Pazari i zgjedhjeve lokale Rama-Meta: LSI i merr PS 18 bashki në rang vendi

[Albo]

PS-LSI mbyllin marrëveshjen, ja 18 bashkitë që Meta i merr Ramës

Kryeministri Rama dhe kryetari i Kuvendit, Ilir Meta, kanë përmbyllur negociatat e tyre


Kryeparlamentari Ilir Meta dhe kryeministri Edi Rama

Siç edhe ishte thënë paraprakisht nga eksponentë të lartë të LSI-së, kjo forcë politike do të merrte kandidatin e maxhorancës qeverisëse në 25 për qind të listës së kandidatëve për 61 bashkitë e vendit.

Edhe pse ditë pushimi, e diela është shfrytëzuar maksimalisht nga kreu i qeverisë dhe ai i Kuvendit për të rënë dakord mes tyre për bashkitë ku LSI do të dalë me kandidatët e saj.

Duket se negociatat e djeshme kanë rikthyer Bashkinë e Fierit në “fushën” e PS-së, ndërsa në këmbim të saj LSI mësohet se ka marrë Bashkinë e Lushnjës dhe atë të Gjirokastrës.

Situata ka ndryshuar në pak ditë, pas një propozimi të Partisë Socialiste që në vend të Bashkisë së Fierit, LSI të merrte Bashkinë e Lushnjës, ndërsa ajo ka kërkuar dhe Gjirokastrën, si bashki të kategorisë së parë.

Duket se Salarjon Tota do të jetë kandidati i PS-së në Bashkinë e Fierit, ndërsa ende nuk dihet se cili mund të jetë kandidati i LSI-së në Gjirokastër.

Pritet që negociatat të përfundojnë më 5 mars, ndërsa maxhoranca do të dalë të bëjë publike këtë ndarje më 8 mars. Mësohet se ndarja e bashkive mes PS dhe LSI është bazuar në specifikën e votave që partitë kanë në qarqe, duke plotësuar 25% të përfaqësimit.

Përveç bashkive që ka marrë nga ndarja e tyre me PS, Lëvizja Socialiste për Integrim po mundohet të vendosë influencën e saj edhe në Bashkinë Pustec, që banohet nga komuniteti etnik maqedonas në qarkun e Korçës, duke ia shkëputur këtë bashki influencës së të djathtës.

LSI ka marrë Bashkinë e Beratit, një bashki bastion i Partisë Socialiste, që u drejtua prej 12 vjetësh nga Fadil Nasufi. Kandidati i mundshëm në këtë bashki është deputeti i LSI-së në këtë qark, Gledion Rahovica. Në Bashkinë e Lezhës pritet të kemi një rikandidim të Viktor Tush- ës për mandatin e tretë të tij.

Në Bashkinë Kukës pritet një tjetër rikandidim. Hasan Halilaj, kryetari aktual i Bashkisë, i cili pak kohë më parë braktisi Partinë Demokratike dhe iu bashkua Lëvizjes Socialiste për Integrim, do të kërkojë një mandat të tretë në krye të kësaj Bashkie. Edhe pse Bashkia e Pogradecit është vendosur me Ramës dhe Metës që t’i kalojë LSI-së, ende ka diskutime rreth emrit që LSI do të kandidojë, pasi kërkohet një kandidat që të bashkojë edhe socialistët pogradecarë.

Lëvizja Socialiste për Integrim ka marrë në qarkun e Vlorës Bashkinë e Novoselës dhe atë të Delvinës. Një nga kandidatët e mundshëm të LSI-së për Bashkinë e Vlorës është dhe deputeti Shkëlqim Selami, pasi ende nuk është përcaktuar se cila nga dy forcat e majta do të ketë kandidatin e saj aty.



Panorama

[Albo]

