Berisha: Ilir Meta mund të vrasë

[Albo]

Berisha për herë të parë në prokurori. Dëshmon për Tom Doshin



Ish-kryeministri SAli Berisha dëshmoi sot në Prokurorinë e Krimeve të Rënda për çështjen Doshi. Duke mos pranuar të jape detaje për dëshminë e tij që zgjati rreth një orë, Berisha deklaroi se prokurorëve u është vështirësuar puna për shkak të presionit që po u bëhet nga krerët e shtetit. Ai i përsëriti thirrjen drejtuar Metës që të japë dorëheqjen dhe të hetohet si deputet.
Sipas akuzave të Tom Doshit pas komplotit të vrasjes është Ilir Meta si urdhëruesi dhe paguesi i 600 mijë eurove për vrasjen e Tom Doshit dhe Mhill Fufit.
Seanca e pyetjeve nisi ne oren 09:08 minuta dhe u mbyll me 10:00. Para gazetarëve Berisha deklaroi se prokurorët janë nën një presion për zbardhjen e asaj që ai e quan “skenar të vrasjes së dy deputetëve për qëllime të mirëfillta politike”
Sali Berisha: Erdha për tu paraqitur si person që ka dijeni për ngjarjen në hetimin e akuzës më të rëndë të 23 viteve të fundit, skenarit të vrasjes së dy deputetëve për qëllime të mirëfillta politike, pavarësisht nga pretekstet në mënyrë që të shpëtohet Rama nga kundërshtari politik, që u krijua brenda dhe Meta të godasë opozitën për qëllime personale. E prita ftesën me qëllim që të mund të kontribuoj sado pak. Ato çka thashë aty përbëjnë sekret deri në momentin që prokuroria ti nxjerrë nga klasifikimi. Por ajo që them tani nuk është aspak sekret por tronditëse fakti se këtë skenar ogurzi, kreu i qeverisë, kryetari I parlamentit dhe ministri i Brendshëm e mbajtën për 6 muaj njëlloj si në shpellën e mafias, jashtë ligji si një çështje mes tyre dhe nuk e dorëzoi para ligjit dhe për ligjin. Jo vetëm nuk e dorëzoi por në 6 muaj, kupola e përfshirë në këtë krim ndërmori veprime që të rrënojë dhe bllokojë me çdo kusht hetimin.
U kryen dy atentate nga doresit, paguesit dhe sekserit të Metës në mënyrë që gojët e tyre të mbylleshin në mënyrë përfundimtare gjatë kësaj periudhe jo vetëm tentuan të eliminojnë dy dëshmitarët kryesorë por hetimin ia besuan kryetarit të PS-së për Tiranën, mikut të ngushtë të Emiljano Shullazit, Saimir Tahirit.
Merrni me mend kur hetimi bëhet nga kreu i PS-së për Tiranën dhe firmoset nga kryetari i PS-së për Shqipërinë
Kemi të bëjmë me një bllokim për qëllime politike të hetimit për 6 muaj dhe përpjekje për manipulim dhe presion të tmerrshëm mbi institucionin e akuzës, sepse paraqitja para drejtësisë 6 muaj më vonë, nuk ka në botë prokurorirë as në vendet më të konsoliduara që mund të hetojnë një gjë të tillë”

Te shtunen Berishes iu dorezua fletethirrja

Të shtunën e 7 marsit 2015, Prokuroria dërgoi fletthirrjen për ish-Kryeministrin Sali Berisha, duke i kerkuar të paraqitet në organin e akuzës të hënën në orën 09:00 të paradites.
Kërkesa u depozitua në Kryesinë e Kuvendit, ndërkohë që Berisha është thirrur nën cilësinë e personit që ka dijeni për ngjarjen, referuar dhe deklarimeve dhe akuzave publike të bëra në sallën e parlamentit.
Po ashtu, sot në Prokurori do të rrëfehet dhe deputeti demokrat Mhill Fufi, për të cilin deputeti Tom Doshi, deklaroi publikisht se ka qënë objektiv për tu eleminuar fizikisht.
Deri tani në Prokurorinë e Krimeve të Rënda, kanë dëshmuar nën cilësinë e personave të akuzuar Kryetari i Parlementit Ilir Meta, Kryeminsitri Edi Rama, dhe Ministri i Brendshëm Sajmir Tahiri.
Më herët Berisha deklaroi se për zbardhjen e “komplotit të vrasjes” së dy deputetëve, të denoncuar nga Tom Doshi nuk do të ketë shanse për sa kohë që Ilir Meta paraqitet në prokurori në cilësinë e kryetarit të kuvendit. Gjithashtu akuzoi Ramën për mbyllje të hetimeve.

Sali Berisha:Unë e kisha denoncuar disa herë tentativën për eliminimin e Tom Doshit dhe çfarë janë në sallë dhe në Shqipëri. Nëse ka një njeri më agresiv ndaj Tom Doshit është Sali Berisha. Por Sali Berisha është njeri i ligjit, as për Tom Doshin. As Koço Kokëdhimën, Ilir Metën Edi Ramën, nuk kërkoj gjë tjetër veç ligjit. S’ka asgjë që më çon përtej kësaj
Tre muaj më parë njerëzit që thirri Ilir Meta për të më faturuar mua vrasjen e Tom Doshit i përplasën në fytyrë. E mora vesh unë. Nuk u shqetësova, përderisa afera e vrasjes ishte mes jush, s’kisha pse të merresha, ndonëse ata patën dinjitetin për të më thënë ser Ilir Meta na tha se është Sali Berisha që do të vrasë Doshin dhe vëllanë tuaj.
….
Meta: T’i e ke ditur para tre muajsh dhe nuk e ke denoncuar?

Cfare deklaroi Tom Doshi per Berishen

Ndërkohë që Tom Doshi i pyetur po të enjten në Top Channel për Berishën deklaroi se ai di më shumë se Edi Rama.
Tom Doshi:“Berisha doli në foltore ku tha që mua kanë dashur të më vrasin. Tha që ma kanë mbyllur gojën, ta ka mbyllur Shullazi. Unë nuk e njoh se kush është Shullazi… I shkova Berishës tek vendi ku rrinte në parlament dhe i thashë, ti doktor e di që nuk është Shullazi. E di, e di më tha. . Berisha e ka marrë vesh se ka informacion më shumë se sa Rama se çfarë bëjnë ministrat. I thashë, dëgjo s’ka ardhur koha akoma për të folur, se ti e di që unë nuk kam frikë. Kur të vijë koha kur të flas, mos e merr në mbrojtje atë person se e ke marrë njëherë. Jo më tha nuk do e marr. Kjo histori ka një 3 javë dhe kisha paralajmëruar që një ditë do të plasë.”

