Berisha: "Ja si Qeveria po vjedh miliarda me fondet e ilaçeve për shqiptarët"

[Albo]

Skandali me barnat, Gjykata lë në burg Xhuvanin, Ekonomistja: Isha e detyruar të firmosja



Gjykata e Tiranës lë në burg Pjerin Xhuvanin, Drejtor i Fondit të Detyrueshëm të Kujdesit Shëndetësor dhe Hysni Rocin, administrator i Farmacisë, Lundër.
E njëjta trupë gjykuese ka vendosur masën e sigurisë arrest shtëpie për 3 punonjës të Fondit dhe detyrim paraqitje për katër drejtues farmacish, të përfshirë në skandalin e mashtrimit përmes rimbursimit të barnave.
E para që është paraqitur përpara togave të zeza ka qenë Frida Lamçe, specialiste e kontrollit ekonomik, e cila është përlotur në momentin kur ka dëshmuar përpara gjykatës.
Organi i akuzës ka kërkuar masën e arrestit 15 dite burg per Lamcen, por gjykata e ka rrëzuar duke e dërguar në shtëpi.
Në sallën e gjyqit Frida Lamçe ka thënë se ishte detyruar të firmoste 3 shkresa në lidhje me rimbursimet dhe sipas saj ishte juristja e drejtorisë që e kishte kërcënuar me largim nga puna se nëse nuk do të firmoste.
Më herët prokuroria e Tiranës ka shpjeguar edhe skemën mashtruese të ngritur nga ish-drejtori Xhuvani dhe administratori Hysni Roci, ku nëpërmjet faturave fiktive të ilaçeve, i shkaktuan shtetit një dëm prej 56 milion lekësh të reja.
Ndër të tjera, thekson akuza, si rregull, duhet që ç’do farmaci të furnizoheshin nëse kanë jo më pak se 60% te barnave të listës alternative të parë, por kjo nuk ka ndodhur pasi nga verifikimi ka rezultuar se në gjendje këto farmaci kanë pasur 60 % të barnave.
Ndërkaq, ish-Drejtori Xhuvani, ka lidhur kontratën me katër farmacitë objekt- hetimi pa u zbatuar proçedura e rregullt.
Po kështu nga marrja në pyetje e mjekëve që figuronin të kenë lëshuar recetat për pacientët të cilat janë ekzekutuar më pas nga farmacitë per periudhën kohore 01 tetor 2014-31 mars 2015, rezulton se ato nuk i kanë lëshuar këto receta.
Lidhur me skandalin e barnave, prokuroria më datë 5 qershor lëshoi 9 urdhër-ndalimesh ku 4 ishin drejtues të Fondit të Detyrueshëm të Kujdesit Shëndetësor, ndërsa të tjerët ishin drejtues farmacie.
Mbi ta rëndojnë 4 akuza si, “Shperdorimit te detyres”, “Mashtrimit ne subvencione”, “Pastrimit te produkteve te vepres penale” dhe Falsifikimit te dokumentave shendetesore”.

ORA NEWS

[Albo]

Skandali i barnave , LSI përjashton Pjerin Xhuvanin. E shkarkon nga detyra e kreut të partisë në Elbasan



