Kosovë : Partitë kundërshtojnë moratoriumin e statusit

[Ari-Intimidator]

Ah! E mbaj mend qysh para pak kohesh, para luftes, dhe pastaj pas luftes, kur Politikani, Thaci, kerkonte Pavaresine e Kosoves. NE RamBuje, ai ishte iniciator i flaket per pavaresine e Kosoves. C'po ndosh tash? Pse thaci nderroi mendjen e po kontendon Moratorium te Statusit te Kosoves? Cfare motive ka ky njeri? Thaci eshte duke luajtur loje politike. Ai eshte i vetedijshem se shumica e popullsise se Kosoves jane te vetedijshem per paaftesine e tij politike. Ne kete menyre, duke kerkuar moratorium te statusit perfundimtar te Kosoves, si tenton te fitoje perkrahje nga komuniteti nderkombetare. Mos harroni se per pavaresine e Kosoves vdiqen, e u larguan nje numer i madh i popullsise. Pse atehere thaci del me nje deklarate te tille? Ne nje menyre ai po i tradheton synimet e para kater vjeteve te ushtrise clirimtare te Kosoves. Sikurse tradhetoi shume individe te shquar te ish-ushtrise clirimtare te Kosoves, ky njeri edhe njehere del me nje deklarate tradhetuese.
Hashim thaci nuk eshte politkan i afte. Ai arriti ne kete pozite qe eshte fale ushtrise Clirimtare te kosoves, dhe po qendron ne kete pozite fale injorances te popullsise Kosovare. Jam i sigurte, megjithate, se kjo injorance ndal ngadal eshte duke u shendrruar ne nje njohuri te mjaftueshme. Nuk do te zgjase shume derisa populli I Kosoves te kuptoj se Hashim thaci nuk eshte asgje pos nje mashtrues i cili eshte duke mbetur pa trika mashtrues.
Tjeter, nuk kuptoj se si Llapi pajtohet me nje politike te tille? Qe prej kur Lappi eshte bere anetare i ketij Forumi, ai ka kontenduar se eshte nje perkrahes i flaket i Pavaresise se Kosoves. Ai vete thoshte se per kete ideal ka luftuar kunder Shkaut. Si e nderroi mendjen kaq shpejte z. Llapi. Perkatesishte, njerez qe mashtrohen lehte(sikur llapi) jane perkrahes te nje Politikani te paafte sikur Thaci. Eh, Thaci eshte mbledhur perkrahje nga Komuniteti nderkombetare. Kjo arsye vetjake eshte e vetmja arsye qe e shtyu kete njeri te del me nje deklarate te tille.

Shnet,
Ari

[Llapi]

Ari te pershendes
Pa me trego se qfar kam lshue pe une qe sipas teje nuk po e perkrahu pamvarsin e kosoves?nese mendon ne ket Moratoriumin e Z Thaqit une te them ty se me mier eshte qe te caktosh nji koh kur dhe do te behet nese behet pamvarsija se sa te kendohet siq po kendoin disa per ket pamvarsi qe se di se ku eshte as kur do te vie.
**************************************

Gazeta "Shekulli"
SHQIPTARËT DHE
MORATORIUMET
Në këto rrethana, ose shqiptarët duhet të vazhdojnë të luten përditë për
pavarësinë, ose duhet ta shpallin atë pa mbështetje ndërkombëtare duke
ripërsëritur aktin e para më shumë se dhjetë vjetëve më parë, ose duhet
të pranojnë idenë e moratoriumit me një garanci dhe afatizim kohor

