Gjyqi për vrasjen e Lamajt: Tritol makinës së dëshmitarit, policia fsheh lajmin

[prenceedi]

TIRANË-Kanë mjaftuar 2 breshëri automatiku dhe krimi t’i marrë jetën një tjetër drejtuesi policie. Ish-shefi i komisariatit numër 6 në kryeqytet, Dritan Lamaj humbi jetën pasi është qëlluar sot rreth orës 18:45 minuta me armë në zonën e njohur me emrin “Vasil Shanto” në Tiranë.

Efektivët bëjnë të ditur se Lamaj, 41 vjec, babai i 2 fëmijeve ishte duke udhëtuar i vetëm në kryqëzimin e rrugës ‘Ibrahim Dervishi’ e ‘Petro Korçari’, me automjetin e tij tip Lancia me targë TR25 64, në momentin që është qëlluar me breshëri kallashnikovi. Lamaj u dërgua me gjendje të rëndë në Spitalin Ushtarak ku informacionet e fundit bëjnë me dije se ish-shefi ra fillimisht në vdekje klinike dhe pak minuta me pas humbi jeten.

Nga të dhënat e para te policise mësohet se vrasja është një atentat i mirëfilltë mafioz. Sipas burimeve nga policia, autori apo autorët kanë studiuar cdo lëvizje të Lamaj dhe kanë gjetur momentin kur ai ndodhej i vetëm duke lëvizur me automjetin në errësirë në një zonë të pandriçuar, por shumë të populluar në këtë orë të mbrëmjes, tek “Vasil Shanto”. News24 meson se autorët kane qene me motorr dhe se i kane prere rrugen Lamajt. Ata kanë zbrazur 2 breshëri me automatik kallashnikov në drejtim të xhamave të zinj të automjetit me të cilin udhëtonte Lamaj. Plumbat e njëpasnjëshëm nuk i kanë dhënë asnjë mundësi ish-shefit të komisariatit të largohet. Dëshmitarët pohojnë se autorët janë larguar me shpejtësi nga vendngjarja.

Nderkohe, struktura te shumta te Policise se Shtetit u angazhuan maksimalisht per zbulimin dhe kapjen e autorit.
Dyshimet më të fundit të policisë janë se autorët mund të jenë larguar në drejtim të qytetit të Durrësit me një automjet tip BMW.

Mësohet se vrasja e Lamaj ka ngritur në këmbë krerët e strukturave të policisë së Tiranës. Prokurorët Eugen Beçi dhe Besnik Muçi ndodhen në vendngjarje.

Policia po shoqëron disa persona me të cilët z Lamaj ka pasur konflikte të mëparshme.Policia vendos shpërblimin prej 100 mijë dollarë për çdo informacion mbi vrasjen e ish-shefit të policisë së komisariatit nr 6 në kryeqytet.

Ish-shefi i Komisariatit nr 6 në Tiranë, Dritan Lamaj njihet si një person që në kohën që ka qenë në detyrë ka pasur përplasje me disa biznese në zonën e Kombinatit. Në këtë periudhë atij i janë bërë akuza publike për mënyrën sesi është sjellë kundrejt këtyre bizneseve.
Po kështu në muajin shtator të vitit 2012 nje biznesmeni akuzoi publikisht Lamaj se kishte përdorur dhunë ndaj personit të tij.

Dritan Lamaj, pas detyrës në krye të Komisariatit numër 6, aktualisht punonte në një prej sektorëve të drejtorisë së Policisë së Përgjithshme të Shtetit. News24 mëson se Lamaj kishte bërë disa ankesa në prokurori për shkak të kërcënimeve që kishte marrë së fundmi.

Me vrasjen e sotme, krimi godet dhe njëherë tjetër në radhët e policisë. Pas vrasjes së kryekomisarit Adem Tahiraj në Shijak dhe shefit të krimeve të Burrelit, Musa Skura, dora e krimit ekzekutoi sot ish-shefin e Komisariatit numër 6 në Tiranë, z. Dritan Lamaj(d.b/BalkanWeb).

