Si pasurohen pushtetarët e rinj duke vjedhur fondet publike

[par]

Pushteti i ri/ Skema e milionave me kompani marketingu

Pushteti i ri e ka gjetur çelësin si të bëjë para’ duke përfituar nga fondet publike. Në pak kohë e ka kuptuar se milionat mund të vilen nga buxheti i shtetit me kompani e agjenci marketingu e reklamash. Erion Veliaj duket se ishte i pari që e nuhati këtë. Vëllai i tij administron prej kohësh kompaninë Gogel. Por ai nuk mund t’i jepte atij kaq hapur shuma të konsiderueshme nga buxheti i shtetit. Opozita thotë se për këtë qëllim ai krijoi EAG Communication, një agjenci reklamash e marketingu që fitoi pa garë tenderi 400 milionë lekësh për zbukurimin e Tiranës me rastin e vizitës së Papa Françeskut. Ajo u krijua në janar të vitit 2014 dhe në 8 muaj arriti të marrë një tender të rëndësishëm për të dekoruar me shpejtësi (koha u konsiderua e pamjaftueshme) kryeqytetin, ndonëse kishte vetëm 5 punëtorë.

Erion Veliaj ka lidhje edhe me një tjetër kompani marketingu që është në pronësi të Amantia Pezës, vajzës së deputetit të PS -së, Dashamir Peza. Anima Pictures është shfaqur disa herë si agjenci mbështetëse e aktiviteteve të Ministrit të Mirëqënies Sociale. Ajo organizoi në mënyrë “vullnetare” TrakuFest-in, aktivitetit që i priu martesës Veliaj - Xoxa në kalanë e Gjirokastrës. U shfaq edhe tek Peza n’Fest, aktiviteti i përvitshëm në përkujtim të Konferencës së Pezës, që vitin e shkuar u la në dorë të Erion Veliajt, edhe pse në shkelje të plotë të protokollit. Sërish fonde publike në qarkullim dhe emra kompanish marketingu e komunikimi të të afërmve të pushtetit që qëndrojnë pas tyre.

Një kompani të tillë për marketing e komunikim hapi edhe motra e një tjetër deputeti socialist. Fjoralba Balla Soukis, motra e Taulant Ballës e regjistroi subjektin “ARTS” më 25. 02.1013, si aksionere e vetme, dhe me adresë të zyrave pranë “Dy Kullave” në Bulevadin “Dëshmorët e Kombit”.

Më 9 dhjetor të vitit 2013, pak muaj pas ardhjes së socialistëve në pushtet, Fjoralba Sukis heq dorë nga administrimi dhe aksionet dhe i kalon ato tek Kledia Stefani. Në këtë periudhë kompania ka shtuar objektin e veprimtarisë duke ofruar një gamë jashtëzakonisht të gjerë shërbimesh.

Por vetëm 4 ditë më pas, Kledia Stefani i shet 100 % aksioneve të kësaj kompanie Aurora Cekanit dhe largohet nga detyra e administratores, post që e merr Nadja Buka.

Emri i Fjoralba Balla Soukis nuk figuron më në kompani. Por si për çudi, pronarja e re, që e bleu kompaninë “ARTS”, jo direkt prej saj, por nga Kledia Stefani, rezulton të jetë vazja e dajës së Fjoralba dhe Taulant Ballës. Në profilin e saj në Facebook ajo ka edhe një foto të Taulant Ballës, të zgjedhjeve të 23 qershorit, ku i fton miqtë të votojnë për të.

"Nuk e ka fallsifikuar njeriu- lekun ashtu sic e fallsifikon leku - njeriun. vleresimin e merr ai servili, kafedhenesi, fiks sindroma e parase se celbur ne demokracine tone te ngelur"

Aurora Cekani, veç pronësisë së kompanisë së reklamave, është edhe e punësuar si specialiste tek Agjencia e Legalizimeve, ALUIZNI, pas ardhjes së Partisë Socialiste në pushtet.

Kështu, Fjoralba Balla Soukis de jure nuk figuron në krye te kompanisë, por de facto e drejton atë. E pranon edhe vetë në rrjetin social LinkedIn.

