Si gjithnje i juaji, Edi Rama

[DYDRINAS]

SI GJITHNJE I JUAJI, EDI RAMA

03-04-2013

Të dashur miq,

I mirëkuptoj të gjithë ata që ndjejnë një shije balte në gojë teksa mesa duket, po mësoheshin me shijen e mjaltit të Rilindjes. Reagimet frenetike mbas shfaqjes së mundësisë së afrimit me LSI-në, të sharat e qesënditë e pafundme, nuk më erdhën të papritura. Mu sikur hovën të tërë në një zhgjëndërr të zhurmshme pas një ëndërrimi që për shumëkënd kishte filluar të njehsohej me realitetin. A thua se gjithë këto kohë s’ishim më në një luftë të mundimshme me të Keqen e Njohur, po në një film romantik ku papritur ikën dritat duke ngjallur revoltën e tërë spektatorëve për filmin e këputur në mes.

Kur shoh tërë ç’vlon në rrjetet sociale sikur unë, zëdhënësi i përditshëm i ëndrrës së Rilindjes, u ktheva befas në vrasësin e pamëshirshëm të saj, dy gjëra më rrotullohen nëpër mend. E para, që ëndrra e Rilindjes funksionon. Sepse nevoja për të marrë frymë lirisht në këtë vend që po mbytet në llumokracinë e Saliut është bërë jetike. Dhe e dyta, që për shkak se ëndrra e Rilindjes funksionon pozitivisht në imagjinatën e shumëkujt, duket sikur plot njerëz e kanë harruar që Rilindjen reale, atë të prekshmen përmes zbatimit të programit, PS mund ta bëjë realitet vetëm përmes pushtetit jo përmes prezantimeve të fushatës.

Jam i bindur se askush, asnjë njeri normal që do ndryshimin në 23 qershor, nuk do ta ndërronte ikjen e Saliut me një ëndërr ende të parealizuar si kjo. E cila rrezikohet seriozisht të avullojë nëse zgjedhjet grabiten përsëri dhe të lerë pas, tek të gjithë pa përjashtim, një zhgënjim shumë më të hidhur sesa qershori 2009 apo 8maji 2011 në Tiranë. Por shumëkush duket sikur nuk do fare ta mendojë këtë. Shumëkujt i duket gabimisht se Saliu është i ikur dhe 23 qershori është vetëm një formalitet. E prandaj edhe u duket krejt gabimisht se ftesa e PS për LSI, është baltë e hedhur në panoramën e shndritshme të ëndrrës.

E përsëris që i mirëkuptoj. Por u them këtu, jo moralistëve bajatë, po të gjithë mbështetësve të sinqertë e të emocionuar negativisht nga ftesa për LSI, se unë e kam për detyrë ndaj tyre, ndaj Partisë Socialiste dhe këtij vendi të cilit i shërbej me pasion, që ta shoh ndryshe 23 qershorin.

Dhe dua ta dini sa më qartë se si e shoh.

Unë 23 qershorin e shoh si ditën kur Saliu do të tentojë në gjithë Shqipërinë 8 majin e Tiranës 2011. S’ka qenë shumicë asnjëherë qysh pas vitit 1992. Është vjedhës zgjedhjesh me damkë ndërkombëtare. Ka përgatitur planin që të vjedhë përsëri. Ka shtetin më të politizuar të kontinentit. Paranë e pistë për korrupsion masiv zgjedhor. Policinë më krahinariste që mund të imagjinohet. Shërbimin sekret të kthyer rishtaz në polici politike. Ka repartet e manipulatorëve të importuar që lëvizin qendër më qendër me karta identiteti fallco. Ka të gjitha vrimat e botës së errët të krimit, prej ku dalin urithët elektoralë që trembin njerëz. Ka për më tepër edhe fukarallëkun e periferive e të fshatit në favor. Po po, fukarallëkun (!) – aty ku komisioneri dorëzohet përpara parash që s’i ka parë kurrë. Aty ku familja e varfër dorëzohet përballë shantazhit të heqjes së ndihmës ekonomike. Aty ku fukarai i pashpresë dorëzohet përpara thesit me miell a një kartëmonedhe se nuk beson më dot në asgjë. Një plan i tërë për ta përmbysur si kala rëre me vota të vjedhura frymën, moralin, rilindjen që sot po përdoren si fjalë të tradhëtuara prej meje, sepse Shqipëria reale e zgjedhjeve nuk ngjan kurrkund me atë që merret me mend edhe prej komentatorëve më të përfshirë në këtë historinë dramatike të zgjedhjeve shqiptare.

Doni më për të kuptuar se pse ky kryeministër në ikje duhet rrethuar politikisht nga një koalicion ku çdokush sot në politikë përveç atij vetë ka jo vetëm të drejtën, po edhe detyrën patriotike të jetë pjesë?

Sepse vetëm duke e lënë pa krahë politikë dhe duke e zhveshur nga çdo lëkurë tjetër përveç asaj të PD, fuqia manipulese e tij bëhet e pamjaftueshme për ta mbytur opozitën me aritmetikën brutale të votave të vjedhura. E kështu edhe ikja e tij bëhet fakt. Përndryshe në 24 qershor programi i Rilindjes kthehet nga instrument politik ndryshimi në letër që s’ka asnjë vlerë. Ndërsa karta “morale” digjet si zakonisht nga zjarri i fitores së vjedhur të radhës, duke nxjerrë një tym të zi pakënaqësie dhe dëshpërimi me opozitën e humbur nën gërmadhat e zhgënjimit popullor.