PS i jep LSI-së 15 bashki, përplasje për Gjirokastrën dhe Fierin

Rama: Jemi të hapur për koalicion të gjerë. Meta: Kandidatët gati në 1 prill

Artemisa Hoxha

negociatat PS LSIPartia Socialiste dhe ajo e Lëvizjes Socialiste për Integrim kanë finalizuar fazën e parë të procesit të zgjedhjeve vendore të 21 qershorit, atë të propozimit të kandidatëve nga të dyja palët për njësitë e reja vendore. Pas një takimi që është mbajtur në selinë rozë, kreu i PS-së, Edi Rama, dhe ai i LSI-së, Ilir Meta, kanë dalë me një marrëveshje konkrete mes dy forcave politike, ku edhe pse nuk kanë munguar deri diku pretendime nga LSI-ja, kjo parti do të ketë të drejtën që të propozojë kandidatët e saj në 15 bashki në vend. Faza e dytë pas kësaj, pritet që të jetë ajo e seleksionimit të kandidaturave, e cila do të bëhet përmes procesit të konsultimeve për t’i paraqitur çdo kandidaturë të partive njëra-tjetrës dhe për të mbështetur atë nga të gjitha partitë e tjera të koalicionit. “Ishte një takim për të finalizuar fazën e parë të procesit, që e kemi nisur prej disa javësh ku kemi konkluduar në parim që në zgjedhjet e 21 qershorit ne do të paraqitemi me kandidatë të përbashkët. Nuk do të bëjmë një ndarje mekanike të njësive vendore po do të ecim me formulë të re ku çdonjëra nga partitë do të ketë të drejtën e propozimit për kandidatë dhe njëkohësisht edhe të drejtën e votës për të dhënë konsensus për kandidatët e propozuar nga partia tjetër. Dua të informoj që kemi përcaktuar praktikisht të presim propozimet si PS nga LSI për bashkitë: Berat, Lezhë, Gjirokastër, Kukës, Pogradec, Kuçovë, Skrapar, Vorë, Bulqizë, Cërrik, Mallakastër, Përrenjas, Selenicë. Për këto bashki, LSI ka përgjegjësinë të propozojë emrat në PS, dhe anasjelltas PS, pasi të marrë këto kandidatura, të përgatisim të gjitha propozimet në tryezën e përbashkët”, tha Rama. Gjithashtu, kreu i qeverisë konfirmoi se PS është e hapur me të gjitha partitë për krijimin e një aleance të gjerë, duke përjashtuar prej saj vetëm Partinë Demokratike, republikanët dhe ballistët. “Ne e kemi thënë se jemi të hapur për një koalicion të gjerë, natyrisht këtu nuk përfshihet PD dhe satelitët e saj republikano-ballistë që nuk kanë lidhje me zhvillimet e reja, me rrugën e re ku ka hyrë Shqipëria”, theksoi ai. Nga ana e tij, kreu i LSI-së, Ilir Meta, bëri të ditur se para 1 prillit do të ketë përfunduar edhe faza e dytë mes partive, ajo e bërjes publike të kandidatëve për bashkitë. “Shqetësimi ynë i përbashkët është që kjo reformë madhore dhe historike administrative gjatë kësaj periudhe të kurorëzohet me sukses përmes zgjedhjeve të administratorëve më të mirë dhe të shquar të cilët do të kenë mundësi të drejtojnë këto njësi të reja. Besoj se deri në datën 1 prill do të merret vesh lista e plotë e të gjithë emrave që do të garojnë për 61 bashkitë e Shqipërisë. Të paktën deri më 1 prill, sepse kryetari Rama tha deri në fund të marsit. Kështu që prilli do të fillojë me emra tërësisht të identifikuar qartë para opinionit publik”, tha Meta.

Përplasja

Edhe pse dje është arritur ndarja përfundimtare për ato njësi vendore ku do të propozojë kandidatët e saj LSI, mes palëve ka pasur edhe pakënaqësi për ndarjen e bashkive të mëdha siç është ajo e Gjirokastrës, Vlorës dhe e Fierit. Ka pasur një kërkesë për Fierin nga ana e LSI-së, ku është ofruar deputeti Robert Bitri si kandidaturë, por socialistët janë duke testuar mes kandidaturave të shumta atë të drejtorit të Shëndetit Publik, Kreshnik Ternova. Edhe për Bashkinë Vlorë ka pasur një pretendim nga ana e LSI-së, ku është vetofruar si kandidat deputeti Shkëlqim Selami, por që me sa duket këtë bashki PS do ta administrojë vetë. Gjithsesi, PS ka pranuar që t’u lëshojë terren aleatëve të saj për Bashkinë e madhe të Gjirokastrës.

