Tiranë: Luftë në mes të bulevardit, mbeten të vdekur tre persona

[Albo]

Tiranë, Përplasje me armë te bulevardi ‘Zogu i Parë’, vriten tre persona




Një luftë e vërtetë mes bandash rivale në Tiranë ka lënë tre persona të vrarë, ekzekutuar me armë zjarri. Kryeqyteti u trondit nga disa të shtëna në bulevardin Zogu i Parë rreth orës 19 00 të 27 majit 2015
2 prej viktimave të kësaj ngjarje të rëndë, Mentor Lufi dhe Gerti Goxhaj kanë qënë në shoqërinë edhe të një shtetasi italian në një kafe pranë Fakultetit të Shkencave të Natyrës kur kanë pikasur lëvizje të dyshimta dhe kanë dalë prej andej duke u drejtuar për tek automjeti i tyre, ku kishin lënë armët. Pikërisht në këtë moment janë qëlluar nga Besnik Sulku.
Në videon e regjistruar vetëm pak sekonda pas ngjarjes, e publikuar nga Ora News shihet i shtrirë në trotuar trupi pajetë i Mentor Lufit, të cilin gjithsesi e kanë nisur drejt spitalit por bluzat e bardha bënë me dije se ka mbërritur i vdekur i qëlluar me 4 plumba.
Po ashtu i vdekur në vend pranë automjetit të tij ka mbetur edhe Gerti Goxhaj ka mbetur i vdekur në vend.
Mësohet se dy nipat e Mentor Lufit, Markeljan dhe Klevis Doci janë kundërpërgjigjur duke ekzekutuar Besnik Sulkun dhe duke e lënë të vdekur në anën tjetër të trotuarit të bulevardit Zogu i parë.
I plagosur mësohet se ka mbetur edhe një shtetas italian, por edhe një person tjetër nga Burreli, gjendja shëndetësore e të cilit raportohet të jetë e pastabilizuar.
Ndërkaq policia ka vënë në pranga 5 persona mes të cilëve dhe dy nipat e Mentor Lufti
Burime të policisë bëjnë të ditur se të tre viktimat janë persona me precedentë penalë, të përfshirë në trafik droge por edhe në biznesin e kromit në Bulqizë.
Kështu Mentor Lufi kishte ndërruar vetëm pak kohë më parë mbiemrin e tij Doci, për shkak të disa konflikteve.
Së pari ai rezulton i akuzuar për kanosje dhe armëmbajtje pa leje, ndërsa në dhjetor të 2014 i ka shpëtuar një atentati ndaj tij në rrugën “Komuna e Parisit”.
Por burime të policisë bëjnë të ditur se ai dyshohet të jetë autor i vrasjes së një shqiptari në Roterdam të Holandës më 17 prill të këtij viti dhe bëhet fjalë pikërisht për shtetasin Ilirjan Sulku, të cilin e shihni në këtë foto, vëllanë e Besnik Sulkut një prej viktimave të përplasjes me armë në bulevardin Zogu i Parë.
Pikërisht kjo vrasje që tronditi Roterdamin për shkak të mënyrës si u ekzekutua me plumb në kokë shqiptari, mendohet të jetë dhe shkaku i përplasjes me armë në Tiranë. Besnik Sulku mendohet se organizoi atentatin për të marrë gjakun e vëllait të tij Altinit.
Gjithashtu i përfshirë në trafik dorge rezulton edhe Gent Goxhaj.
Ngjarja e rëndë coi në vendngjarje edhe Drejtorin e Përgjithshëm të policisë së shtetitei, Haki Cako dhe zëvëndësin e tij Altin Qato, ndërsa një numër i madh qytetarësh u bënë dëshmitarë të një lufte të vërtetë në mes të Tiranes.
Policia ka sekuestruar kamerat e sigurisë të disa prej bizneseve në këtë zonë si dhe ka marrë në pyetje dëshmitarë të shumtë e të afërm të viktimave.
Policia arrestoi Markeljan dhe Klevis Doci.

