Kosovë: Protesta kundër ministrit Jabllanoviç, dhjetëra qytetarë e policë të plagosur

[Llapi]

Shefi i Njësisë Speciale dërgohet për mjekim në Turqi

RTK

Shefi i Njësisë Speciale Operative në Prishtinë, Besart Ahmeti, nesër do të niset për mjekim jashtë vendit.

Pasojat e protestave që thirri Vetevendosje janë të mëdha. Një pjesëtarë i njësisë speciale të Kosovës është në gjendje të rëndë pas sulmeve që mori të martën. Ai pritet të dërgohet jashtë vendi për shërim. Sindikata e Policisë ka reaguar duke dënuar dhunën e shkaktuar nga protestuesit.

Shefi i njësisë speciale operative në Prishtinë, toger Besart Ahmeti, ka marrë plagë serioze gjatë protestës që ndodhi dy ditë më parë.

Zëdhënësi i Policisë, Baki Kelani, na konfirmoi se toger Besart Ahmeti pritet të dërgohet për shërim jashtë vendi, pasi është lënduar në kokë dhe në njërin sy nga mjetet e forta që janë hedhur nga protestuesit në drejtim të policisë.

I njëjti fillimisht është trajtuar në QKUK, por plagët e rënda që ka marrë, kërkojnë që trajtimi i tij të bëhet jashtë vendi.

Ndërkohë, ndaj dhunës që u shkaktua në protestën e fundit ka reaguar edhe Sindikata e Policisë së Kosovës. Përmes një komunikate kjo sindikatë dënon fuqishëm të gjithë ata, qofshin individë apo grupe të caktuara, që sulmuan me mjete të forta duke shkaktuar dhunë ku si pasojë e kësaj u lënduan një numër i madh i pjesëtarëve të Policisë së Kosovës si dhe u shkaktuan dëme të mëdha materiale në pronat publike dhe private. Sindikata e Policisë kërkon që ndaj aktorëve të dhunës të merren masat e parapara ligjore.

[Llapi]

Ke me bisedu valla ki me ndegju Evropen sepse Evropa nuk e len Serbine e Rusine per shqiptaret e Kosoves.
Nuk jemi hajvane qe te mashtrohemi lehte. Serbia nuk do te heqe dore nga Trepca lehte. Qe 15 vite me genjeshtra ndersa pune ka pak. Trepca ka gjasa te medha te shkoje ne 'likuidim'. Nderrmarrjen qe vlen miliarda euro ipet per miliona klaneve ilegale qe jane shtet mbi shtet.

Stavileci: Trepça u shpëtua

Pas dekretimit të ligjit për Trepçën, nga Presidentja e Kosovës, pritet që të procedohet ligji i veçantë për Trepçën që do ta pamundësojë likuidimin e saj.

Ministri i Zhvillimit Ekonomik, Blerand Stavileci, thotë se pasiqë u arrit që Trepça të shpëtohet nga likuidimi, tani gjithçka që do të diskutohet është e ardhmja ekonomike e saj.

"Pasi kemi arritur ta shpëtojmë nga likuidimi, tashmë nuk kemi trysni kohore. Ne do ta bëjmë një ligj të veçantë për Trepçën, me çka do definohet e ardhmja ekonomike e saj. Po them e ardhmja e konomike sepse nuk do të diskutohet ajo çka është keqkuptuar deri tash si pronësia e saj e gjëra të tilla", ka thënë Stavileci.

[Llapi]

Dekretohet Ligji për Ndërmarrjet Publike
29.01.2015 | 14:30
Presidentja e Kosovës, Atifete Jahjaga, ka bërë me dije se ka dekretuar sot Ligjin nr. 05/L-008 për ndryshimin dhe plotësimin e Ligjit nr. 04/L-035 për riorganizimin e ndërmarrjeve të caktuara dhe pasurisë së tyre.
Ajo ka thënë se qëllimi i këtij ligji është që t’i japë kohë dhe hapësirë Qeverisë së Republikës së Kosovës ta parandalojë likuidimin e “Trepçë”-s, kësaj pasurie të patjetërsueshme të Kosovës dhe qytetarëve të saj, dhe t’i krijojë kushtet që do të ndihmojnë zhvillimin ekonomik të Kosovës.
Jahjaga, ka thënë se shpreson se ky ligj do t’i mundësojë Qeverisë dhe Kuvendit të Kosovës ta gjejnë një zgjidhje afatgjate dhe të qëndrueshme për këtë aset vital të Republikës së Kosovës, i cili do ta rrisë prosperitetin e të gjithë qytetarëve të saj.
Ligji nr. 04/L-035 për riorganizimin e ndërmarrjeve të caktuara dhe pasurisë së tyre është miratuar në seancën plenare të Kuvendit te Republikës së Kosovës, më 19 janar 2015.