Portali ekspres.al shkruan se shitja 2 herë brenda 4 ditësh e kompanisë është bërë për të mbuluar emrin e motrës së Taulant Ballës në krye të këtij biznesi dhe për të përfituar sa më shumë fonde publike me ndihmën dhe ndërhyrjen e deputetit. Sipas këtij portali, me ndërhyrjen e Taulant Ballës, kompania “ARTS” fitoi vjet tenderin për të bërë marketingun e Ditës së Verës, në Elbasan. Balla është deputet i këtij qarku. “ARTS” mori përsipër organizimin e panairit të biznesit, dekorimin e qytetit dhe ngritjen e infrastrukturës për zhvillimin e aktiviteteve, duke përfituar shuma të konsiderueshme parash.

Ekspres.al e lidh veprimtarinë e kësaj kompanie me një sërë aktivitetesh dhe shërbimesh që ka përfituar nga ndëhyrjet e deputetit socialist. Kompani ofron shërbime edhe në produksionet televizive, filma, spote, dokumentarë, publikime revistash, gazetash e librash, organizim panairesh, ekspozitash apo eventesh sportive, projektim, implemetim dhe menaxhim të strukturave turistike, kërkim tregu edhe nëpërmjet shërbimit telefonik, distributor i produkteve dhe materialeve promocionale, prodhim, tregtim, marrje përfaqësi brenda dhe jashtë vendit, tregtim i veprave të artit, restaurime të veprave të artit si; piktura, skulptura e monumente të tjera, ndërtime civile dhe industriale, studime mjedisi, vendburimesh gjeologjike, minerare, naftë e gaz mbajtëse, gjeotermale, gjeofizike si dhe studime nënujore dhe përpunime nënujore, shërbime edukimi, kualifikimi, trajnimi etj.

Dhe të gjithë këto shërbime, që kanë kosto tepër të larta, i menaxhon një specialiste e ALUIZNI -t të Artan Lames, e sapodalë nga bankat e shkollës.

Së fundi “ARTS” flitet se është angazhuar me marketingun e Lotarisë Kombëtare, pjesë e Austrian Lottery. Fjoralba Balla rezulton se ka punuar në Lotarinë Kombëtare. Ajo ka qenë drejtuese e projekteve sociale deri pak kohë më parë. Ka punuar tek e njëjta Llotari që vëllai i saj në korrik të vitit 2012 e akuzonte për korrupsion nga foltorja e kuvendit.

"Austrian Lottery është nën hetim për korrupsion në vendin e vet, ndërsa në Shqipëri blen të njëjtën licencë, 100 herë më lirë se sa në Austri. Pra, këtu jo vetëm që duhet hetuar, por kjo duhet bllokuar me çdo kusht. Dua t'i drejtohem sot edhe kësaj kompanie dhe them se ne do të kërkojmë një hetim për korrupsion, ndaj këtij subjekti, një hetim të plotë në Shqipëri dhe në Austri dhe kudo gjetkë ku janë zhvilluar biseda, ku janë bërë pagesa 'cash' dhe ku janë dhënë rryshfete. Do të zbardhim të gjitha pazaret, të gjitha parakontratat. I them sot kompanisë "Australin Lottery", që tender-komedia e Ridvan Bodes, nuk vlen, ndërsa licencën që kanë rënë dakord me Zenin, ne do ta anulojmë dhe do t'ia kthejmë atë shqiptarëve. Nuk mund të lejojmë që shqiptarëve t'ju merren një pronë publike, prej më shumë se 100 milionë eurosh, se kështu ka rënë dakord Zeni në Austri", deklaronte Balla më 26 korrik të 2012 -ës.

Prej ardhjes së Partisë Socialiste në pushtet, Taulant Balla jo vetëm që nuk ka ndërmarrë ndonjë nismë të tillë për t’iu përmbajtur premtimeve, por kompania e themeluar nga motra e tij dhe e drejtuar de jure nga vajza e dajës, po i bën fushatën e marketingut Lotarisë Kombëtare. Kështu pushteti i ri po i bie fare shkurt. Të afërm ministrash e deputetësh të mazhorancës i kanë përqendruar energjitë e tyre në kompani marketingu, reklamash e komunikimi dhe befas fitojnë tendera pa qenë nevoja edhe të garojnë me kompani që këtë aktivitet e ushtrojnë prej vitesh, kur bëhet fjalë për tendera që jepen nga qeveria.