ORA NEWS

[JuliusB]

he who lives by the sword dies by the
sword

[benseven11]

Kane zbritur kafshet e pyllit ne qytet...
Vrasesi me 3 klase fillore nga nje fshat i Dibres,Burrelit ose nga Puka....
Merre me mend se cfare jane,kafshe e kaluar kafshes.
Tahiri nuk ka kohe te merret me pune te gjeje dhe mbledhe armet pa leje.
Eshte bizi me parlamentin Tahiri dhe kercet kallashi ne qender te Tiranes.
Ku eshte komuniteti i inteligjences urbane,sherbimi i informacionit per Tiranen???????
Po ben nje hic.Turp Hyn nje fshatar injorant nga Burreli dhe qellon ne bulevard sikur te ishte
Teksas.Tahiri duhet te mobilizoje komplet inteligjencen te gjejne dhe monitorizojne te gjithe te ardhurit
nga rrethet qe nuk kane shtepi ne Tirane dhe sorollaten lokaleve dhe rrugeve dhe kane arme ne makina.
Ky krimi me arme ne lokale qe shqiptaret i kane shume qef keto lokale /kafe po len pasoja shume te renda.
Banoret e Tiranes nuk do shkojne ne lokale sepse kane frike mos hane ndonje kallash keshtu per qejf te
nje idioti nga fshatrate Burrelit...
Lokaleve te kafeve do ju bjere numri i klienteve dhe ka dy opsione per pronaret
1.ose te ngrejne cmimet e kafeve dhe pijeve per te kompensuar humbjet nga renia e numrit te klienteve
2.ose te falimentojne,ose ta vene lokalin per shitje,ose te marrin hua nga banka per te mbuluar shpenzimet e biznesit
dhe zhyten ne borxhe.
Nga aktiviteti ne ulje i kafeneve edhe shteti humb sepse merr me pak takse,sepse jane bere pak shitje.
Ja se cilat jane pasojat e krimeve me arme ne rruge dhe lokale.pa folur per efektin e keq psikologjik qe ka krimi i rruges te qytetaret.
Tahiri mban fjalime ne parlament dhe ka ngec ne debate dhe replika me Berishen,Ramen etj.
Ja se cfare ndodh kur nuk behet puna.Sikur sherbimi sekret i inteligjences te kishte situaten ne total kontroll,akte te tilla nuk do kishin
asnje shans te ndodhnin,as atentatet idiote te eksplozivit nga nje grup amatoresh nuk do ndodhnin.

[Xinxerfilli]

Duket qe s'ja ka idene Albo Tiranes

[Albo]

MASAKRA TE SHKENCAT/ Fotot e ngjarjes në prill të 2015, si u vra në Holandë vëllai i Besnik Sulkut, atentatorit të Lufit

Sipas Policisë, përplasja e përgjakshme me armë zjarri dje në Tiranë është pasojë e disa armiqësive të nisura prej më se një viti mes grupeve rivale në Shqipëri dhe jashtë saj.


Besnik dhe Durim Sulku

Kulmi i këtyre përplasjeve ka arritur në datën 6 prill 2015 kur në Roterdam të Holandës është vrarë shtetasi 33-vjeçar nga Shqipëria, Ilirjan Sula. Viktima kishte përdorur edhe emrat Durim Sula, Durim Sulku dhe Besnik Sulku.


Vendi i ngjarjes ne Roterdam

Ai qëndroi disa kohë në Holandë, por në 6 prill u qëllua me armë zjarri dhe mbeti i vdekur. Identifikimi i tij pas vrasjes u bë vetëm në datën 15 prill 2015 nga të afërmit. Viktima ishte në fakt vëllai i Besnik Sulkut, njërit prej personave të përfshirë ditën e djeshme në përplasjen me armë në Tiranë.

Emigranti i ekzekutuar në Roterdam të Holandës në prill të këtij viti kishte përdorur madje për disa kohë emrin e vëllait të tij, që u vra dje në Tiranë, si një nga identitetet e tij.


Vellai i Besnik Sulkut

Vëllai i Besnik Sulkut, Ilirjan Sulku, ndodhej me një automjet tip “Smart”, kur u qëllua nga dritarja anësore me plumb në kokë.

Ekzekutimi mafioz mbeti pa autor, ndërkohë që policia arriti të gjente vetëm armën e krimit për vrasjen e ndodhur në Holandë, e cila sipas Policisë kishte lidhje me prishjen e pazareve të drogës.

Pak ditë më vonë u gjet edhe një BMW e cila dyshohet se eshte perdorur nga autori i vrasjes se Ilirjan Sulkut.

Vëllai i viktimës Besnik Sulku fajësonte Mentor Lufin, të cilin vendosi ta sulmonte me armë dje për hakmarrje. Mendohet se pjesë e këtij skenari përplasjesh ka qenë edhe atentati i mëparshëm që ishte bërë ndaj Mentor Lufit në afërsi të stadiumit “Selman Stermasi.