ORA NEWS

[Albo]

ORA NEWS

[Etno3]

Fore po bojne keta trima...Ku thirret ish kryeministri me deshmu per diqka qe nuk eshte pjesemarres ne ngjarje ne asnje menyre,,

[benseven11]

Problemi me madhor me kete hetim jane mungesa e provave materiale.
Ajo cfare thone politikanet sot perpara prokurorise jane thjesht intervista
jo te besushme,jane interviste bazuar ne interesa personale per ti shpetuar
akuzes se fajit dhe denimit dhe fajesuar dike tjeter.
Te gjithe qe shkojne ne hetusi prokurori do mbrojne veten dhe askush
nuk do pohoje qe ka pas dijeni, ka qene pjesmearres ne kete konspiracion.
Ajo cfare ka prokuroria e krimeve te renda eshte nje tufe thashethemesh si grate,
te politikaneve te thirrur.
Mungojne provat si komunikime ne telefon,ose shenime, letra korrenspondenca,email komunikime
qe te nxjerrin ne drite nje plan, nje konspirim per te vrare dike.
As Tom Doshit nuk mund ti besosh sepse gjithshka prej tij eshte vetem llafe...
edhe Bami nuk mund te quhet deshmitar i besushem pasi te dy Doshi dhe Bami
kane pasur raporte miqesie so deshmia e Bamit nuk ka vlere(konflikt interesi),
Bami me vone mohon dhe thote qe ngjarja eshte sajuar nga Doshi.
Prokuroria deri tashti ka nje hic,vetem nje tufe thashethemesh dhe jo prova reale.
Ato qe flasin sot para prokurorise flasin ekzakt ashtu si ua do interesi dhe jo si eshte e verteta.
Te flasin te verteten ekzakt si eshte mund ti fuse ne burg keto politikane.
Interesi personal,egoja dhe e vertata jane komplet 3 gjera te ndryshme.
Te pakten media nuk ka dhene asnje prove reale deri sot per autoret e ketij konspiracioni,nuk ka dhene asnje prove qe Meta ka urdheruar
dhe ka paguar.Ku jane provat???????Vetem llafe.
Gjykata nuk mund te marre persiper te gjykoje bazuar thjesht ne ca thashetheme pazari turk,nuk ka asnje vlere as kredibilitet,kur provat mungojne.
Flasin dhe fajesojne per Meten.Nuk jam i bindur sepse nuk ka prova.
Flasin per Tahirin qe ka pas dijeni.Nga e dine ato qe Tahiri ka pas dijeni??? etj etj.

[Albo]

Berisha zbardh takimin e parë me Tom Doshin: Një i huaj më thotë se janë 200 telefonata të regjistruara të një ministri me një kriminel

Ish-kryeministri Sali Berisha në një intervistë televizive deklaroi se takimi i tij i parë me deputetin Tom Doshi ka qenë në Kuvendin e Shqipërisë, pas ndërprerjes së seancës plenare lidhur me deklaratat e tij se “Tomës ia kenë mbyll gojën edhe me vrasjen, por edhe me Shullazin”. Në një intervistë për televizionin “Ora News”, Berisha tha se ‘konfliktin’ mes Doshit dhe Metës e kishte marrë vesh muaj më përpara dhe këtë e denoncoi para mediave edhe në Parlament, duke thënë se ata do të vrasin njëri-tjetrin.

“Me Tom Doshin s’mbaj mend se kam folur, kurrë. Me Tom Doshin unë nuk kam folur kurrë përveçse në debatin në Parlament. Për herë të parë në memorien time, kur është ndërprerë seanca, se rastisi që i thashë, isha në foltore dhe i thashë, Tomës ja keni mbyll gojën edhe me vrasjen, por edhe me Shullazin. Ky duket se nuk i erdhi për shtat kjo e Shullazit. U ndërpre seanca dhe tha: “Jo Sali nuk është e vërtetë që jam përplasur me Shullazin, është e vërtetë tjetër që kanë dashur të më vrasin, dhe t’i e di, por kur unë do ta them ti e mbron atë”, kujtonte ai se po mbroj Ilir Metën. Kjo ishte. Më tha që është edhe deputeti yt. Nuk dija gjë për Mhillin, absolutisht. Pyes dhe ma shpjeguan të gjithë historinë”,-ka deklaruar Berisha.

Duke folur për procesin e dekriminalizimit të Kuvendit të Shqipërisë, që sipas Berishës është jetik për të ardhmen e vendit, ish-kryeministri tha se “një i huaj që përfaqëson këtu një vend, i ka thënë se janë 200 telefonata të rregjistruara të një ministri me një kriminel të damkosur në vendin e tij”.


Intervista e plotë e Berishës për televizionin Ora News:

-Debati politik por edhe publik është tronditur nga denoncimi i deputetit deri pak ditë i PS, i cili akuzoi drejpërsëdrejti Kryetarin e Parlamentit Ilir Meta, por dhe Kryeministrin Rama, për një mos reagim për një atentat të mundshëm ndaj tij. Keni folur edhe në Kuvend, keni debatuar me mazhorancën, keni dëshmuar dhe në Prokurori, çfarë është kjo ngjarje në këndvështrimin tuaj?

Së pari, dua të theksoj se, kjo ngjarje është një ngjarje unike në historinë e Shqipërisë pluraliste, por kjo është edhe një ngjarje unike në historinë e vendeve të lira. Tmerrësisht tronditëse, kryetari i Parlamentit të Shqipërisë, akuzohet nga deputeti më i afërt dhe më i fuqishëm pas kryetarit të PS, Tom Doshi, se Ilir Meta ka organizuar dhe sponsorizuar eliminimin e tij dhe të një deputeti të Partisë Demokratike. Kjo ngjarje, kapitulli i dytë i saj, është më i zi se i pari, sepse kapitulli dytë është qendrimi ndaj denoncimit të deputetit Doshi. 6 muaj, Ilir Meta, Edi Rama dhe Saimir Tahiri në vend që të kërkonin ndërhyrjen e menjëhershme të Prokurorisë për të zbardhur të vërtetën e trajtuan atë si një problem midis tyre. Dhe jo vetëm aq. Por këto 6 muaj, çfarë ndodhi. Këto 6 muaj u organizuan atentate ndaj personit që me zë dhe figurë thotë se vrasjen do ta bëja për llogari të Ilir Metës, thotë se mora 20 mijë euro si paradhënie, thotë se këto mi dha një nga eksponentët më të lidhur të LSI. Kush? Fatjon Skënderi.

-Sa e besueshme mund të jetë video….

Me të gjithë këta janë bërë takime nga të gjitha palët, por video po ta shohësh dhe po ta nxjerrësh para 100 psikiatërve e psikologëve ajo është absolutisht autentike.

-Sa e besueshme mund të jetë…..

S’ka gjë më të besueshme se sa ajo mënyrë rrëfimi, se ajo mënyrë e thjeshtë në kodin e tyre, e sigurtë, e qartë dhe unë nuk e di se ku lë dyshime ajo video. Ajo video lë dyshime vetëm tek ata që duan të fshehin krimin. Po pse Durim Bami do të thoshte se mi dha paratë Fatjon Skënderi? Kaq paska studiuar Durim Bami, që ky është kaq i afërt me çiftin Meta. Por kjo bëhet edhe më e vërtetë me kapitullin e dytë të zi. Thashë, me mbajtjen 6 muaj dhe besimin e hetimit, përpjekjen për t’i likuiduar të dy figurat kyçe të këtij krimi, edhe Durim Bamin edhe Fatjon Skënderin, me dy atentate. Dhe tjetra, kujt iu besua hetimi? Nuk u qendrua pa hetim. Hetimi iu besua kreut të PS për Tiranën. A mund të imagjinohet kjo? Kryetari i PS për Tiranën, ministri i Brendshëm thërret dorësin në zyrën e tij vetëm e vetëm për të ndryshuar mendimet e tij, thërret dorësin për t’i dhënë ato garanci që i bën të panevojshme, mbrojtjen e dëshmitarit të drejtësisë, thërret dorësin për të zhdukur çdo gjurmë të skenarit.

Të njëjtën dëshmi ndryshoi edhe Mark Frroku, i cili ka të vëllanë në proces për vrasje. Tani që Tom Doshi të deklarojë se isha në Budva, kur më merr në telefon Frroku etj, e me radhë, të sajojë dhe të stisë të gjitha këto, e vërteta është që siç thanë mediat, aty në Prokurori dëshmitari që ndryshonte dëshminë e tij i ra gota ujit përtokë. Është sjellë nga Gjermania Fatjon Skënderi. Thuhet se pas një kontakti paraprak, se këta kanë lëviz shumë, gjithë grupi i Metës, jashtë dhe brenda. Kjo është pjesë e dytë e kapitullit të zi, e treta më e keqja. Çfarë bëri Ilir Meta. Ilir Meta kërkesës më legjitime, jep dorëheqjen shko hetohu dhe kaq, pasi nuk kishim asnjë kërkesë tjetër përveçse më minimalen, je kryetar Parlamenti, por je kryetar Parlamenti që nuk të njeh kush për ndershmërinë tënde. ‎Pra, Ilir Meta akuzohet tani për të tretën herë. Ka një rrugë për çdo njeri, pavarësisht nga antecedentët, rruga e drejtësisë.