NGA BASHKIM MUÇA
Pa vënë në dyshim ndikimet e
fuqishme që kanë tek njëri-tjetri
zhvillimet politike brenda faktorit
politik shqiptar, përkatësisht në
Kosovë dhe në IRJM, mund të konstatohet menjëherë se në qendër të këtyre zhvillimeve
janë vënë moratoriumet.
Moratoriumi për statusin e Kosovës propozuar nga Thaçi ka pasur mjaft diskutime dhe
kundërshti në radhët e shqiptarëve të Kosovës. Dy forcat e tjera më të mëdha politike,
LDK dhe AAK e kanë kundërshtuar këtë ide. Madje presidenti Rugova e ka quajtur si ide
të rrezikshme. Natyrisht që motivet e një kundërshtimi të tillë në dy kampet e tjera brenda
faktorit politik shqiptar, kanë motive të ndryshme.
Partia e Rugovës, duke e nënçmuar idenë e hedhur për moratoriumin, vazhdon të këmbëngulë
në lutjet e saj tradicionale, për njohjen formale të pavarësisë së Kosovës, ndërsa
partia e ish - luftëtarit Haradinaj, e ndodhur në kushtet e një inicimi këmbëngulës për të
shpallur pavarësinë e Kosovës në kuvend, nuk ka arritur dot të heq dorë nga ideja e saj.
Ideja e moratoriumit është kundërshtuar edhe nga përfaqësuesit serbë të Kosovës, të
cilët e shohin këtë, si periudhë gjatë së cilës mund të përgatiten kushtet për pavarësinë e
Kosovës. Nga ana tjetër, ideja e Thaçit është mbështetur haptazi nga kryeadministratori
Steiner dhe më pas nga shefat e disa zyrave më të rëndësishme të huaja të akredituara
në Prishtinë. Kësisoj, duket se kjo ide ka fituar një akord, me qëndrimet e faktorit
ndërkombëtar për momentin, në kushte kur amerikanët parashikohet që të paktën për
një vit të jenë të preokupuar për stabilizimin e Irakut. Në këtë pikëpamje, e keqja nuk
qëndron tek moratoriumi, sesa tek mungesa e një akordi të brendshëm dhe një
bashkëpunimi politik ndërshqiptar për këtë çështje.
Në të vërtetë plotësimi i standardeve para diskutimit të statusit, duket se padrejtësisht iu
imponua Kosovës. Por tashmë jemi para faktit të kryer. Standardet para statusit, janë
mbështetur jo vetëm nga OKB-ja, por edhe nga SHBA si dhe BE. Natyrisht që statusi
mund të diskutohej fare mirë, fill pas zgjedhjeve parlamentare në Kosovë, por faktori
ndërkombëtar nuk e mbështeti si të arsyeshme këtë ide.
Të gjithë politikanët shqiptarë janë të ndërgjegjshëm që statusi i Kosovës nuk mund të
zgjidhet pa mbështetjen e faktorit ndërkombëtar. Në këto rrethana, ose shqiptarët duhet
të vazhdojnë të luten përditë për pavarësinë, ose duhet ta shpallin atë pa mbështetje
ndërkombëtare, duke ripërsëritur aktin e para më shumë se dhjetë vjetëve më parë, ose
duhet të pranojnë idenë e moratoriumit me një garanci dhe afatizim kohor.
Ka afro 4 vjet që shqiptarët e kërkojnë diskutimin e statusit të Kosovës, por ai çast nuk
po vjen. Mos vallë duhet që edhe disa vite të tjera të vazhdohet kështu. Protagonizmi i
Thaçit nuk mund të anatemohet dhe vetë protagonisti s'ka përse të lëkundet aspak në
idenë e tij, pas reagimit kundër të një pjese të opinionit shqiptar në Kosovë. Kjo kohë
mund të shërbejë jo vetëm për të reflektuar së brendshmi, por edhe për të pritur ngjarje
të tjera të favorshme për shqiptarët në rajon.
Në kushtet ku ndodhet Kosova, kalimi i kompetencave është një proces që e çon atë
drejt konturimit të një shteti demokratik. Edhe kjo gjë, është kundërshtuar nga serbët të
cilët po kuptojnë "rrezikun" e një shteti të ri. Në këtë linjë, shqiptarët nuk kanë përse të
mos kërkojnë edhe bartjen e institucioneve të sigurisë dhe kalimin e TMK-së në një forcë
ushtarake mbrojtëse aktive. Bartja e kompetencave është shumë më e rëndësishme,
sesa propozimet patriotike të parealizueshme dhe të pakonkretizuara për momentin.
Nuk mund të ketë në të njëjtën kohë edhe një proces të bartjes së kompetencave, edhe
diskutim të statusit. Ata që e pranojnë të parën si një proces, duhet të presin për të dytin.
Mbështetja e moratoriumit nga ndërkombëtarët, mund të konsiderohet si një mbështetje
e heshtur e tyre për zgjidhjen e problemit në fjalë. Por çështja është tek kohëzgjatja e
moratoriumit, e cila mund të shndërrohet përsëri në mollë sherri.
* * *
Zhvillimet politike në IRJM (Ish -Republika Jugosllave e Maqedonisë), ku partia e opozitës
së shqiptarëve PDSH, ka shpallur moratoriumin e aktivitetit të saj në shenjë proteste për
moszbatimin e Marrëveshjes së Ohrit, duket se do të kenë ndikim të padiskutueshëm
për zhvillimet në Kosovë. Dorëheqja e Xhaferit, njërit prej politikanëve shqiptarë më të
njohur në rajon dhe shpallja hapur e bindjeve të tij për superioritetin e shteteve të ndërtuara
mbi baza etnike, duket se e ka komplikuar problemin e bashkëjetesës në atë republikë.
Akoma më i komplikuar duket ky problem, pas deklarimeve të shefit të dorëhequr të
opozitës maqedonase, ish - kryeministrit Georgievski, i cili ka kërkuar ndarjen e IRJM-it
dhe shkëmbimin e popullsisë, duke përmendur edhe banorët e Liqenasit në Shqipëri.
Qëndrimi i fundit i Xhaferit është një sinjal paralajmërues edhe për ndërkombëtarët.
Është hera e parë që një politikan shqiptar i mbështetur, të sfidojë hapur inferioritetin
para faktorit ndërkombëtar, duke deklaruar se puna për ndërtimin e shteteve multietnike
është pa perspektivë. Moratoriumet e bëra publike nga dy faktorët politikë shqiptarë
momentalisht nuk mund të konsiderohen fare pa lidhje me njëra -tjetrën. Megjithëse
moratoriumi i Thaçit mund të konsiderohet si një ide që përmban brenda përgatitjen për
definimin përfundimtar të statusit të Kosovës dhe moratoriumi i Xhaferit si një shenjë
paralajmëruese për zhvillimet në rajon, në sfondin e politikës, mbeten të shfaqura lidhjet
dhe opsionet e shtruara së fundi. (Shekulli)