[Llapi]

Minatorët i gëzohen dekretit presidencial për Trepçën

RTK

Dekretimi i Presidentes Jahjaga, për ndryshimin dhe plotësimin e ligjit që e shpëton Trepçën nga likuidimi, është mirëpritur nga minatorët e këtij kombinati metalurgjik.

Minatoret tashmë kanë shpresë se kjo ndërmarrje po futet në rrugë të mirë drejt realizimit të qëllimeve që kanë xehetarët. Protestat, sidomos ato të dhunshme, nuk shihen nga ta si zgjidhje të problemeve.

Sapo kanë kryer ndërrimin e parë në minierën e Stan Tërgut në Trepçë. Minatorët po përcjellin me vëmendje zhvillimet në Prishtinë e që lidhen me kombinatin ku ata punojnë.

Sabri Smajli, kryepunëtor I minierës tha se problemi eshte kombetare.

”E kemi përcjellë dhe ndjejmë keqardhje se aty po përmendet edhe çështja e Trepçës, dhe ne njëhere kemi thanë që ky është problem kombëtar – nacional dhe jo partiak. Jo për qëllime të ngushta partiake dhe ne e kemi dhënë komunikatën pas grevës, që ne nuk jemi të Vetëvendosjes, por të asnjë partie', tha Smajli per RTK,

Edhe minatorit tjetër Ragip Istrefi, tha se protesta është e drejtë qytetare, por jo dhuna.

”Jo protesta që cojnë shtetin në humbje e dëme. Protesta duhet me qene protestë jo e dhunshme”

Vendimi i Presidentes Jahjaga për dekretimin e ligjit që shpëton Trepçën nga likuidimi, është mirëpritur nga menaxhmenti i kësaj ndërmarrjeje. Drejtori i Minierës së Trepçës dhe Flotacionit në Stan Tërg, Qazim Jashari, thotë se vendimi i presidentes është një shpresë për ta. `Ne I besojmë institucioneve dhe kemi informata që po punohet në ligjin për Trepçën”

Jashari tha se po presin me padurim që Trepçës t'i jepet trajtimi meritor.

[Llapi]

Familjarët e të zhdukurve: Protesta ka devijuar nga qëllimi

29.01.2015


RTK

Mënyra se si janë sjellë organizatorët e kësaj proteste, Makollit i ka tingëlluar më shumë si një organizim politik sesa diçka tjetër.



Dhuna e përdorur në protestë, por edhe devijimi nga qëllimi i saj, është arsyeja që familjet e personave të zhdukur, nuk e kanë ndërmend t'i bashkohen protestës së të mërkurës.

`E ka parë gjithë këtë dhunë që u përdor në protestën e Vetevendosjes.`E pikërisht për këtë situatë të krijuar, Milaim Makolli, që ka të zhdukur prindërit nga lufta e fundit, ka vendosur të qëndrojë larg një organizimi të tillë.

Mënyra se si janë sjellë organizatorët e kësaj proteste, Makollit i ka tingëlluar më shumë si një organizim politik sesa diçka tjetër.

" Unë mendoj që kjo ka qenë demonstratë jo për persona të zhdukur, po si të them, kjo ka qenë më shumë protestë politike jo për persona të zhdukur. Personat e zhdukur i presim me ankth qe 15 vite. Duhet t'i zgjidhin problemet nepermes tavolinave, nepermes bisedimeve dhe të gjejmë fatin e atyre që kanë humbur sot e 16 vite", tha ai per RTK.