Lëvizja Socialiste per Integrim është distancuar politikisht nga Pjerin Xhuvani.
Ky i fundit, i cili mbante postin e Drejtorit Rajonal të Fondit te Detyrueshem te Kujdesit Shendetesor Tirane, Pjerin Xhuvani u arrestua pak ditë më parë si i përfshirë në skandalin e rimbursimit të ilaçeve.
Vetë sekretari i Përgjithshëm i LSI-së Luan Rama në një prononcim për median nga selia e LSI-së bëri publik vendimin e kryesisë së LSI-së duke i kërkuar prokurorisë hetim të plotë dhe tërësor të këtij skandali deri në fund.
Luan Rama: “LSI ka vendosur shkarkimin nga detyra e kryetarit të LSi-së së Elbasanit Pjerin Xhuvani dhe një herësh e zhvsesh nga të gjitha atributet e përfaqësimit të tij në çdo nivel apo strukturë të LSI duke komanduar në përgjegjësinë e drejtimit të LSI-së së këtij qyteti, Edmond Haxhinaston”
Rama tha se LSI dënon me forcë çdo akt implikimi, abuzimi të cilitdo personi që rezulton i implikuar dhe “inkurajon dhe mbështet me forcë prokurorinë të bëjë hetim të plotë me shumë përgjegjësi dhe tërësor të të gjithë të implikuarve në këtë skemë duke ndëshkuar me forcën e ligjit cilindo që rezulton i implikuar pavarësisht emrit apo pozicionit të tij në administratë”
LSI- PD akuza e kundërakuza
Luan Rama, nuk kurseu akuzat ndaj PD, parti e cila sipas tij po vepron me dy standarde për dekriminalizimin.
Luan Rama: Në zyrën elektorale të Partisë Demokratike në Shkodër ku kandidon znj. Voltana Ademi, qytetarë të provuar që janë brenda selisë së kësaj partie, të publikuar në median e pavarur sot, në thelb dëshmojnë atë që çfarë Partia Demokratike akuzon për të tjerët, praktikisht e bën vetë. Atë çfarë ajo shpif ndaj të tjerëve, e ka filozofi dhe e aplikon vetë në strukturat e saj.
Pas këtyre akuzave reagoi PD duke kujtuar se Ademi, ka denoncuar me fakte pranë ambasasdorit amerikan blerjen e votave në Shkodër nga LSI.
“LSI dhe PS po shpërndajnë përditë shuma të mëdha parash në zyrat e tyre elektorale me synim blerjen e votave. Qytetarëve u kërkohet karta e identitetit, si dhe numri i votave që do të garantojnë, ndërsa në këmbim u ofrohet 50 apo 100 euro. Shuma e parave që u jepet varet nga sasia e votave që ata premtojnë”, thuhet re reagimin e PD që mbyllet me bindjen për fitoren e Ademit.
Pjerin Xhuvani, është mes 9 të arrestuarve per skandalin e mashtrimit nëpërmjet faturave fiktive të ilaçeve , duke shkaktuar një dëm prej 56 milionë lekësh, si rimbursime nga shteti.

ORA NEWS

[Albo]

Masat, Skandali i Barnave, nga sot publike rimbursimet për farmacitë, reagon dhe PD



“Ministri i Shëndetësisë tha se mbështet prokurorinë për të hetuar ndaj skandalit të barnave të rimburueshme për të cilin ka 9 persona të ndaluar.
Beqaj tha se do të bëj transparencë me çdo listë barnash në çdo muaj në farmaci dhe beson se receta elektronike do të zgjidh këtë problem. Ka reaguar edhe PD ku deputetja Albana Vokshi tha se ministri tentoi të mbulonte ketë megaskandal.
Tiranë- Ministri i Shëndetësisë mbështet çdo hetimin ndaj skandalit të barnave të rimbursueshme për të cilin janë ndaluar 9 persona.
Ministri Ilir Beqaj garantoi marrjen e masave që të frenojnë skandale apo megaskandale të tilla. E para do të jetë bërja transparente në çdo muaj listën e baranave të rimburushëm në çdo farmaci dhe e dyta receta elektonike e pilotuar për hërë të parë në Durrës sipas ministrit nuk lë vend për abuzime.

Ilir Beqaj: “Çdo muaj Ministria e Shëndetësisë do të bëjë transparencën e plotë të të gjitha rimbursimeve për çdo farmaci. Gjithashtu do bëhet publik sasia e barnave të rimburusuara dhe vlera financiare”
“Raporti do të jetë publik dhe do të postohet çdo dit oneline” tha Beqaj duke shtuar se kjo masë ka nisur prej ditës së djeshme janë hedhur online të dhënat për muajin prill.
Një tjetër masë është dhe vënia në përdorim e recetave elektronike.
Deputetja e PD Albana Vokshi tha se prokuroria reagoi më në fund për skemën e mashtrimit të barnave ndërsa akuzoi ministrinë se bëri gjithçka për të mbuluar këtë abuzim.

