Bruksel: Rama fyen gazetaren shqiptare, "Ik e mëso anglisht!"

[Albo]

VIDEO Edi Rama fyen gazetaren Erisa Zykaj në Bruksel, nuk i përgjigjet pyetjeve



TIRANË-Kryeministri i vendit Edi Rama ka devijuar dhe nuk i është përgjigjur pyetjes së gazetares së Abcnews, Erisa Zykaj në Bruksel. Erisa Zykaj e ka pyetur kryeministrin Rama se presidenti i Bashkimit Europian ka thënë se Shqipëria është më e suksesshme në politikën e jashtme, dhe do donte që të ishte po aq e suksesshme në politikën e brendshme. Pyetjes se pse Shqipëria është gjithmonë e suksesshme në arenën ndërkombëtare dhe problematike në atë të brendshme, Rama i është përgjigjur gazetares se duhet të marrë më shumë leksione anglisht sepse presidenti i BE nuk është shprehur në atë mënyrë. Pas kësaj Zykaj ka drejtuar një tjetër pyetje për shkallën e kriminalitetit në vend, por sërish nuk ka marrë përgjigje nga Rama.
‘’Kryeministri i Shqipërisë më këshillon të marr më shumë leksione anglisht, pasi sipas tij nuk kam kuptuar një fjali të deklaratës së presidentit të Bashkimit Evropian, Donald Tusk i cili tha ” Shqipëria duhet të jetë po aq e arsyeshme dhe konstruktive në politikën e brendshme, sa ç’ është në politikën rajonale”. Unë tentova ta zbusja deklaratën e Tusk në pyetjen time duke thënë ” Shqipëria duhet të jetë po aq e suksesshme në politikën e brendshme sa ç’është në skenën e jashtme”. Por edhe kjo nuk e ka shmangur arrogancën e tij. Në fakt, nuk ka nevojë të jesh shumë i zgjuar dhe as të kesh marrë leksione shtesë anglisht për të ditur, se Shqipëria është vendi që ka një vijueshmëri problematike të politikës së brendshme në kontrast me rolin e saj rajon. Kur i shtrova pyetjen e dytë për përshkallëzimin e kriminalitetit në vend, ktheu kokën nga ana tjetër. Të gjithë kolegëve evropianë që asistuan dhe u vunë në dijeni të qëndrimit të tij u befasuan nga ngjarja. Nuk e imagjinoni dot sa “sa mirë “ndihet një gazetar që trajtohet kështu nga kryeministri i vendit të tij, ndërkohë që respektohet nga përfaqësuesit e institucioneve evropiane dhe organizmave me rëndësi si Shoqata Ndërkombëtare e Medias, në bordin e të cilit bën pjesë apo Klubi i shtypit evropian, ku është zv/president. Një pyetje kam unë : “Pse nuk u ankua kryeministri për anglishten time kur i drejtova pyetjet Maja Koçijançiç për ndeshjen Serbi-Shqipëri?’’- ka shkruar gazetarja Erisa Zykaj në rrjetin social Facebook.



Balkanweb

[Albo]

Shoqatat e gazetarëve: Rama t’i kërkojë falje publike gazetares Erisa Zykaj për fyerjet

Shoqata e Gazetarëve Profesionistë ka reaguar ndaj sjelljes së pahijshme që kryeministri Edi Rama shfaqi kundrejt gazetares Erisa Zykaj, në Bruksel, pas takimit që ai pati me presidentin e Këshillit Europian, Donald Tusk. Shoqata e Gazetarëve Profesionistë shpreh indinjatën për sjelljen fyese dhe arrogante të kryeministrit, për shkak të detyrës dhe ka kërkuar nga shoqatat homologe në botë që të kenë në vëmendje të tyre këtë akt të shëmtuar të kreut të qeverisë shqiptare. Ajo u kujton atyre dhe opinionit publik se ky nuk është rasti i parë që kryeministri Rama reagon me arrogancë, nervozizëm e fyerje ndaj gazetarëve, por kjo është një sjellje në vazhdim pa etikë ndaj medias që i drejton pyetje për çështje sensitive. Për këtë arsye kryeministri Rama njihet tashmë si një ndër politikanët që bezdiset nga media e lirë.

