Tërhiqet Lulzim Basha: Të shtyhet për 5 vjet koncensioni për parkingjet private

[pirro10]

Nuk është per tu habitur kur sheh se në fund të mandatit të një Kryebashkiaku, aq më tepër të një Kryetari Bashkie të Kryeqytetit, - propozon në Këshillin bashkiak të Tiranës një Koncension anti-qytetar për parkinget.
Më interesantja dhe më për të ardhur keq është se ky koncension që kërkoka edhe miratimin e maxhorancës bën fjalë për të dhënë me `qira` 35 vjet trotuaret e Tiranës. Trotuaret e Tiranës të cilat as diktatura komuniste nuk guxoi të vinte dorë mbi to kur vinte problemi i parkimit të makinave të pakta shtetërore apo i motorrave privatë apo dhe i biçikletave. Një nismë e tillë në fund të mandatit të Kryebashkiakut është jo vetëm anti-ligjore por dhe anti-qytetare sepse prek dhe direkt mirëqënien dhe të drejtat dhe liritë e individit në qytetin ku ai jeton.
Përse Kryebashkiaku hedh për miratim një project ligj për një koncensionn të tillë absurd?
-e propozon për të fituar vota në zgjedhjet e ardhshme bashkiake? Kurrsesi nuk mund të fitojë vota me ketë projekt anti-qytetar,
- e propozon për miratim për të krijuar lehtësi në parkimet dhe për lehtësimin e lëvizjeve dhe qakullimit në qytet? Absolutisht jo , përkundrazi një idotësi e tillë bashkiake vetëm do të rëndonte qarkullimin edhe kështu të rënduar të automjeteve dhe të njerzve në Tiranë,
- e propozon për të pasuruar financiarisht bashkinë e Tranës e cila gjithë këto katër vite nuk ka bërë asgjë për qytetarët e saj? Absolutisht jo, dhe mendoj se kjo ide do të ishte mendimi i fundit i Kryetarit të Bashkisë tani në fund të mandatit që po e përfundon me turp.
Pra asnjë nga argumentet nuk qëndron, madje duke dëgjuar nën kryetarin e Bashkisë së Tiranës z. Eno Bozo i cili përpiqej të korrigjonte dicka nga pseudo argumentat për dhënien me koncension të parkingjeve duke u justifikuar se … nuk bëhet fjalë për parkingjet nëpër rrugicat e Tiranës… më shkoi në mëndje se:
- Kush janë këta njerëz të veshur me pushtetin e votës së popullit që përpiqen të përfitojnë sa mundin duke u përpjekur me të gjitha mënyrat për të zhvatur sa më shumë?
--Kush është ky Kryetar Bashkie i kryeqytetit i cili nuk ka bërë asgjë për këtë qytet (përvecse ka mbushur me lokale qoftesh e birre një pedonale e cila është ndërtuar për një funksion krejt tjetër përveç funksionit të mejhaneve) – merr guximin të sfidojë lirirë dhe të drejtat e qytetarëve të lëvizin lirisht në qytetin e tyre dhe të parkojnë makinat nga halli në trotuarin afër shtëpisë së tyre?
- A e din Kryetari i Bashkisë se nuk ka vënd në botë që të japi me koncension trotuaret duke privuar qytetarët e vet nga e drejta për të parkuar në kufijtë e pronës së vet e praktikisht buzë trotuarit.
Përveç këtij zullumi të fundit që do të u a lerë qytetarëve barrë, pasi ky Kryetar Bashkie do të iki, po ky Kryetar i Bashkisë më të madhe të vëndit, ka bërë gjithashtu edhe veprime të tjera që privon qytetarët e këtij qyteti nga e drejta e parkimit pa pagesë të tilla si:
- Ka lejuar pa kriter parkime të taxive madje dhe në rrugë jo kryesore e rrugica, duke privuar qytetarët nga parkimet pranë shtëpive të tyre,
- Ka lejuar dhe u ka dhënë leje individëve të ndryshëm që kanë biznese të vogla e të mesme të për parkime jashtë kritereve, në dëm të rezidentëve,
- Nuk e ka përdorur asnjëherë policinë bashkiake për të lehtësuar qytetarët dhe rezidentët në ankesat e tyre pikërisht për këto problem,
- Së bashku në disa raste me policinë e shtetit kanë vendosur tabela të ndalim parkimit në vënde rezidente duke dëmtuar rëndë, gjobitur, dhe penguar rezidentët dhe qytetarët në punët e tyre.
Në se do të kishte patur një sens public të zhvilluar, përpara se të bënte presion në Këshilllin Bashkiak për miratimin e një koncensioni anti qytetar dhe në kundërshtim me ligjet, Kryetari i Bashkisë dhe nën Kryetari që po rropatet të justifikojë një veprim anti ligjor dhe për mendimin tim totalisht korruptiv, duhej në rradhë të pare të realizonte ato projekte që u lanë për Tiranën sipas Urbanisitikës; dhe këto projektet parësore do të duhej të realizoheshin si:
- ngritja e disa parkingjeve nën-tokësore dhe mbi tokësore në mënyrë që të lehtësonte lëvizjen e makinave dhe të qytetarëve,
- ndalimi i ndërtimeve në qëndër të Tiranës dhe në Bllok,
-Krijimi i zonave të reja urbanistike për ndërtim,
- ngritjen e mbikalimeve tek Zogu i Zi, tek Pallati me Shigjeta, dhe tek Dogana,
-kontrollin e përditshëm të rrugeve të kryeqytetit dhe të periferisë sepse rrugët janë copë copë,
- kapjen dhe nxjerrjen para ligjit të kapak-heqësve, të cilët vazhdojnë edhe sot e kësaj dite punën pa u penguar,
-mbajtjen pastër të qytetit duke futur në punë pastrueset në orët e para të mëngjesit , pra para orës 7.30, dhe jo gjatë ditës,
- bashkëbisedimin transparent e të vazhdueshëm me qytetarët,
- ç`vendosjen e gardës (propozim) së republikës, aty ku e ka vëndin dhe jo pranë liqenit artificial, dhe kthyerjen e asaj zone në shtesë për parkun kombëtar,
-Ç`vendosjen e godinës së paraburbimit jashtë Tiranës sepse pengon qarkullimin dhe bëhet shkak për incidente,
-ndalimin e ndërtimeve në parkun e liqenit.
Këto do të duhej të ishin disa nga detyrat e Bashkisë më të madhe të Tiranës, por Kryetari në ikje i Bashkisë ashtu si një individ jo profesionist që është, e ka dëmtuar Tiranën ndoshta pa dashje me mos veprimet e tij, me mungesën e nuhatjes së perspektivës, me mungesën e specialistëve të mirëfilltë e profesionistë të urbanistikës, e pse jo dhe politikanë me vision, ndoshta me idenë e tij për të lënë `tokë të djegur` pas tij, me mungesën e bashkëpunimit me qeverinë qëndrore.
Le të shpresojmë që Këshilli Bashkik ta hedhë poshtë këtë aferë korruptive që i bie erë një orë larg, dhe le të shpresojmë që përparësitë që sapo paraqita më sipër të realizohen nga Kryetari i ardhshëm i Bashkisë dhe Këshilli i ardhshëm Bashkiak.