Ja pse unë besoj megjithë zemër se ardhja sot e LSI-së në koalicion nuk është fundi, po vazhdimi i natyrshëm i një historie të re që ka nisur me projektin e një Rilindjeje Shqiptare. I një historie që kalon nga FITORJA dhe VETEM FITORJA e 23 qershorit, si parakusht për të shkuar më tutje me Rilindjen. Unë vetë besoj po ashtu që LSI nuk do ta pengojë këtë projekt, ashtu siç besoj se nga ky bashkim nuk do të lindë një pjellë e re e të shkuarës, po një qeverisje e mirë për të ardhmen. Por sidoqoftë këtë do ta tregojë koha dhe për këtë çdo dyshim i sotëm është i shëndetshëm e mbajeni në xhep.

Por ju lutem mos harroni se duhet të mundim Saliun dhe ky sot, bashkimi me LSI, është për ne vetëm fillimi i duhur jo fundi i një beteje finale që do të luhet për çdo votë, deri në dekikën e fundit të procesit elektoral. Për të tjerat lidhur me këtë do të kemi kohë të flasim, po edhe të shohim gjithë këto ditë teksa do të rreshtohen forcat.

Lejomëni ta mbyll me një pyetje që për mua është retorike, por për secilin që ende ndjen shijen e baltës në gojë mund të vlejë që të kuptojë psenë e madhe të ftesës sime për LSI-në.

Është pyetja që i kam bërë vetes kohë më parë dhe që më shtyu vendosmërisht drejt këtij bashkimi:

E çfarë do të thoshte pastaj cilido që sot çfarë nuk thotë për këtë “tradhëti” timen, nëse në 24 qershor do të gdhihej me të Keqen e Njohur mbi kokë edhe për katër vjet të tjera?

Ah, se harrova, analistët A, B, C, që nuk lanë gjë pa thënë në emër të moralit nëpër banaqe e uebfaqe më kanë thënë plot gjëra interesante që në tv nuk i thonë, por po ju them vetëm njërën: “Po nuk u bashkove me Ilir Metën ky vend mori fund, sepse do na lini me Saliun edhe katër vjet!”.

[DYDRINAS]

Ndersa pas shkrimit te tij, komentonin delet socialiste si vijon:




Gjergji Gjika shkroi:
04-04-2013 në 8:32 am

I dashur Edi . Te komplimentoj per kete levizje tuajen . Marveshja e PS me LSI mua me jep pershtypjen e nje anamneze per te semurin dhe mbi te cilen percaktohet kura e cila duhet te sheroj te semurin . Ashtu si mjeku ndjek kete praktike me te semuret per te luftuar semundjen e pacientit ashtu do te jete edhe programi i RILINDJES per shendoshjen e LSI . Dhe dicka te fundit ashtu si dhe PS ka kohe qe nuk eshte me kryetari por nje bashkim vullnetar progresistesh ashtu do te transformohet edhe LSI dike ardhur ne famijen e saj . Duke patur besim te palekundur ne fitoren e betejes sone me lini tju shpreh konsideratat e mija . Me respekt Gjergji Gjika
Përgjigje
Skerdi Malo shkroi:
04-04-2013 në 8:32 am

Dhe pse mosbesues une prap shpresoj dhe dua te besoj ne kete bashkim per largimin e saliut nje ore e me pare ,qe me pas te vije nje frumarje e re per vendin tone te mrekullushem dhe me kete popull te pafajshem qe ne 20 vite me radhe shpreson ne nje demokraci reale ne nje Rilindje jo vetem per nje parti por per te gjithe ne shqipetaret.
Përgjigje
Bekim Murati shkroi:
04-04-2013 në 7:03 am

Bekim Murati Shume miqesishte Edi. Ju mirekuptoj por gjithashtu ju mbeshtes per kete hap dhe marreveshje qe keni bere ne emer te PS. Si nje nga mijera anetare te PS dhe pjesmares ne te gjitha betejat qe kemi zhvilluar ne keto 22 vjet, si pjestare aktiv i greves se urise ,por edhe ne emer te atyre votuesve me cilet po punojme dite e nate ju urojme qe 23 qershorit ta kthejme ne nje dite gezimi dhe fitoreje. Le te bashkohemi per te hequr te keqen e madhe te ketij populli. le te bashkohemi per ti sjelle shpresen dhe miresine Shqiperise. Askush nuk do te mund te na ule tempim e punes dhe motivet per te fituar mbi te keqen e madhe.
Përgjigje
tanku shkroi:
04-04-2013 në 8:25 am

Mendoj se njerezit nuk po arrijne te shikojne se si me pare – Rilindja varet nga Edi Rama. Per mua nuk ka ndryshuar gje ne lidhje me PS apo me ty Edi. Ndaj ne do vazhdojme rrugen, punen dhe perpjekjen se bashku me ty, per ta bere Rilindjen realitetin e ketij vendi nga 23 Qershori!!!
Përgjigje
Ferdinant Korcari shkroi:
04-04-2013 në 6:44 am

I nderuar Kryetar.

sigurisht qe koalicioni me Ilir Meten shume nga ne i ka befasuar ndoshta edhe mund ti kete irrituar ,sidomos ne qe morem pjese ne 21 janar , por endrra behet realitet me pushtet dhe jo ne opozit .
Ke mbeshtetjen e te te gjithve , na udhehiq drejt pushtetit.
Ke bere gjene e Duhur .
Fitore ne 23 qershor per te gjithe socialistet.
Përgjigje
ulqinaku shkroi:
04-04-2013 në 5:56 am

ore Edi,nuk korret as era dhe nuk mifet as “Buna” për fat të keq shoqëria shqipfolëse duhet që të bëj çmosin me çdo kushtë që stalinistin e fundit balkanik ta çoi në furrik…
tani ne flasim për rilindje po me xha salën kemi një “stillbirth” gjër sa para shqiptarve nuk jep përgjëgjesi për naften që ja dha xhelatave Serb të Bosnjës shkatrrimin e familjeve brenda ku në veri ende hakmarrja dhe kanuni bëjn shtetë ku diaspora është “diaspordha”ku shqiptarhanja e matan bune janë të shprëndar sikurse kokrrat e shegës ky sifilist i deformuar ka vetëm një rrugë ate të ferrit…kosovarët shqiptar e kanë një shprehje “ore njëri të ka tret/humë udha në oborrë” edhe xha salës i humbi po ku ta gjej i mjeri…
Përgjigje
Lorenc Cela shkroi:
04-04-2013 në 12:38 am

