Zbulohen autorët e shpërthimeve në Fushë-Krujë (VIDEO)
Policia e Krujës ka zbuluar një bazë tritoli në Fushë-Krujë dhe ka arrestuar 5 persona të cilët dyshohen se janë poseduesit e kësaj qendre.
Falë operacionit të koduar “Kronometri”, efektivët vunë në pranga Yll Zalla, 38 vjeç, Fatjon Caca 17 vjeç, Bedri Murati 40 vjeç, Astrit Zguri 38 vjeç, dhe A.Z, 17 vjeç. Gjatë kontrolleve, policia iu gjeti atyre 30 kilogramë lëndë eksplozivi tritol dhe 10 kilogram C4. Mësohet se personat e arrestuar janë me precedentë të mëparshëm penalë.
Pesë të arrestuarit dyshohet se janë autorë të shpërthimeve që kanë ndodhur së fundmi në Fushë-Krujë. Sasia e tritolit është gjetur në Malësinë e Krujës, dhe ishte e gjitha e ndarë në kallëpe.
Makina e gjetur nga policia është në pronësi të Bedri Muratit i cili dyshohet të jetë edhe kryesuesi i këtij grupi. Në makinë është gjetur gjithashtu edhe flamuri i Partisë Demokratike. Burime nga policia bëjnë me dije se vënia e tritolit kreut të bashkisë së Fushë Krujës në 2014 të ketë qenë për motive të pastra politike.
Një informacion nga policia i vërtetuar në rrugë ligjore vërteton se nga ky grup është vendosur tritoli tek kryetari i Bashkisë së Fushë-Krujës. Astrit Zguri ka qenë edhe më parë i dënuar për vrasje. Finalizimi i operacionit ka ardhur pas dy muash hetime nga sektori për Trafiqet dhe Narkotikët në Durrës në bashkëpunim me Prokurorinë e Krimeve të Rënda.
Shekulli
Përgjigju Duke Cituar
Krijoni Kontakt