[Llapi]

Kosovë
29.04.2003
Kosova nuk pavarësohet me gjysmë institucione, përsërit Thaçi

UPS i UP-së organizoi debat lidhur me idenë për moratorium



ARBEN RUGOVA
PRISHTINË, 28 PRILL - Duke u bazuar në zhvillimet e fundit politike në Kosovë, Unioni i Pavarur i Studentëve i UP-së dhe Qendra e Mbrojtjes së të Drejtave të Njeriut në UP, ka organizuar të hënën një debat ndërmjet studentëve të Universitetit të Prishtinës dhe ideatorit të moratoriumit, kryetarit të PDK-së, Hashim Thaçi. Në këtë takim të zhvilluar në lokalet e Fakultetit Filologjik, kryetari i PDK-së elaboroi përpara studentëve projektidenë për moratorium lidhur me statusin final të Kosovës dhe zhvilloi një diskutim pyetje-përgjigje lidhur me pikat e idesë së inicuar prej tij. “Nuk jam këtu që të kërkoj nga ju se kush është për pavarësi dhe kush është për moratorium, pasi të gjithë jemi për pavarësi, por shtrohet pyetja se si t’ia lidhim kryet kësaj pune, ta përfundojmë procesin e zgjidhjes së statusit final, pavarësisë së Kosovës”, u shpreh Thaçi në fillim të elaborimit të tij përpara studentëve dhe profesorëve të UP-së. Sipas tij, projekti për moratorium nuk është një ide plan-ndërtim, por një ide-projekt transparent që është duke u diskutuar nga shoqëria civile, partitë politike, institucionet e Kosovës dhe nga komuniteti ndërkombëtar. Propozimi i kësaj ideje, sipas liderit të PDK-së, është gjendja jo edhe aq e mirë që po kalojnë vendi dhe shoqëria jonë dhe mbi të gjitha njohja e Unionit Serbi dhe Mali i Zi në Këshillin Evropian, ku Kosova de jure përfshihet në kuadër të këtij unioni. Moratoriumi nuk nënkupton standardet para statusit, por standardet me statusin, u shpreh Thaçi. “Ne do të punojmë për plotësimin e standardeve para dhe pas zgjidhjes së statusit final të Kosovës si kusht për integrime në strukturat evroatlantike”, nënvizoi ai. Arsye tjetër për kryetarin e PDKsë që të dalë me këtë ide, është vazhdimi i gjendjes së nderë në qytetin e Mitrovicës, krijimi dhe funksionimi i Bashkësisë së komunave një etnike në veri të Kosovës dhe në Anamoravë, amullia e përgjithshme politike dhe institucionale, mosushtrimi i kontrollit Qeverisës në tërë territorin e Kosovës, si dhe vazhdimi i mbetjes së Kosovës në grupin e vendeve më të varfra në Evropë. Sipas Thaçit, ideja për moratorium është si kundërshtim për gjendjen ekzistuese, është kërkesë për afatizim të zgjidhjes së statusit final dhe jo alternativë e pavarësisë së Kosovës. Kjo do të arrihej: duke bërë shfuqizimin e dokumenteve që nuk e afatizojnë zgjidhjen e statusit politik të Kosovës, me përgatitjen e platformës së përbashkët nga institucionet vendëse qeverisëse për zgjidhjen finale të statusit të Kosovës dhe përgatitjen e Kushtetutës së Kosovës. “Kosova nuk mund të pavarësohet me gjysmë institucione dhe gjysmë kompetenca”, nënvizoi Thaçi. Sipas tij, projekti për moratorium i propozuar prej tij, parasheh që Kosova të ketë qasje në politikën e jashtme, në organet e sigurisë, të drejtësisë, në buxhet,... Thaçi, shtoi, se ky afatizim nënkupton periudhën e këtij mandati qeverisës të kolaicionit të tri partive, por mbi të gjitha ky afatizim do të kishte garancinë e komunitetit ndërkombëtar që pas përfundimit të kësaj periudhe qytetarët do të vendosnin nëpërmjet referendumit për statusin final të Kosovës. Kreu i PDK-së i anashkaloi pyetjet e studentëve që lidheshin me komentimet që i kanë bërë disa politikanë kosovarë idesë së tij, duke thënë: “E keqja është se ne nuk merremi vesh, dikush thotë se e kemi shpallur pavarësinë dhe dikush thotë se duhet ta shpallim, dhe sidoqoftë unë mendoj se duhet të bashkëveprojmë dhe ta realizojmë pavarësinë e Kosovës”. Sipas Thaçit, ky bashkëpunim dhe unifikim i qëndrimeve do ta lënte Beogradin jashtë loje. Rreth pyetjes për kompetencat, të cilat UNMIK-u duhet t’i kalojë në Qeverinë e Kosovës, kryetari i PDK-së mendon: “Për këtë nuk duhet diskutuar fare me Steinerin, por duhet kërkuar me këmbëngulësi prej tij që t’i dorëzojë ato”.