-Ka një proces hetimor Zoti Berisha…..

Procesin hetimor e mbylli Saimir Tahiri, e mbylli Edi Rama që tha ishte një aktor Durim Bami, duket se dhe Rama e ka takuar gjersa na shpalli se ishte një aktor. Pra, çfarë bën nga ana tjetër Ilir Meta? Ilir Meta nxori skenarin e akuzave ndaj opozitës. Zotëri, nëse do të besohet Ilir Meta, që thotë se Tom Doshi më ka akuzuar mua personalisht vetëm pasi u përjashtua nga grupi i Partisë Socialiste, atëherë çfarë del? Del që këta ishin skllevërit e mi. Edi Rama, Ilir Meta, Saimir Tahiri punuan 6 muaj për të fshehur krimin, për të cilin, unë sipas tij isha akuzuar nga Tom Doshi. Po ka njëri logjikë njerëzore mbi tokë që e pranon këtë? Ka njëri me dy pare mend që i nxjerr publikut një gjë të tillë turpëruese për të. Shkojmë më tutje. Nuk jap dorëheqjen tha se e dhashë njëherë për videon e Shkëlzenit. Atëherë, sipas kësaj del që Shkëlzeni ka qenë i filmuar me Metën në atë aferë. Po Edi Rama, Tom Doshi, Dritan Prifti dhe të gjithë në montimin e videos më akuzuan mua në krye të videos, që u detyruan të nesërmen unanimisht ta përgënjeshtrojnë. Dhe do të kursenin ata po të ketë pasur një video për Shklëlzenin, dhe do të pranonte Ilir Meta që për djalin tim të jepte dorëheqjen. Këto janë marrëzira që vetëm ai i thotë, i mbyturi që do të kapet në çdo gjë për të kaluar lumin. Tjetër, në Parlament deklarova se çfarë bëri, në projektin e tyre për t’ia faturuar opozitës, dhe pse dështoi atentati, Ilir Meta takon familjarët e Mhill Fufit, dhe u thotë vëllai yt duhet të ruhet nga Sali Berisha se ka ndërmend ta eliminojë. Unë nuk kam pas asgjë kurrë ndonjëherë me Fufët.

-Keni biseduar ndonjëherë për këtë gjë me zotin Fufi?

Absolutisht jo. Sepse i kanë dhënë përgjigje vet ata Ilir Metës. S’ka pas nevojë. Borxh atyre mund t’u ketë Ilir Meta, jo unë, Partia Demokratike asgjë. Borxh atyre mund t’u ketë Ilir Meta. Nuk i di unë ato punë saktësisht, por pse ky do të thërriste, nëse ky ishte një skenar, pse nuk ia linte Prokurorisë që të hetonte, do merrte hapin e tij fatal. Se kjo fakton katërcipërisht që ai është i përfshirë në krim. T’u thotë të tjerëve që, Sali Berisha ka ndërmend të eliminojë vëllain tuaj. Janë pra, të gjitha këto rrethana që e bëjnë dy herë më dramatik skenarin e përgatitur prej tij. Ndaj dhe akuza më e rëndë e bërë, edhe vendet më të mëdha të botës do të tronditeshin nga një skandal i tillë. Kurse këta përpiqen ta kalojnë topin sikur s’ka ndodhur asgjë, se dhe opozitën e paskemi të pafajshme tani që po u mbarojnë argumentat.

-Çfarë ndodhi që u acarua në këtë mënyrë marrëdhënia juaj me zotin Meta?

Absolutisht, unë jam sot ai që kam qenë ditën e parë që kam hyrë në Parlament. Por, çfarë ndodhi? Ndodhi ajo që unë publikisht në emrin publik dhe interesin e gjithë shqiptarëve i kam kërkuar Ilir Metës të japë dorëheqjen dhe të shkojë të konfrontohet me drejtësinë, pasi janë më shumë se dy kancelari të larta dhe institucione që kanë kërkuar që dosja e tij të shkojë në drejtësi. Ajo ishte dosja që Edi Rama ka dërguar në këto institucione dhe unë, po në emër të interesit publik, i them atij se ti nuk mund të jesh peng dhe skllav i kreut të qeverisë.

-Nuk është diçka personale?

Në mënyrë absolute asgjë personale, kurrë, s’mund të ketë. Në politikë, unë s’mund të kem gjëra personale, harroje se mund të kem të tilla. Por i kam insistuar dy tre herë pse? Sepse e kam parë që ka katandisur Parlamentin në një institucion që vetë ata, mazhoranca përpiqet ta diskretitojë çdo seancë e më shumë. Nuk kam asgjë me të. Por kjo është gjë e madhe. Edi Ramës i kanë kërkuar vendosjen para drejtësisë së Ilir Metës, dhe këtë e kam nga disa burime. Madje, kam edhe nga burim të para tre ditëve, dhe të huaja, jo vendi. Atëherë Ilir Meta shkon jep dorëheqjen, i thotë atyre vendeve, ose atyre institucioneve, sillni prokurorët dhe hetuesit tuaj dhe të hetohem.

-Po me Tom Doshin zoti Berisha, keni komunikim, sepse çdo ditë e dëgjojmë dhe zotin Rama, edhe zotin Meta apo eksponentë të Partisë Socialiste apo LSI se, tashmë Tom Doshi është deputet i opozitës dhe kanë shkuar edhe në idenë se gjithçka është e kordinuar me ju?

Me Tom Doshin s’mbaj mend se kam folur, kurrë. Me Tom Doshin unë nuk kam folur kurrë përveçse në debatin në Parlament. Për herë të parë në memorien time, kur është ndërprerë seanca, se rastisi që i thashë, isha në foltore dhe i thashë, Tomës ja keni mbyll gojën edhe me vrasjen, por edhe me Shullazin. Ky duket se nuk i erdhi për shtat kjo e Shullazit. U ndërpre seanca dhe tha: “Jo Sali nuk është e vërtetë që jam përplasur me Shullazin, është e vërtetë tjetër që kanë dashur të më vrasin, dhe t’i e di, por kur unë do ta them ti e mbron atë”, kujtonte ai se po mbroj Ilir Metën. Kjo ishte. Më tha që është edhe deputeti yt. Nuk dija gjë për Mhillin, absolutisht. Pyes dhe ma shpjeguan të gjithë historinë. Pjesën e Tomës dhe të Ilirit e kisha marrë vesh muaj përpara dhe e denoncova dhe para gazetarëve, edhe në Parlament, thashë që do të vrasin njëri-tjetrin. E bëra atë në emër të interesit publik. Pra, nuk ka asgjë më qesharake se të përpiqesh të shesësh Tom Doshin si deputet të PD. E di që kanë bërë përpjekje të mëdha për të bindur njerëz të huaj dhe vendas, se Toma po kalon në Partinë Demokratike. Zero, asnjë lloj komunikimi.

-Zoti Berisha mos u nxitua pak opozita që u përfshi kaq fortë në këtë debat? Jo me kërkesën për zotin Meta por në qendrimin e herëpashershëm mund ta linte si çështje të mazhorancës dhe të përfitonte politikisht.

Ajo si çështje e mazhorancës mbeti gjashtë muaj, dhe unë e thashë edhe më parë është një nga gjërat më skandaloze. Opozita foli vetëm kur çështja mori dhenë. Unë nuk deklarova në parlament se Ilir Meta ka dashur të vrasë Tom Doshin dhe nuk e bëra jo se nuk e kisha mësuar këtë gjë por sepse Tom Doshi ose Ilir Meta mund të thoshin se nuk është kurrë e vërtetë. Ose mund të dilte Toma mund të thoshte që jo s’është e vërtetë. Kështu që ky skandal shpërtheu vet midis tyre. Opozita është e detyruar ti shkojë deri në fund problemit. Shiko, se pa asnjë lidhje, se si bosët e krimit në krye të pushtetit u përpoqën t’ia faturonin dhe këtë opozitës. Çfarë do bëjë opozita? Absolutisht do bëjë gjithçka.