O Sale lere internetin menjane dhe shiko lufto kriminelet..........

[KORCARI 2]

Tashti cdo krim duhet denuar,por sma ha mendja qe ne Shqiperi te quello jane me kallazh keshtu kot per qef

[goldian]

si shume koka te medha po vriten apo me duket mu

ate temen kronike e zeze nuk e kemi me?

[lajmsi]

Krimi ben punen e vet. Udheheqesit tane meren me faqebuka.
Dhe Lek Plepi ka faqebuk po ska pergjegjesi per kete popull.

[Albo]

Tiranë, ekzekutohet në atentat mafioz ish-shefi i komisariatit nr. 6, Dritan Lamaj

TIRANË-Kanë mjaftuar 2 breshëri automatiku dhe krimi t’i marrë jetën një tjetër drejtuesi policie. Ish-shefi i komisariatit numër 6 në kryeqytet, Dritan Lamaj humbi jetën pasi është qëlluar sot rreth orës 18:45 minuta me armë në zonën e njohur me emrin “Vasil Shanto” në Tiranë.

Efektivët bëjnë të ditur se Lamaj, 41 vjec, babai i 1 fëmije ishte duke udhëtuar i vetëm në kryqëzimin e rrugës ‘Ibrahim Dervishi’ e ‘Petro Korçari’, me automjetin e tij tip Lancia me targë TR25 64, në momentin që është qëlluar me breshëri kallashnikovi. Lamaj u dërgua me gjendje të rëndë në Spitalin Ushtarak por mberriti aty i pajete.

Nga të dhënat e para te policise mësohet se vrasja është një atentat i mirëfilltë mafioz. Sipas burimeve nga policia, autori apo autorët kanë studiuar cdo lëvizje të Lamaj dhe kanë gjetur momentin kur ai ndodhej i vetëm duke lëvizur me automjetin në errësirë në një zonë të pandriçuar, por shumë të populluar në këtë orë të mbrëmjes, tek “Vasil Shanto”. News24 meson se autorët kane qene me motorr dhe se i kane prere rrugen Lamajt. Ata kanë zbrazur 2 breshëri me automatik kallashnikov në drejtim të xhamave të zinj të automjetit me të cilin udhëtonte Lamaj. Plumbat e njëpasnjëshëm nuk i kanë dhënë asnjë mundësi ish-shefit të komisariatit të largohet. Dëshmitarët pohojnë se autorët janë larguar me shpejtësi nga vendngjarja.

Struktura te shumta te Policise se Shtetit jane angazhuar maksimalisht per zbulimin dhe kapjen e autorit.
Dyshimet më të fundit të policisë janë se autorët mund të jenë larguar në drejtim të qytetit të Durrësit me një automjet ngjyre gri, tip BMW.

Për momentin nuk ka informacione për motivet e sulmit, por dyshimet e para bien “për shkak të detyrës”.

Mësohet se vrasja e Lamaj ka ngritur në këmbë krerët e strukturave të policisë së Tiranës. Prokurorët Eugen Beçi dhe Besnik Muçi ndodhen në vendngjarje.
Ne vendngjarje shkuan sherbimet e policise, strukturat per krimet e renda te Policise se Shtetit, u formua nje grup i posacem hetimor, te cilet aktualisht po kryejne veprimet e para proceduriale duke mbledhur dhe administruar te gjitha provat e vlefshme per ngjarjen.

Jane shoqeruar nderkaq disa persona me të cilët z Lamaj ka pasur konflikte të mëparshme.

Ne lidhje me kete ngjarje te rende, Policia e Shtetit, vendos ne dispozion shumen e parave prej 100 mije dollare per cdo person i cili jep informacion te vlefshem ne drejtim te indetifikimit te autorit, ne cdo rast duke ruajtur anonimatin. Po keshtu Polica vë në dispozicion nr. 0694102932 për çdo informacion mbi vrasjen e Dritan Lamaj.