Se protesta po shfrytëzohet për qëllime tjera, e thotë edhe Haki Kasumi, kryetar i Këshillit Koordinues i Asociacioneve Familjare të të Zhdukurve të Kosovës.

"Jam plotësisht i bindur se në këto protesta nuk është objekt i synimit të zgjedhjës të problemit të t'zhdukurve që kanë ba thirrje organizatorët që të involvohen të përfshihen edhe familjarët e të zhdukurve , por deklarata e Jabllanoviqit është ofenduese e papranueshme e keqe është marrë vetëm si pretekst për protestën ", tha Kosumi per RTK.

Përfaqësuesit e familjeve të të zhdukurve, më shumë se një organizim proteste kërkojnë angazhim institucional që të zbardhet fati i të pagjeturve.

[Llapi]

Jacobson: Jabllanoviq dhe Trepça janë pretekste, protestuesit ishin të dhunshëm



nga Gazeta Tribuna - January 29, 2015 9:44 PM


Ambasadorja amerikane në Prishtinë, Tracey Ann Jacobson, ka dënuar dhunën që përfshiu protestat e kësaj jave në Kosovë dhe bëri thirrje për dialog politik ndërmjet subjekteve politike.

Opozita paralajmëroi sërish protesta për të mërkurën më 4 shkurt, me kërkesat për shkarkimin e një ministri serb në qeverinë e Kosovës dhe qartësimin e fatit të kompleksit të minierave Trepça.

Ambasadorja Jacobson tha për Zërin e Amerikës se këto dy çështje janë pretekste por jo edhe arsyeja kryesore e protestave në të cilat janë përfshirë edhe njerëz që janë të pakënaqur me zhvillimin ekonomik, luftën kundër korrupsionit dhe përmirësimin e sundimit të ligjit.
Zëri i Amerikës:
Zonja ambasadore si e shihni situatën në Kosovë pas protestave të fundit?

Tracey Jacobson:
Protesta paqësore është një e drejtë e rëndësishme demokratike. Është mundësi për qytetarët që të nxisin qeverinë që të ngritë çështje që janë të rëndësishme për ta. Është jashtëzakonisht për të ardhur keq që protestat të shtunën dhe të martën u bënë të dhunshme. Kam biseduar me shumë njerëz këtu në Kosovë që janë shumë të shqetësuar me dhunën. Natyrisht, as mbulimi nga shërbimet ndërkombëtare të lajmeve nuk i bënë aspak mirë autoritetit ndërkombëtar të Kosovës. Nuk e bën Kosovën të duket si një vend që është në rrugën e saj evropiane. Ne e dënojmë dhunën dhe u bëjmë thirrje të gjithë atyre që janë të përfshirë, posaçërisht organizatorëve të protestave të jenë të përgjegjshëm dhe të distancojnë veten nga dhuna që shpërtheu.

Zëri i Amerikës:
Kishim qëndrime të ndryshme ndërmjet qeverisë që thotë se organizatori i protestave ishte fajtor dhe opozitës që thotë se ishin qeveria dhe policia fajtore. Kush është fajtor në fakt për dhunën?

Tracey Jacobson:
Faji për dhunën atyre që njerëzve që hodhën gurë, që thyen xhamat në ndërtesën e qeverisë, që dëmtuan sheshin Skenderbej, sulmuan restorantin dhe sulmuan pronarin e tij, ata individë. Unë mendoj se ishin 200 -300 syresh që duhet fajësuar për dhunën. Vëzhguesit ndërkombëtarë që ishin në qendrën komanduese gjatë protestës, gjykuan se përgjigja e policisë ishte tërësisht e përshtatshme për kushtet. Kudo në botë kur turma bëhet e dhunshme dhe hedh gurë, policia duhet të përdorë metodat e saj për shpërndarjen e turmës. Mendoj se duhet të përqendrohemi tek ata njerëz që ushtruan dhunë.

Zëri i Amerikës:
Zonja ambasadore, çfarë duhet të bëjë qeveria për ta tejkaluar situatën?