-Që do të thotë duke filluar nga protesta e nesërm. Si do të jetë?

Pa diskutim, protesta do të jetë paqësore. Por ne do të bëjmë absolutisht të gjitha përpjekjet për një hetim të ndershëm dhe të pavarur.

-Deri tani e keni parë të paktën këtë vullnet të paktën nga prokuroria? Ju keni dëshmuar?

E kam deklaruar që në fillim. Prej guri janë ata? Unë për definicion mbështes prokurorinë pa asnjë diskutim. Dhe shkova në mënyrë absolute, pa asnjë lloj hezitimi. Por kjo është një gjë që ska ndodhur kurrë. Unë shkova, nëse i shërbejnë ato që i thashë unë, do të jem i kënaqur. Pra, në këtë aspekt jam i bindur se ata do dëshironin të bënin hetimin më serioz, por çfarë hetimi mund të bëjnë ata? Kur Edi Rama thotë që Bami isht aktor. Do ta çojë tek Luiza për të luajtur teatër me të, kur Saimir Tahiri thotë se skenari nuk ka ekzistuar, pa le çthotë mbrapa pastaj që thotë është djalë i mirë. Dhe kjo është maja e ajsbrgut, është maja. Dje u dënua Konstandin Xhuvani për katër jetë u dënua për secilin nga 9 vjet burg. Por ka vendim më të fuqishëm të krimit se sa ky? Në të drejtën penale? Ose marrim raste, dje os pardje. U gjet se, drejtori më i rëndësishëm në luftën kundër krimit dhe trafiqeve, drejtori për i rëndësishëm në drejtorinë e përgjithshme të policisë, njeriu që organizon luftën kundër trafiqeve, kundër kriminalitetit, që inflitron oficerët në misionet më të vështira dhe e mbushur administrata me persona të inkriminuar në të gjitha nivelet. Mendoj se shqiptarët sot, jeta e tyre, veprimtaria e tyre, ligji i tyre është më i kërcënuar se kurrë në çdo vend tjetër. Ndaj dhe nesër është vendimtare të mblidhemi për të dëshmuar se krimi dhe e keqja sdo na mposhti kurrë.

-Që do të thotë?

Unë e theksova, unë jam një protestues aty, si organizim e ka kryetari i PD, që po merret ditë e natë me të. Por çdo qytetar nesër ka detyrimin qytetar, detyrimin shoqëror, detyrimin njerëzor të jetë së bashku me të gjithë të tjerët pa dallime partiake në sheshin Skënderbej, për të protestuar për sigurinë e jetës së tij në radhë të parë, sigurinë e fëmijëve të tij. Për të protestuar gjithashtu kundër këtij muri të krimit që ngritën këta qeveritarë që në mënyrë absolute mbyll dyert e Europës si minimum dhe krijon një pasiguri të tillë sa që është pesë-fishuar numri i shqiptarëve që po largohen nga Shqipëria dhe po kërkojnë azil politik jhe asnjëri se fiton. Por është shumë e shumë më i madh numri i familjeve shqiptare që për shkaqe sigurie mendojnë të largohen vetë ose fëmijët e tyre. Pra, kjo protestë është sinjali më i fuqishëm që nga viti 91 për qeveritarët që lozin me krimin, për byrazerët e krimit në krye të ekzekutivit se mbi ne nuk mund të kaloni.

-Do të jeni nesër në seancë?

Të gjitha vendimet do të merren nga ora 5 e tutje, sepse janë duke planifikuar mbledhje, unë do jem aty ku të caktojë grupi parlamentar dhe Partia Demokratike. Unë shpresoj që nesër mbarë qytetarët të lënë punën, dhe të vijnë në këtë protestë sepse asgjë nuk kërcënon më shumë punën e tyre, jetën e tyre se sa krimi i organizuar në krye të qeverisë dhe parlamentit.

-Zoti Berisha ka pasur një deklaratë nga zoti Balla që i këroi prokurorisë për nxitje të dhunës duke iu referuar asaj që do ndodhë nesër?

Është pjesë e paketës së krimit. Ju i dini ato që unë atë në procesin e dekriminalizimit ai është pjesë e paketës së krimit, ai ka anteçedntët e tij dhe nuk kam asnjë impreison ndaj thirrjeve të tij.

-Qoftë dhe për pjesën mjekësore që foli?

Unë po thenm që ai është pjesë e krimit. Ai është nga ata parlamentarë i cili ka rekorde. Ke dëgjuar kur flasin për rekorde kriminale. Rekordet kriminale janë këto, që ka denoncime në polici, ke gjetje të tjera në sistemet e verifikimit, ky është një nga ata, dhe nuk e ka mohuar dot kurrë këtë.

-Besoni se do të ketë një proces dekriminalizimi?

Së pari besoj se pa këtë proces ky vend të ardhme nuk ka. Me vjen keq të bëj një parashikim të tillë por është absolutisht e vërtetë. Miqtë tanë, partnerët ndërkombëtarë po deklarojnë se Shqipëria është më problematike se ndonjëherë. Problemet janë shumë të mëdha, por gjithnjë unë jam i prirur të mbaj shpresën, të mbaj besimin. Dhe kam bindjen se qytetarët do ti japin zgjidhje këtij problemi. Pa dekriminalizimin ne nuk kemi të ardhme. Dekriminalizimi erdhi nga ata të cilët janë të lidhur kokë e këmbë me krimin, ka pasur raste sporadike përpara por kurrë nuk ka qenë problem. Kjo është e vërteta, kurse tani ka muaj të tërë që në çdo seancë parlamenti, në çdo studio televizive, në çdo tavolinë, nuk diskutohet gjë tjetër vetëm dekriminalizimi. Pse? Në mënyrën më aparente krimi ka kapur Parlamentin. Sepse atyre ua u dinë por ka shumë më tepër në institucione të tjera. Pse erdhi kjo? A nuk erdhën këta me moton, nuk u mjaftuan lidhjet e tyre, a nuk dolën këta me moton “fëlliqësira të të gjitha kohërave bashkohuni për të përmbysur Sali Berishën”. Dhe kjo ndodhi, ata u bashkuan, ata kishin pare, ata kishin lidhje, ata blenë vota, ata kryen veprime, tani ata janë në pushtet. Ku janë? Janë në qeveri. Do tu them një gjë tjetër.

Një i huaj që përfaqëson këtu një vend më thotë se janë 200 telefonata të rregjistruara të një ministri me një kriminel të damkosur në vendin e tij. 200 telefonata dhe të jeni të sigurtë që kjo ëhstë e vërtetë. Pra, a do ecim ne në këtë mënyrë? Nëse do të jemi shoqëri që do përfaqësohmi me krimin, unë i garantoj shqiptarët se ne të ardhme nuk kemi, por ne duhet të përfaqësohemi me vlerat që kemi. Ndaj dhe nesër fillojmë dhe opozita jam i bindur që do të luajë rolin e saj.

-Do ti qendroni asaj që duhn zgjedhje të parakoshme?