Ish-shefi i Komisariatit nr 6 në Tiranë, Dritan Lamaj njihet si një person që në kohën që ka qenë në detyrë ka pasur përplasje me disa biznese në zonën e Kombinatit. Në këtë periudhë atij i janë bërë akuza publike për mënyrën sesi është sjellë kundrejt këtyre bizneseve.
Po kështu në muajin shtator të vitit 2012 nje biznesmeni akuzoi publikisht Lamaj se kishte përdorur dhunë ndaj personit të tij.

Dritan Lamaj, pas detyrës në krye të Komisariatit numër 6, aktualisht punonte në një prej sektorëve të drejtorisë së Policisë së Përgjithshme të Shtetit. Ne muajin nentor te vitit 2012, Dritan Lamaj u transferua në Drejtorinë e Përgjithshme të Policisë dhe në vend të tij, shef i Komisariatit Nr.6 u emërua Sejfulla Metko. Lamaj u caktua shef i Policimit në Komunitet në Drejtorinë e Përgjithshme të Policisë

News24 mëson se Lamaj kishte bërë disa ankesa në prokurori për shkak të kërcënimeve që kishte marrë së fundmi.

Me vrasjen e sotme, krimi godet dhe njëherë tjetër në radhët e policisë. Pas vrasjes së kryekomisarit Adem Tahiraj në Shijak dhe shefit të krimeve të Burrelit, Musa Skura, dora e krimit ekzekutoi sot ish-shefin e Komisariatit numër 6 në Tiranë, z. Dritan Lamaj.

Takim i krerëve më të lartë të Policisë së Shtetit dhe Prokurorisë së Krimeve të Rënda
Siç raporton gazetari i News24, Spartak Koka, rreth orës 22:00 të ditës së djeshme janë mbledhur në një takim rreth vrasjes së ish-shefit komisariatit numër 6, Dritan Lamajt, krerët më të lartë të Policisë dhe Prokurorisë së Krimeve të Rënda. Takimi pritet të mbyllet rreth orëve të para të mëngjesit.

Kreu i Prokurorisë së krimeve të rënda, Eugen Beci është i shoqëruar edhe nga dy prokurorë të tjerë, nga Besnik Muçi dhe Anton Martini. Në takim nga policia është i pranishëm Hysni Burgaj, Agron Kuliçaj, Tonin Vocaj dhe Muhamet Rrumbullaku.

Policia po vijon analizën e thelluar për ngjarjen dhe zbulimin e autorëve. Burime nga Policia e Tiranës bëjnë me dije se po pyeten rreth 30 persona, ndërkohë që Policia e Shtetit është vënë në shërbim të përforcua që nga ora 19:00 e mbrëmjes së 24 shkurtit.

(d.b/BalkanWeb)

[Xhuxhumaku]

Selanik, arrestohen 2 persona të dyshuar për vrasjen e Lamajt

Postuar në: Kronikë | Me: 25/02/2013

Dy persona janë arrestuar në Selanik ditën e sotme, si të dyshuar në vrasjen e komisarit Dritan Lamaj.

Njëri prej tyre është biznesmeni Arben Frroku, i cili paraprakisht dyshohet se posedonte një aktivitet biznesi për të cilin ai dhe Lamaj kishin konflikt.

Ndërsa personi i dytë i ndaluar është shtetasi i identifuar me iniciale J.J. Të dy personat e ndaluar janë vënë në pranga në Selanik të Greqisë dhe arrestimi i tyre ka ardhur në momentin pasi kanë kaluar ilegalisht kufirin.

Arrestimi është bërë nga bashkëpunimi i Policisë shqiptare me atë greke, pas një pune intensive dhe është regjistruar ditën e sotme rreth orës 14:30.

http://www.kombetare.al/arrestohen-2...sjen-e-lamajt/

[benseven11]

Kur qellohet me arme nje polic gjithmone eshte akt i paramenduar,planifikuar me pare,nuk eshte aksident,as rastesi.
Arben Frroku dhe JJ -ja nqs jane larguar ne Greqi pas vrasjes,kane dijeni se kush e ka qelluar me automatik,mund te kene marre pjese
ne planin e vrasjes,mund te jene autoret.
Nqs vertetohet qe jane autore krimi VARINI NE LITAR PARA Hotel 15 kateshit,jo gjyq,direkt varje.