Njerezit duhet ta kuptojne qe 23 qershori eshte nje moment historik per vendin per vet rendesine qe mbartin keto zgjedhje, pasi merr fund njehere e mire autoritarizmi dhe diktatura e komunistit te fundit te ngelur ne Europe. z.Rama me lejoni tju uroj fitoren dhe ashtu sic ju kam shkruajtur para pak kohesh ne fb dua tjua perseris prape se pak njerez ne bote kane fatin te hyjne ne historine e nje vendi si leader gjeniale, dhe per mua ju jeni njeri prej tyre. Persa i perket kundershtarit tuaj mund te them qe edhe sikur te mos denohet pas 23 qershorit, nuk do te merakosesha shume pasi ka kush te merret me te… Zoti nuk harron. Me respekt Lorenc Cela, Toronto Canada
Përgjigje
eriselda shkroi:
04-04-2013 në 8:28 am

Kryetar ti je njeriu qe na perfaqeson me denjesisht ne ket moment. Njerezit le te flasin sa te duan, une besoj se nuk duhet te harrojme ku jetojme dhe si kemi arritur deri ketu. Ndonjehere eshte e veshtire te shohesh rreth e rreth – po kjo eshte Shqiperia.
deri tani te pakten – se nga 23 qershori do filloje Shqiperia jone – prandaj ne jemi me ty deri ne fund!!!!
Përgjigje
Ermelinda Gjergo (Tahiraj) shkroi:
04-04-2013 në 12:27 am

Edi pershendetje, te falenderoj perzemersisht per kete arsyetim te ndjere te zgjedhjes dhe zgjidhjes qe partia socialiste ka bere ne kete moment me te vertete te veshtire per te gjithe ne – Shqiptaret. Nuk e di perse shume pak njerez e bejne krahasimin midis kesaj kohe dhe kohes jo shume te larget te zgjedhjeve te vitit 1996, pasi mua me duket sikur eshte pothuaj e njejta situate ose ndoshta me keq pasi Saliu eshte me i pasur dhe si rrjedhoje me i pushtetshem mbi te varfrit te cilet per fat te keq ne kete moment jane shumica e shoqerise.
Ky shpjegim i juaji ishte me te vertete i domosdoshem ne menyre qe elektorati i PS te sqaroje dhe kristalizoje pikesepari mendimet e veta dhe ni percoje ato te kristalta tek elektorati gri. shpresoj, dhe uroj ne nje fitore madheshtore kete here, Shqiperia e meriton, Duhet te krijojme nje Grusht Shume te Forte qe ti biem ketij Mali qe na ka zene Diellin!
Ermelinda Gjergo (Tahiraj)
Përgjigje
Aida shkroi:
03-04-2013 në 10:03 pm

Cdo fjale qe mund te shtoj une dhe kushdo tjeter, eshte e tepert pas ketij shkrimi!
Eshte e vertete qe u hidherova nga lajmi per koalicionin, si dhe shume socialiste te tjere. Por ketu ne socialistet e vertete bejme ndryshimin me te gjithe pseudosocialistet, demokratet e militantet e cfaredo force politike, te cilet do ishin hedhur nga gezimi qe ne momentin e pare se do behej fjale per pushtet te siguruar, ne u hidheruam se besojme ne vlera, parime qe ne i ngreme fort lart dhe do ta bejme gjithmone, sepse jemi po ne, nuk kemi ndryshuar, dhe kemi ne krye Edi Ramen qe na udheheq ne endrren tone per Rilindje Kombetare!
Po, une besoj tek Edi Rama dhe deshira e vendosmeria e tij per te ndryshuar dhe per te vene ne rruge te drejte te gjithe Shqiperine, ashtu sic beri me Tiranen kur ishte kryebashkiak!
#Rilindje
Përgjigje
tauland shkroi:
03-04-2013 në 9:28 pm

mendoj se keto shpjegime duhet ti japesh dhe ne baze, ka shume njerez qe duan tua thuash ne sy keto qe the ne blog, nuk duhet te mjaftohesh vetem me kete koment, njerezit jane bere konfuz dhe u duket se kane humbur kauzen por besimin ne PS vazhdojn ta ruajn,RILINDJE do te thote te lesh dicka nga lekura e meparshme, por populli nuk del kollaj nga zhgualli.
Përgjigje
Elmira shkroi:
03-04-2013 në 9:28 pm

dhe ne z. Rama jemi tuajet ne çdo hap qe hidhni dhe kemi besim te çdo levizje qe beni ,se e beni per te bere te mundur dhe siguruar rilindjen qe i duhet ketij vendi
Përgjigje
ermal merdani shkroi:
03-04-2013 në 9:16 pm

pershendetje,cudia me e madhe 3 dite zgjate ketu ne shqiperi,te gjithe shajm njeri tjetrin,(jemi me personalite)te gjithe shpifim per njeri tjetrin(nuk meremi me fjale jemi puntora),te gjithe bejem servilin(jemi te ndershem), te gjithe vdesim per nje cik po nje cik pushte aman(jemi te dashur ) valle keto tregojn qe jemi populle me tradite dhe zakone,qe shofim jo me large se deres tone?dhe nuk na intereson ca ndodhe ne ambjentin ku jetojen vendin, fshatin, qytetin, shtetin.