Absolutisht me këtë situatë, me këtë mënyrë situata është e pashpresë. Do më falni, si filloi kronika e krimit në Shqipëri, filloi me aeroplanët e drogës që u cilësuan si mushkonja, vazhdoi me uzinat e drogës, vazhdoi tani me skenarët e varsjeve. Ka vetëm kriminalitet, vepra kriminale. Merr shkallët se si u ngjitën ndaj dhe askush nuk ka të drejtë të ankohet nëse nuk jep kontributin në luftën kundër tij. Por a është e mundur? Plotësisht e mundur. Pse do paraqitemi një shoqëri e inkriminuar, pse do përfaqësohemi ne nga kriminelë, nga vrasës, nga trafikatë, ku shkojmë ne kështu? Ne jemi në një moment të një vendimi do të thosha më të rëndësishmmit në ekzistencën tonë. Do pranojmë ne të na tërheqë zvarrë krimi i organizuar? Qeveritarët e lidhur me krimin? Apo do kërkojmë të jemi dhe ne qytetarë të lirë, të votojmë të lirë, të kemi jetën tonë të sigurtë, të fëmijëve tanë, të ndërtojmë të ardhmen këtu.

Panorama

[Neteorm]

Ky po qe do ta zbardh ceshtjen lol

[Albo]

Sali Berisha beson se Ilir Meta mund të vrasë.



Gjatë një interviste të dhënë për ABC, ish-kryeministri kërkon një hetim ndërkombëtar për çështjen Doshi.

Berisha kërkon edhe një shpjegim nga kryeparlamentari, në lidhje me udhëtimin e tij të fundit në Milano.

Zgjidhje për sundimin e krimit në pushtet, ish-Kryeministri sheh revolucionin demokratik paqesor.



- Pyetje: A do ja arrijë Partia Demokratike qëllimit të saj për dorëheqjen e Ilir Metës apo do të kemi një kulminacion dhe më pas do të shkojmë drejt një zgjidhjeje të sforcuar për të vijuar më tej jetën normale politike?

Mendoj se koha e jetës normale ka marrë fund. Natyrisht asgjë nuk është përfundimtare, por ka marrë fund. Është koha kur deputeti i mazhorancës ka akuzuar kryetarin e Parlamentit mbi bazën e dëshmisë me zë dhe figurë të dorësit për skenarin e vrasjes së dy deputetëve. Është koha kur kjo akuzë, më e rënda në 25 vitet e fundit, e paprecedent ndonjëherë, u mbajt e fshehtë për 6 muaj nga kreu i Parlamentit i akuzuar direkt, kreu i qeverisë dhe ministri i Brendshëm. Është koha kur në këtë akuzë kaq të rëndë, ministri i Brendshëm angazhoi të gjithë pontencialin e tij për manipulimin e saj në një akt të pashembullt, të paprecedent, u takua tre-katër herë me dorësin me qëllimin e vetëm që t’i ndryshojë dëshminë. Është koha kur jo që nuk e çuan në Prokurori, por gjatë kësaj periudhe u bënë të gjitha përpjekjet për të eliminuar dy nga autorët kryesorë të ngjarjes, Durim Bami dhe Tonin e Kombinatit, mikun e ngushtë të Ilir Metës dhe familjes së tij. Është koha kur u fabrikua një skenar i tërë për t’ia faturuar opozitës këtë ngjarje makabër. Nuk them dhe gjëja më normale është që në përgjigjen e parë Tom Doshit t’i shkonte mendja tek opozita, t’i shkonte mendja tek kundërshtarët e tij më të vendosur. Por ai menjëherë kuptoi dhe konstatoi, gjeti pistën dhe shkoi dhe u tha jo, je ti. Në këto rrethana kryetari i Parlamentit në vend se të shkojë në Prokurori, t’i kërkojë prokurorit nisjen urgjent të hetimit dhe ta çojë çështjen në Prokurori shkon dhe takon familjarët e njërit prej deputetëve të përfshirë në listën e atyre që duhej eliminuar nga kryetari i Parlamentit. Dhe u thotë atyre që vëllain tuaj kërkon ta eliminojë Sali Berisha. Dhe këtë Ilir Meta nuk e ka mohuar dot. Ka mohuar çdo gjë, por këtë nuk e ka mohuar. Pse nuk e ka mohuar? Se nuk ia mban që ta mohojë! Ua u them unë shqiptarëve, nuk ia mban sepse ato fjalë ai i ka thënë dhe tani lojëra nuk mund të bëjë ai. Është koha kur thashë dhe një herë jeta normale këtu ka marrë fund dhe është iluzion normaliteti këtu. Ilir Meta pasi nuk bind dot familjarët e deputetit Fufi me marrëzinë e tij se qenka Berisha që kërkon ta vrasë, vazhdon të kapet në çdo fije bari. Ilir Meta dhe ata që prishën hetimin u sollën në mënyrë të papërgjegjshme, pasi shpërtheu koka e peshkut. Akti i parë që Ilir Meta duhet të bënte në këtë rast ishte të kërkonte hetim dhe të dorëhiqej nga kryetar Parlamenti. Përkundrazi filloi të vjellë gjëra e marrëzira të paimagjinueshme. Një herë tha unë jap dorëheqjen për Shkëlzenin sepse paska qenë sipas tij në video dhe ai, dhe e paska kursyer Edi Rama me Tom Doshin. Nuk jap dorëheqjen tha se e ke bërë ti këtë gjë. Pra, për një mijë lloj akuzash, marrëzirash sikur të ishte opozita që e akuzonte atë. Por nuk e akuzon opozita, Tom Doshi ishte njeriu i tij dhe i Edi Ramës. Ishte njeriu më i fuqishëm i mazhorancës. Se përse ishin të interesuar ata për të eliminuar Tom Doshin është çështja e tyre, është çështje hetuesie. U tha shqiptarëve se Tom Doshi nuk më ka akuzuar mua dhe akuzat sipas tij Tom Doshi i ka bërë pasi është përjashtuar nga Partia Socialiste. Çfarë e shtyn Ilir Metën të gënjejë në këtë mënyrë monstruoze, çfarë e shtyn për të takuar familjarët e Fufëve, për t’ia faturuar opozitës skenarin e tij? Çfarë e shtyn Ilir Metën që të përdorë pengmarrësin Spartak Braho, i cili e kam thënë dhe e them mban në dorë torbën e Gëzim Çelës, mik me kokë i Ilir Metës dhe Spartak Brahos, e njohur botërisht kjo. Çfarë e shtyu Ilir Metën të shkojë në Milano sot një javë fshehtas? Meta në Milano së bashku me Petrit Vasilin dhe i kërkoj Prokurorisë ta hetojë udhëtimin. Po, po me dëshmitarë. Çfarë e shtyu të dërgojë Spartak Brahon në Hanover tek Toni i LSI? Pra, faktikisht gjendja është dramatike.

- A do i dilet me protesta?

Protesta është mjeti që ka opozita. Opozita ka protestën. Opozita dhe shqiptarët përballen sot me një mur të paimagjinueshëm të krimit. Një mur, i cili bllokon integrimin, bllokon ekonominë, bllokon totalisht sigurinë, bën çdo ditë e më shumë më të pasigurtë jetën e qytetarëve shqiptarë. Tritol, maska, pengmarrje kjo është axhenda e përditshme e krimit të lidhur me qeverinë. Pra, nuk ka më normalitet. Qytetarët janë të vetmit ata që mund ta zgjidhin këtë problem. Janë thirrur të rrëzojnë krimin e murit të ndërtuar nga qeveritarët. Nuk po flasim këtu për krimin ordiner, po flasim këtu për krimin e lidhur me qeverinë, i cili këtu është bërë rregull. Vrau Kostandini 4, çfarë ndodhi me Enver Bashën? Çfarë ndodhi me Kostandinin? Gjykim i shkurtuar, një autori të pesë vrasjeve. Është kjo politike apo nuk është politike? Çfarë ndodhi me majorin e Forcave Ajrore, nuk ishte ai për të shkuar për specializim, por ishte një kapiten, dhe komandanti i tij kishte sugjeruar kapitenin. Kur Mimi dhe gjeneral trafiku vendosën ata që u ngrohin xhepin. Çfarë ndodhi me bankën që ruante siguria e partisë? Çfarë ndodhi me 6.2 milionë euro?