Panorama

[Albo]

MASAKRA TE SHKENCAT/ Kush janë dy viktimat e atentatit, Mentor Lufi u vra për hakmarrje

Skena e denjë për filmat aksion që ndodhi dje në bulevardin kryesor të Tiranës, ka pasur si objektiv ekzekutimin e Mentor Lufit.


Mentor Lufi/ Gerti Goxhaj

“Panorama” shkruan se ky shtetas 39-vjeçar ishte i njohur si biznesmen, por edhe si person me precedentë penalë. Nga veprimet e para hetimore, Policia dyshon se ngjarja është kryer për hakmarrje, lidhur me një vrasje të ndodhur rreth një muaj më parë në Roterdam të Holandës.

Më 15 prill, persona që nuk ishin identifikuar nga Policia holandeze, ekzekutuan shtetasin Durim Sulku, 33 vjeç, që është vëllai i Besnik Sulkut, i cili po ashtu mbeti i vrarë dje.

Megjithatë, kjo nuk është pista e vetme ku është përqendruar hetimi i Policisë, pasi po verifikohen edhe konfliktet e mundshme në biznesin e kromit në galeritë e Bulqizës, që Lufi mund të ketë pasur me Sulkun.

Ndërsa burimet sqarojnë se shtetasi Mentor Lufi i kishte shpëtuar edhe një tjetër atentati rreth 7 muaj më parë, kur persona të paidentifikuar e qëlluan për ta vrarë. Kjo ngjarje ndodhi në afërsi të stadiumit “Selman Stermasi”, në Tiranë, pranë lokalit që deri para pak kohësh e kishte në pronësi miku i tij, Gerti Goxhaj, i cili po ashtu mbeti i vrarë dje.

Të tre personat që mbetën të vrarë dje gjatë shkëmbimit të zjarrit në qendër të Tiranës, njihen jo vetëm si persona me precedentë të mëparshëm penalë, por edhe si biznesmenë.

Mentor Lufi, nga Bulqiza e Dibrës, ka në pronësi një galeri kromi. Ndërsa ka qenë i skeduar më parë, edhe i dënuar nga Gjykata e Dibrës në vitin 2012, me akuzën e kanosjes.

Besnik Sulku, po ashtu nga Dibra, rezulton si person i implikuar më parë në trafikun e drogës, ndërsa aktualisht administronte një kompani automjetesh në Tiranë.

Ndërsa viktima tjetër, miku i Mentor Lufit, shtetasi Gerti Goxhaj, po ashtu merrej me biznese të ndryshme
në Tiranë. Deri para disa javësh ai ka pasur në pronësi lokalin në afërsi të stadiumit ”Selman Stermasi”, ku u tentua të vritej Lufi.

Por edhe Goxhaj rezulton person me precedentë të mëparshëm penalë. Ai është arrestuar në Kukës bashkë me 5 persona të tjerë, në pikën e kalimit kufitar të Morinës, kur po tentonin të trafikonin 198 pako me kanabis sativa në drejtim të Kosovës.

Në atë kohë Goxhajt iu sekuestrua edhe një armë që e mbante pa leje.
Edhe zyrtarisht, Policia e Tiranës tha dje se të tre personat që mbetën të vrarë pasditen e djeshme, kanë qenë persona me probleme me drejtësinë, të proceduar disa herë për trafik të lëndëve narkotike.

Panorama

[Albo]

MASAKRA TE SHKENCAT/ Lufta me armë për drogën, ja si ndodhi ngjarja

Tre persona u vranë dje në një përplasje të egër me armë zjarri pak metra larg qendrës së Tiranës. Ngjarja ndodhi rreth orës 19:20, në bulevardin “Zogu i Parë”, në hapësirën mes maternitetit “Mbretëresha Geraldinë” dhe Fakultetit të Shkencave të Natyrës.

Sipas Policisë, viktimat janë shtetasit Mentor Lufi (Doçi), 39 vjeç, shoku i tij Gerti Goxhaj, 33 vjeç dhe Besnik Sulku, 34 vjeç, i cili është njëri prej atentatorëve. Burimet thanë se objekti i këtij atentati ka qenë shtetasi Mentor Lufi. Sulmi ndaj tij ka sjellë edhe shkëmbimin e zjarrit me tre të vdekur. Policia deklaroi dje se janë ndaluar 3 persona si të dyshuar për shkëmbimin e zjarrit që solli 3 të vrarë.

