Qeveria e Rilindjes: Gati privatizimi i 10 uzinave dhe kombinateve të komunizmit

[Albo]

Gati për privatizim 10 ish-uzina dhe kombinate



Industria

Ministria bën likuidimin dhe përgatit dosjet për procesin e shitjes

fier-ish-azotiku_1Ministria e Energjisë po përgatit privatizimin e 10 ish-uzinave të mëdha të industrisë. Drejtoria e Politikave, Zhvillimit të Industrisë dhe Standardeve Teknike, sipas njoftimit, po ndjek me përparësi përshpejtimin e procedurave të shitjes dhe likuidimit të ndërmarrjeve. Tabela, që nis me Kombinatin Energjetik në Elbasan, ka 10 shoqëri. Kështu, me status të tillë janë: Ndërmarrja Prodhim Mobilie, Tiranë; Ndërmarrja e Prodhim-Veshjeve, Durrës (ka kaluar në ruajtje dhe administrim Ndërmarrjen NISH Goma, Durrës); Prodhim Këpuca, Korçë (ka kaluar në ruajtje dhe administrim shoqërinë Trikotazhi sha dhe Fabrika e Çorapeve, Korçë – ndërmarrje në likuidim); Beratex, Berat; Prodhim Kabllo, Shkodër. Shoqëri në likuidim janë edhe Uzina e Superfosfatit Laç, e cila vitin 2014 ka marrë në administrim asetet e ish-kombinatit Superfosfat Laç. Gjithashtu gati për privatizim po bëhet Ndërmarrja e Prodhimit të Çelikut Elbasan, Uzina nr. 12 dhe Uzina e Kobaltit, Elbasan. Këto ndërmarrje kaluan në likuidim me vendim qeverie qysh në vitin 1999 dhe tani janë asete që do të përfshihen në planin për privatizim masiv. Një tjetër ndërmarrje është Uzina e Plehrave Azotike Fier, e vendosur në status likuidimi qysh në vitin 1999 me vendimin e qeverisë “Për falimentimin dhe likuidimin e Uzinës së Plehrave Azotike Fier dhe trajtimin e punonjësve që shkurtohen”. Sipas Ministrisë së Energjisë, është miratuar në muajin korrik 2014 kërkesa e Ministrisë së Ekonomisë për privatizimin e paketës shtetërore për Prodhim Këpuca, Trikotazh Korçë, Beratex sha Berat dhe më tej edhe për Prodhim Mobilie sha Tiranë dhe NPV sha Durrës. Me përparësi ndiqet administrimi, ruajtja dhe monitorim në Uzinën e Plehrave Azotike Fier i dy landfilleve, një në ish-Sodë PVC dhe tjetri në Azotik, ku janë depozituar mbetje të rrezikshme. “Nga ana jonë, deklaron Ministria e Energjisë, për objektet e ish-Kombinatit Metalurgjik në Elbasan që administrohen prej tri njësive, si dhe Uzina e Plehrave Azotike Fier, janë lokalizuar disa territore të lira duke i ofruar si mundësi shprehje interesi për investime në fushën e industrisë, meqenëse disponojnë një infrastrukturë pjesore. Kjo është orientuar edhe në publikimin e bërë në faqen zyrtare ueb të ministrisë, krahas dërgimit tek Agjencia e Investimeve të Huaja (AIDA), duke kërkuar bashkëpunim në promovimin e sipërfaqeve të lira në ish-zonat industriale”. Sipas njoftimit, NPV sha Durrës, Beratex sha dhe Prodhim Mobilie sha Tiranë dhe NPÇ Elbasan funksionojnë në sajë të dhënies së ambienteve të tyre me qira, kryesisht me aktivitet prodhues.

SHqip

[SERAFIM DILO]

Edhe rilindasit programin e PD ndjekin. Vazhdon akoma sistemi ekonomik diletant "ta çojme ekonomine ne zero".

[martini1984]

Edhe rilindasit programin e PD ndjekin. Vazhdon akoma sistemi ekonomik diletant "ta çojme ekonomine ne zero".

Nuk po reagoj m.q-se paska akoma nderrmarje shteterore.
Do na duhen dhe nja 25 vjet te tjera....

[Albo]

Edhe rilindasit programin e PD ndjekin. Vazhdon akoma sistemi ekonomik diletant "ta çojme ekonomine ne zero".

Shoku Rama nuk ndjek programet e Berishes. Berisha i nxirrte ne ankand, kurse shoku Rama ka minister te privatizimeve shokun Koco Kokedhima. Nuk ke besim tek shoku Koco ti? E kemi edhe minoritar, edhe komunist, edhe socialist, edhe biznesmen, edhe nacionalist, edhe milioner edhe gazetar.... Do ti beje shoku Koco keto uzinat qe ta begatojne Shqiperine me mire se sa i beri shoku Enver.

Keshtu qe te te lutem shume mos na i krahaso Rilindasit me Berishat e rrenuar...

Albo