Këshilltarët

Diskutimi i djeshëm mes Ramës dhe Metës është fokusuar edhe në këshillat bashkiakë të 61 njësive të reja vendore, sipas së cilëve është rënë dakord që do të zbatohet parimi i barazisë gjinore, pra që këshilltarët e majtë në çdo këshill bashki do të jenë 50% femra dhe 50% meshkuj. Pas takimit të tij me aleatin kryesor të koalicionit, Rama u shpreh i vendosur në zbatimin e kësaj formule në çdo bashki, qofshin këto nga Tropoja e deri në Voskopojë. “Kemi si asnjëherë tjetër më parë synimin që të kemi sa më shumë gra dhe vajza kandidate, ndërkohë që jemi marrë vesh plotësisht bazuar edhe në të dyja programet të të dyja partive, që në këtë pikë përputhen 100%, që në këshillat bashkiakë ne do të kemi një përfaqësim 50% burra dhe djem dhe 50% gra dhe vajza. Ne besojmë që nga Tropoja deri në Konispol, vajzat dhe gratë kanë të drejtë të përfaqësohen në mënyrë të barabartë, kanë të gjitha mundësitë të kenë mundësi përfaqësimi pas një epoke ku janë diskriminuar në mënyrë shumë të ndjeshme për shkaqe që dihen, për shkak të një regjimi të mëparshëm dhe për shkak të ndarjes së mëparshme administrative që në shumë pjesë të vendit impononte një patriarkalizëm absurd”, tha Rama.



Tirana, Rama nuk përjashton kryebashkiake

Kreu i PS-së nuk ka përjashtuar si kandidate për kryetar të Bashkisë Tiranë një kandidate femër, ku emri më i përfolur është ai i Lindita Nikollës. “Pse jo! Por sidoqoftë kohën e kemi përpara. Objektivi ynë është që brenda muajit mars ne të kemi përfunduar me kandidaturat për t’u dhënë mundësi të gjithë kandidatëve dhe kandidateve që të fillojnë kontaktet e tyre përpara sesa të fillojë fushata e përgjithshme”, tha Rama.



Negociatat me PDIU, PBDNJ dhe FRD

Edhe pse u përfol për një takim mes kreut të PS-së dhe atij të PDIU-së të mandatuar nga këshilli kombëtar i kësaj partie për negociatat me partitë për zgjedhjet e qershorit, duket se propozimet që e majta ka për PDIU-në nuk po gjejnë aprovimin e kësaj të fundit. Partia e çamëve që është ende në koalicion me PD-në ka kërkuar që të propozojë kandidatët e saj në pesë bashki, nga të cilat PS-ja ka dhënë dakordësinë vetëm për Peqinin dhe Konispolin dhe ende jo për Rrogozhinën, Patosin dhe Sukthin. “Për sa i përket marrëveshjes me partitë e tjera, ne kemi hapur diskutimet me të gjitha partitë e tjera përveç PD-së kuptohet, dhe atyre satelitëve ballisto-republikanë që janë përfundimisht të ndarë nga rruga e historisë së re të këtij vendi dhe do të shikojmë hap pas hapi me të njëjtën logjikë. Pra, ne do të nisemi edhe në raportin me partitë e tjera nga kandidatët dhe kandidatet dhe nga konsensusi në funksion të dhënies së mundësisë më të mirë për qytetarët”, tha Rama dje pas takimit me Metën. Në të njëjtën kohë pritet që të mbahet edhe një tjetër takim me kreun e FRD-së, Bamir Topi, ku edhe kjo parti do të ketë propozimet e saj, kryesisht në njësi vendore në Tiranë dhe në Durrës. Ndërkohë që ende nuk ka një marrëveshje të arritur edhe me aleatin tjetër në koalicion, PBDNJ, që me sa duket kërkon përfaqësimin e saj në Himarë dhe Dropull.



PAD largohet nga PD, Abazi i kërkon përfaqësi në pesë bashki

Kreu i Partisë Aleanca Demokratike, Eduard Abazi, në një prononcim për gazetën “Shqip”, konfirmon takimin që është bërë disa ditë më parë në Kryeministri mes aleatëve të majtë. Ai madje bën të ditur edhe kërkesat që i ka parashtruar PS-së për përfaqësimin në disa njësi vendore me kandidatët e tyre. “Ne ishim në pritje të negociatave edhe në Bashkinë e Tiranës në 2011 edhe për shkak të kontributit që kemi dhënë nuk morëm asnjë vlerësim nga PD-ja. Në kushte të tilla, forumet drejtuese të PAD mandatuan kryetarin që të jetë pjesë e negociatave dhe për të parë maksimalizimin e faktorit të AD-së. Ne PS-së i kemi dërguar mendimet tona edhe për zona konkrete, duke filluar që nga Peshkopia, Bulqiza, Klosi e deri në Kamzë, duke menduar që kemi kapacitete dhe njerëz të cilët kanë mundësinë për të garuar. Edhe në zonat e ultësirës siç janë Cërriku, Belshi Gramshi. Ne jemi të hapur për të bërë negociata në kushte të tilla për t’u përfaqësuar. Ne i kemi paraqitur pretendimet edhe në PD, por s’kemi marrë asnjë përgjigje”, tha Abazi.