Tracey Jacobson:
Çdo qeveri duhet të përfshijë popullatën e saj. Kjo është kështu madje edhe për qeveritë si kjo që ka filluar punën tash një muaj e gjysmë. Ata duhet ta përfshijnë popullatën drejtpërdrejtë, ndërmjet medieve, t’ia bëjnë me dije asaj se çfarë planesh kanë, se çfarë po bëjnë saktësisht për çështjet që njerëzve u interesojnë, siç janë zhvillimi ekonomik, vendet e punës, luftën kundër korrupsionit dhe vendosjen e sundimit të ligjit. Po ashtu ata duhet ta dëgjojnë publikun. Çdo qeveri duhet ta bëjë këtë.

Zëri i Amerikës:
Publiku, pra protestuesit në këtë radhë, partitë opozitare dhe shoqëria civile kërkojnë shkarkimin e ministrit për komunitete dhe kthim, Aleksandër Jablanoviq, i cili pati një qëndrim ofendues ndaj protestuesve në Gjakovë. Si duhet të zgjidhet kjo situatë? A duhet të shkojë ministri Jablanoviç?

Tracey Jacobson:
Pikë së pari, mund të thoni se ministri Jablanoviq apo Trepça ishin arsyeja paraprake apo preteksti, por nuk mendoj se ky është i gjithë rrëfimi. Mendoj se ka shumë njerëz që janë ndjerë të frustruar para së gjithash me gjashtë muaj mosveprimi gjatë procesit të ngritjes së qeverisë dhe ka njerëz që besojnë sikurse unë, se zhvillimi ekonomik, krijimi i vendeve të punës, lufta kundër korrupsionit dhe përmirësimi i sundimit të ligjit, janë gjera që duhet të lëvizin shumë më shpejtë. Nuk do të thosha që këto protesta janë vetëm për Jablanoviqin. Unë do të thosha se deklarata e tij ishte e pamatur dhe fyese për shumë njerëz. Unë e vlerësoj fyese. Kërkim falja e parë nuk ishte e mire dhe pastaj ai kërkoi falje me të vërtetë. Por, ministri Jablanoviq është emëruar nga qeveria, është votuar në Parlament. Ky është një proces demokratik dhe ai mund të largohet nëpërmjet një procesi në qeveri. Ky është vendim që duhet të merret nga qeveria. Nuk besoj që ndonjë qeveri merr vendime për personelin në bazë të protestave në rrugë ku njerëzit hedhin gurë.

Zëri i Amerikës:
Por a ka kjo qeveri një fuqi të tillë që të shkarkojë ministrin Jablanoviq duke pasur parasysh që Lista serbe mund të kushtëzojë pjesëmarrjen në parlament dhe kjo mund të çojë në krizë politike?

Tracey Jacobson:
Nuk dua të përfshihem në situata hipotetike. Mendoj se koalicioni qeverisës po qëndron dhe ende po punon. Ata po komunikojnë dhe kanë shumicën në parlament, bazuar në zgjedhjet demokratike të vitit të kaluar. Tani kemi qeverinë e partive fituese që u jep njëfarë fuqie. Por, sa u përket çështjeve të brendshme të personelit, janë çështje të tyre të brendshme.

Zëri i Amerikës:
Trepça ishte shkaku i dytë për protestat. Opozita akuzon qeverinë se u zmbraps para trysnisë që erdhi nga Beogradi për Trepçën. Ju ishit e përfshirë në debatet rreth kësaj çështjeje, Si e shihni këtë proces?

