sallaku në përfundim të seancës në Gjykatën e Tiranës.

Sollaku avokat i Agon Channel: Akuza të provojë origjinën e parave
Televizioni “Agon Channel” ka reaguar pas urdhër-arrestit të lëshuar nga gjykata me kërkesë të prokurorisë për pronarin e saj Françesko Bechettit me akuzën e “Pastrimit të parave dhe të falsifikimit”. Në emisionin e gazetares Sonila Meço veprimet e drejtësisë u konsideruan si sulm shtetëror.

I ftuar ka qenë ish-Prokurori i Përgjithshëm Theodhori Sollaku. Theodhori Sollaku deklaroi për “Agon Channel”, në cilësinë e avokatit të Francesko Bechettit, Pranvera Gjikës dhe Erjona Troplinit, se në deklaratën e prokurorisë nuk thuhet nga burojnë këto para të pista.

Ai theksoi gjithashtu se që të ketë një vepër kriminale të pastrimit të parave, duhet të kemi faktet se ku e kanë origjinën këto para.“Në rast se paratë vijnë nga një origjinë kriminale, prokuroria ka të drejtë të vendosë sekuestro të pasurisë”, theksoi Sollaku. "Kemi të bëjmë me një veprim të nxituar të Prokurorisë, shteti sulmon Agon Channel pa bazë ligjore."

Sollaku evidentoi faktin se nëse dikush është autorizuar për të firmosur me qëllim që këto transferta të kryehen atëherë normalisht këtu ska asnjë gjë të keqe aq më tepër vepër penale. Avokati Sollaku, nënvizoi se shpreson shumë në vendimin që do të japë gjykata, ndërkohë që shumë shpejt ata do i drejtohen me një apelim të masave të arrestit dhe masës së sekuestros së 60 për qind të aksioneve të biznesmenit Becchetti.

Sollaku tha se organi i akuzës në këtë rast nuk ka mundur të faktojë që paratë e investuar nga italiani në Shqipëri kanë burime kriminale. Sipas tij edhe vendimi i gjykatës që ka vendosur sekuestron nuk jep asnjë dyshim për paratë e investuar nga Becchetti.

Shqiptarja

[Albo]

Ne temen me poshte mund te shikoni skandalin e shitjes se kartave te identitetit ne zgjedhje, qe Agon Channel beri publike vetem pak dite me pare:

http://www.forumishqiptar.com/thread...ër-100-euro%21

Albo

[Albo]

Becchetti kërkon 160 milionë euro nga qeveria shqiptare



Biznesmeni italian, Francesco Becchetti, i vënë nën akuzë nga Prokuroria shqiptare, në fakt po kërkon të fitojë 160 milionë euro në tavolinë nga shteti shqiptar.

Sipas A1Report, ai e ka paditur Shqipërinë në arbitrazh ndërkombëtar për dy koncesione të dhëna nga qeveritë e Fatos Nanos dhe Sali Berishës.

Në rastin e parë bëhet fjalë për projektin e famshëm të përpunimit të mbetjeve, që shkaktoi një tërmet reagimesh në Shqipëri.

Për shkak të anulimit të këtij koncesioni për kompaninë Albaniabeg, ai kërkon 150 milionë euro.

Në rastin tjetër, për ndërtimin e hidrocentralit të Kalivaçit, ai kërkon 10 milionë euro dëmshpërblim në lidhje me TVSH-në për këtë projekt.

Sipas A1Report, Becchetti është një “mjeshtër” i këtyre manovrave, pasi duke futur në një konsorcium Deutsche Bank, ai u mori atyre një dëmshpërblim gjigand prej rreth 160 milionë euro në tetor të vitit 2013.

MAPO

[benseven11]