BASHKIA TIRANË

PS

Lindita Nikolla

Erjon Veliaj

Blendi Klosi

Pandeli Majko

PD

Lulzim Basha

Majlinda Bregu

Eduard Selami

Arben Imami

Jorida Tabaku

Enno Bozdo

Grida Duma

Nevila Xhindi

Halim Kosova

Gerti Bogdani

BASHKIA KAMZË

PS (ende s`ka emër)

PD

Xhelal Mziu

Asllan Dogjani

BASHKIA KAVAJË

PS

Elvis Rroshi

PD

Engjëll Cara

Mirazh Shkodra.

BASHKIA RROGOZHINË

PS

???

PD

Eqerem Deliu

BASHKIA VORË

LSI (ende s`ka emër)

PD

Fiqiri Ismaili

Ymer Marku



//////////////////////////////////////////////



BASHKIA FIER

PS

Baftjar Zeqaj
Armando Subashi
Ervin Koçi
Andius Olldashi
Salarjon Totaj
PD

Krienko Mema
Luan Baçi
Kozma Dashi
Suzana Numani
BASHKIA PATOS

PS

Rajmonda Balili
PD

Luan Mustafaj
BASHKIA ROSKOVEC

PS

Majlinda Bufi
Flamur Mato
PD

Gëzim Caushi
BASHKIA LUSHNJË

PS

Fatos Tushe
PD

Darien Xhindole
Osman Shehu
Myslym Murrizi
BASHKIA DIVJAKË

PS

Fredi Kokoneshi
PD

Irakli Gorreja
Astrit Dervishi
BASHKIA E MALLAKASTRËS

LSI

Adrian Alushaj

PD

Agron Kapllani
Arjan Llanaj


///////////////////////////////////////////////////////////////

BASHKIA SHKODËR

PS

Keti Bazhdari

PD

Sokol Ramadani

Arben Muça

Voltana Ademi

Bardh Spahia

BASHKIA VAU I DEJËS

PS

Pjetër Lleshi

PDK

Zef Hila

BASHKIA E KOPLIKUT

PS

Tonin Marinaj

PD

Pjerin Spathari

Ferdi Sterkaj

Mimoza Rexhvelaj

Ramadan Lika

Anton Koka

BASHKIA PUKË

PS

Rustem Struga

Sajmira Laçi

PD

Rrok Doda

Beqir Arifaj

Ndue Cara

////////////////////////////////////////////////////////////////////

BASHKIA DURRËS

PS

Vangjush Dako

E djathta

Agron Duka

Grida Duma

BASHKIA SHIJAK

PS

Indrit Buka

PD

Agim Hoxha

Rezart Tusha

BASHKIA KRUJË

PS

Gjon Bardhi

PD

Shkëlzen Hoxha

Vullnet Topalli

Auron Kalaja



//////////////////////////////////////////////////////////

BASHKIA KORÇË

PS

Sotiraq Filo

PD

Andrea Mano

Ledina Aliolli

Gjergji Mero

BASHKIA POGRADEC

LSI

Roshi Tollozhina

PD

Bajram Fejzullari

BASHKIA KOLONJË

LSI

Arben Malo

PD

Fatmir Guda

BASHKIA BILISHT

PS

Ilir Cenolli

Artan Keto

Arben Qaja

Artur Portollogu

Eroldi Begolli

PD

Valter Miza

Arben Miza

Ardian Maho

BASHKIA MALIQ

PS (ende s`ka emër)

PD

Xhevdet Belishta

Alfred Berberi

//////////////////////////////////////////////////////////////////////

BASHKIA ELBASAN

PS

Qazim Sejdini

PD

Eugen Isaj

Aurel Bylykbashi

Ilir Dervishi

Ardjan Turku

Luçiano Boçi

BASHKIA PEQIN

PDIU ose PS

(S’është vendosur ende)