[☆Angie☆]

Në orët e para të mëngjesit të së hënës, në një hotel pranë qendrës së qytetit të Selanikut, policia greke ka arrestuar tre shtetas shqiptarë, njëri prej të cilëve është Arben Frroku, i dyshuar nga policia shqiptare për vrasjen e ish-kryekomisarit Dritan Lamaj.

Arrestimi është bërë në orën katër të mëngjesit, në dhomën e hotelit, kur tre shtetasit shqiptarë po pinin uiski dhe në tavolinën e dhomës janë gjetur edhe tre gramë kokaine.

I arrestuari i dytë është Jak Jaku, kurse personi i tretë, edhe ai me mbiemrin Frroku, është një i afëm i Arben Frrokut, i dënuar nga drejtësia grekë dhe që kishte marrë një leje 6-ditore prej burgut ku kryente dënimin.

Gjithashtu, të arrestuarve u është sekuestruar një benz i bardhë i tipit “ML 320”, i parkuar para hotelit që ndodhet përballë gjykatës së Selanikut.

“Pas hetimeve intensive është bërë i mundur identifikimi i autorëve të dyshuar të vrasjes së Kryekomisar Dritan Lamaj. Ka rezultuar se autorët janë, Arben Frroku, 44 vjec banues në Tiranë dhe Jak Jaku, 31 vjeç banues po në Tiranë, banues. Në sajë të masave të marra dhe shkëmbimit të informacionit me policinë greke është bërë i mundur ndalimi i këtyre dy shtetasve në Greqi. Është arritur në përfundimin se vrasja e Lamajt është bërë nga autorët e dyshuar për shkak të detyrës. Është ushtruar kontroll në banesat e autorëve. Në banesën e shtetasve Jak Jaku dhe Ndue Jaku, janë gjetur armë, snajper, 2 kallashnikovë, pistoletë Bereta, dy armë gjahu dhe sasi e madhe fishekësh. U konfiskuan gjithashtu në cilësinë e provës materiale, rreth 500 gram lëndë narkotike e dyshuar kokainë, disa gramë heroinë dhe një sasi tjetër hashash. Është gjetur edhe automjeti me të cilin dyshohet se kanë lëvizur autorët natën e vrasjes. Automjeti tip BMË është gjetur në Domje. Grupi hetimor vazhdon hetimet për kryerjen e të gjitha procedurave të nevojshme ligjore për vënien e tyre para drejtësisë shqiptare”, thuhet në deklaratën e Policisë së Shtetit.

Në fillim akuza ndaj të arrestuarve ka qenë vetëm për përdorim droge, pasi informacionet e deritanishme nuk japin hollësi për mbajtje armësh apo mjetesh të tjera.

Por burime policore theksojnë se kanë pasur informacione nga policia shqiptare se personat në fjalë ishin të dyshuarit për vrasjen e komisarit Lamaj dhe se mund të kishin kaluar kufirin grek, ndaj dhe janë ndjekur e më pas janë arrestuar.

Lamaj u masakrua nga breshëria e automatikëve rreth orës 18.40 minuta të së dielës. Automjeti i tij u bë shosh nga plumbat. 41 vjeçari, me banim në Tiranë, ka kryer një sërë detyrash në Policinë e Shtetit shqiptar, ndërkohe që ka një karrierë të gjatë prej 19 vjetësh në Policinë e Shtetit.

Ai ka punuar më parë si oficer dhe shef krimesh në komisariatet e kryeqytetit, në komisariatin e Gjirokastrës, si shef i Postës Kufitare të Kakavijës, si edhe nga viti 2010 deri në nëntor të 2012 në funksionin e shefit të komisariatit numër gjashtë në Tiranë.