koha ditore

[Brari]

Ne dukje naiva po kalemxhinjte e Prishtines dine te bajn "Jemek" dhe me uje e me zall.

Ja nje tip i tille..
A thua ka mbaruar kursin e kalemxhiut ne nje banke me Erion Bracen e ZP-se...


Ja cthote "TIKI" ne "shekull"

Sa bukur din me hjedh vallen simbas tupanit te Partis kallashit..

----------------

Mor(t)atoriumi i fjalës së madhe - pavarësi

Nga Adriatik Kelmendi

1. MORATORIUMI. Debati që solli shumëçka të re në skenën e fjetur politike kosovare. Pas një decenieje përkufizimi të çfarëdo gjëje që i vinte era politikëbërje kosovare me fjalën magjike pavarësi, papritmas njëra nga tri partitë e popullarizuara të vendit vendosi t'i japë fund kësaj letargjie, duke rrezikuar jo pak. Së pari, kryetari Thaçi, e pastaj edhe e tërë Partia Demokratike e Kosovës, vendosën që ta modifikojnë programin e tyre strategjik politik me vendimin për pezullimin për një kohë të çështjes së vendosjes së statusit të ardhshëm të Kosovës. Megjithëse, para çdo gjëje tjetër, ky propozim ngjalli huti ndër partitë simotra dhe në opinion kosovar (partia që në gjirin e vet mban më së shumti anëtarë që identifikohen me luftën e armatosur shqiptare për pavarësi të vendit, kërkon që të mos arrihet sa më shpejt pavarësia!), po ashtu ai u shfrytëzua edhe sulmim dhe tentim-linçim politik të ideatorit (rivalë politikë e shfrytëzuan nismën për të portretuar kolegun e tyre si politikan naiv). Tani, pasi që kanë kaluar disa javë nga proklamimi i idesë së moratoriumit dhe shfrytëzimit të fjalorëve për të gjetur kuptimin e vërtetë të kësaj fjale me kumbim të rëndë (një pjesë e saj ta kujton mortin, vdekjen), mund të gjykohet me kokë më të kthjelluar. Është evidente se pakkush e ka kuptuar se cilat do të jenë hallkat që do ta përmbushin afatin kalimtar deri te statusi me vendosjen e moratoriumit, përfshirë këtu përfitimet e hollësishme që do të mund të nxirren dhe përdorimin e tyre për një pozicion më të mirë në kohën që do të hapej çështja e vendosjes për statusin. Edhe shumëçka, pra rreth strategjisë duhet qartësuar. Së këndejmi teksa të mos kristalizohen të gjitha këto, idesë mund t'i thuhet vetëm: "parimisht po", ose "parimisht jo".
2. Mirëpo, aty ku dua të dal është se pavarësisht se si do të gjykohet nisma në të ardhmen - e frytshme ose jo - ajo, në mos asgjë tjetër, sjell një freski dhe pjekuri në vlerësimin e situatës politike në Kosovë. Përfundimisht, tani, pasi ideja e moratoriumit u pranua si pjesë e programit të PDK-së, politikëbërësit, analistët, shkencëtarët e gjithë të tjerët do të mund të vënë në lëvizje pragmatizimin dhe largpamësinë intelektuale, duke debatuar se cila është rruga më e mirë për të dalë nga status quo-ja e pashpresë e momentit. Dhe përfundimisht do të mund të profilizohen edhe njerëzit sipas bindjeve të tyre politike e jo vetëm sipas të kaluarës ose simpatisë për liderët e partive. D.m.th. do të ketë shumësi të bindjeve politike për arritjen e synimeve e me këtë edhe përkrahës/votues pragmatikë në zgjedhjet e ardhshme në Kosovë. Tani votuesi i zakonshëm kosovar nuk do të dalë më për të votuar për Rugovën se "është burrë i mirë", për Thaçin se "ka luftuar në Drenicë", ose për Haradinajn se "ka luftuar në Dukagjin". Por, për bindjen personale që ka fituar se strategjia e cilit nga këta liderë i duket më e qëlluar për arritjen e një mirëqenie të tij dhe të rrethit.