[Xinxerfilli]

E kane zakon keta PeDe-istat qe kur ju vjen fundit fillojne edhe gjejne menyra se si te gllaberojne sa me shume leke. Si udhenka ky koncesion per vietet e ardhshme kur shume nga keshilltaret nuk do jene as gjalle njehere lere ne pushtet. Sidomos nje koncesion i cili fut vetem 10% ne arken e bashkise dhe 90% ne xhepat e bizneseve (dmth te Bashes me shoke). Kur ishin ne qeveri nuk kishte kush ja u bllokonte koncesionet qe dhane qe sa humben voten e deri ne Shtator. Ndersa ne bashki skane ku vene se keshilli i majte se voton kete vjedhje te hapur ndaj qytetareve e Tiranes.

Megjithese tentoi ta shtyne sa me shpejt kete konceison duke i futur shifrat kuturu e duke e aprovuar neper komisione te bashkise, pas deshtimit ne keshill Basha doli ne deklarate dhe tha qe duhet shtyre kjo per 5 vjet sepse qytetaret jane renduar nga gjendja ekonmike nga ana qeverise duke tentuar te hidhte hi syve. Turp qe keta lloj cakejsh kane pasur ndonjehere pushtetin.

[Albo]

Tërhiqet Lulzim Basha: Të shtyhet për 5 vjet koncensioni për parkingjet

TIRANË/ Pas debatit dhe reagimit të qytetarëve kundër kalimit në duart e privatit të parkingjeve të Tiranës, edhe Bashkia është tërhequr nga koncesioni 35-vjeçar.

Në daljen e parë publike që nga propozimi zyrtar i Bashkisë, Lulzim Basha ka bërë publik lajmin për mosrealizimin për të paktën 5 vjet të kalimit të rrugëve në administrim nga firmat private.

Kreu i Bashkisë dhe njëkohësisht i PD-së, e ka justifikuar tërheqjen nga projekti me dëgjimin e zërave të qytetarëve që ishin thuajse në unison kundër koncesionit, si dhe me situatën ekonomike që po kalon vendi. Deklarata u bë pas inaugurimit të rikonstruksionit të kopshtit 41 në Tiranë.

TËRHEQJA
“Në këto kushte të një krize ekonomike, gjykimi im është se ky nuk është momenti për të rënduar qytetarët e Tiranës, apo qoftë edhe përdoruesit e tjerë të automjeteve. Unë do t’i kërkoj Këshillit Bashkiak të shtyjë konsiderimin e shtimit të zonave me pagesë të parkingjeve publike, të paktën me 5 vjet të tjera”, theksoi Basha.