Lapsi.al

[par]

Nuk e ka fallsifikuar njeriu - lekun ashtu sic e fallsifikon leku - njeriun.
" vleresimin e merr ai servili, hipokrizia, analfabeti I frustruar; fiks sindroma e parase se celbur ne demokracine tone te ngelur.

[Isabel2]

Mjafton te jesh Andej nga jam une, dhe ke Lind I pasur
Dmthen nga Lazarati

[SERAFIM DILO]

Eshte bere ky Balla kopia perfekte e Lul Bashes,e kan kthyer vjedhjen ne kombinate e divizione farefisnore.

Nuk duhen permendur me as motra,vellai o vjerri.Xhaja,daja,halla jane kthyer ne shefi kuadrit,shefi llogaris,shefi planit...

[Wordless]

Lul Basha vodhi një autostradë komplet e nuk i ra në sy njeriu, që mos filloj t'i numëroj të gjitha rrugët e lëna me nga dy metra gjersi mangu e me kilometra të pa përfunduara

Shiko, po pse ju shkon mëndja te autostrada e Elbasanit që është rrugë simotër e asaj të Kombit

[skender76]

Prap me Salen e Lulin?!
Futini n'burg!!

Sala-Sala...., late nam!!

[par]

nuk munda te ngarkoj fotot e kontratave te tyre, por as ministri I shendetesise nuk ngelet prapa me kontraten qe ka lidh me nje firme importi mallrash ushqimor qe te kontrolloj falas shendetin e 40-65 vjecarve, dhe konkurues ne kete tender ishin 2 kompani me te njejten pronare.

[par]

LAPSI.AL

Kjo është foto e faqes së parë të së përditshmes Dita të datës 27 janar. Ministri Beqaj shfaqet me kokë të lidhur dhe me siguri që pas fakteve për një tender të dyshuar si të manipuluar në shumën e 4 milion eurove, ai duhet të ketë shumë dhimbje koke.

Nën titullin "Hije skandali mbi ministrin Beqaj", gazeta pranë qeverisë ka zbuluar nëpërmjet një investigimi një aferë që bie era korrupsion të ministrit të Shëndetësisë, Ilir Beqa. Bëhet fjalë për nje tender për blerjen e një helikopteri me vlerë afro 4 milion euro, për të cilin Dita referon fakte se fituesi ishte paracaktuar. "Ministria e Shëndetësisë... ka përcaktuar parametra të atilla që mund t’i përshtateshin vetëm mjetit të piketuar apo të rënë dakord që më parë. E thënë shkurt, tenderi duket një maskim “ligjor” për një blerje të drejtpërdrejtë dhe të paracaktuar. Një helikopter akull i ri nuk vjen dot për 30 ditë; ndërkohë që detaji “i pafajshëm” se mjeti mund të jetë edhe “paksa” i përdorur me deri 50 orë fluturimi (!), duket se e vë gishtin direkt mbi mjetin që duhet blerë. Kritere të tilla kaq specifike në një tender të hapur mbajnë erë më të rëndë se tualetet e spitaleve.", shkruan Dita duke iu referuar ankesave të dy firmave të tjera të mirënjohura që u skualifikuan nga gara dhe që kanë denoncuar në ambasadat përkatëse, atë amerikane dhe atë italiane hilet që sipas tyre ministria ka bërë në këtë tender. Në bazë të këtyre ankesave qëndron fakti se ministria e Ilir beqajt e kishte paracaktuar me kohë fituesin duke vënë parametra që i plotësonte vetëm njëra kompani, Airbus Helicopter, që fitoi edhe tenderin.



Të dhënat teknike sipas dokumenteve të tenderit dhe njoftimi për tender publik

"Është fjala për 4 milionë euro. Nuk janë pak edhe për një vend të kamur, e jo më për Shqipërinë. Tenderi në fjalë, në fund të fundit e solli një helikopter, mund të thotë dikush, se dikur edhe nuk të vinte fare. Ndoshta, por nëse kjo qeveri dhe aq më tepër shëndetësia, ka vendosur ta zbresë sërish stekën tek qeveria që lamë pas, thjesht duke sofistikuar korrupsionin nëpërmjet paracaktimit të kritereve specifike, është fare kollaj ta bëjë", shkruan Dita duke kërkuar indirekt përgjegjësi nga qeveria dhe kryeministri Rama për këtë rast.