Tracey Jacobson:
Ajo që qeveria u përpoq të bëjë ishte shmangia e likuidimit të Trepçës. Dhe kjo ndodhi për shkak të vendimit te Dhomës së posaçme të Gjykatës së lartë e cila tha që nëse Trepça nuk riorganizohet nga Agjencia e Privatizimit të Kosovës deri më 2 shkurt, ajo do të likuidohet, që do te ishte përfundimi më i keq për të gjithë. Me fjalë të tjera, ajo do të falimentonte, punëtorët nuk do të kishin punë dhe paga. Prandaj, qeveria u përpoq të gjejë rrugë për të shmangur një skenar të tillë. Një nga idetë ishte shtetëzimi, që u paraqit në parlament dhe pastaj u tërhoq. Unë mendoj se shtetëzimi është ide e keqe. Pikë së pari do të vinte buxhetin e qeverisë para pretendimeve të kreditorëve, përfshirë ata nga Serbia dhe Greqia që mund të arrinin në 1 miliardë e 400 milionë dollarë. Ne e dimë që buxheti i qeverisë është nën trysni dhe qartazi nuk ka mundësi që taksapaguesit e Kosovës të paguajnë një borxh të tillë. Së dyti, shtetëzimi i një ndërmarrje të rëndësishme si Trepça, do të dërgonte një sinjal rrëqethës tek investitorët për drejtimin e ekonomisë së Kosovës. Ekonomia e Kosovës është e orientuar në rrugën evropiane, në ekonominë e tregut, rritjen ekonomike të udhëhequr nga sektori privat. Dhe kthimi në komunizëm apo socializëm jo vetëm nuk do të ndihmonte Trepçën, por as nuk do të tërhiqte investimet për të cilat ka nevojë Trepça për të aktivizuar tërë mundësitë e saj. Mendoj se investuesit tashmë janë të frikësuar nga zhvillimet e së shtunës dhe të martës. Mendoj se vendimet ekonomike duhet të merren asisoj që të nxisin në vend që të shkurajojnë investuesit.

Zëri i Amerikës:
Ambasadore, Beogradi kërkon që çështja e Trepçës të shtrohet në tryezën e bisedimeve në Bruksel që pritet të vazhdojnë me 9 shkurt, ndërsa në Prishtinë ka reagime kundër një mundësie të tillë. Si mendoni ju a mund të jetë Trepça pjesë e këtyre bisedimeve?

Tracey Jacobson:
Dialogu është vendosur duke u lehtësuar nga Bashkimi Evropian, por çështjet mund të vihen në rend dite nëse pajtohen të dyja palët. Kjo qartazi nuk ndodhë sa i përket Trepçës. Sa i përket bisedimeve, kemi një takim tjetër më 9 shkurt, që do të jetë i pari në pothuaj një vit. Shpresoj të shohim përparim. Ka shumë gjera në pritje nga marrëveshja e prillit të vitit 2013. Palët ishin afër marrëveshjes për drejtësinë para një viti, por nuk e përmbyllën. Janë edhe çështjet e energjisë, telekomunikimeve, sigurimeve. Këto janë të gjitha gjëra të rëndësishme që duhet të zgjidhen dhe mund të zgjidhen nëse të dyja palët ulen në tryezë të gatshëm që të punojnë shumë, të dëshmojnë fleksibilitet maksimal dhe të ecin përpara. Do doja të shihja përmbylljen e këtyre çështjeve para se të hidhen gjëra të reja në tryezë, sepse do të ishte mirë të ketë rrëfime suksesi nga bisedimet, posaçërisht kur kemi një lehtësues të ri, përfaqësuesen e re të lartë të BE-së.

Zëri i Amerikës:
Por jo Trepça?

Tracey Jacobson:
Trepça me sa e di unë nuk është në tryezën e bisedimeve më 9 shkurt, sepse, siç thashë, ata duhet të përfundojnë çështjet që janë në rendin e ditës për të cilën tashmë janë pajtuar dhe nuk ka marrëveshje për asnjë çështje të re në bisedime dhe mendoj se përqendrimi duhet të jetë në përfundimin e punës së filluar.

Zëri i Amerikës:
Zonja ambasadore, janë paralajmëruar protesta të reja nga lëvizja Vetëvendosje dhe partitë tjera opozitare. Nesër janë paralajmëruar greva njëditëshe në shëndetësi, në arsim, pra ka një grumbullim problemesh përballë qeverisë. Çfarë duhet te jetë qasja e qeverisë por edhe opozitës në këtë situatë?