Këshilli Bashkiak diskutoi javën e kaluar, por pa arritur konsensus në votim, kalimin e 7400 vendparkingjeve në rrugët kryesore të Tiranës, me koncesion në një firmë private. Pagesa për çdo vend varionte nga 20 lekë/orë në brendësi të lagjeve, deri në 150 lekë/orë në rrugët kryesore të Tiranës. Por, reagimi i medias dhe i qytetarëve duket se ka sjellë edhe shtyrjen e këtij vendimi nga kreu i Bashkisë.

“Në kushtet që sapo ju shpjegova (besoj se nuk ka nevojë ta përsëris), unë kam vendosur duke gjykuar, duke dëgjuar edhe reagimin qytetar, jo të pazarxhinjve, oligarkëve e gjobëvënësve, kam gjykuar e vendosur t’i kërkoj Këshillit Bashkiak shtyrjen me të paktën 5 vjet të propozimit për të trefishuar hapësirën e parkimeve publike, për të cilat Bashkia e Tiranës vjel drejtpërdrejt apo përmes koncesionit taksë”, përsëriti Basha.

Sipas kreut të Bashkisë, Tirana aktualisht takson 5% të parkimeve publike dhe me propozimin e ri do të taksonte 15 %, pra akoma 85% e vendparkimeve do të mbeteshin falas. AKUZAT Nga ana tjetër, kreu i Bashkisë ka akuzuar qeverinë për bllokimin e projekteve kryesore, atë të stacionit multimodal dhe të bulevardit të Tiranës. Basha ka akuzuar personalisht Shkëlqim Canin dhe Edi Ramën si përgjegjës për këto projekte.

“Kemi planifikuar bulevardin e ri të Tiranës, jo vetëm si një zgjidhje urbanistike, por edhe si një zgjidhje trafiku që u ofronte qytetarëve 2000 vende të reja parkimi mbi dhe nëntokësor, i bllokuar politikisht, në mënyrë kriminale. Dhe kur them kriminale, e kam fjalën ligjërisht kriminale dhe ai person që ka bllokuar këtë projekt, duhet të përgjigjet para drejtësisë. Është firma e Shkëlqim Canit, por është urdhri i Edi Ramës. Kemi të bllokuar terminalin multimodal të pasagjerëve, një vepër e cila ndërtohet pa u kushtuar qytetarëve të Tiranës asnjë qindarkë dhe nuk i kushton asnjë qindarkë as qeverisë qendrore dhe që do të hiqte nga Tirana autobusët e furgonët duke liruar vende për 1500 automjete të tjera”, theksoi Basha.

“Të hiqet taksa e qarkullimit”
Parkingjet nuk janë i vetmi problem që duhet të zgjidhë Bashkia dhe Këshilli Bashkiak i Tiranës. Një tjetër vendim është ai për çmimin e biletës së transportit urban në kryeqytet. Për Bashën, zgjidhja për mosrritjen e çmimit do të ishte heqja e taksës së qarkullimit për karburantet. “Kërkoj nga pozita të tjera, por edhe si kryetar i Bashkisë së Tiranës, reflektim të qeverisë për heqjen e taksës së qarkullimit për transportin urban, për të mbajtur biletën në 30 lekë. Kërkoj reflektim me një plan tjetër politik për uljen e çmimit të karburantit përmes heqjes së 24 lekëve, 240 lekë të vjetër taksë ekstra që pushteti qendror i ka vënë karburantit, kërkoj dhe kërkojmë realizimin e premtimit elektoral jo për rritjen e energjisë, por për uljen e çmimit të energjisë përmes eliminimit të TVSH-së me 14 %”. Vendimi për rritjen ose jo të çmimit do të merret në mbledhjen e ardhshme të Këshillit Bashkiak. Zyrtarisht Bashkia ka kërkuar që çmimi të jetë sërish 30 lekë për biletë.

Panorama

[SERAFIM DILO]

Keta jane politikan "o le-le o nena ime" te imagjinosh qe ky eshte kryebashkiaku i Tiranes dhe lideri i opozites eshte te vesh kujen.

Ne duhet te jemi o popull o shum,por shum pa fat ,o popull shum i zgjuar,se nuk mund te imagjinohet ndryshe te zgjedhesh budallaim me te madh midis 1 milion banoreve qe ka Tirana.

Njeriun; qe :" ben publik lajmin, per mos-realizimit per te pakten 5 vjet te kalimit te rrugeve ne administrim nga firmat private...se kam degjuar qytetaret jo pazarxhinjte e gjobvenesit"

Pa analizuar,premtimin per mosrealizimin,dhe afatin 5 vjeçar...qe do duhej nje ekip psikologesh dhe psikiatrik,del se; rruget do ti marin po prap pazarxhinjte e gjobvenesit por mbas 5 vjetesh. O me sakt qe pazari shtyhet per 5 vjet. Qe eshte dhe kerkesa e qytetarit;"Leji akoma dhe 5 vjet pastaj te bohet çfar te bohet ".