Për fyrjen ndaj gazetares Erisa Zykaj ka reaguar edhe Unioni i Gazetarëve. Në një deklaratë të tij thuhet se “Refuzimi ndaj pyetjeve të gazetares dhe reagimi i zotit Kryeministër shprehin një ofendim në prani të kamerës ndaj kolegës dhe detyrës së saj si gazetare”. Unioni i bën thirrje kryeministrit të kërkojë ndjesë publike ndaj gazetares.

Koha Jone

[Qyfyre]

Pergjigje pa edukate, sidomos per kryeminister. Mjaftonte te thoshte presidenti i BE nuk tha ashtu, dhe te shpjegohej, pa fyer gazetaren sikur po ben debat ne kafe. gjtihashtu dhe per pyetjen qe nuk ju pergjigj. Duhet te ishte i pergatitur dhe te pergjigjej nese ka apo jo pershkallezim te kriminalitetit ne vend dhe mjaftonte nje pergjigje standarte qe kemi arrestuar kte e ate, po luftojme krimin etj etj.

Nuk jane mesuar tu bejne pyetje tamam gazetaret

[Se7en]

Arrogant ...

[benseven11]

Rama duhet te mbeshtetet fort ne nje protokoll teknik dhe etik
qe do te thote te veproje dhe punoje si kryeminister
dhe te sillet hijshem si kryeminister.
Arroganca/injorimi jane shprehje e karakterit te tij
qe do te thote qe ai ka probleme shume serioze,ne publik sjellje te tilla
jane turp.Mungese e theksuar respekti ndaj gazetareve.
Kur Rama ishte ne fushate per zgjedhjet per pushtet/deputet Rama nuk kishte
fare problem me gazetare rrotull,perkundrazi komunikonte dhe i mbante afer
sepse kishte nevoje per gazetaret qe te percillte idete programet e partise se tij
dhe tregonte veten ne popull si sherbetori i popullit perjete.
Tani Rama nuk ka nevoje per gazetaret sepse pushtetin po e gezon,nuk i duhen gazetaret,
gazetaret duket qe sikur po e bezdisin.
Kjo ka emrin double standard dhe nuk eshte ndershmeri.
Rama duhet te pastroje aktin e tij dhe ti permbahet protokolleve shteterore dhe etike kur ben punen
si kryeminister.

[Albo]

PD: I vetmi lajm që prodhoi Rama nga Brukseli ishte fyerja e gazetares

Partia Demokratike ka dënuar sjelljen e kryeministrit shqiptar, Edi Rama në Bruksel, i cili sipas kësaj force politike ofendoi korrespondenten shqiptare, Erisa Zyka në zemër të Europës. Sipas PD, këto sjellje të kryeministrit dëmtojnë imazhin e vendit dhe janë akte të përsëritura kundër lirisë së shprehjes.
Deklarata e plotë e PD
Kryeministri i vendit vizitoi së fundi Brukselin dhe i vetmi lajm që krijoi nga qendra e Europës ishte fyerja e gazetares shqiptare Erisa Zyka.
Edi Rama manifestoi arrogancë dhe ofendoi korrespondenten e njohur pikërisht në zemrën e Europës së vlerave, aty ku liria e shprehjes dhe komunikimi kanë strehën e tyre. Është po ky kryeministër që ofendon e agreson opozitën, Presidentin e vendit, gjyqtarët e drejtuesit e mediave në mënyrë periodike në Tiranë. Ofendimet janë tashmë kostumi i Edi Ramës.
Partia Demokratike dënon këto sjellje të kryeministrit që dëmtojnë imazhin e vendit dhe janë akte të përsëritura kundër lirisë së shprehjes.
Edi Rama nuk përfaqëson askënd tjetër pos vetes së tij me qëndrime të tilla antieuropiane, por ai është frymëzuesi i dhunës verbale e fizike ndaj mendimit ndryshe, fjalës së lirë e opozitës.

Shqip