Në pranga kanë përfunduar dy nipat e Lufit, Markelian dhe Klevis Doçi, që dyshohet se janë kundërpërgjigjur me armë pasi është qëlluar xhaxhai i tyre dhe shtetasi italian, Salvatore Letticia, i cili shoqërohej me atentatorin Besnik Sulku, i cili po ashtu mbeti i vrarë.

NGJARJA
Sipas veprimeve të para që grupi hetimor ka kryer në vendin e ngjarjes, mësohet se dy grupe personash, me precedentë të mëparshëm penalë, kanë pasur shkëmbim zjarri mes njëri-tjetrit. Shtetasi Mentor Lufi (Doçi), së bashku me shtetasin Gerti Goxhaj, kanë qenë të ulur në një kafe pranë Fakultetit të Shkencave të Natyrës.

Jashtë lokalit kanë qenë duke pritur dy nipat e Mentor Lufit, shtetasit Markeljan dhe Klevis Doçi, brenda një makine tip “Touareg” që qëndronte e parkuar. Pasi kanë dalë nga kafja, shtetasi Mentor Lufi ka hipur në mjetin tip “BMW” me targa AA 001 IK si pasagjer dhe drejtues mjeti ka qenë shtetasi Gerti Goxhaj.

Ndërkohë, pas tyre vinte mjeti tip “Touareg” me targa AA 097 KE, me të cilin udhëtonin dy nipat e Lufit. Në momentin kur mjeti tip “BMW” ka filluar lëvizjen, në këmbë kanë qenë dy shtetas, të cilët kanë hapur zjarr duke qëlluar me pistoleta në drejtim të dy shtetasve, që udhëtonin në këtë makinë.

Burimet zyrtare të Policisë thonë se në këtë kohë janë kundërpërgjigjur me armë zjarri dy nipat e Mentor Lufit, duke goditur me mjet një nga autorët e dyshuar, shtetasin italian Salvatore Letticia. Shtetasi Markeljan Doçi ka qëlluar me armë zjarri shtetasin Besnik Sulku, i cili hapi zjarr i pari ndaj xhaxhait dhe mikut të tij

AUTORET E NGJARJES
Në kohën kur ka filluar shkëmbimi i zjarrit, dy automjetet kanë qenë në lëvizje dhe për shkak të goditjes drejtuesi i makinës tip “BMW”, shtetasi Gerti Goxhaj ka humbur kontrollin, duke u përplasur me mjetin “Touareg” që drejtohej nga njëri prej nipave të Mentor Lufit. Nipi i Lufit e kishte kthyer makinën për të goditur shtetasin italian, që po qëllonte me armë.

Ndërsa makina tip “BMW” vazhdonte të xhironte gjysmë në trotuar, gjysmë në asfalt, shtetasi Mentor Lufi që ishte pasagjer dhe kishte mbetur i plagosur rëndë, ka zbritur nga makina duke lëvizur në këmbë për të kërkuar ndihmë. Ai është dërguar në gjendje të rëndë në spital, ku ka ndërruar jetë. Policia tha se ngjarja ka ndodhur në një fragment kohe shumë të shkurtër dhe punonjësit e Policisë në kohë mjaft të shpejtë kanë mbërritur në vendngjarje për tri minuta.

Policia ka bërë rrethimin e zonës dhe falë veprimeve të shpejta ka bërë të mundur neutralizimin e të dy autoreve të dyshuar, ku shtetasi Markeljan Doçi mbante në dorë armën, me të cilën kishte kryer krimin. Disa metra me tej, në një hotel në afërsi të vendngjarjes u ndalua edhe autori i dytë i dyshuar, shtetasi italian, i cili kishte dëmtime në trup dhe i gjakosur në fytyrë.

Salvatore Letticia kishte mundur të largohej nga vendngjarja duke u fshehur në hotelin në fjalë dhe duke u përpjekur të fshihte provat e krimit. Burimet thonë se pistoleta që dyshohet të jetë përdorur nga ai, ende nuk është administruar si provë materiale, pasi nuk është gjetur.

Panorama

[Albo]

MASAKRA TE SHKENCAT/ Detajet e fundit, italiani erdhi nga Roma një ditë para ngjarjes. Në xhep iu gjetën fotot e Lufit

Zbardhen të dhëna të tjera për italianin e paguar për eleminimin e Mentor Lufit. Mësohet se italiani Salvatore Letticia kishte ardhur në Tiranë një ditë para masakrës te Shkencat e Natyrës. Ai kishte zbritur në Rinas në orën 11.30 dhe ishte nisur nga Roma.