Vetë kryeministri Rama ka deklaruar se një ministër i tij do të shkarkohej vetëm në rast të ndonjë skandali, por a përbën skandal rasti i raportuar nga Dita? Fakti që është kjo gazetë e njohur për qëndrimet e saj mbështetëse ndaj qeverisë Rama, nuk është një shenjë e mirë për ministrin Beqaj. Duket se laku rreth ministrit të gjatë po ngushtohet. Në fillim të janarit, një tjetër gazetë që i ka dhënë mbështetje mazhorancës së re të pas 23 qershorit, Tema, ka patur një varg shkrimesh kritike për punën e ministrit Beqaj. Madje Mero Baze, në një editorial të nënshkruar prej tij linte të kuptohej qartë se ministria ishte përfshirë në tendera klientelistë.

Pa përmendur emra, Baze i referohej tenderit për check-up falas të popullsisë që iu dha një kompanie që merret me importin e pijeve dhe cigareve. "Disa masa populiste per check-up falas të popullsisë mbi moshën 40 vjeç, janë konsideruar më shumë si tendera klientelistë, se sa si një sistem i ri që mund të funksionojë", shkruan Baze në Temën e datës 2 janar. Në dy editorialë të tjerë, Mero Baze gjithashtu ka shigjetuar praktikat tenderuese të ministrisë së Shëndetësisë dhe mënyrën se si ajo po i qaset reformës në sektorin e saj.

A përbëjnë skandal për kryeministrin Rama këto faktë të publikuara në media apo jo, kjo mbetet për t'u parë, por fakti se shtypi pranë tij ka vënë në shënjestër Beqajn është një tregues se punët për ministrin nuk janë mirë. Po sot, një përfaqësi mjekësh kërkoi dorëheqjen e ministrit gjatë një ballafaqimi me të në komisionin parlamentar, duke e cilësuar nismën e testimit fyese dhe të dështuar. /lapsi.al/





12
Add new comment


Comments




Submitted by Iliri on Tue, 01/27/2015 - 19:52




Ore po Si kerkoni qe te shkarkohet Iliri I Beqajve? Nuk e dini se te dy kane qene shoke te ngushte dhe te gjate ne te njejten skuader basketbolli? Ore po ne se Rama eshte djali I Kristaq Rames, deputet ne kohen e komunizmit, ai Beqja eshte jo me pak, eshte i biri I Hamit ( Hamdi) Beqajt, lektor ne Komitetin Qendror te P.P.SH.?





Submitted by popull on Tue, 01/27/2015 - 20:09




kush ta shkarkoje beqen? ai qe eshte me i korruptuar se ky dhe qe ka i ka megaskandale te vetat ? cne keto sulme te bazes tani, se s'ka ndryshuar asgje nga rama i korrupsionit ne bashkine e tiranes.apo beqja te cilit iu hoq mandati per pislliqet ne sesionin e kaluar?





Submitted by Albi_I on Tue, 01/27/2015 - 20:31




Dua shume ta besoj se qellimet jane te pastra po kur Dita nxjerr nje lajm te tilla kam shume dyshime se mbrapa qendron perplasja per interesa biznesi. Cunat e Arta Dades ose dikush prane tyre do u jete mohuar ndonje tender i madh qe jane vene ne levizje si ata si Mero kunder Beqjas. Nejse, sikur edhe per interesa vetjake shoqerise po i bejne nder ne kete rast.





Submitted by Autentiku on Tue, 01/27/2015 - 21:39




Se kuptoj arsyen perse duhet marre ky Mero si reference? nonsens





Submitted by Anonymous on Wed, 01/28/2015 - 01:56




Keto jane shashka. Po ju deshton procesi i testimit dhe po ju plas cdo dite nga nje skandal ne qsut dhe prodhojne keshtu lajmesh, te perqendrojne vemendjen ne dicka qe nuk do te ndodhe kurre. Nuk iken beqe se , cdo hap qe ben e ben me dijeni te plote te kryeministrit. Edhe tenderin.