Sa bukur eshte e veshur shqiperia me kostumin e demokracis.
Përgjigje
Irena Belo shkroi:
03-04-2013 në 9:08 pm

Jam nje emigrante qe ka kapercuar oqeanin para nji viti, e detyruar pas pushimit nga puna me 2007. Me zemer shpresoj qe te keni te drejte, ndonese me mendje te kthjellet them se kjo aleance nuk eshte Rilindje. Kam marre pjese ne cdo proteste te organizuar nga ju duke shpresuar se nje dite femijet e mi do kishin mundesi te jetonin jeten e tyre aty, ne vendin tone te bukur. Kur e lexova per here te pare lajmin, u turbullova dhe deshperimi im kapi majat me te larta, por ajo qe me shqeteson ne kete cast eshte : A do arrije PS nje fitore te tille qe te mos ia kete nevojen nje llumi si LSI? Deshiroj, shpresoj dhe lutem qe PS te arrije nje fitore vertet te thelle. Zoti ju dhente fuqi, guzim dhe durim.
Përgjigje
ermal shkroi:
03-04-2013 në 8:58 pm

Nese zgjedhja e bere nga PS eshte ajo e duhura, kete do e tregoje koha, por frike kam se eshte bere zgjedhja e gabuar. Them e gabuar jo duke u nisur nga mungesa e moralitetit te koalicionit te bere, pasi per te qene te sinqerte me veten, ne Shqiptaret, te gjithe pa perjashtim, jemi me amoralet ne te gjitha aspektet e jetes e jo me kur vjen puna tek interesi partiak qe ne fund te fundit nuk eshte gje tjeter vecse ”interes i xhepit”. Pasi nese NE Shqiptaret do te kishim moral si komb, natyrshem duhet ti japim pergjigje pyetjeve te meposhteme:
- Si ka mundesi qe vendi yne eshte katandisur ne kete far feje qe eshte mizerabilitet i plote dhe asnje nuk reagon? Nuk ka as shoqeri civile, as komunitet qytetaresh asgje prej gjeje.. Te gjithe ne gjume me barkun boshe.
-Si ka mundesi qe te ngelet fati i vendit tone ne duart e Sali Berishes qe per 23 vjet tallet hapur me kete popull? Cfare nuk na ka bere ne si popull, na ka vrare, na ka vjedhur leket, na ka futur ne lufte dhe perseri nje pjese e popullsise vazhdon e voton. Ku eshte morali ketu?
- Akoma me keq si ka mundesi qe fatet e ketij kombi te lodhur varen nga tekat e Ilir Metes dhe akoma me keq si ka mundesi qe ne lejojme te na talli nje DEBILE si Jozefina Topalli.
Me jepni dot nje pergjigje te dashur miq te mi, ku eshte morali jone qe lejojme te gjithe keta sharlatane fshataresk te tallen me ne per 23 vjet? Jo, pse, sepse vete si shoqeri nuk kemi moral.

Megjithate, personalisht mendoj se nese gjithe objekti i kesaj shamataje ne publik do te ishte morali, qe ne Shqiptaret per fat te keq nuk e kemi, une me mire mire pranoj qe ta kafshoj kete palo amoralitet me buke sesa te shikoj dhe degjoj edhe kater vjet te tjera Jozefina debilen qe na tregon Gjermanie kur vendi eshte zhytur ne llum.

Nejse,te kthehem tek fillimi, them se PS ka bere zgjedhje e gabuar pasi kam mendimin se nje koalicion me LSI (shenim: korri i simpatizanteve te LSI ka refren “Ilir Meta e Verteta???!!!!!!”) do te ishte me maksimizues ne vota nese do te ishte pas zgjedhor dhe jo para zgjedhor.

Se pari te gjithe te punesuarit-militant te LSI do te ikin dhe do te zevendesohen me kamikaze ose PD-ista. Dhe me nje te rene te lapsit shume trash llogariten rreth 100,000 te vota qe do kalojne per PD (vota te konvertuara si pasoje e kamikazeve qe do zene vendet e punes se LSI-stave).

Se dyti “Ilir Meta e Verteta” nga tre deputete qe ka do te behet me minimalisht 6 (tre te tijet nese do supozojne se do i fitoje dhe tre qe i fiton nga lista e PS) pa perfshire ministrite qe do marri. Dhe i fituar ne menyre te hapur doli “Ilir Meta e Verteta????!!!!!!!!”.
Duke u nisur vetem nga keto dy pika, ajo qe me cudit eshte se si prape Edi Rama nuk i beri mire hesapet. Gafen me kushtetuten i beri, dhe persesi vazhdon me gabime te tilla, kjo sipas mendimit tim, vertet nuk arrij ta kuptoj.

Thellesisht uroj qe PS te fitoj (une per vete kontributin tim me vote nuk do nguroj ta jap) por a do mund te fitoj, per kete jam ????
Përgjigje
erml shkroi:
03-04-2013 në 8:56 pm

pershendetje,cudia me e madhe 3 dite zgjate ketu ne shqiperi,te gjithe shajm njeri tjetrin,(jemi me personalitet)te gjithe shpifim per njeri tjetrin(nuk meremi me fjale jemi puntora),te gjithe bejem servilin(jemi te ndershem), te gjithe vdesim per nje cik po nje cik pushte aman(jemi te dashur ) valle keto tregojn qe jemi populle me tradite dhe zakone,qe shofim jo me large se deres tone?dhe nuk na intereson ca ndodhe ne ambjentin ku jetojen vendin, fshatin, qytetin, shtetin,

sa bukur eshte e veshur shqiperia me kostumin e demokracis.
Përgjigje
manjola shkroi:
03-04-2013 në 8:55 pm

nje koment i ndjere, prekes , por me jep akoma force per te shpresuar. jam e bindur qe zgjedhjet do ti fitojme . saliu tashme vdiq……. jemi ne forca e ketij vendi , tani sapo kemi filluar rrugetimin tone te qytetarise, te sigurise, te disiplines. … Rilindje….manu
Përgjigje
Marisa shkroi:
03-04-2013 në 8:52 pm