Albana Vokshi: Më në fund prokuroria hodhi një hap dhe arrestoi Drejtorin e Fondit të Sigurimit të Detyrueshëm Shëndetësor në Tiranë, Pjerin Xhuvani. Falsifikimi i recetave llogaritet të ketë futur në xhepat e mafias së ilaçeve, më shumë se 7 miliardë lekë. Zullumi ishte aq i madh, sa edhe pse raporti i kontrollit u mbajt i fshehur per me shume se nje muaj në kryeministri
Partia Demokratike kërkon që hetimet ndaj këtij megaskandali me vlerën e 7 miliardë lekëve të shkojë deri në fund. Skandalin e denoncoi fillimisht opozita në paralment më pas qeveria dhe ministria e Shëndetësisë e quajtën si një proces auditit në këtë sektor nga strukutuarat antikorrupion.
Aktualisht janë 9 persona janë të ndaluar si të dyshuar si përgjegjës apo të këtë përfshirë në këtë skandal.
Ministria e Shëndetësisë deklaroi se mbështet prokurorinë në hetimin e skandalit të barnave duke kërkuar një hetim sa më të thellë dhe më të gjerë.
“Ne si ministri mbështesim hetimet dhe inkurajojmë të dalin para drejtësisë të gjithë përgjegjësit, por kjo nuk mjafton, duhet të marrim masa që ajo që ndodhi të mos përsëritet” tha sot ministri Beqaj duke bërë publike dhe dy masat e ndërmarra për të rritur transparencën.
Në lidhje me skandalin e rimbursimit të barnave farmaceutike, dje u arrestuan Drejtori Rajonal i Fondit te Detyrueshem te Kujdesit Shendetesor Tirane, Pjerin Xhuvani , Frida Lamçe, ekonomiste , dy zyrtare te tjere te kesaj Drejtorie si dhe 5 drejtues farmacish.
Sipas organit të akuzës, “Nga kryerja e veprimeve hetimore ka rezultuar se gjatë periudhës shtator 2014 – mars 2015, këto farmaci kanë përfituar në mënyrë të kundraligjshme një shumë totale rimbursimi nga shteti në vlerën 55.941.901 lekë. Nga hetimi i Prokurorisë Tiranë rezulton se barnat, çmimet e të cilave janë rimbursuar, kanë qenë kryesisht për kurimin e sëmundjeve tumorale”.

ORA NEWS

[Albo]

Skandali i ilaçeve, dorëhiqet Astrit Beci, pas Tiranës në sitë 9 Drejtori



Dorëheqja e Astrit Becit nga posti i drejtorit të fondit të sigurimit të kujdesit të detyrueshëm shëndetësorë është zhvillimi i fundit në skandalin e recetave fiktive të rimburimit.

Nga hetimet e task forcë në Prokurorinë e Tiranës ka rezultuar se në skemën fiktive të rimbursimit janë përdorur 12 medikamente të rimbursueshme me vlerë mbi 15 mijë lekë për medikament, medikamente këto të përdorshme për kurimin e sëmundjeve tumorale, ato të diabetit dhe sëmundjeve të brendshme aspiratore të cilat në listën e rimbursimit kanë vlerën më të madhe të rimbursimit.


Hipoteza e Prokurorëve është se kjo skemë fiktive rimbursimi prek kupolën drejtuese të fondit të sigurimit të kujdesit të detyrueshëm shëndetësore dhe gjithashtu sipas tyre është shtrirë në 10 nga 12 drejtorit rajonale të fondit, duke bërë që në sitën e hetimeve veç drejtorisë rajonale të Tiranës të kalojë dhe drejtoria e Elbasanit, Durrësit, Vlorës, Fierit, Shkodrës, Dibrës, Beratit, Lezhës e Gjirokastrës.

Për skandalin e rimbursimit fiktiv me vlerë të dokumentuar në 56 milion lekë në 2 javë hetime të task forcës në pranga janë ish drejtori i tiranës Pjerin Xhuvani dhe administratori i 4 farmacive të hetuara në tiranë Hysen Roci. Ndërkohë në të njëjtin hetim 3 zyrtarë të drejtorisë tiranë dhe 4 farmacistë janë në masën detyrim paraqitje.

Sipas hetuesve nga ballafaqimi i dokumentacionit të sekuestruar në këtë fazë të hetimeve ka rezultuar se nga buxheti i shtetit janë paguar në formë rimbursimi ilace fiktive më shumë nga realisht janë importuar ilace të rimbursueshme dhe nga sa realisht depot farmaceutike kanë shpërndarë në tregun e farmacive, apo pacientët e siguruar kanë përfituar.