Gjithshka do varet nga detajet e kontrates me italianit dhe shtetit shqiptar.
Nqs shteti shqiptar ka anuluar kontraten kjo do te thote qe shteti ka prishur
kontraten(marreveshjen dy paleshe) e lidhur me pare.
Kontrata e firmosur nga te dyja palet dhe e vulosur jo vetem eshte pelqim reciprok i kushteve ne nje marreveshje,
por eshte edhe nje lidhje dypaleshe ne aspektin ligjor.Dokumenti ka vlere dhe fuqi ligjore.
Varet se cfare thuhet ne kontrate,a permendet aty se me cpasoja vjen per palet nenshkruse nqs njera nga palet thyen
marreveshjen?
Meqenesa na del qe shteti shqiptar na ka thyer marreveshjen,atehere shteti eshte pergjegjes dhe duhet te paguaje.
Se sa duhet te paguaje kjo do varet nga vleresimet e specialisteve dhe jo sa do,apo ka oreks italiani.
Ku i mbeshtet keto shifra italiani,eniwej?Do ishte interesante te njihej se si e ka bere hesapin italiani qe ka dale ne ate dem 160 miljon.
Shifra duhet te jete e mbeshtetur ne vleren reale te demit te shkaktuar dhe jo ne nje opinion, empiririzem,apo fantazi te italianit.
Meqenese shteti shqiptar ka thyer kontraten, atehere ku eshte arsyeja qe kontrata eshte prishur,pse eshte prishur?
Cfare detaje ka dhene media per kete problem?
I vetmi fakt qe njihet nga kjo teme eshte qe kontrata eshte anulluar/prishur.
Shteti shqiptar duhet te jape shpjegime.Mundet qe kontrata te jete prishur per arsye shume te forta dhe te drejta.
Varet se cfare ka ndodhur dhe si ka ndodhur.
Italiani eshte hedhur ne kunder akuze sepse eshte akuazuar me pare nga shteti shqiptar,nje perpjekje kjo
per te balancuar humbje te mundshme te italianit nga akuza e shtetit shqiptar me nje kunder akuze te tijen.
Pse italiani i ngre akuzat sot kunder qeverise se Nanos dhe Berishes???Pse kaq vone???Kontratat jane te anulluara disa vjet me pare.
Une kete e shoh si nje loje shume dinake shume inteligjente te italianit i cili ka te ngjare te kete bere ndonje marreveshje te fshehte me ndonje politikan shqiptar
dhe i nxitur nga politikani ai luan me karten e akuzes,don te zhvillohet gjyq,so italiani fiton ca miliona dhe ato miliona te fituara me gjyq i ndan, 50% i mban italiani
dhe 50% te totalit i merr politikani...Korrupsion me nje fjale.

[benseven11]

Gjykata e Apelit la në fuqi të martën vendimin e Shkallës së Parë për sekuestrimin e pronave te biznesmenit italian Francesco Becchetti perfshie dhe Tv Agon Channel. Biznesmeni italian akuzohet për evazion fiskal dhe falsifikim dokumentesh.
Gjykata e Shkallës së Parë kishte vendosur më parë sekuestrimin e të gjitha pasurive të Becchettit.
Në fillim të muajit qershor të këtij viti, Prokuroria ngriti akuzën për Presidentin e Agon Channel, Francesco Becchetti, dhe disa shtetas të tjerë italianë e shqiptarë, të dyshuar si të përfshirë në pastrim parash dhe evazion fiskal. Grupi hetimor thotë se “ka provuar skemën, përmes të cilës biznesmeni italian ka kryer rreth 770 milionë lekë evazion në dëm të shtetit”.
Sipas tyre, “në qendër të kësaj skeme evazioni, por njëkohësisht edhe pastrimi parash qëndron hidrocentrali i Kalivaçit dhe dy shoqëri të zotëruara nga Becchetti, koncesionarja ‘KGE’ dhe ajo ‘Energji”.
Kompania “Energji” ka blerë punime nga nënkontrakorë privatë për ndërtimin e hidrocentralit. Më pas këto punime ia ka shitur shoqërisë tjetër të Becchettit të quajtur KGE, por me çmime dhe sasi të fryra në mënyrë artificiale.
Sipas dokumenteve, përgjatë periudhës 2007-2013, “Energji” ka blerë në total 14.5 milionë euro punime nga nënkontraktorët privatë, por ia ka shitur ato shoqërisë “KGE” me vlerë dy herë më të lartë, ose 28.6 milionë euro.
Përmes kësaj skemë, Prokuroria thotë se “kompania ka rritur në mënyrë fiktive kreditimin e TVSH-së dhe vetëm në vitin 2009 ka kërkuar rimbursim për 45 milionë lekë TVSH duke mashtruar shtetin”. Kjo skemë është përsëritur vit pas viti dhe prokurorët e kanë ilustruar atë me shifrat përkatëse për çdo vit, që nga viti 2007.

[Ciarli]

Kjo eshte nje faze kur provohen bisneset sesa te forta dhe kembengulese jane, sepse asnje nuk i paguan taksat ne shqiperi, vend i vogel i cili ka nevoje per te jashteligjshem te medhenj te lire dhe jo per gjysherit evropian dhe refforrmat e tyre.

[benseven11]

Asnje nuk paguan taksa ne Shqiperi??????
Po na habit ti ore.