Ky eshte nje vendim sh i mire pavaresisht se shume individeve mund tu duket e pavend!E rendesishmja per ne eshte qe me dt 24 qershor te jemi fitues…
Përgjigje
Sabi Sabina shkroi:
03-04-2013 në 8:43 pm

Une besoj tek Partia Socialiste, une besoj tek Edi Rama dhe mbi te gjitha une BESOJ tek RILINDJA …Tani me nje te majte te bashkuar jemi me afer Rilindjes qe te gjithe ne e duam… Suksese
Përgjigje
Auron Rrokaj shkroi:
03-04-2013 në 8:41 pm

I dashur Edi,

Kryesia dhe Ti jeni të deleguar nga socialistët të ndërmerrni nisma dhe vendime. Çdo socialist duhet të jetë i lirë të shprehë mendimin e vet për vendimarrjet, Por çdo socialist repekton delegimin e vet, votën e vet, vullnetin e vet politik brenda partisë kur respekton vendimarrjen e organeve drejtuese. Liria, demokracia dhe respektimi institucional i rregullave dhe vendimeve është e vetmja mënyrë civile e perëndimore e të menduarit e të jetuarit në një shoqëri të zhvilluar e të qytetëruar.

Të siguroj se shumica dërrmuese socialistëve në bazë mbështesin çdo hap Tëndin e të Kryesisë që na çon në kushtet e jetësimit të ideve socialiste për të përmirësuar jetën e çdo shqiptari.

Të siguroj se kjo shumicë mirëpriti këtë mesazhin Tënd të fundit, jo vetëm se është i drejtë dhe i ndjerë, por edhe sepse e vlerëson faktin që Kryetari nuk mjaftohet vetëm me komunikimin brenda forumeve por ndien nevojën të ndajë me çdo socialist e shqiptar arsyet dhe ndjesitë për çështjet madhore. Faleminderit!

Shqetësimi i vetëm mbetet futja në listat tona, në vendet e sigurta, të kandidatëve nga partitë e tjera. Çdo sqarim Yti në momentin oportun në lidhje me këtë çështje do të vlerësohet jo vetëm si detyrim komunikimi e transparence me armatën e socialistëve që të mbështet, por edhe si shembulli më i qartë që Kyetari e Kryeministri ynë i ardhshëm edhe për këtë dimension të ri dialogues meriton mbështetjen dhe besimin maksimal.

Punë të mbarë!
Përgjigje
Bejdo Dreni shkroi:
04-04-2013 në 5:00 am

Bravo, dhe vazhdo perpara, tani bej nje kompromis te gjere nga Petro Koci te Oketa dhe behuni bashke ne parlament, hidheni malokun ne koshin e historise, Beni nje qeveri koalicioni te gjere, beni zgjedhje te lira, te ndershme dhe pasi shqiptaret te shprehen lirisht, sipas votes popullore qeverisni me ndershmeri dhe perkushtim per popullin. Kjo do e vere edhe ate plehren Islami perpara alternatives: o me popullin o me Berishen, e bashke me te edhe Dogjanin, Kadelin dhe te tjere si keta mendjeshkurter e doregjate. Forca per fitore Edi.
Përgjigje
EneaElis shkroi:
03-04-2013 në 8:25 pm

Te rrezojme SaliBabain dhe 40 hajdutet me ne krye BabyBanden e tij njehere,ky eshte misioni primar tani per tani.Pastaj populli socialist te shtrengohet,te votoje fuqishem,te fitojme sa me shume mandate dhe pastaj e hedhim vallen si te duam,e vendosim vete disiplinen.
Përgjigje
arben lutaj shkroi:
03-04-2013 në 8:22 pm

I dashur kryeministri i ardhshem i shqiptareve Edi Rama.
Duke ju falenderuar per punen e madhe dhe sakrificat qe po beni personalisht per shpetuar te majten shqiptare dhe gjithe popullin shqiptar nga kthetrat e diktatorit te fundit komunist Sali .Secili prej nesh duhet ta kuptoj se ashtu se e keni nenvizuar edhe ju qe vetem bashkimi i te majtes i jep nje grusht te fuqishem diktatorit .Nje qeveri pa Saliun do te ishte nji garanci per zgjedhje te lira.Ndaj mendoj se ky grusht duhet te dhene qe tani ,per te shkuar ne zgjedhje te qete ku secili te votoj sipas deshires dhe ku ajo vote te numerohet .
Përgjigje
Auron Rrokaj shkroi:
03-04-2013 në 8:15 pm

I nderuar Kryetar,
Kryesia dhe Ti jeni të deleguar nga socialistët të ndërmerrni nisma dhe vendime. Çdo socialist duhet të jetë i lirë të shprehë mendimin e vet për vendimarrjet, Por çdo socialist repekton delegimin e vet, votën e vet, vullnetin e vet politik brenda partisë kur respekton vendimarrjen e organeve drejtuese. Liria, demokracia dhe respektimi institucional i rregullave dhe vendimeve është e vetmja mënyrë civile e perëndimore e të menduarit e të jetuarit në një shoqëri të zhvilluar e të qytetëruar.
Mbështes çdo hap që na çon në kushtet e jetësimit të ideve socialiste për të përmirësuar jetën e çdo shqiptari.
Shqetësimi i vetëm i shumë socialistëve është futja e kandidatëve jo socialistëve në listat tona për deputetë. Uroj që kjo të mos jetë ende pjesë e vendimarrjes së këtyre ditëve. Do të vlerësonim çdo sqarim Tëndin rreth kësaj çështje.
Punë të mbarë!
Përgjigje
ILIR shkroi:
03-04-2013 në 8:13 pm

E mira e PS eshte se je i lire te jesh kunder kryetarit tend dhe te shprehesh mendimin tend. PS nuk eshte prone personale e Rames por e socialisteve qe aderojne ne kete parti. As nuk ka krahasim sistemi i ngritur ne PS me partit e tjera feudale shqiptare.
Mund te mos te te pelqeje vendimi i Rames dhe kryesise por perseri cdo njeri ka pergjegjsine personale ti jap shqelmin e fundit Saliut dhe tranzicionit shqiptare.