Aktualisht hetuesit kanë marrë në dorë serverin qendror të programit të rimbursimit të medikamenteve dhe po punojnë për të klasifikuar farmacitë të dhe depot farmaceutike të përfshira në këtë skandal, pasi sipas hetuesve çdo ilaç i rimbursueshëm shënohet online sapo del nga depo dhe deri kur merret nga pacienti nëpërmjet farmacisë.

Dorëheqja e drejtuesit të fondit të rimbursimit Astrit Beci për t’i hapur rrugë çdo hetimi siç ai shprehet në arsyet e tij vjen afro dy vite pas emërimit të tij në këtë post më 8 tetor të 2013, ndërsa më parë ai ka qenë dhe deputet në parlamentin e Shqipërisë.


Deklarata e plotë e Astrit Beci për dorëheqjen nga posti i drejtorit të FSDKSH
Në emër të dinjitetit tim personal, në shprehje të përgjegjshmërisë më të lartë institucionale, me dëshirën për t’i hapur plotësisht rrugën cdo hetimi dhe me vullnetin për të ruajtur dhe forcuar emrin e mirë të Fondit të Sigurimit të Detyrueshëm të Kujdesit Shëndetësor: "Deklaroj dorëheqjen time të parevokueshme nga detyra e Drejtorit të Përgjithshëm të këtij Fondi, i bindur se krijoj kështu klimën më të mirë institucionale për mbarëvajtjen e reformës në shëndetësi dhe për luftën e domosdoshme kundër korrupsionit. Jam krenar për arritjet e shënuara në këtë periudhë 20 mujore gjatë së cilës kam drejtuar një prej Enteve më të rëndësishëm në zemër të reformës më të vështirë të ndërmarrë nga një administratë politike. Në dokumentat bashkëngjitur do të gjeni të plotë arritjet e kësaj periudhe, e cila ka qenë e vështirë, plot me sfida dhe me shumë kënaqësi që prodhon puna e përbashkët. Falenderoj çdo bashkëpunëtor që ka qenë pranë meje me kontributin e tij dhe jam i bindur se arritjet e shënuara gjatë kësaj periudhe nga stafi që kam drejtuar, janë të pakthyeshme dhe të qëndrueshme.

Në lidhje me hetimin penal të kërkuar prej meje si Drejtor i Përgjithshëm për shpërdorimet dhe përfitimet e paligjshme nga skema e rimbursimit të disa subjekteve farmaceutike, i takon institucioneve të drejtësisë t’i shkojnë deri në fund politikës “zero tolerancë” ndaj korrupsionit, që unë kam zbatuar në krye të Fondit. Për arsye të sekretit hetimor kam zgjedhur gjatë kësaj periudhe të mos flas publikisht.

Me përfundimin e projekt-raportit auditit kam dërguar pranë Drejtorisë së Tiranës rekomandimet per masat organizative, disiplinore dhe administrative, të cilat mendoj që do të mundësojnë mirë-administrimin e kësaj drejtorie. Jam i bindur se pasardhësi im në detyrë do t’i ketë ato përparësi të punës së tij. Duke falenderuar personalisht të gjithë ata që patën besim tek unë dhe më mbështetën moralisht dhe institucionalisht, mbetem i bindur se cdo arritje e secilit është një hap më tej i vendit dhe i qytetarëve të tij drejt një standardi më të lartë e më të merituar jetese.

Shqiptarja

[benseven11]

Shteti ka rimbursuar farmacite ,atehere shteti e ka fajin.
farmacite kane paraqitur recetat.
Nuk them qe farmacite nuk kane faj,por faj ka edhe Ministria e Shendetsise
qe ka financuar reimbursime qe nuk duhet te ishin bere.
Kjo ka ndodhur sepse shteti nuk kontrollon,
Eshte arritur vlera e 7 bilion lekeve qe shteti i ka bere pagese farmacive.
Kjo sasi si total nuk u be per 1 dite por eshte nje total pagesash te bera nga Ministria
per ne periudhe me shume se nje vit.Kjo tregon qe shteti nuk kontrollon as farmacite,
as dokumentacionin.Sikur shteti te kontrollonte periodikisht aktivitetin e farmacive me inspektore
financash cdo 3-4 dite,parregullsi dhe vjedhje te tilla do ishin kapur dhe demi do ishte shume i vogel per shtetin.
Astrit Beci ka gjithashtu pergjegjsi dhe faj si drejtuesi i agjensise se inshurancave qe ka bere pagesat(ri imbursimet)
Kjo agjensi eshte nen varesi te plote te Ministrise se Shendetsise.Jane bere edhe shume receta me emra fallco thjesht
per tu ri imbursuar(paguar)nga agjensia dhe kjo eshte mashtrim me qellime perfitimi financiar(FRAUD), eshte krim i rende.