[par]

lapsi.al

Hije skandali/ Qeveria, mbi 6 milion dollarë për Vilma Nushin





Postuar në 02 Shkurt, 2015 04:02









Prej tri javësh, kompania "Marketing& Distribution" ka lidhur një kontratë me Fondin e Sigurimeve të Kujdesit Shëndetësor për të bërë kontrollin shëndetësor falas, check-up, për grupmoshat 40- 65 vjeç. Falas është fjala, sepse rreth 730 milion lekë do të dalin përsëri nga xhepat e taksapaguesve shqiptarë. Por kjo është diçka tjetër. Ajo që ngre dyshime për një skandal në financimin e këtij shërbimi, ka të bëjë me kompaninë e përzgjedhur për ta kryer atë.



Kontrata e lidhur mes "Marketing& Distribution" dhe Fondit të Sigurimeve të Kujdesit Shëndetësor

Ministria do t'i japë afro 6 milion euro kompanisë "Marketing& Distribution", në pronësi të biznesmenes Vilma Nushi, që kjo të kryejë shërbimin e kontrollit shëndetësor. Nushi njihet për afërsinë e saj me kryeministrin Rama dhe vetëm kjo mund të shpjegojë faktin se si ka mundësi që një kompani që nuk është marrë kurrë me shërbime të ngjashme, të fitojë një tender specifik si ai i kontrollit shëndetësor. Biznesi i Nushit ka qenë i njohur deri para pak kohësh për importin e cigare të Philip Morrisit në Shqipëri dhe tani për importin e pijeve alkoolike. Dy artikuj që jo vetëm nuk lidhen me shëndetin, por siç shkruajnë edhe në etiketat e tyre e dëmtojnë seriozisht atë.



Kompanitë pjesmarrëse në tender. Tre prej tyre nuk dhanë ofertë, ndërsa një tjetër dha ofertë më të lirë se ajo e Nushit

Por për qeverinë dhe kryeministrin Rama me rëndësi është të mos dëmtohen dhe të favorizohen interesat e njerëzve të tyre. Kështu nëse për të fituar edhe një tender të rëndomtë rrugësh duhet një përvojë minimale në fushën e ndërtimtarisë, për check-up shëndetësor mund ta fitosh edhe pa patur asnjë lidhje me këtë fushë. Jo vetëm kaq, por po të shihet në dokumentin e kritereve që lapsi.al po publikon, çmimi ka pjesën kryesore në tender, 45 pikë. Kompania e Vilma Nushit dha çmimin më të shtrenjtë dhe përsëri fitoi. Me 10 pikë velrësohet edhe numri i laboratorëve që firma konkuruese duhet t'i kishte në dispozcion dhe rezulton se kompania e Nushit, i plotësoi ato vetëm dy ditë para tenderit. Pra gjithçka e kurdisur dhe e paracaktuar që fituesi të ishte "Marketing& Distribution". Si i tillë ngjan edhe fakti që nga kompanitë pjesmarrëse në tender, tre prej tyre nuk kanë paraqitur fare ofertë, ndoshta të bindura se fituesi ishte zgjedhur para se të mendohej tenderi.



Kriteret e shpallura nga ministria e Shëndetësisë

Do të ishte më e drejtë që qeveria t'i shpërblejë bizneset pranë saj duke ua dhënë direkt paratë nga buxheti i shtetit në formë shpërblimi, se sa të lodhet të shpikë ide si check-up falas për t'i justifikuar ato. Ose të gjejë kompaninë e duhur për tenderin e duhur. Se t'i japësh kontrollin shëndetësor një biznesi që është marrë që në krijim me import duhani, alkooli, shtije kartash rimbushëse e riparim telefonash, është njëlloj si t'i japësh një klinike stomatologjike tenderin e rikonstruksionit të kryeministrisë. /lapsi.al/

[shitesi]

Prap me Salen e Lulin?!
Futini n'burg!!

Sala-Sala...., late nam!!

Po sikur ti kene ndare bashke me edin dhe ilirin si i behet?