Qeveria shqiptare kërkon tjetër borxh, 250 mln euro me garanci të BB
Shqiperia kërkon 250 milionë euro në tregun ndërkombëtar financiar. Qeveria shqiptare ka zgjedhur tregun e huaj për të marrë këto para për të lejuar kreditimin e ekonomisë në vend duke mos i marrë nga bankat e nivelit te dyte në vend. Me anë të një njoftimi të realizuar në Financial Time ministria e Financave njofton të gjitha institucionet financiare ndërkombëtare që të bëhen pjesë e ankandit.
Garanci për këtë hua ka dalë Banka Ndërkombëtare për Rindërtim dhe Zhvillim e cila do garantojë 200 milionë euro nga 250 që do merren në total.
Huamarrja do të mbështesë investimet publike në Shqipëri por edhe deficitin buxhetor. Maturimi i kësaj huaje do të jetë rreth 10 vite. Kjo kredi pritet të bëhet efektive jo më vonë se 30 qershor 2015.
Ndërkohë që interesi mund të paguhet çdo vit ose cdo gjashtë muaj. Propozimet e institucioneve financiare duhet të dërgohen në Ministrinë e Financave, jo më vonë se 1 prill 2015.
Borxhi total i Shqipërisë arriti 978 miliarde lekë, gati 7 miliardë euro në fund të vitit 2014 duke shënuar edhe rritjen më të madhe vjetore që nga viti 2009. Qeveria shqiptare kërkon të sigurojë deri në 550 milionë euro borxh në tregun ndërkombëtar, para që do të përdoren edhe për mbulimin e eurobondit që është marrë në 2010 dhe që duhet të shlyhet deri në nëntor të këtij viti
ORA NEWS
Krijoni Kontakt