Tracey Jacobson:
Është me rëndësi gjithmonë që qeveria dhe opozita te kenë dialog mes vete. Nuk jam e sigurt që kjo po ndodhë. Por, unë i trimëroi të dyja palët që të ulen, të bisedojnë dhe të zgjidhin dallimet. Protestat janë rrugë e mire për qytetarët që të përfshihen dhe të ngritin shqetësimet, por, në fund të fundit, politika bëhet në institucionet e Kosovës, jo në rrugë. Ata duhet të takohen në kuadër të kushtetutës dhe institucioneve të Kosovës. Sa i përket protestës së javës së ardhshme, do t’u bëjë thirrje të gjithë organizatorëve që të marrin të gjitha masat për të shmangur dhunën dhe kjo përfshinë dërgimin e mesazheve të qarta tek pjesëmarrësit se ata nuk e pranojnë dhunën, të distancohen nga dhuna dhe dëmet që kanë ndodhur në dy protestat paraprake. Shpresoj se do të shohim protestë paqësore, që nuk frikëson banorët e Prishtinës dhe nuk dërgon mesazhe të këqija për Kosovën si shtet bashkëkohor në pjesën tjetër të botës.

Zëri i Amerikës:
Ju jeni takuar me zotin Ramush Haradinaj, a keni marrë siguri për një gjë të tillë?

Tracey Jacobson:
Ne kishim një takim shumë te mirë. Nuk i diskutoj hollësitë e takimeve të mia private diplomatike, por sigurisht që i kam bërë thirrje që të jetë më i qartë për faktin që partia e tij nuk pranon dhunën. Ai foli për dhunën e policisë, por jo për dhunën nga protestuesit. Ai tha se do të jetë më i qartë për këtë në të ardhmen. Ndava me të po ashtu vlerësimet tona se policia është sjellë në mënyrë të përshtatshme. Ka pasur disa gabime nga individë të policisë, por inspektorati policor i Kosovës dhe EULEX-i po shohin pamjet dhe nëse vërtetohet se policët kanë përdorur forcë të tepruar apo që kanë vepruar në mënyrë të papërshtatshme, do të përballen me procesin e zakonshëm disiplinor. Mendoj që është me rëndësi për të gjithë udhëheqësit politik, që të bëjnë thirrje për qetësi dhe të refuzojnë dhunën. Nëse duan që mesazhet e tyre të dëgjohen, kjo do të ndodhë më mirë në protestë paqësore. Kemi pasur protesta të mëdha që kanë çuar në ndryshime, po mendoj, në vendin tim për të drejtat qytetare në vitin 1964, Mahatma Gandhi në Indi, ishin protesta paqësore dhe këto janë ato lloj protesta ku ankesat mund të zgjidhen në dialog politik.

Zëri i Amerikës:
Organizatori kryesor është lëvizja Vetëvendosje dhe zoti Albin Kurti. Pse nuk takoheni me të, të bisedoni me të dhe t’i bëni edhe atij të njëjtat kërkesa?

Tracey Jacobson:
Nuk jam takuar me zotin Kurti për arsyet e njëjta që i kam shpjeguar shumë herë dhe kjo për shkak së po pres që Vetëvendosje të heq dorë nga dhuna si taktikë. Jo vetëm dhunës që ka ndodhur në qershor të vitit 2013 ndaj disa deputetëve të parlamentit dhe disa vëzhguesve ndërkombëtarë, por dhunës në përgjithësi. Qartazi nuk kam dëgjuar askënd nga Vetëvendosja të jetë distancuar nga dhuna që ndodhi të shtunën apo të martën. Ishte një grup prej 200-300 vetash. Nuk e di me kë janë të lidhur apo nga kush marrin urdhra. Por, mendoj se është me rëndësi që organizatorët ta distancojnë veten nga veprimet e tilla. Ne kemi parë se për dallim nga e shtuan, të martën kishim shumë më pak protestues. Grupet e shoqërisë civile vendosën që nuk duan të përfshihen në organizimin e tyre. Po ashtu edhe sindikatat e minatorëve nuk ishin atje, pavarësisht se Trepça ishte një nga pretekstet për protestë. Mendoj se kjo është njëfarë shenje se njerëzit nuk duan të jenë të njëjtësohen me dhunën.

Zëri i Amerikës:
Sido qoftë, është thënë shpesh edhe nga personalitete politike në botë është thënë se qeveria është përgjegjëse meqë ajo ka edhe autoritetin edhe përgjegjësinë. Çfarë duhet të bëjë qeveria në afat të shkurtër për të shtendosur situatën në Kosovë?