- Për të cilat u aludua se do të përdoreshin për fushatë…

Sigurisht, jo unë, por nuk ka shqiptar që nuk aludon për këtë. Çfarë masash u morën për këtë? Bankën e ruante firma e partisë. Ke dëgjuar ti të jetë marrë ndonjë masë për këtë gjë? Ajo u harrua sikur humbi një zarf. Kjo është shumë e njohur. Pra, vijmë tek dosja Doshi kryekëput e lidhur me ta. Po dosja Frroku? Si është dosja Frroku? Dosja Frroku është dosja më e shëmtuar në historinë e një vendi. Çfarë ndodhi me seancat gjyqësore të vëllait të tij që akuzohet për vrasjen e komisarit Lamaj? Si u zhduk dëshmitari i rremë, si u mor peng tjetri në Fushë-Krujë? Dokumenti që botuat ju? “ABC” publikoi dokumentin, policia akuzon “ABC” paçka se ka fshehur krimin për 6 muaj. Nuk ka rëndësi, krimet janë të tyre, janë të shtetit, janë të qeverisë. Qeveria bën ç’të dojë me krimin, e trajton si të dojë. Nuk ekziston ligji për këtë. Kurse “ABC” s’mund ta botojë dokumentin……. Është veprim direkt i Kryeministrit. Pse është urdhër i Kryeministrit? Së pari, dua të theksoj këtu nuk ka urdhër Prokurori për lirimin e tij, 100% dhe këtë nuk e tha dot as zëdhënësi i policisë dje. Së dyti, polici atje, dhe drejtori i policisë, dhe Didi vetë nuk liron dot pa një urdhër më të lartë dhe ky është urdhri i Kryeministrit. Ata kanë zbatuar ligjin, por ligjin e kanë thyer me urdhër të Kryeministrit. Frroku? Pse Frroku në këtë mënyrë? Nuk është Durim Bami dëshmitari kyç. Durim Bami sot për Tom Doshin dhe Adnand Xholin është i njëjtë, i pandehur, është i akuzuar për vrasje në bashkëpunim me të tjerë të mbetur në tentativë. Durim Bami ka të drejtë me Kushtetutë të mos thotë asnjë fjalë, të hedhë poshtë çdo gjë, të krijojë çdo variant që do. Ai është i akuzuar, ka të drejtat e veta. Person kyç është Mark Frroku, i cili i ka thënë Tom Doshit, i cili e ka marrë në telefon në Budva Tom Doshin, i cili faktohet se njeh Durim Bamin dhe tha nuk e njoh. Pra, nuk është Bami, personi më kyç, është Mark Frroku. Person tjetër është Toni i Kombinatit, të cilin Ilir Meta “nuk e njihte”, paçka se në fushatën e 2005 ka qenë shofer dhe bodigard i Monikës, dhe i njohur botërisht nga i gjithë Kombinati. Po pse i çoi Spartak Brahon nëse nuk e njohin? Që të dy janë të LSI. Edhe Durim Bami dhe ka qenë shumë aktiv në zgjedhjet e 2013 edhe Toni i Kombinatit. Pra, çfarë kemi? Kemi një situatë ku është projektuar një krim i shëmtuar. Është projektuar gjithashtu skenari i akuzës ndaj opozitës për këtë krim. Është bërë gjithçka për të prishur provat. Është ngarkuar kryetari i Partisë Socialiste për Tiranën, Saimir Tahiri për të bërë hetimin. Nuk është çuar dosja në Prokurori. Dhe së fundmi i vunë kapak me Kallakun e tyre. Zyrtarë këta, qeveritarë që çojnë Kallakun në oborr të Prokurorisë. Një akt i shëmtuar, nuk është fyes vetëm për Prokurorinë, është fyes për mbarë shoqërinë shqiptare. Pavarësisht nga plus minuset e Prokurorisë, ai është institucioni i akuzës së këtij vendi dhe nëse simbolizojnë dhe e identifikojnë me skeçin e “Portokallisë” ajo nuk e meriton. Këto janë situata që vetëm populli dhe sovrani mund ta zgjidhë këtë situatë. Duhet detyrimisht që këta qeveritarë, që Ilir Meta të japë dorëheqjen.

- Po qoftë edhe një dorëheqje që përkohshme?

Jo, ne kemi thënë dorëheqje për të shkuar në hetim. Asnjë nga akuzat nuk i ka nga opozita ai. Ai i ka akuzat nga mazhoranca. Ai u përpoq një herë me çdo kusht, u mor me mua dhe kunatin. Pastaj tha kam dhënë dorëheqjen për Shkëlzenin, tani mbrëmë zëdhënësi i tij thoshte se është skenar i huaj, njëlloj si për Riformaton. E pranoi skenarin, por është i huaj tha, na e kanë bërë armiqtë. Ndaj dhe unë i bëj thirrje Prokurorisë, i bëj thirrje Presidentit të Republikës, i bëj thirrje të gjitha institucioneve edhe zotit Edi Rama, edhe Ilir Metës, të kërkohet hetim ndërkombëtar. Ka një rëndësi kapitale kjo.

- Ka një qëndrim sikur nuk mund të hetohet nga ndërkombëtar….

Pa diskutim, siç kemi marrë asistencë në rastin e Azem Hajdarit edhe ishte eficente dhe po të mos ishte asistenca ndërkombëtare në mënyrë absolute njeriu nuk i futej ferra në këmbë. Nuk hetojnë dot këta. Këta kanë përkushtimin, por kjo është një aferë që shkon shumë gjerë. Kjo është një aferë në të cilën këta prokurorë kanë përballë murin e krimit të qeverisë dhe Parlamentit. Çfarë do të bëjnë ata? Mençuria më e madhe është kërkesa për ndihmë ndërkombëtare. Dhe, aq më tepër kur këtu dy palët kryesore, kur Parlamenti dhe qeveria janë nën akuzë, ndërkohë që ata kanë akuzuar më pas opozitën. Nuk ka çështje më të rëndë se kjo. Ndaj dhe të kërkohet ndihmë, të kërkohet ndihmë në Bashkimin Europian, të kërkohet ndihmë në Shtetet e Bashkuara, t’u kërkohet ndihmë partnerëve. Absolutisht, i siguritë që ajo ndihmë do të ofrohet. Unë nuk them që të përjashtohet Prokuroria shqiptare. Jo. Por kërkoj dhe them në interesin e saj më të mirë, në një çështje kaq të rëndë, në një çështje kur e çojnë Kallakun në oborr. Në një çështje, e cila ka të bëjë me paqen sociale të këtij vendi. Ka një thyerje të madhe sot në vend. Ai që është i interesuar për zgjerimin e saj le të vazhdojë të kontribuojë, por absolutisht rruga për të kapërcyer këtë është një hetim i pavarur, i besueshëm, pa Kallakër.

- Po nëse do të kishim një hetim ndërkombëtar, a duhet të jetë Ilir Meta prapë kryetar Kuvendi apo i dorëhequr edhe në këtë rast?

Ilir Meta për ne s’duhet të ishte për asnjë minutë kryetar Kuvendi, por nuk e kemi vënë në diskutim kur e ka miratuar shumica. Sot që është i akuzuar kryesor, në botën e qytetëruar gjëja e parë që bëhet, çfarë do të kish ndodhur nëse Ilir Meta që ditën e parë, jepte dorëheqjen dhe shkonte në Prokurori? Çfarë komenti mund të bënim ne? Absolutisht zero. Ilir Meta nuk e bëri këtë. Ilir Meta bëri akuza ndaj meje, pastaj kaloi tek Lul Basha. Lulzim Basha nuk i përmendi atij dhe asnjë nuk i përmendi akuzat e shkuara atij. Ne u ndalëm tek akuzat që i ka bërë Tom Doshi. Ne u ndalëm në aktin e tij që ka shkuar, ka takuar familjarët e deputetit tonë. Ndaj dhe është zgjidhja e këtij problemi. Mund të mos zgjidhet. Mund të mbetet në shpinë të Shullazëve. Kjo është punë tjetër. Por ne themi është më mirë të zgjidhet. Sepse në mënyrë absolute ne nuk do ta kapërcejmë këtë. Jo. Ka një opozitë që akuzohet nga qeveria për skenarë vrasjesh, duhet të jetë e verbër që ta kapërdijë këtë.