Pasi la këtë detyrë, në nëntor të vitit të shkuar, Lamaj kishte denoncuar në prokurori se kërcënohej sistematikisht me jetë nga disa persona.

Paraditen e së hënës, vajza, bashkëshortja, të afërmit, miqtë dhe kolegët e tij e përcollën në Varrezat e Dëshmorëve të Atdheut, ku kryekomisari do të prehet në krah të dëshmorëve të tjerë.

Policia pas vrasjes shoqëroi mbi 100 persona dhe e cilësoi ekzekutimin si një krim për shkak të detyrës. Dosja po shqyrtohet nga Prokuroria e Krimeve të Rënda.

Prova më e rëndësishme në duart e prokurorëve ka rezultuar kamera e një subjekti privat në afërsi të vendit të ngjarjes, e cila ka fiksuar të gjithë skenën e krimit, por për këtë policia nuk ka dhënë asnjë informacion.

/ TCH

[Albo]

Vrasja e komisarit, arrestohet hajduti që vodhi makinën e përdorur në atentat


DURRES - Policia e Durrësit arrestoi mesditën e sotme 32-vjeçarin nga Fushë-Kruja, Gentjan Bejtja, i cili dyshohet se është autori i vjedhjes së automjetit tip “BMW” që u përdor në atentatin ndaj ish-kryekomisarit Dritan Lamaj.

Pas shqyrtimit të imazheve që janë marrë nga kamerat e sigurisë së bizneseve në zonën ku ndodhi vrasja, me anë të përpunimit të pamjeve u arrit të identifikohej targa e makinës së përdorur nga vrasësit. Pas futjes së saj në sistemin e të dhënave të policisë, rezultoi se targa e makinës (DR 1944 F) nga e cila u qëllua efektivi i policisë, i përkiste një mjeti që 24 orë para vrasjes së kryekomisarit ishte denoncuar si makinë e vjedhur në Durrës. Makina u gjet mbrëmjen e së hënës e braktisur jashtë Tiranës në zonën e Domjes.

“Automjeti është gjetur në mes të rrugës, i fikur, por në marsh, me drita të ndezura dhe me kuadër të takuar”, thanë hetuesit.

Ndërkohë Policia e Durrësit nuk sqaron situatën se si automjeti i vjedhur ka përfunduar në duart e autorëve të vrasjes së komisarit, duke u shprehur se kjo gjë tashmë ka kaluar në duart e Prokurorisë së Krimeve të Rënda në Tiranë, e cila vijon hetimin për rastin. 32-vjeçari Gentjan Bejtja ishte anëtar i një bande prej 4 personash, që kryenin vjedhje të makinave luksoze, të cilët tashmë janë vënë në pranga.

Një ditë më parë u arrestuan në Selanik të Greqisë personat e dyshuar për vrasjen e kryekomisarit Dritan Lamaj, i ekzekutuar me 11 plumba mbrëmjen e së dielës në Tiranë. Lajmi u bë i ditur nga burime zyrtare të Policisë së Shtetit, të cilat njoftuan dje për arrestimin e biznesmenit nga Lezha, Arben Frroku, 44 vjeç, si dhe 31-vjeçarit Jak Jaku, i dyshuar si bashkëpunëtor në krim. Lokalizimi i tyre u bë në bazë të informacioneve që u kishte përcjellë palës greke policia shqiptare.

Në momentin kur policia greke ka ndërhyrë në dhomën e hotelit ku ndodheshin të dyshuarit, tre shqiptarët mësohet se po pinin uiski dhe në tavolinë u gjetën rreth 3 gram kokainë.