Tracey Jacobson:
Gjithmonë pas një zhvillmi si këto të fundit ka një raport që shërbimet e sigurisë e bëjnë, policia e bën për të parë nëse janë nxjerrë mësimet. Marr vesh që qeveria po i zgjatë dorën opozitës. Nuk jam e sigurt nëse ka dalë gjë nga kjo, por ata duhet ta bëjnë këtë. Sigurisht unë i kam nxitur të dy, zotin Mustafa dhe zotin Haradinaj dje që të angazhohen në dialog brenda institucioneve. Dhe, siç thashë, çdo qeveri duhet të jetë e gatshme të punojë me publikun. Nga ajo çfarë kamë parë ditëve të fundit nga paraqitjet e qeverisë në intervista në televizione, mendoj se ata po përpiqen të angazhohen më shumë në mënyrë të drejtpërdrejtë me qytetarët.

[Llapi]

Thaçi: Do ta ndihmojmë opozitën të dalë nga kjo situatë

Zëvendëskryeministri i Kosovës, Hashim Thaçi, ka thënë se organizatorëve të protestave më së paku u ka interesuar Aleksandar Jabllanoviq. Sipas tij, protestat janë bërë për agjendat e tyre politike.

I pyetur për deklaratën e kreut të AAK-së, Ramush Haradinaj, se zgjedhjet do të mbahen në qershor, ai tha se “Nisma e AAK janë futur në këtë lojë e mezi po presin të dalin”.
“Unë e vlerësoj përkushtimin e mëhershëm të opozitës për vendin. Do t’i ndihmojmë që të dalin nga kjo situatë se nuk e kanë paramenduar këtë. Mesazhi për spektrin politik është të investojmë për shtetin e ta ruajmë unitetin politik dhe qytetar, se çdo gur mbi policinë e institucionet e dëmton shtetin. Nuk përfiton opozita nga gurët, se kështu edhe më pak vota do të marrin”, ka thënë Thaçi në një intervistë për RTV21.
Sipas tij, Haradinaj ia ka qëlluar për zgjedhjet, por jo edhe vitin.
“Sepse, zgjedhjet do të mbahen në vitin 2018”, ka thënë Thaçi.
I pyetur se a do të shkarkohet Jabllanoviqi apo se do të japë dorëheqje para dorëheqjes së ardhshme, zëvendëskryeministri i Kosovës tha: “Do të punojmë në bazë të Kushtetutës. Lista Serbe është në institucione për shkak të Kushtetutës. Kryeministri Isa Mustafa do t’i merr vendimet në përputhshmëri me Kushtetutën dhe ligjet në fuqi”.

[Llapi]

Më 2007 Ilir Deda fajësonte Vetëvendosjen për protestat e mbronte policët


GazetaExpress E enjte, 29 Janar 2015 16:49

Deputeti aktual i Vetëvendosjes, Ilir Deda, kishte hartuar një raport për një organizatë joqeveritare, për protestën e Vetëvendosjes të vitit 2007.

Në atë kohë, Deda thoshte se Vetëvendosje tentonte të hynte në ndërtesën e Qeverisë.

“Më 10 shkurt, Vetëvendosje mbajti protestë kundër planit, ekipit negociator të Kosovës, UNMIK-ut dhe Zyrës së paraparë Civile Ndërkombëtare, me synim qëllimisht të dhunshëm. Mijëra protestues sulmuan policinë dhe u përpoqën të hyjnë në ndërtesën e qeverisë”, kishte shkruar Deda.

Por, cili është qëndrimi i sotëm i Ilir Dedës për protestat e dhunshme të Vetëvendosjes.

Ai ka thënë se tash Partia e Albin Kurtit s’kishte qëllim të hyjë në ndërtesën e Qeverisë.

“Policia u tregua e dhunshme. Nuk ishte plani për hyrje në Qeveri”, ka thënë Deda.

Ilir Deda pasi dështoi në Partinë FER hyri si Këshilltar i Presidentes për t’u rikthyer në KIPRED e pastaj përsëri vendosi të merrej me politik, duke hyrë në Lëvizjen Vetëvendosje.

Kur kishte hyrë Deda në Vetëvendosje, Avni Zogiani kishte thënë se asnjëherë s’ishte pajtuar me njerëzit që kishin mbrojtur policët në protestën e Vetëvendosjes më 2007.