- Pse nuk keni të njëjtën kërkesë edhe ndaj zotit Rama, janë deputetët e tij të përfshirë, zoti Frroku në këtë rast?

Akuza për vrasje nuk është e jona, është e Tom Doshit. Tom Doshi nuk besoj se do të kishte kursyer Edi Ramën apo nëse e ka kursyer unë nuk kam të dhëna. Të akuzosh tjetrin për vrasje është shumë e rëndë. Është akuza ekstreme që mund të bësh. Mund të bësh 100 akuza, por këtë akuzë pa pasur fakte unë nuk ja bëj dot atij. E bëri ai skenarin? Është hetimi që do t’i nxjerrë gjërat. Unë kam thënë që Ilir Meta e ka bërë në bashkëpunim me Edi Ramën, por s’kam prova. Hamendja politike është hamendje politike, analiza është analizë. Sikundër akuzoj ministrin, kreun e PS për Tiranën për prishje të hetimeve. Edhe Ilir Metën, nuk jemi ne që e akuzojmë, akuzën e ka bërë deputeti i tyre, të cilin u mundua ta shesë si deputet të Partisë Demokratike. Absolutisht. Dhe vendasve dhe të huajve u tha se ky është i opozitës. Vetëm kjo që s’ka dhe s’mund të ketë lidhje me opozitën. Është deputet kryesor i mazhorancës.

- Zoti Berisha, si i keni parë qëndrimet e SHBA dhe BE?

Mendoj se SHBA, BE, partnerët tanë, institucionet ndërkombëtare kanë tani të qartë shkallën e lartë të kriminalizimit të institucioneve të kësaj mazhorance. Të qartë si drita e diellit. Në këtë kontekst ata kanë vënë theksin me të drejtë, kanë mbështetur atë proces që nisi opozita, për hir të së vërtetës procesin e dekriminalizimit e kemi iniciuar ne dhe jemi mirënjohës që gjetëm mbështetje dhe një mbështetje më të madhe gjithnjë e në rritje. Kështu që në këtë aspekt mbështetja dhe ndihma e tyre është shumë e çmuar.

- Ka pasur sinjale që mund të ketë një lloj mbështetjeje?

Ka të sigurtë mbështetje për dekriminalizimin në mënyrë të padiskutueshme ka dhe do të ketë. Vetë deklaratat e tyre janë një mbështetje e fuqishme për shqiptarët. Ka tani një vetëdije se një mur gjigant krimi është ngritur në Shqipëri, ka një vetëdije se lidhjet e krimit shkojnë deri në nivelet më të larta. Absolutisht asnjëri nuk merr përsipër të vijë të të luftojë krimin në Shqipëri, jo. Mund të të japin ekspertë në Prokurori për hetimin e çështjes, siç edhe ka ndodhur. Ka ndodhur edhe në vende të tjera, nuk është vetëm Shqipëria, ka patur momente që vende shumë të mëdha, me një demokraci shumë më të konsoliduar se Shqipëria kanë kërkuar hetim me ekspertë thuaj të pavarur. Nuk kanë të gjithë atë soliditet të institucionit të akuzës siç e kanë SHBA, të cilët edhe ata kur e bëjnë, e bëjnë me një ligj të veçantë, me një prokuror të veçantë, kur vjen puna për krerët e lartë të vendit. Nuk e bën Prokuroia e zakonshme, është një special. Po kjo ngjarje s’mund të kalojë kurrë me Kallakun. Kjo është një gjarje shumë e rëndë, se do autori i saj i akuzuar ta kalojë me Kallakun, kjo shoqëri s’mund ta kalojë me Kallakun. Kallakun le t’ia lëmë Filipit ne dhe ne të bëjmë çdo përpjekje për të kapur atë që kemi humbur. Kemi humbur 6 muaj hetimin e një krimi të shëmtuar, montruoz. Janë bërë përpjekje për të zhdukur dëshmitarët, janë manipuluar dëshmitarët. Është marrë hetimi në dorë në mënyrën më antikushtuese nga kryetari i PS për Tiranën, janë vënë kontakte të paligjshme me aktorët e kësaj ngjarjeje. Dhe dëshmitari më kyç i kësaj ngjarjeje që është Mark Frroku është marrë peng me ngjarjen e strehimit në makinën e tij të Bardhok Pllanës, kryetari i grupit të rrjetit të fuqishëm të drogës, i cili u kap vetëm në këtë operacion me 804 kilogram drogë. Pra, nëse nuk bëhemi seriozë kësaj here. Shansi i vetëm është që të bëhemi seriozë. Të gjitha palët të pranojnë një hetim, nuk është fare mosbesim ndaj atyre. Unë i takova ata. Absolutisht nuk dyshoj aspak në intensionin e tyre, por e thashë që atë ditë, përballë malit të ekzekutivit dhe Parlamentit ata janë krejtësisht të pafuqishëm. Dhe të tillë do të ishin në çdo vend të botës. Kur dalin çështje të tilla ose merren hetues ndërkombëtarë ose me ligj të veçantë ngarkohet prokuror i veçantë. S’ka nevojë të bëjmë një ligj të veçantë, ne do të ftojmë ekspertë ndërkombëtarë, të cilët kanë mundësi që të disponojnë çdo lloj të dhëne komunikimi.

- Mungesa e një kouminikimi nga ana e Prokurorit të Përgjithshëm a ka ndikuar?

Në shtyrjen 6-mujore të çështjes natyrisht kjo përbën problemin më serioz të këtij skenari kriminal, por duhet të them një gjë, që prokurori të niste kryesisht çështje për Ilir Metën që mund të çonte çështje tek Edi Rama, Saimir Tahiri etj., kjo, në një vend me demokraci të brishtë është absolutisht jo realiste dhe e pamundur. Dhe unë nuk di ndonjë vend që prokurori të ketë nisur një çështje penale ndaj numrit dy të shtetit që s’jep dorëheqjen, Kryeministrit që është shefi i ekzekutivit, ministrit të Brendshëm, të gjithë këta ishin në akuzë, deputetëve. Prokurori ka pritur sigurisht reagimin e këtyre njerëzve që e mbajtën 6 muaj brenda. Nuk janë prej guri prokurorët. Çfarë ndodhi në Argjentinë me prokurorin që hetonte Presidenten? Gjeti vdekjen në dhomën e tij i vrarë, kaq. Në çantë u gjet mandati që ai kishte përgatitur për arrestimin e Presidentes. Duhet të jemi realistë ne këtu, nuk kemi pse fajësojmë ne Prokurorinë. E di si i thonë kësaj: unë do të vras, po munde më kap ti. Këta janë njerëzit kryesorë, të japë dorëheqjen, të paraqitet tek Prokuroria. Të japë llogari ministri pse e ka mbajtur 6 muaj, pse nuk kanë çuar asnjë padi në Prokurori? Të mendosh se do të niste çështje me dy drejtuesit kryesorë të mazhorancës kjo është të shohësh ëndrra në diell, apo të mendosh se do të shohësh sipërfaqen e pasme të hënës.

- Besoni se akuzat e Ilir Metës janë të vërteta?