(er.nu/BalkanWeb)

[Albo]

Gruaja e Dritan Lamaj: E dija se kush ishin vrasësit. Historia e konfliktit me Frrokun

TIRANE- Një kafe në shtëpinë e të ndjerit, kryekomisarit Dritan Lamaj, i cili u ekzekutua vetëm disa hapa larg shtëpisë së tij me 28 plumba, është e rëndë dhe e ftohtë njësoj si nata në të cilën ai iku nga kjo botë. Në shtëpinë e tij mbizotëron zia dhe dhimbja, teksa shumë miq dhe të afërm i japin familjes ngushëllimet e tyre. Dhimbja duket sikur i ka dërrmuar zemrën nënës së kryekomisarit, ndërsa bashkëshortja e tij, Anila mezi arrin të qëndrojë në këmbë nga dhimbja për humbjen e bashkëshortit. Në një moment vjen lajmi që në Selanik janë arrestuar dy autorët e krimit, Arben Frroku dhe Jak Jaku.

“E dija që ishin ata...”, - pohon bashkëshortja e Dritanit, Anila. Fjalia e saj ngre dyshimet se familja e tij ka ditur diçka për konfliktet e ish-shefit të Komisariatit të Kombinatit dhe biznesmenit Arben Frroku. Ky i fundit, herë pas here i ka dërguar edhe kërcënime apo trakte të ndryshme Tanit, - ashtu siç e thërrisnin shkurt miqtë e tij, - por që askush nuk i kishte marrë në konsideratë. Ndoshta kjo ishte edhe arsyeja se pse dy ditë më parë, breshëria e automatikut i mori jetën Dritan Lamajt. Mungesa e tij ndihet në gjithë shtëpinë, madje për shumë miq dhe të afërm, vdekja e tij është e pabesueshme. “Nuk arrij ta besoj që Tani nuk është më, më duket si një ëndërr. Unë jetoj në Greqi, por edhe kur të kthehem atje, sërish për mua Tani do të jetojë”, - pohon motra e tij.

KONFLIKTET
Historia e konflikteve mes kryekomisarit Lamaj dhe biznesmenit Frroku, ka nisur gjatë kohës kur Dritani, i cili për 15 ditë mbushte 41 vjeç, drejtonte Komisariatin nr.6 në kryeqytet. Në shtator të vitit të kaluar, 44- vjeçari Frroku ka dorëzuar një kallëzim penal në Prokurorinë e Tiranës, pasi sipas tij Lamaj kishte ushtruar dhunë fizike ndaj 44- vjeçarit. Në kallëzim theksohet se: “Më datë 28.09.2012, biznesmeni Arben Frroku ka qenë duke dalë nga mjediset e biznesit të tij, konkretisht nga lokali ‘Xhoi Lloto’ në të hyrë të lagjes Kombinat. Në automjetin e tij, krahas shoferit Vlash Gjoni, gjendeshin edhe dy miq të tij, Zef Toma dhe Bardhok Zefi, me të cilët do të shkonte në marshimin paqësor përgjatë bulevardit ‘Dëshmorët e Kombit’. Por Arben Frroku nuk ka mundur të mbërrijë në këtë marshim të paralajmëruar që dy ditë më parë, marshim i cili kishte si kërkesë shkarkimin nga detyra të shefit të Komisariatit nr.6 për abuzimet e tij me detyrën. Sipërmarrësi është ndaluar nga një patrullë policie e Komisariatit nr. 6, dhe ashtu si herë të tjera, ka bërë gati të tregojë letrat e makinës. Por në atë çast, sipas dëshmitarëve në vendngjarje, aty ka mbërritur shefi i Komisariatit nr.6, Dritan Lamaj, i cili ka nxjerrë me dhunë të gjithë ata që gjendeshin në makinë, ndërsa është lëshuar me grushta dhe shkelma mbi Arben Frrokun, duke e fyer me fjalët më të rënda. Ngjarja ka ndodhur vetëm një orë para se të fillonte marshimi i Lëvizjes Shqipëria e Re, me moton: ‘Ndal korrupsionit në Komisariatin nr.6’”. Kjo ka qenë pikënisja e konfliktit mes Frrokut dhe Lamajt, pa e ditur se ky konflikt do të bëhej shkak edhe për atentatin ndaj kryekomisarit të policisë, Dritan Lamaj, ku do të gjente edhe vdekjen e menjëhershme.

(m.a/Gazeta Shqiptare/BalkanWeb)