“Unë kurrë skam me u pajtu me njerëzit që kur janë vrarë protestuesit më 10 shkurt, kanë mbrojtur policët, e jo protestuesit!”, shkruan Zogiani në Facebook.

Vetëvendosje më herët kishte krahasuar lëshuar akuza të rënda në drejtim të Ilir Dedës, duke shkruar se si kishte urrejtje patologjike ndaj Partisë së Albin Kurtit.

“Asgjë nuk është UNMIK-u, çka është KIPRED-i”, është një koment i Vetëvendosjes i botuar më 9 shkurt të viti 2009 në traktin e tyre politik, trakt që rëndom ia botonte edhe gazeta Express.

“Në raportin e saj për vitin 2008, sa i përket Kosovës Freedom House është mbështetur mbi raportin e OJQ'së kosovare KIPRED, raportin e OJQ-së kosovare KIPRED, gjegjësisht punëtorit të kësaj organizate, Ilir Deda. Kur vjen puna te trajtimi i demonstratës dhe ngjarjeve të 10 shkurtit, raporti është përplot urrejtje patologjike për VETËVENDOSJE!-n dhe i ngarkuar me paragjykime të poshtra, akuza të paqëndrueshme dhe shpifje të padurueshme, të cilat shkojnë shumë më larg se po t'i marrim së bashku akuzat e UNMIK-ut, Tina Kaidanow-it dhe qeverisë së Ulpiana Lamës”, thuhet në këtë koment të lëvizjes.

“Ky farë Ilir Deda ka shkruar sikur të kishte një nevojë të sëmurë për t'iu treguar atyre që dëshiron t'u dëshmohet, se VETËVENDOSJE!-a është shumë më kriminale se që mendon UNMIK-u dhe pushteti”, konstatonte Vetëvendosje.

Vetëvendosje në këtë koment sjell fragmente nga raporti i Ilir Dedës dhe thotë se ai është edhe më i keq se Maurico Salustron, gjykatësin e rastit kundër Albin Kurtit, që më vonë u bë edhe më i famshëm me hetimet e tij penale në rastet e krimeve të luftës.

“Kësi shpifje tendencioze, në funksion të krijimit të klimës së përshtatshme për arsyetimin e krimit të UNMIK-ut, nuk ka bërë madje as gjykatësi i procesit të montuar, të turpshëm e të dështuar politiko-gjyqësor kundër Albin Kurtit, Mauricio Salustro. Mbase me të mund të matet vetëm poshtërsia e deklaratave të Fazli Balajt, të cilin më vonë UNMIK-u e caktoi si avokat mbrojtës të Albinit!!!”, thotë Vetëvendosja.

Krejt në fund të këtij komenti, Vetëvendosje mendon që e di se pse Ilir Deda e ka bërë një raport në të cilin e sulmon Vetëvendosjen.

“Sepse KIPRED-it i intereson vetëm dhe vetëm një gjë e ndyrë dhe shumë e ndryshme nga të drejtat civile e politike: sahanlëpirja që sjell donacione”, thuhet në komentin e Vetëvendosej që të plotë mund ta lexoni më poshtë.

[Llapi]

FOTO LAJM/ Edhe Presidenti Rugova, kundër qeverisë
29.01.2015 23:40


Edhe Presidenti Rugova, kundër qeverisë

[Llapi]

Ja si e fyen Albin Kurti policin e Kosovës me fjalët: „O majmun…mos ta ndi zanin!”

Protestat 27 janarit janë parë nga kënde dhe pamje të ndryshme nga gazetarë, kamermanë por edhe amatorë të incezimeve. Pamjet dhe fotografitë e shumta kanë pasqyruar gjithë dhunën e shfrenuar të shprehur në këto protesta.

Në këtë video që do të shhnin nga sekonda e 40 –të se si dëgjohet zëri I Albin Kurtit duke iu drejtuar një polici me fjalët: “O majmun…te kane poshtur ty e koleget e tu ….zanin mos ta ndi!”

Dëgjojeni vetë këtë fjalor të Albin Kurtit



https://www.youtube.com/watch?x-yt-t...=85027636#t=56

Albin Kurti i dejtohet policit, eskalon protesta e Vetevendosjes!