Në fakt, në këtë rast unë besoj, Ilir meta ka probleme të mëdha shumë. Mos harro se një njeri është vrarë në krah të Monika Kryemadhit, të cilin Monika e kishte marrë për të shpërndarë tufa parash për të blerë votat. Ka ndodh një përplasje aty. Pra e kishte marrë për vepra të këqija. Deputeti ynë mori dy plumba, nipi i tij mori plumb në kokë. Pra, pati shkëmbim zjarresh, se nga se, kush dhe si ndodhi me badigardin e Monikës atë nuk e di unë. Por një gjë është shumë e sigurtë, që shkoi për të blerë vota, janë me dhjetëra dëshmitarë. Së dyti, Ilir Meta ka një problem shumë madhor, ka një vulë të zezë të tmerrshme, nga Edi Rama. Edi Rama kur ai ishte në qeveri, organizoi për të 21 janarin, iku ajo. Edi Rama çoi dosjen e Ilir Metës në të gjitha kancelaritë europiane. Ilir Meta e di mirë, por nuk ka as ndërgjegje sociale e as ndërgjegje njerëzore, e di mirë se Edi Rama në të dy rastet e kthimit nga jashtë e ka njoftuar se më kanë kërkuar arrestimin tuaj. Edi Rama nuk e ka përgënjeshtruar ndonjëherë kurrë këtë. E kam denoncuar disa herë në Parlament. Pse? Sepse të kesh kryetar Parlamenti një njeri që kërkohet nga ata, të cilët i kanë dhënë miliarda euro ndihmë këtij vendi dhe ata të thonë se ai duhet të hetohet, por të hetohet i arrestuar, ajo është një gjë shumë e rëndë po ta mbash. Unë nuk them se ata janë gjykatës. Por Ilir Meta duhet të kërkonte hetim nga e para, të ikte nga kryetar i Kuvendit, t’i thoshte Edi Ramës se kjo është një akuzë e tmerrshme dhe unë nuk mund të mbaj këtë vend se mbaj vendin peng. Unë jam i vetmi që ia thashë këtë, asnjë njeri tjetër s’ia ka thënë. Të gjithë e dinë. E dinë mediat, e dinë analistët, e dinë papagajtë, e dinë që të gjithë pa përjashtim dhe preferojnë të heshtin pavarësisht se interesi publik këtu është totalisht i shkelmuar. Në asnjë vend s’e mbajnë atë post, s’është se po ta dikton tjetri, por ata janë vende dhe institucionet që kanë dhënë miliarda dhe duan të kenë garanci për paratë e taksapaguesve të tyre. Ta mbajë se do të rrijë në pushtet, jo është gabim i madh. Kështu që Ilir Metës këto skenarë ose këto turbullira i zgjasin jetën. Sot ai është faktikisht i vetmi kryetar Parlamenti në botë i akuzuar zyrtarisht nga deputet i mazhorancës për skenarin e dy vrasjeve. Muri i tmerrshëm i krimit në krye të të cilit qëndrojnë udhëheqësit e mazhorancës së qelbësirave, mur që gjeneron çdo ditë pasigurinë më të madhe për qytetarët, gjeneron çdo ditë shkatërrimin e vendeve të punëve dhe shkatërrimin e investimeve, gjeneron çdo ditë varfëri të madhe. Mund të shembet vetëm me një revolucion demokratik paqësor. Mund të shembet vetëm me 20 shkurt të ri. Është në dorën e çdo qytetari të marrë fatin e tij në dorë, është në ndërgjegjen e tij dhe të japë kontributin në shembjen e këtij muri me të cilin absolutisht nuk ecet absolutisht asnjë centimetër drejt Europës, nuk ecet drejt prosperitetit, por drejt varfërisë dhe mjerimit, krimi ka vetëm parimin e krimit. Ndaj dhe uroj dhe dëshiroj që kjo pranverë të jetë pranverë e një revolucioni demokratik paqësor, i cili të thërrmojë, të rrëzojë përfundimisht murin e krimit dhe të bëjë që qytetarët të jetojnë si qytetarë të lirë të sigurtë në vendin e tyre, të mos ikin masivisht siç po ikin sot në vende të tjera, të mos varfërohen dhe mjerohen çdo ditë e më shumë, të mos zgjohen me ankthin e maskave dhe tritolit siç po ndodh rëndom. Të kenë Parlamentin e përfaqësuesve të tyre dinjitozë dhe jo të vrasësve, jo të trafikantëve, jo të banditëve. Të kenë qeveri, të kenë institucionet që meritojnë. Ndaj dhe një herë theksoj se ndaj këtij grupi oligarkësh të inkriminuar kokë e këmbë rrugë e vetme është revolucioni demorkatik. Qytetarët nuk duhet të tremben nga fjala revolucion nëse ne nuk do të mblidheshim 150 mijë gra e burra në Qytetin “Studenti” për të shembur diktaturën, ka rrezik që edhe sot do të kishim bustin e diktatorit. Ndaj problemeve madhore duhen qëndrime dhe vendime madhore, s’po kërkohet asgjë tjetër veçse me një revolucion paqësor të rrëzojmë murin e krimit.

- Zoti Basha foli si Kryeministër në hije, në fakt Partia Demokratike po përgatitet për një skenar të tillë?

Në fakt zoti Basha është Kryeministri në hije, jo foli, por është absolutisht dhe unë jam i bindur ai do të jetë një Kryeministër i shkëlqyer për Shqipërinë. Por nuk është këtu problemi i pushtetit të zotit Basha, këtu problemi është i jetës dhe sigurisë së çdo qytetari, këtu problemi është i të ardhmes që ne meritojmë, këtu problemi është të ndalojë kjo rrokullisje e madhe. Këta qeveritarë shkuan shumë larg dhe më larg do të shkojnë. Mua më vjen keq të bëj parashikime, por absolutisht krimi i tyre nuk njeh kufij. Mendoni ju se ata fshehin vetëm krimin e Mark Frrokut? Në arkivat e tyre fshehin shumë krime të tjera dhe krimet që ndodhin në të ardhmen. Ndaj dhe ka vetëm një rrugë dhe kjo rrugë është revolucioni demokratik i qytetarëve shqiptarë. Është rezistenca, qëndresa me mjete paqësore, theksoj dhe një herë ne jemi Partia Demokratike, unë që ditën e parë në jetën politike deri sot kam qenë dhe mbetem i vendosur me parimet e non violencës, besoj shumë tek parimet që unë besoj, tek vlerat e qytetarëve dhe le ta shndërrojmë këtë pranverë në pranverën e revolucionit demokratik për të shembur murin e krimit, për të shembur murin e korrupsionit. Krimi ka një gjë, lë në hije korrupsionin, por ai është i përmasave të frikshme, të papërmbajtura. E patë ju dje inaugurmin që bëri në Elbasan? Çfarë është ajo? Ajo ëhstë një megaaferë korruptive, mëvsë shumti e lidhur me Ramën dhe Koçon. Një kompani me 100 mijë dollarë është kompania që ka marrë përsipër të ndërtojë impiantin në kundërshtim me çdo lloj rregulli të mjedisit etj., prej 21 milionë dhe kësaj kompanie shteti i jep 5 milionë euro, kësaj kompanie që ka 100 mijë dollarë, shteti i jep 5 milionë euro, ia jep vetes së vet. Pra, krahas murit të krimit po kaq i lartë është muri i korrupsionit. Vetëm revolucioni demokratik është zgjidhja më e sigurtë e këtyre problemeve.

MAPO

[elijsa]

E supozojme qe kjo qe thote Berisha eshte e vertete se Ilir Meta mund te vriska. Pse e mbajti prane vetes kete kriminel Berisha per 4 vite me rradhe? Kjo e ben Berishen akoma me maskara se Ilir Meten. Keta per pak vota e per pushtet shesin veten dhe karakterin e tyre.

[ATMAN]

Vrasja e Santos, vjedhja e Bankes se
Shqiperise, katrahura "Doshi"...tregues se krimi
financiar, po jep leje, per krimet e tjera..

[Xinxerfilli]

Meta MUND te vrasi, ndersa Berisha ka vrare! Per Meten, per Shkelzenin edhe per Karrigen!