[Albo]

Farmacistët boshatisën llogaritë bankare para arrestimit

Llogaritë bankare të të arrestuarve për skandalin e ilaçeve të rimbursueshme jane bosh. Verifikohet edhe pasuria e drejtorit Pjerin Xhuvani.



ABC News ka mësuar se farmacisti Hysni Roçi, pronari i 4 farmacive fiktive, që dyshohet se është personi që ka përfituar direkt rreth 500 mijë euro nga ilaçet e rimbursueshme, ka boshatisur të gjitha llogaritë bankare.

Prokurorët thonë se nga verifikimi i kryer, rezulton se Roçi pak ditë para se të publikohet raporti i kontrollit të farmacive që zbuloi skandalin e ilaçeve të rimbursueshme, ka zbrazur të gjitha llogaritë bankare. Bankat kanë njoftuar prokurorinë se paratë janë tërhequr në ditë të ndryshme në cash dhe nuk dihet destinacioni i tyre.

Ndërkohë edhe gjatë kontrollit të banesës, policia nuk ka arritur të gjejë ndonjë gjurmë të shumës së rimbursueshme me dokumente fiktive.

Sipas prokurorisë, krahas verifikimit të llogarive bankare, është kërkuar edhe nga hipoteka të evidentojnë të gjitha pronat e të dyshuarit Roçi, i cili është treguar i kujdesëshëm duke mbyllur edhe farmacinë që kishte përballë Spitalit të Pediatrisë këtu në Tiranë.

Ndërkohë edhe gjatë kontrollit të banesës, policia nuk ka arritur të gjejë ndonjë gjurmë të shumës së rimbursueshme me dokumente fiktive.

Sipas prokurorisë, krahas verifikimit të llogarive bankare, është kërkuar edhe nga Hipoteka të evidentojnë të gjitha pronat e të dyshuarit Roçi, i cili është treguar i kujdesëshëm duke mbyllur edhe farmacinë që kishte përball Spitalit të Pediatrisë këtu në Tiranë.

Krahas verifikimit të farmacistit Roçi, prokuroria ka kërkuar të dhëna edhe për drejtorin rajonal të fondit Pjerin Xhuvani, i cili dyshohet se ka bashkëpunuar me pronarin e 4 farmacive fiktive.

Prokurorët thonë se është kërkuar verifikimi i llogarive bankare dhe i pronave të Xhuvanit e të afërmve të tij, pasi gjatë kontrollit të banesës policia nuk ka arritur të gjejë ndonjë shumë të caktuar parash.

Këtij hetimi do t’i nënshtrohen edhe të dyshuarit e tjerë të proceduar në këtë proces hetimor.

Ndërkohë gjatë mesditës së premte, prokurorët kanë marr në pyetje disa mjekë, emrat e të cilëve rezultojnë ne recetat e dorëzuar pranë Fondit të Rimbursimit në emër të 4 farmacive fiktive.

Mësohet se asnjëri nga mjekët e pyetur, nuk ka pranuar se është firmëtar i këtyre recetave, duke provuar edhe njëherë falsifikimin e tyre.

Nga ana tjetër prokurorët thonë se hetimi është zgjeruar edhe në nivelin e drejtuesve të Fondit, si rajonal ashtu edhe qendror, pasi dyshohet se zyrtarë të këtij institutcioni prej vitesh kryejnë të njejtën skemë mashtrimi me ilaçet e rimbursueshme.