3. Një thetër gjë që rrezaton ideja e PDK-së për të ndërmarrë një hap kaq të kontestueshëm politik, si moratoriumi, është gatishmëria e tyre për t'u përballur drejtpërdrejt me hallet "tokësore" të njerëzve. Dhe për të hequr dorë nga taktika e provuar si e suksesshme politike/elektorale, që i ngjan asaj përrallës gjithmonë të njëjtë me happy end, e cila i tregohet përnatë fëmijës së parehatshëm për ta futur në gjumë. Dikur duhet treguar fëmijës se realisht nuk është e mundur që gjuetari ta shqyejë barkun e ujkut dhe prej andej t'i nxjerrë të gjalla Kësulëkuqen dhe gjyshen. Dhe së për të qenë të gjithë të lumtur në finish, gjuetari do të ishte dashur të bënte diçka me ujkun para se ai t'i gëlltisë dy heroinat e përrallës. Një rehati e lehtë ka mbretëruar deri më tani te kërkuesit e votave tona, të cilët çdo pazotësi, mungesë idesh progresive, qofshin ato ekonomike, arsimore, energjetike, higjienike, administrative, sociale e të tjera, kanë ditur ta kamuflojnë duke u fshehur prapa premtimit për pavarësi. Apo s'jemi të gjithë ne dëshmitarë të fushatave parazgjedhore të subjekteve politike për zgjedhje lokale, ku u është premtuar elektoratit pavarësia vetë? Në vend se të flitej për meremetimin e ndonjë rruge, lyerjen e ndonjë fasade apo krijimin e mundësisë për ndonjë vend të ri pune. Me shtyrjen e çështjes së zgjidhjes së statusit të Kosovës për, ta zëmë, tri vjet do të duhej harruar për kaq kohë fjala pavarësi dhe punuar në alternativat e nevojshme për përparimin e gjithë gjërave të tjera për të cilat politikanët e një vendi normal do të duhej të angazhoheshin. Mirëpo, kjo në të njëjtën kohë do të nënkuptonte edhe daljen në dritë të vërtetë të tërë potencës ose mospotencës së individëve të ndryshëm në subjekte të ndryshme politike. Njohjen e demagogëve për dallim nga punëtorët e devotshëm. E qartë. Një situatë e tillë do të ishte shumë e vështirë për shumë njerëz që sot e përbëjnë skenën politike kosovare dhe do të vizatonte fundin e karrierës të shumëkujt. Por shumë të tjerë do ta kuptonin se për të qenë pjesë e lojës do të duhej që seriozisht të përvishnin llërët dhe të tregonin se çka dinë e munden të bëjnë për njerëzit e Kosovës.
4. Paramendoni vetëm situatën kur qytetarët e Kosovës nuk do të torturoheshin duke qenë të detyruar t'i dëgjojnë tri partitë politike që luftojnë për të legjitimuar formalitetet e tyre për pavarësinë. Të mos dëgjojnë në njërën anë LDK-në, që thotë se ajo pavarësinë e ka shpallur qyshkur, e në anën tjetër AAK-në e PDK-në, që kërkojnë që pavarësia të shpallet tani nga parlamenti. Vërtet, një situatë e atillë me këto çfarë jemi mësuar t'i shohim deri më tani do të na dukej shumë fiktive. Sidomos, një gjë njëmend do të ishte shumë e vështirë për t'u marrë me mend në qoftë se do të shtyhej çështja e pavarësisë për tri vjet. Për shkak të nivelit hierarkik që ka, këtu do ta marr shembullin e presidentit të Kosovës. Për çka, për shembull, do të bisedonte kryetari Rugova me personalitetet e delegacionit ndërkombëtar që do të vijnë ta vizitojnë, nëse nuk do të kërkonte "njohjen formale të pavarësisë"?! Pra, për gjithë këto shkaqe, ka gjasa që ideja për heqjen sado të përkohshme të fjalës pavarësi nga fjalori politik shqiptar të jetë një "mission impossible".

Autori është redaktor përgjegjës i gazetës “KOHA Ditore” në Prishtinë



------------------


Cfare papagalli...

Po pse more Tik Rakitiki a dhe ti je i rezikuem me shkue ne Hag a?

Majmuna...

Sa do me i zbukurue ju ket m-ut moratoriumi..krejt Populli e din se kjo asht nji "peng" qe ja kerkojn PDK-se ne dam te Kosoves per me shpetue banda udheheqese nga HAGA.

Dhe ne Hag nuk i kerkojn per trimni kunder Serbise por per pabesi ne vrasje Shqiptaresh..






...