Une personalisht mendoj se PS i fitonte zgjedhjet edhe pa aleancen me LSI-n. Por, nuk mund te shmang manipulimin e votes dhe kaosin qe do sillte rotacioni dhe ku ne te gjithe do ndikohemi.

Kemi te bejme jo me nje kundershtare politike qe shohim ne vendet e perparuara perendimore por me nje kundershtare qe nuk heziton te perdore dhunen verbale dhe fizike, presionet dhe shantazhet ndaj njerezve te zakondshem. Kjo beteje nuk kerkon endrrimtare dhe moralistet, por kurajozet qe dine te bejne sakrifica. Kerkon angazhim maksimal, forca te mbledhura nga cdo pjese e shoqerise dhe per me teper kerkon vendosmeri.

Per kritiket histerike qe perdorin lloj-lloj vullgariteti ne media dhe online dua tu them se Edi Rama eshte vendosur aty te marr vendime qe shpesh here nuk jane popullore. Detyra e tij numer 1 eshte te sjelle fitore dhe e nr 2 te permbush programin Rilindje te PS.

Nese ju z.Rama e lexoni kete koment dua t’ju bej thirrje qe te kontrrolloni emocionet dhe mos te ndikoheni nga fyherjet. Perqendrohuni tek fitorja e qeshorit, pergatituni seriozisht per fushaten e eger qe do ndermarre shteti keto jave qe i kane ngel dhe per me teper pergatituni te ruani voten e lire dhe siguroni largimin e Saliut nga kryeministria pas shpalljes se rezutatit.

Gjith te mirat.
Ilir
Përgjigje
Elmira shkroi:
03-04-2013 në 7:54 pm

E pershendesim dhe e mbeshtesim fuqishem kete koalicion si dhe rilindjen shqiptare e cila nuk mund te jete rilindje po nuk perfshiu shumicen dhe madje dhe te tere popullin shqiptar, ne na keni mbeshtetje ne çdo hap qe hidhni drejt fitores.Uroj te jete nje fitore e pranuar nga te gjithe…
Përgjigje
JDV shkroi:
03-04-2013 në 7:46 pm

Le te kalojme nga endrra ne zhgjenderr si njerez te rritur, si burra e gra qe e shohin realitetin drejt ne sy e bejne perpara me peshen e tij mbi supe! Forca Edi!
Përgjigje
Maryn shkroi:
03-04-2013 në 7:35 pm

Me pak dhimbje e pranoj Hamza Meten, personalisht jam demtuar shume prej tij, por une e dua vendin tim, dhe pse te mos e them jashte çdo kompleksi e dua Edi Ramen Kryeminister, e kam mbeshtetur dhe do vazhdoj ta bej pa u bere pishman sido qe te shkojne punet. Edi Rama duhet te jete ne 24 qershor Kryeminister i Shqiperise.
Ciao
Përgjigje
Franc shkroi:
03-04-2013 në 7:34 pm

Uroj që të paktën gjysma e atyre që janë të revoltuar ta kenë lexuar këtë e të kenë afër njerëz me logjikë të thellë e të ftohtë që t’ua kthjellojnë mendimin.
Përgjigje
sandir shkroi:
03-04-2013 në 7:18 pm

Rilindje , Rilindje , Dhe vetem Rilindje , kjo na duhet
Përgjigje
Apostol shkroi:
03-04-2013 në 7:14 pm

Pershendetje nga Roma! Me behet qejfi qe me ne fund Ilir Meta kthehet ne shtepine e vet, por mos harroni gjithemone se armiku godet gjithmone ne piken me te dobet? A mos valle vjen per te mbledhur votat e te majtes? Gje qe nuk do ta deshiroja kurre.
Përgjigje
nikolla shkroi:
03-04-2013 në 7:13 pm

Pershendetje zoti Edi.faleminderit per gjithe sa keni shkruajtur se jemi bere shume mosbesues ndaj ngjarjeve te fundit. do ishte me shume interes per ps dhe per rilindjen qe ju perfaqesoni qe te punoni shume per te bindur njerezit e indinjuar nga bashkimi me lsi. gjithsesi nese ju e shikoni te arsyeshme qe kjo duhet te ndodhe arehere do ju mbeshtesim si gjithmone. e para shqiperia por pas 23 qershorit duhet te punoni me shume akoma per te mbajtur gjithe premtimet qe na keni dhene .mos harroni te beni drejtesi per 21 janarin dhe ti vini vrasesit dhe hajdutet para ligjit!!! kaq duam nga ju. te tjerat i bejme vete.fitore ne 23 qershor dhe kujdes te ruani votat
Përgjigje
Pellumbi shkroi:
03-04-2013 në 7:10 pm

Ndoshta per te permbysur Salen dhe vetem kaq,sepse me deputetet qe do marre Iliri nga PS (duke u bazuar ne dredhjet e tij politike si dhe alo me prsidentin) per shume pak kohe do shikojme nje mazorance te re me PD serish.
Mbajeni mend kete qe po them ,23 qershori nuk eshte larg.
Une jam i mendimit se prap eshte nje loje e Saliut per te qenderuar ne pushtet,sa per moral as qe behet fjale qe te kene qe te dy.
Megjithate i uroj fitore PS dhe EDIT ne vecanti sepse vendi ka shume nevoje per rotacion politik paqesor,por pa estrda politike pas 23 qershorit qe per mua jane shume te pritshme dhe perseri e shikoj PS ne opozite dhe PD e LSI TE NA MARRIN FRYMEN SERISH.
PERSHENDETJE!
Përgjigje
poli shkroi:
03-04-2013 në 7:08 pm

Nqs deri djje ishim PS, me nje program te mrekullueshem, me nje energji te jashtezakonshme per te rilindur kete vend sot jemi dhe 100 her me te motivuar , jemi 100 her me te fort dhe me te bashkuar pasi e dim mir se cfare sakrifice ishte kjo per PS dhe per ty Edi dhe e gjitha per te miren e popullit shqipetar.
Përgjigje
Bujar T. shkroi:
03-04-2013 në 7:07 pm

I nderuar kryetar i PS!