MAPO

[benseven11]

Akti i depozitimit te 500 mije eurove eshte i dokumentuar nga banka.
jane dokumentuar se sa para jane derdhur ne banke,kjo eshte e rendesishme
qe e lidh Rocin me nje krim sepse ato para jane para reimbursimi qe jane te lidhura ne vlera lekesh
me receta farmacie.
Terheqja e parave dhe boshatisja e llogarive bankare tregon qe Roci eshte fajtor dhe don te zhduke
prova nga banka.Por idioti Roci harron qe cdo banke ka nje HISTORI transaksionesh derdhje parashe ceqesh
dhe terheqje dhe kete histori banka mund tja jape si deklarate(statement) organeve te prokurorise dhe hetusise.
Historia do vertetoje qe ai ka depozituar para te rimbursuar nga ilacet dhe kaq prove mjafton qe ai te cilesohet
fajtor.Ai kujton se duke terhequr parate cash,nuk do i paguaje ato para shtetit,nuk do ti jape ato para,nuk don ti lere ne banke
nga frika se shteti mund tja ngrije llogarine(freeze) dhe konfiskoje komplet parate.
Kjo eshte nje skeme gjigande mashtrimi FROD ku jane shkruar receta fallco per farmaci qe nuk ekzistojne ne realitet,
me emra doktoresh lokale jane fallsifikuar firma doktoresh
dhe jane marre para dhe depozituar ne banke.

[Meriamun]

Berisha leh në fcb si kone dhe nuk ka lënë jorgan dhe krevat që mos ti ketë hyrë poshtë dhe merret me thashethanje të tipit gruaja e këtij me atë, apo kjo i kishte të kuqe ndërsa tjetra ishte pa to fare etj etj. Në kohën e tij ndodhën sa të duash gjithashtu kështu që ska gojë aspak të flasë. Ky është problemi bazë në Shqipëri sepse ska alternativë, ska opozitë, të dyja palët janë prodhimi i së njëjtës fabrikë. Pak rrëmbeu xeni dhe argita me fazlliçët dhe bosët e tjerë të mafies ndërkombëtare?!

Personalisht më vjen të vjell prej të dy palëve janë faqja e zezë e historisë shqiptare.

[Albo]

Skandali i ilaçeve! Pranga edhe Xhuvanit, drejtor i FDKSH

Vetëm pak ditë pas denoncimit të skandalit me rimbursimin e recetave të falsifikuara, prokuroria urdhëron arrestimin e 10 personave, mes të cilëve zyrtarë e pronarë farmacish. Nëpërmjet recetave fiktive, të dyshuarit kanë përfituar 1.5 miliard lekë rimbursime për barna të pashitura, të cilat janë pasqyruar në receta me vula mjekësh të falsifikuara. Nën hetim dhjetëra zyrtarë e farmacistë. Të enjten vonë dhe të premten ka vazhduar edhe procesi i arrestimeve. Në pranga edhe Drejtori i Fondit të Detyrueshëm të Kujdesit Shëndetësor, Pjerin Xhuvani

Skandali i rimbursimit të recetave fiktive që i ka shkaktuar shtetit një dëm prej 1.5 miliard lekësh, është pasuar me të paktën 10 arrestime nga radhët e zyrtarëve dhe personave të përfshirë në superskemën e mashtrimit. Pronarë farmacish, drejtues teknikë si dhe zyrtarë të Fondit të Sigurimeve përfunduan në pranga pas një hetimi disajavor të Prokurorisë së Tiranës, e cila arriti të provojë abuzimet me rimbursimin e recetave fiktive.

Burime të policisë pohojnë se “Task Forcë” në Prokurorinë e Tiranës ka lëshuar 10 urdhër-arreste për personat e përfshirë në skemën e mashtrimit, të cilët dyshohet se kanë përfituar rreth 1.5 miliard lekë vetëm në një vit. Në fokus të hetimit janë katër farmaci, të cilat përgjatë vitit 2014 dhe muajve të parë të vitit 2015 kanë paraqitur për rimbursim me qindra receta të falsifikuara pranë Fondit të Sigurimeve Shëndetësore.

Këto receta edhe pse kanë rezultuar të parregullta e me vulat e mjekëve të falsifikuara, janë rimbursuar nga ana e Fondit të Sigurimeve, i cili ka bërë pagesat në llogaritë e pronarëve të farmacive fiktive. Deri tani janë evidentuar të paktën 4 farmaci, të cilat nuk plotësojnë asnjë kriter për të ushtruar këtë veprimtari, e megjithatë kanë mundur të përfitojnë shumën e konsiderueshme të parave në formën e rimbursimit.