[Llapi]

Shefi i Zyrës Amerikane, Harnish: SHBA përkrahin disa elementë të Moratoriumit të Thaçit

PRISHTINE, 2 maj - Rino Harnish, Shef Misioni i Zyrës së SHBA në Prishtinë, tha sot se ka disa elemente në Moratoriumin" e propozuar nga kryetari i PDK-së Hashim Thaçi, të cilat qeveria e SHBA-ve i përkrah. "Nga ajo që ne kemi dëgjuar prej Thaçit, çdo thirrje e drejtuar elementeve politike të involvuara në çështjen e Kosovës, si brenda ashtu edhe jashtë Kosovës, për të ndërprerë të biseduarit për statusin përfundimtar dhe për t'u përqëndruar në implementimin e Rezolutës 1244, është diçka që ne e përkrahim. Ashtu siç kemi theksuar shumë here, dhe siç Departamenti i Shtetit e ka bërë të qartë në shumë takime me zyrtarë kosovarë dhe ndërkombëtarë, prioriteti ynë kryesor në Kosovë këtë vit është që UNMIK-u t'i transferojë të gjitha kompetencat jo të rezervuara tek institucionet e përkohshme vetëqeverisëse deri në fund të këtij viti dhe që të përqëndrojmë të gjitha përpjekjet tona në zhvillimin e një qeverisjeje të mire". "Megjithatë, Qeveria e Shteteve të Bashkuara nuk mund të përkrahë afatizimin kohor apo mekanizmin për statusin përfundimtar që është jashtë kornizës së rezolutës 1244. Shtetet e Bashkuara u bëjnë thirrje gjithë faktorëve politikë të ndërpresin plotësisht çdo bisedë rreth opsioneve të statusit përfundimtar për Kosovën të cilat janë jashtë asaj kornize. "Siç ne e kuptojmë, kjo është ajo për çka flet propozimi i Thaçit dhe ne përkrahim këte si një mënyrë të avancuar për të adresuar çështjen e standardeve. SHBA-të do të dëshironin të shohin një implementim shumë më energjik të standardeve nga qytetarët e Kosovës", deklaron Harnish. "Shpresojmë të punojmë me Z. Thaçi dhe liderët tjerë politik në implementimin e politikave dhe veprimeve konkrete që përkrahin kthimin e pjesëtarëve të komuniteteve minoritare të cilët dëshirojnë të kthehen në Kosovë. Ashtu si ne amerikanët e vlerësojmë shoqërinë tonë në bazë të asaj se si ne respektojmë minoritetet, ashtu ne do ta mbajmë Kosovën kah standardet e mira në respektimin e minoriteteve të saj. Përqëndrimi në çështjet praktike të qeverisjes është mënyra më e mirë për të arritur një shoqëri prosperuese dhe demokratike për të gjithë qytetarët e Kosovës", përfundoi z.Harnish.

[Arb]

Edhe Tirana zyrtare del me nje komunikate ne perkrahje te Moratoriumit te Propozuar nga Z. Thaqi. Sido qe te kete kjo nuk eshte nje dicka e papritur.

Ja edhe deklarata ne fjale:

Tirana mendon që është një nismë konstruktive idea e moratoriumit për statusin e Kosovës e propozuar nga kryetari i Partisë Demokratike të Kosovës, Hashim Thaçi. Këtë deklarim e ka bërë këshilltari për media i ministrit të jashtëm Ilir Meta, Agim Neza.

[Llapi]

MORATORIUMI: Një ide e Thaçit që nxiti interesimin e amerikanëve

Prezenca e Thaçit gjatë vizitës së
Powellit nuk ishte e rastësishme

Moratoriumi i propozuar nga Hashim Thaçi është pozitiv sepse ka në vetvete realizmin e
nevojshëm politik, dëshirën për përçimin e proceseve integruese të popullit të Kosovës
përpara, nxitjen e dialogut ndëretnik brenda dhe jashtë Kosovës dhe mbi të gjitha rikthimin
e faktorit politik kosovar në radhët e konstruktivitetit politik larg euforive megalomane
obstrukcioniste me karakter tipik nacionalist.