PD

Diell Çela

BASHKIA GRAMSH

PS

Dritan Bici

Luljeta Dollani

PD

Gazmor Guri

KASTRIOT ZËRE

BASHKIA LIBRAZHD

PS

Kastriot Gurra

Sokol Skura

Enver Shkurti

PD

Shefki Çota

Bujar Vreto

PËRRRENJAS

LSI

Miranda Rira

PD

Bajazit Karriqi

BASHKIA CËRRIK

LSI

Astrit Xhelili

Agron Hysa

Kastriot Belshi

PD

Servet Duzha

Qamil Boja

BASHKIA BELSH

PS

Mehdi Pepa

PD

Asqeri Kuqja

/////////////////////////////////////////////////////

BASHKIA VLORË

PS

Etiona Hoxha

Sadri Danaj

Edi Leka

Xhevahir Çeloaliaj

Dritan Leli

PD

Moisi Meminaj

Vullnet Karalliu

Genci Deromemaj

Gramoz Nazaraku

Gentian Hamzaraj

BASHKIA SARANDË

PS

Stefan Çipa

Adriana Shehu

Sheme Lulo

Floriana Koka

Ramis Kusi

PD

Kreshnik Bozho

Ilir Nikolla

Arben Vogli

Mega

Niko kuri

BASHKIA HIMARË

PS

Gjergji (Jorgo) Goro

PD

Orest Çika

BASHKIA SELENICË

LSI

(Nuk ka ende një emër)

PD

Ilia Seferi

Pilo Toto

BASHKIA DELVINË

LSI

(Nuk ka ende një emër)

PD

Dhurim Alimani

BASHKIA KONISPOL

PS

Mimoza Rrushi

PD

Petrit Mulla

Fatmir Shero

Ismail Myrtaj (PDIU)



BASHKIA E FINIQIT

S’ka emra



///////////////////////////////////////////////////////////////////

BASHKIA KUKËS

LSI

Hasan Halilaj

PD

Arif Rexhmati

Bashkim Shehu

BASHKIA TROPOJË

LSI

Rexhë Biberaj

PD

Agron Demushi

Besnik Duzha

Xhevdet Hoxha

BASHKIA HAS

PS

Liman Morina

PD

Gëzim Ngjeçi

Myftar Dauti

////////////////////////////////////////////////////////////////

BASHKIA LEZHË

LSI

Viktor Tushaj

PD

Salvador Kaçaj

Paulin Marku

Fran Frrokaj

BASHKIA MIRDITË

PS

Ndrec Deda

PD

Bardhok Filopati

Gjergji Prenga

BASHKIA KURBIN

PS

Artur Bardhi

PD

Ilir Pjetri

//////////////////////////////////////////////////////

BASHKIA PESHKOPI

PS (ende s`ka emër)



PD

Rrahim Kaleci

Ilir Krosi

Bedri Kamberi

Sadri Laçi

BASHKIA KLOS

PS

Fatmir Hoxha

Ashim Doma

PD

Fehmi Hoxha

Abdulla Diku

BASHKIA BULQIZË

LSI

Ardit Kaja

Melaim Damzi

Lefter Alla

PD

Durim Balla

//////////////////////////////////////////////////////////////

BASHKIA BERAT

LSI

Gledion Rehovica

Petrit Sinaj

PD

Lefter Maliqi

Xhevair Ngjeqari

Shkëlqim Hysaj

Arenc Berati

BASHKIA URA VAJGURORE

PS

Syrja Ormenaj

PD

Bujar Hoxha

Justin Zyka

Irfan Dyli

Bardhyl Fesko

BASHKIA POLIÇAN

PS

Adriatik Zotkaj

PD

Çaush Çato

BASHKIA ÇOROVODË

LSI

Nesim Spahiu

PD

Hajredin Bakiasi

BASHKIA KUÇOVË

LSI

Selfo Kapllanaj

PD

Myslym Haxhia

////////////////////////////////////////////////////////

BASHKIA GJIROKASTËR

LSI

Zamira Rami

PD

Igli Kokalari

Mimoza Çomo

Ilia Kuro

Dasho Aliko

Ylli Asllani

BASHKIA PËRMET

PS

Gilbert Jaçe

Bledi Mane

PD

Vasil Nikolla

Artan Shupuli

BASHKIA TEPELENË

PS

Tërmet Peçi

PD

Vehip Çela

Eshref Shehu.

BASHKIA KËLCYRË

PS

Klemend Ndoni

PD

Bujar Fezga

Arjan Kasaj

Arben Dosti

BASHKIA MEMALIAJ

PS

Lulzim Meçi

PD

Melsen Çela

Bujar Kapllanaj

Gëzim Malkaj

BASHKIA LIBOHOVË

PS

Vladimir Hido

Luiza Mandi

PD

Altin Çomo

BASHKIA DROPULLI

PBDNJ

Kristo Duçi

Dhimitër Maluqi

MEGA

Vangjel Ngjelo

PD

(Mund të mbështesë Duçin)


Shqip