Skema është zbuluar fillimisht nga Njësia Antikorrupsion pranë Kryeministrit, e cila në bazë të informacioneve të mbërritura ka kryer një kontroll pranë Fondit të Sigurimeve Shëndetësore. Zbulimet e para ishin tronditëse, pasi pronarët e vetëm katër farmacive fiktive kishin përfituar shumën e konsiderueshme të parave nga zyrtarët e Fondit të Sigurimeve.

Hetimet e kryera nga njësia “Task Forcë” në Prokurorinë e Tiranës konstatuan se farmacitë janë në pronësi të vetëm dy personave, ndërsa në skemën e mashtrimit përfshihen drejtuesit teknikë të tyre, si dhe zyrtarët e Fondit të Sigurimeve Shëndetësore.

Dyshimet e para për abuzimin që kap vlerën e 1.5 miliard lekëve bien mbi zyrtarët e Fondit të Sigurimeve, të cilët jo vetëm kanë pranuar receta fiktive me vula mjekësh të falsifikuara, por kanë bërë rimbursimin e tyre në vlera të konsiderueshme. Prokuroria është treguar e rezervuar rreth detajeve të hetimit, por mësohet se gjithë abuzimet dyshohet se janë kryer përmes disa farmacive fiktive dhe recetave të falsifikuara.

Nga hetimet e deritanishme është arritur të provohej se skema e mashtrimit funksiononte në këtë formë: Farmacitë paraqisnin receta fiktive me vula mjekësh të falsifikuara pranë Fondit të Sigurimeve Shëndetësore, i cili pa kryer asnjë verifikim mbi këto receta, kryente procedurat e rimbursimit dhe kalonte pagesat në llogaritë e subjekteve. Nisur nga ky zinxhir, prokuroria e ka patur më të lehtë të përcaktojë përgjegjësitë, të cilat nisin nga pronarët dhe drejtuesit teknikë të farmacive fiktive e përfshijnë edhe disa sektorë në Fondin e Sigurimeve.

Bëhet fjalë për sistemin e hedhjes së të dhënave, sektorin e pranimit, atë të kontrollit dhe sektorin e rimbursimit, për të cilat ka dyshime se janë përfshirë në skemën e mashtrimit me recetat e falsifikuara të barnave mjekësore. Edhe pse recetat kanë qenë fiktive dhe një pjesë e farmacive fantazmë apo të paregjistruara në QKR, pronarët e tyre sërish kanë përfituar paratë e rimbursimit, të cilat iu kanë kaluar në llogaritë e tyre bankare. Farmacitë që nuk kanë adresë, mësohet se janë rimbursuar në shumën e 55 milionë lekëve të reja nga buxheti i Fondit të Sigurimeve Shëndetësore, por këto ilaçe nuk janë shitur kurrë.

Në të gjitha rastet bëhet fjalë për medikamente mjaft të shtrenjta, që variojnë nga 300 deri 800 mijë lekë të vjetra. Të njëjtat burime saktësojnë se janë falsifikuar vulat dhe firmat e rreth 80 mjekëve. Disa nga mjekët janë pyetur nga organi i akuzës dhe janë shprehur se nuk i kanë firmosur kurrë ato receta. Prokuroria në të vërtetë nuk ka gjetur asnjë lidhje mes tyre dhe skemës së ngritur.

Në këtë skemë dyshohet se janë përfshirë edhe zyrtarë të nivelit të lartë, të cilët po hetohen tashmë nga Prokuroria e Tiranës.

Të enjten vonë dhe të premten ka vazhduar edhe procesi i arrestimeve. Në pranga edhe Drejtori i Fondit të Detyrueshëm të Kujdesit Shëndetësor, Pjerin Xhuvani.

Kurse ministri i Shëndetësisë, Ilir Beqaj tha se kërkon hetim të gjerë dhe të thellë për skandalin e ilaçeve.
Ai u tha gazetarëve se kallëzimi është bërë nga Auditi i Fondit dhe se është Prokuroria ajo që po bën punën e saj dhe po ndëshkon autorët.