ILIR KULLA
Koincidenca e vizitës së Kolin Pauell në Shqipëri
dhe prezencës së ish-liderit politik të Ushtrisë Çlirimtare
të Kosovës Hashim Thaçi (sot kryetar i
Partisë Demokratike të Kosovës) duket se nuk ka
qenë e rastësishme. Pavarësisht se Thaçi porsa u
kthye në Prishtinë nxitoi të mohonte një takim të
tijin me sekretarin amerikan të shtetit në Tiranë,
deklarata e djeshme e Reno Harnish ambasadori i
Shteteve të Bashkuara në Prishtinë se Uashingtoni
sheh si pozitiv propozimin e Hashim Thaçit në lidhje
me të ardhmen e Kosovës (apo siç njihet
Moratoriumin e Thaçit), tregon se edhe nëse Thaçi
nuk është takuar, mesazhet gjatë vizitës së Pauellit
i ka marrë të qarta. Këto gjëra ndodhin në diplomaci,
faji nuk është i atij që gënjen, por i atij që
beson, thotë një shprehje diplomatike. Gjithsesi në
këtë pikë shtohet kurioziteti çfarë është në thelb
Moratoriumi i propozuar nga Hashim Thaçi?
Pas shumë kohësh steriliteti politik në arenën kosovare
të politikës të përbërë nga deklaratat standarde
të Ibrahim Rugovës për pavarësi dhe nga ato
të kundërshtarëve të tij politikë ish-luftëtarëve dhe
ish-drejtuesve të UÇK-së për shtetin e Kosovës për
qeveritë e ndryshme fiktive, shpesh të përshkuara
nga tone të larta patetizmi dhe një mungese të
madhe realizmi, madje kohët e fundit të shprehura
dhe me akte nervozizmi në raport me komunitetin
ndërkombëtar dhe UNMIK-un, del një dokument i
shkruar me disa propozime që kanë të bëjnë me të
ardhmen e Kosovës. E vërteta është se nuk është
hera e parë që ka propozime të kësaj natyre, madje
një nga më seriozët ka ardhur nga Beogradi nga
qeveria e të ndjerit ish-kryeministër Gjingjiq, i cili
madje u mundua ta përshpejtonte procesin e statusit
përfundimtar të Kosovës.
Pavarësisht se Gjingjiq në propozimin e tij, natyrisht,
mbante anën e faktorit serb, ai u kujtoi serbëve
tezën tabu se Kosova mund të jetë edhe e pavarur.
Të gjithëve na kujtohet se ndonëse deklaratat e
Gjingjiqit nuk u pritën mirë nga të gjithë faktorët ato
një rezultat e patën - nxorën në pah intreresin që të
gjithë kanë për të përshpejtuar proceset shtetformuese
në Kosovë, pavarësisht këndvështrimit.
Sikur Zoran Gjingjiq të ishte gjallë do të kishte tre
muaj që qeveritë e Beogradit dhe të Prishtinës do
të kishin nisur bisedimet, pse jo do të kishim parë
dhe rezultate konkrete. E bëra nuk kthehet më dhe
Gjingjiq nuk mund të ngjallet. Këtë Thaçi mesa
duket e ka kuptuar më mirë nga të tjerët, ndaj
vdekur Gjingjiqi po nxiton të të marrë rolin e negociatorit
dhe politikanit modern të Ballkanit dhe të
pikës referuese. Ide gjeniale, projekt ambicioz.
Gjithsesi gjërat nuk janë kaq të thjeshta. Thelbi i
Moratoriumit ka të bëjë me faktin se pala kosovare
kërkon që në radhë të parë të arrihet vetëqeverisja
dhe më pas në një fazë të dytë të diskutohet për
pavarësinë. E parë kështu të duket e çuditshme që
Thaçi i cili vjen nga UÇK pra nga ekstremistët për
një pjesë të komunitetit ndërkombëtar që tyrben e
moderatorit ia kishte veshur Rugovës, të heqë dorë
nga Pavarësia e Kosovës. Në këtë prizëm për
Thaçin mund të ketë një kosto politike brenda në
Kosovë, por qasja pragmatike ndaj problemit e
ndihmon më shumë mbërritjen deri tek një shtet i
pavarur i Kosovës, sesa qasja standarde për
Pavarësi të deritanishme. Le t'i shohim të dy variantet:
Me mbërritjen e vetëqeverisjes së plotë të
Kosovës synohet që i tërë aparati shtetëror, administrativ
i Kosovës të kalojë dalëngadalë nën varësinë
e kosovarëve. Kjo mbërrihet duke përmbushur
disa standarde që kanë të bëjnë jo vetëm me realizimin
e demokratizimit të jetës në vend, të respektimit
të pakicave kombëtare, pra me krijimin e
kushteve për një shtet multietnik, por mbi të gjitha
me krijimin e kapaciteteve ekonomike, sociale,
administrative, burokratike bërjen të mundshme te
realizimit të një sere instrumentash pa të cilët
është e pamundur të mbërrihet tek një pavarësi e
deklaruar, por që do të jetonte mbi baza fiktiviteti,
ashtu siç ka ndodhur deri tani me Referendumin e
1992 të bërë nga Rugova dhe LDK, por siç ka
ndodhur dhe me Qeverinë e Përkohshme të
Kosovës që drejtohej nga Thaçi atëkohë.
Një tjetër anë pozitive e propozimit për vetëqeverisje
të Thaçit është fakti se propozohet zëvendësimi
gradual administrativ i qeverisjes ndërkombëtare jo
vetëm në nivel lokal por dhe në atë qendror, duke
ruajtur ombrellën politike të institucioneve
ndërkombëtare aq të nevojshme për Kosovën, por
duke hequr tepricat burokratike të administrates
ndërkombëtare në Kosovë tashmë tepër të
kushtueshme për vetë OKB-në. Qasja pragamtiste
ndaj problemit të pavarësisë është pozitive për
jetën e përditshme të qytetarëve të Kosovës, sepse
do të bënte të mundshme që ata të qarkullojnë me
pasaportat kosovare në tërë botën, ndërkohë që
për një numër të madh shtetesh ata njihen ende si
qytetarë jugosllavë dhe janë të detyruar të kenë
pasaportë jugosllave, do të mund të qarkullojnë me
veturat me targa, libreza, patenta dhe leje qarkullimi
kosovare, ndërkohë që për një numër të madh
shtetesh ato janë të pavlefshme, kështu për dokumentat
sanitare, arsimore, pronësore gjëra të
përditshme pa të cilat një qytetar normal nuk mund
të jetojë. Për të bërë këto gjëra dy kushte janë të
domosdoshme, kushti i parë është koha, kushti i
dytë është ekonomia. Kjo të lë qartë të kuptosh se
sa i rëndësishëm bëhet propozimi i Hashim Thaçit i
bërë në kushtet e Realpolitikës.
Ndërsa kundërshtarët e Moratoriumit që qëndrojnë
në kampin e Rugovës argument kryesor kanë faktin
se ata nuk mund të bëjnë as një hap mbrapa nga
pavarësia.
Megjithatë shtruar në fushën e argumentave
askush nuk shpjegon sesi do të arrihet ajo pa
përditshmerinë e gjërave dhe fakteve. Askush nuk
shpjegon se ku mund të shkohet nëse përparësinë
e mbështetjes nga Uashingtoni nuk do ta ketë
Prishtina por Beogradi, dhe për më tepër nga kjo
anë e politikës "moderne" kosovare i është vënë një
kyç i madh derës së dialogut politik me Beogradin.
Kjo është e dëmshme sepse me kalimin e kohës po
i jep efektet e energjisë negative pales kosovare në
arenën ndërkombëtare.
Moratoriumi i propozuar nga Hashim Thaçi është
pozitiv sepse ka në vetvete realizmin e nevojshëm
politik, dëshirën për përçimin e proceseve integruese
të popullit të Kosovës përpara, nxitjen e dialogut
ndëretnik brenda dhe jashtë Kosovës dhe mbi
të gjitha rikthimin e faktorit politik kosovar në radhët
e konstruktivitetit politik larg euforive megalomane
obstrukcioniste me karakter tipik nacionalist.