Jam një person i cili asnjëherë nuk ka votuar për Ju, përveç herës së fundit, kur rituali i kahershëm i proceseve zgjedhore në Shqipëri ju la padrejtësisht pa karrigen e kryebashkiakut. Dëshiroj t’Ju përgëzoj për nismën tuaj të bashkimit me LSI, duke gjetur kësisoj ilaçin për kurën kundër enverizmit modern ne Shqipëri. Për të qenë i ndershëm, më duhet t’Ju them se mosbërja e një veprimin të tillë në zgjedhjet e 2009-ës, ka vetëm një përgjegjës, Juve personalisht, duke ju bërë borxhli ndaj shqiptarëve për këtë 4-vjeçar që mbyllet më 23 qershor.
Duke përfunduar, shpreh fuqishëm votën time pro ndaj këtij veprimi dhe ju uroj suksese në zgjedhje, ndonëse nuk jeni tipi i kryeministrit që do preferoja personalisht. Shqipëria nodhet para greminës së bajraktarizmit, ndaj edhe unë do t’Ju pranoja me gëzim në drejtimin e vendit, përderisa në tregun politik nuk shoh alternativa që do kënaqnin shijet e mija.
Përgjigje
linda shkroi:
03-04-2013 në 7:04 pm

e pse duhet te kemi frike nga ndryshimi?aq me teper kur qellimi per te cilin behet ky koalicion ka nje arsye madhore.nuk mund te mohoj se afrimi i lsi prane ps eshte llogaritje karrigesh pasi per kete gje pranoi te bente koalicion me saliun ne zgjedhjet e meparshme.
une dua nje tjeter shqiperi ku ligji te funksionoje,ku zyrat ku te mund te kerkosh nje informacion te jetne funksionale dhe jo vende ku mbizoteron tymi i duhanit dhe era e alkolit.dua nje shqiperi ku rruget te jene me te sigurta dhe ku si kembesore te mund te ecim ne trotuare ku personat me karroce te mund te dalin pa probleme.kemi nevoje per nje rilindje.uroj t’ia arini qellimit shqiperia ka nevoje qe te perjetoje ate ndryshim qe ne nje fare menyre pati tirana me ju si kryetar bashkie.
urime!nje e sapo diplomuar e rikthyer ne shqiperi me shpresen se do te ndryshoje shqiperia ime,jona!!
Përgjigje
tiku shkroi:
03-04-2013 në 7:04 pm

Bravo Rama, un jam i pari qe u merzita jashtmase per kete kualicion, un jam i pari qe hoqa dor nga PS, por u nxitova, tani qe po e kuptoj se si qendron kjo jam me i frymzuar se kurr, jam me i motivuar se kurr per te vazhduar perpara , eshte akopma me e veshtir dhe duhet te bejme gjithcka, PS duhet te fitoj patjeter per te rilindur kete vend.
Përgjigje
Erjola shkroi:
03-04-2013 në 7:00 pm

Je shpresa qe na bashkon te gjitheve
Përgjigje
Nadia shkroi:
03-04-2013 në 7:10 pm

Eshte me te vertete shpresa e vetme qe na ndricon rrugen e erret te makabriteteve saliste keto 8 vitet e fundit.
E vetmja menyre per zbatimin e nje programi kaq frutdhenes sic eshte ai i Partise Socialiste eshte ardhje ne pushtet ne 23 Qershor!
Te gjithe te bashkuar per nje Rilindje te kombit Shqiptar!!
Përgjigje
Enejda shkroi:
03-04-2013 në 6:58 pm

Kto jane fjale zemre. Te pacim o Edi Rama qe po ndermerr nje hap te tille per te vene ne jete ate qe mbolle dhe ne zemrat tona, Rilindjen e vendit. Jemi sy e veshe nga ty e te besojme pafundesisht
Përgjigje
Armand shkroi:
03-04-2013 në 6:50 pm

Per mendimin tim edhe pse e shkuara ka nje shije jo te mire . Bashkimi me LSI eshte nje hap me i sigurte drejt fitores ! Personalisht dhe vet nuk u ndjeha mire per momentin por me von e kuptova shume qarte iden. Urime dhe fitore ne 23 qershor . Se na i nxiu jeten Saliu , pa pune pa leke , pa te ardhme po na le .
Përgjigje
Jola Hoxha shkroi:
03-04-2013 në 6:49 pm

I kuptoj mjafte mire te gjitha arsyet qe parashtruat, pasi si qytetare e ketij vendi bashkejetoj cdo dite me to dhe jam ne kontakt te drejtperdrejte me te gjitha problemet qe Shqiperia dhe vete ne si shqiptare hasim… ashtu sic e thate edhe ju, shijen e baltes besoj se te gjithe ne e kemi ende te fresket per te menduar me gjakftohtesi rreth kesaj ceshtjeje… si qytetare dhe si e re e ketij vendi, nje koalicion me Ilir Hajdutin ishte gjeja e fundit qe do te kisha deshiruar, por sic edhe i thone, “para dy te keqijave, une zgjedh ate me te voglen”… le te shpresojme qe ky vendim te marre per te mire…
Përgjigje
Flogert shkroi:
03-04-2013 në 6:48 pm