Të ndaluar deri tani

P. Xhuvani, Drejtor i FDKSH

E. Mara, Juriste pranë Drejtorisë Rajonale të Fondit

K. Mahmutaj, Punonjëse pranë Drejtoria Rajonale e Fondit

H. Roci. Administrator i Farmacisë, Lundër

M. Tufi, Drejtuese teknike e farmacisë Lundër

N. Thanasi, Drejtues Teknik i farmacisë “Nutrimed”

A. Spahiu, Drejtues Teknik i farmacisë Bërzhitë.

A. Manaj, Drejtuese Teknike e farmacisë “Adelina”.

MAPO

[Albo]

Farmacitë “fantazmë” përfituan miliona lekë nga fondi i rimbursimit të ilaçeve

Fondi i Kujdesit Shëndetësor në Tiranë është përfshirë në një skemë të madhe mashtrimi, duke rimbursuar 56 milionë lekë për katër farmaci të parregullta, të cilat paraqitën receta të falsifikuara.

Fondi i Sigurimit të Detyrueshëm të Kujdesit Shëndetësor në Tiranë është përfshirë në një skemë të madhe mashtrimi me rimbursimin e ilaçeve që kurojnë tumorin, duke i shkaktuar buxhetit të shtetit një dëm prej 56 milionë lekësh të reja.

Një hetim i Prokurorisë rreth këtij abuzimi u mbyll me shtatë urdhër-arreste, mes të cilëve dy zyrtarë të Fondit të Sigurimit të Detyrueshëm dhe 5 drejtues farmacish.

Këshilltari për mediat i Prokurorisë së Përgjithshme, Albi Serani tha përmes një deklarate se njësia Task-Forcë po vazhdon hetimet edhe për persona të tjerë të përfshirë në këtë skemë mashtrimi.

“Nga hetimet e deritanishme dyshohet se disa punonjës të Fondit të Kujdesit Shëndetësor, në kundërshtim me ligjin, u kanë dhënë disa farmacive të drejtën e përfitimit nga rimbursimi i medikamenteve,” tha Serani në një deklaratë për shtyp.

Zyrtarët e arrestuar janë E.Mara, juriste e Fondit të Kujdesit Shëndetësor në Tiranë dhe K.Mahmutaj, punonjëse në të njëjtin institucion. Paraditen e së premtes është shoqëruar në polici edhe drejtori i Fondit, Pjerin Xhuvani.

Sipas Prokurorisë, në skemën e mashtrimit janë përfshirë 4 farmaci, të cilat ndodhen në zonat periferike të Tiranës si Lundër apo Bërzhitë. Farmacitë me emrin “Bërzhita”, “Lundër”, “Adelina” dhe “Nutrimed” kanë përfituar gjatë periudhës shtator 2014-mars 2015 rreth 56 milionë lekë të reja.

Sipas Prokurorisë, skema e mashtrimit është realizuar përmes recetave të falsifikuara, kryesisht në medikamente të shtrenjta që kurojnë tumorin. Hetuesit kanë verifikuar emrat dhe firmat e mjekëve në fund të recetave, prej nga ka rezultuar se ato janë të falsifikuara.

Dokumentet e siguruara nga hetimi kanë mundur të zbulojnë se në këtë skemë janë përdorur emrat e 80 mjekëve të ndryshëm në zonat periferike të Tiranës, përmes falsifikimit të recetave.

Ndërkohë, një burim i Prokurorisë i tha BIRN se farmacitë e përfshira në skemë dyshohet se ishin biznese “fantazmë”.

Sipas hetimit, farmacitë “Lundër” dhe “Bërzhita” kishin të njëjtin NIPT në QKR dhe të njëjtën adresë, që pas verifikimit rezultoi të ishte shtëpi banimi dhe jo biznes farmaceutik. Megjithatë, kjo nuk i ka penguar zyrtarët e Fondit të Kujdesit Shëndetësor të lidhnin kontrata me to.

Prokuroria thotë se skema e mashtrimit ka vazhduar për 6 muaj, kohë kur në llogaritë bankare të drejtuesve të farmacive janë derdhur miliona lekë nga Fondi i Kujdesit Shëndetësor të Tiranës.

I pyetur për këtë skemë mashtrimi, ministri i Shëndetësisë, Ilir Beqja tha nga Korça se kallëzimi në Prokurori u krye nga auditi i Fondit të Kujdesit Shëndetësor.

“Kërkoj hetim të thellë dhe të gjerë për këdo që është përfshirë,” tha ministri Beqja.

BIRN

MAPO