Ndërkohë që kjo nuk ishte hera e tij e parë në Tiranë. Pas hetimit të lëvizjeve, policia bën me dije se ai kishte ardhur edhe dy herë të tjera, njëherë nga Brukseli, në 2009, kurse herën tjetër nuk figuron i regjistruar në sistem.

Italiani nuk bën asnjë deklaratë për ngjarjen, por pranon vetëm se ka qenë mysafir në shtëpinë e Sulkut, ku ka ndenjur pas ardhjes nga Roma. Besnik Sulku, viktime e ngjarjes së djeshme ka ardhur 10 ditë para ngjarjes po nga Roma.

“Panorama” shkruan sot se atentati është organizuar nga Besnik Sulku dhe italiani Salvatore Letticia dhe shkaktoi edhe dy viktima të tjera, mes tyre edhe njëri nga atentatorët, 34- vjeçari Besnik Sulku.

Policia tha se shtetasi italian, i cili tentoi të largohej nga vendngjarja duke fshehur edhe armën e krimit, edhe pse fillimisht tentoi të mohonte gjithçka, provat e përfshinë tërësisht në ngjarje, madje duke e bërë autor kryesor.

Ai dyshohet të jetë vrasës me pagesë, që kishte si qëllim ekzekutimin e Mentor Lufit. Në portofolin e tij, në momentin e ndalimit, u gjet edhe një fotografi e 39-vjeçarit Lufi.

Panorama

[SERAFIM DILO]

Osht bo bulevardi me dal per xhiro per qef. Qe kur kan mbyll kinemat zhvillohen filmat ne terren.

Shyqyr qe kishim Tironen e blinduar nga kryeministri serb se do ishte bo luft me barikada.

[skender76]

Kane zbritur kafshet e pyllit ne qytet...
Vrasesi me 3 klase fillore nga nje fshat i Dibres,Burrelit ose nga Puka....
Merre me mend se cfare jane,kafshe e kaluar kafshes.
Tahiri nuk ka kohe te merret me pune te gjeje dhe mbledhe armet pa leje.
Eshte bizi me parlamentin Tahiri dhe kercet kallashi ne qender te Tiranes.
Ku eshte komuniteti i inteligjences urbane,sherbimi i informacionit per Tiranen???????
Po ben nje hic.Turp Hyn nje fshatar injorant nga Burreli dhe qellon ne bulevard sikur te ishte
Teksas.Tahiri duhet te mobilizoje komplet inteligjencen te gjejne dhe monitorizojne te gjithe te ardhurit
nga rrethet qe nuk kane shtepi ne Tirane dhe sorollaten lokaleve dhe rrugeve dhe kane arme ne makina.
Ky krimi me arme ne lokale qe shqiptaret i kane shume qef keto lokale /kafe po len pasoja shume te renda.
Banoret e Tiranes nuk do shkojne ne lokale sepse kane frike mos hane ndonje kallash keshtu per qejf te
nje idioti nga fshatrate Burrelit...
Lokaleve te kafeve do ju bjere numri i klienteve dhe ka dy opsione per pronaret
1.ose te ngrejne cmimet e kafeve dhe pijeve per te kompensuar humbjet nga renia e numrit te klienteve
2.ose te falimentojne,ose ta vene lokalin per shitje,ose te marrin hua nga banka per te mbuluar shpenzimet e biznesit
dhe zhyten ne borxhe.
Nga aktiviteti ne ulje i kafeneve edhe shteti humb sepse merr me pak takse,sepse jane bere pak shitje.
Ja se cilat jane pasojat e krimeve me arme ne rruge dhe lokale.pa folur per efektin e keq psikologjik qe ka krimi i rruges te qytetaret.
Tahiri mban fjalime ne parlament dhe ka ngec ne debate dhe replika me Berishen,Ramen etj.
Ja se cfare ndodh kur nuk behet puna.Sikur sherbimi sekret i inteligjences te kishte situaten ne total kontroll,akte te tilla nuk do kishin
asnje shans te ndodhnin,as atentatet idiote te eksplozivit nga nje grup amatoresh nuk do ndodhnin.

O Beni, o njesh!!!

Nese nje qelbsir vret nje qelbsir tjeter, sepse me pare i kane vrare vllane e qelbsires, tregon se vete shteti esht nje qelbsire e madhe, sepse: po t'ishte shtet ligjor minimumi ky qelbsira qe i kishte vrare vllane ketij qelbsires duhet t'ishte ne burg.