Sukseseee! Kushdo qe e lexpn me kujdes gjtihcka eshte shkruar me siper, (e qe e shte shkruar aq natyrshem me nje gjuhe e logjike qe rrjedh lirshem), e kupton mire se ne momente te veshtira, jane vendimet e njerezve te medhenj qe e percaktojne fatin e vendit ndaj, te falemi nderit EDI RAMA
Përgjigje
MUCA shkroi:
03-04-2013 në 6:50 pm

Bravo Edi Rama. Me ty jemi sot me shume se kurre. Sjellje prej lideri po ben dhe ne jemi me ty. Rilindja arrihet ne pushtet e me zbatimin e programit. Rilindje
Përgjigje
Emer shkroi:
03-04-2013 në 6:48 pm

Ky postim i juaji ishte aq i bukur per tu lexuar sa emocionalisht gati-gati shija e baltes ne goje largohet nga mjalti i rilindjes – per te perdorur termat tuaj. Por e verteta nuk eshte emocionale. E verteta qe duket nen rreshtat tuaj, nenkupton nje dorezim dhe pafuqi te PS per te ruajtur voten. Gjithashtu nje pafuqi per materializuar ne lume votash frymen anti-regjim.

Thene kjo, tashem jemi para faktit te kryer. Dhe kushdo qe ka 2 fije mend ne koke, nuk mund te votoje tjeter parti vec PS. Por edhe pse numerohen njesoj matematikisht, nje vote pro PS, ne kushtet e tanishme, do te kete me pak peshe morale.
Përgjigje
Art Leshnica shkroi:
03-04-2013 në 6:46 pm

Ndiq yllin tend, mos degjo palalvraxhinjte e ekranve! Njerez te mabruar te falimentuar megjithesejt.
Përgjigje
Mira shkroi:
03-04-2013 në 6:43 pm

Ne nuk duam te vjedhim, ne do te donim, vidhnim zgjedhjet dhe e linim Meten dhe Berishen ne opozite, ne duam Rilindje dhe rilindja kerkon sakrifica. Kush nuk eshte i gatshem te sakrifikoje nuk e do as Shqiperine, as PS, as ndryshimin e jetes se tij.
Përgjigje
besnik shkroi:
03-04-2013 në 6:42 pm

ju urojme te gjithe per fitoren e arritur sot , ndihet ke te gjithe nje buzeqeshje per ote qe nuk e duan kete regjim, dhe u them atyre qe nglen vetem duke bere moral se ju duket vetja e tyre me e mire, por qe te fitosh ndaj ketij tirani duhet te bashkojshe votat duke ditur shprehjen se armiku i armikut tim eshte miku im
Përgjigje
Elian shkroi:
03-04-2013 në 6:42 pm

U merzitem kur Meta shkoi me Saliun ne 2009, u merzitem akoma me shume kur u voll bashkia e Tiranes ne drite te diellit ne 2011. JEtojme ne Shqiperine e 1001 gjerave per tu merzitur dhe per te qare, me mire te merzitemi per Meten se sa te durojme edhe 4 vite te tjera Saliun. Me mire Meten se sa i gjithe mundi per te sjedhe nje RIlindje te hidhet poshte nga vjedhja e zgjedhjeve.
Përgjigje
herta shkroi:
03-04-2013 në 6:39 pm

Per te shpetuar shqiperine nga shkaterrimi, per te shpetuar nga saliu duhet bere gjithcka.PS prova juaj eshte pas 23 qershorit, kur keni detyren per te rilindur shqiperine.Aty eshte sfida juaj.
Përgjigje
ISMET shkroi:
03-04-2013 në 6:37 pm

ke bere gjene me te bukur ne kohen e duhur ne momentin e duhur.
Përgjigje
Alion shkroi:
03-04-2013 në 6:29 pm

Perderisa kemi zgjedhur te njejtin objektiv, do ti shkojme deri ne fund.
Përgjigje
elira shkroi:
03-04-2013 në 6:28 pm

Pershendetje Edi,
Besoj ne cdo fjale qe thua. E dija qe nje zgjidhje e veshtire do te duhej per te rrezuar Berishen dhe me sa duket koalicioni me LSI, pavaresisht kostos morale per PS, do te mund te jete nje shanc me shume per fitoren ne qershor. Ajo qe me shqeteson eshte bashkeqeverisja me Ilir Meten. Do te jete nje sfide me vete per tu perballuar dhe per te dhene mesazhe te qarta qe PS nuk eshte si PD, nuk ka qene asnjehere, me gjithe te metat gjate rrugetimit te saj keto 20 vjet. Une ju uroj suksese dhe uroj qe Ilir Meta te shfrytezoje kete rast per te pastruar figuren e tij politike dhe individuale. Nuk do kete shanc te dyte per ta bere kete dhe sa me shpejt ta kuptoje, aq me mire per te. Uroj qe gjerat te shkojne mbare ne keto kohe te veshtira qe po kalojme te gjithe! Ju pershendes me besim se do te dini te beni me te miren per vendin! Elira
Përgjigje
lini shkroi:
03-04-2013 në 6:26 pm

Edi Rama e kuptojm kete kualicion dhe sakrifica per te shpetuar shqipetaret eshte nje gje qe nuk e ben gjithkush, nje njeri qe sheh me larg sehunda etij mund ta beje.Ne besojm tek ti dhe tek rilindja shqipetare.
Përgjigje
Gjovalin Lleshi shkroi:
03-04-2013 në 6:23 pm

Rilindje , Rilindje dhe vetem Rilindje duam gjith populli shqipetare. Suksese
Jam me i motivuar se kurre te jap kontributin tim si antare dhe qytetare per rilindjen qe po afron. Te pershedes.
Gjovalin Lleshi.
Përgjigje

[DYDRINAS]

[DYDRINAS]

12 Janar 2011!

[DYDRINAS]

Shtator 2010.

[DYDRINAS]

15 Janar 2011.

[DYDRINAS]

[DYDRINAS]

[DYDRINAS]

[DYDRINAS]