(Autori është Drejtor i çështjeve Rajonale pranë
Akademisë Diplomatike në Tiranë, Drejtor i
Fondacionit Maschtrit dhe Botues i Revistës
Periodike Gjeopolitika)

[DIDIBE]

TI arb,drenic,drin,para se ti permendni z.THAQI dhe LIMAJ duhet ta lani gojën mirë e mirë me varikin.
THAQI E LIMAJ JANË LEGJEND E GJALL.
Derisa trimat luftonin fyt me fyt me shkaun ,ju or mendjeprishur mbroheshit nën ombrellen millosheviçjane e të tjerët rreziteshin në pllazhe.

[drenica martire]

Postuar më parë nga DIDIBE

THAQI E LIMAJ JANË LEGJEND E GJALL.

"Sa te bukura keto legjenda" qe me fajin e tyre te psite ne analet e historise ne Gjyqit te Hages (nderkombetar) do te hyjne edhe shqiptaret.

Keta jane turpi i te gjitha koherave per vrasjen e shqiptareve gjate luftes. Kurre, Kurre as Thaçi as Limaj nuk kane vrare asnje ushtar, as Polic serb. Ndonje civil plak apo plake- po kane vrare!

[gazmendi]

ore Drenica... ose burre,
Vallahi bre ti me ate foton tane -ha-ha (nuk e di edhe a po flen me ta?) vetem tash si "bajat" ka nise me u ba!,s'ka vend ne Forum qe nuk e ke plasuar. Te lumte !!!!!

Sa per ate se "analet e Gjygjit te Hages".......; nuk ke qka bene nese ndonje fuqi e huaj me e madhe (si eshte GJ. i Hages)te merr-ose te ndjek, vetem me keq se populli i yt me te ndjek nuk ka valla(siq eshte rasti i "pejgamer Rugoves").
Ti mban ne forum emrin Drenica ... , nje pyetje: Sa here pas luftes "hazreti Ibrahimi" e ka vizituar Drenicen.?

Hochachtungvoll !!! er ist es, gott bewahre uns,

p.s- LLapi, te pershendes, nuk ka nevoj ore vella ketyre agumente me ju dha,se k'ta e kan krijuar (per vete shyqyr zotit)"kultin e individit".deri ne vitet '90-ta e kishin shokun Tito, tash e kan Ibren.