Durrës: Arrestohen 4 persona, trafikonin bomba me celularë

[Albo]

Posedonin bomba me celularë, Policia e Durrësit arreston 4 persona. Operacioni është kryer në orët e vona të mbrëmjes së djeshme në kuadër të operacionit “Twix”.Burimet zyrtare bëjnë me dije se të arrestuarit janë shtetasit Febjus Dauti 31 vjeç, lindur në Has dhe banues në Durrës, Dashnor Dumani 30 vjeç, lindur në Dibër dhe banues në Durrës, Asllan Plaku 24 vjeç, lindur dhe banues në Durrës e Bledar Plaku 31 vjeç, lindur dhe banues në Durrës.

Arrestimi i tyre u bë pas një pune 2 mujore, në bashkëpunim me Prokurorinë për Krime e Rënda, pasi ju sekuestruan 3 mina me celular të montuara. Nga të dhënat paraprake dyshohet se personat e lartpërmendur kishin si qëllim shitjen e tyre për vepra të rrezikshme kriminale.

Ndaj të arrestuarve rëndon akuza e trafikimit të lëndëve plasëse. Ndërkaq policia ka sekuestruar në cilësinë e provave materiale një automjet tip ‘Fiat Punto’, 7 telefona celularë, mjetë të tjera për prodhimin e këtyre minave si nastro, tela elektrike dhe kaçavida.

Shqip

[benseven11]

Bombat e famshme qe ngjiten poshte makinave.
Bombat plasin pasi i ke rene numrit te celularit te lidhur me bomben.
Keto jane terroriste dhe per akte te tilla minimumi burgosjes eshte 25 vjet

[SERAFIM DILO]

Mir qe mbajn men numrat e celularit,ne vend te celularit te dashnores i bin gabim numrit te celularit me bombe mbi tavolin.

E çu bo ai vend,as neper filmat e fantashinces nuk na kishte shku nder men ! Prit kur te dali ndonje dite qe Braho i LSI-s eshte Matrix.

[benseven11]

Pjesa me e madhe e krimeve ne Durres Tirane Elbasan
Shkoder dhe Vlore behet nga fshatare te ardhur,dibrane
kosovare,kuksiane,krutane etj qe nuk njohin as rregulla ne qytet,
as shit, as din, as iman
dhe per nje inat fare te vogel kurdisin tritolin poshte makines
ose kallashin.
Policia duhet te fokusohet dhe hetoje vendbanimet e gjithe
dibraneve kuksianeve tropojaneve dhe kosovareve te ardhur nga fshatrat e thella
dhe te gjithe te monitorizohen per te parandaluar krime,pasi te gjithe
jane te rrezikshem me temperament shume gjaknxehte dhe me ego
shume te keqe.Shume krime kane motive hakmarrjeje dhe droge, dhe nje pjese e vogel
jane per sherre te vogla, ose motive shume banale te dobeta.
Durresi dhe Vlora jane kthyer ne shit,eshte krimi dhe armet rrugeve,tritoli cdo jave vihet
ne ndonje makine,tmerr.

[Albo]

Prokuroria kërkon burg për “grupin e C4”, atentate në Krujë e Fushë-Krujë

Prokuroria e Krimeve të Rënda ka kërkuar masën e sigurisë “arrest me burg” për katër personat e dyshuar për kryerjen e veprës penale “trafikimit të lëndëve plasëse, djegëse, helmuese dhe radioaktive”, të cilët u arrestuan në Durrës me 17 janar 2014 pas një hetimi të Prokurorisë për Krimeve të Rënda.
Prokuroria kërkon nga Gjykata të vlerësojë si të ligjshëm arrestin në flagrancë për:
1.Dritan (Febjus) Dauti
2.Dashnor Dumani
3.Asllan Plaku
4.Bledar Plaku

Prokuroria sqaron se sipas informacioneve të grumbulluara shtetasi Dritan (Febjus) Dauti në bashkëpunim me shtetas të tjerë dyshohet se ka vendosur edhe herë të tjera lëndë plasëse në zonën e Fushë -Krujës dhe Krujës në objekte të ndryshme.
Febius Dauti dhe 3-4 shokë të tij mund të vendosin eksplozivë me porosi në vende të ndryshme si makina, vende publike apo kudo që të bëhet porosi kundrejt shpërblimit me para.
Sipas informacionit të përftuar, këta shtetas synonin që porositësit e tyre të ishin korrekt në pagesa për kryerjen e veprimeve të tyre.
Po ashtu, janë siguruar të dhëna se këta shtetas dyshohet se mund ta vendosnin lëndën shpërthyese edhe duke e telekomanduar shpërthimin nga distanca.
Në vijim të hetimit ka rezultuar se: “Në datë 17.01.2015 në orën 16.20 në autostradën Durrës-Tiranë, në zonën në afërsi të mbikalimit për këmbësor në Shën Vlash, u konstatuan shtetasi Fabjus ( Dritan) Dauti, një person tjetër rreth moshës 30 vjec, i cili mbante në dorë një qese të kuqe.
Në këto moment kanë ndërhyrë oficerët e policisë, të cilët kapën në duart e tij tre kallëpe, në trajtë cilindrike, me përmasa të ndryshme, të mbështjellë me natriban të zi, me dy fije të dala nga pjesa e trupit. Këto material dyshohet se janë lëndë shpërthyese e llojit eksploziv C4.
Në momentet e këmbimit të lëndës plasëse kanë qenë të pranishëm dhe janë kapur nga policia edhe shtetasit e dyshuar Dashnor Dumani, Bledar Plaku e Asllan Plaku” përfundon Prokuroria në kërkesën drejtuar gjykatës.

ORA NEWS

[Albo]

Pazaret për vendosjen e eksplozivëve: 3 mijë euro makinës, 5 mijë policisë

Dëshmia – “Unë së bashku me 3-4 shokë vendosim lëndë eksplozive me porosi. Eksplozivin e vendosim në makina, komisariate policie, shtylla tensioni, ku të jetë porosia, por kjo bëhet kundrejt shpërblimit”
Pagesat – “Pjesa e shpërblimit me para duhet të jetë korrekte. Por ka persona të tjerë që kanë porositur vendosje tritoli dhe më kanë sërish borxh 16 mijë euro”, tregon Dauti në bisedat telefonike të përgjuara

Dosja

Zbardhen përgjimet mes 4 të arrestuarve dhe agjentit të infiltruar: Ji korrekt në pagesë, tritol edhe shtyllave!

Sokol Çobo

Përgjimet mes katër të arrestuarve dhe një agjenti të infiltruar kanë zbardhur pazaret që bëhen rëndom për vendosjen e eksplozivëve, në banesa, automjete, shtyllave të tensionit të lartë apo edhe vetë komisariateve të policisë. Këto lloj atentatesh, që nuk lënë gjurmë për policinë, kanë nisur kohë më parë në Shqipëri, madje edhe ndryshimit të regjimit, ku shumë banesa janë shkrumbuar nga sasitë e mëdha të tritolit. Por, që nga shtatori i vitit 2011, opinioni do të njihej me një “modë” krejtësisht të re, ku zyrtarë të lartë shtetërorë ekzekutoheshin në qendër të qytetit, ku automjeti me të cilin udhëtonin shpërthente në ecje. Skenat ngjasojnë me atentatet e mafies siciliane, ndërsa viktimë ka mbetur gjyqtari Skerdilajd Konomi, një ngjarje e pazbardhur. Më pas do të vinin disa shpërthime të frikshme në Tiranë, Durrës apo sërish në Vlorë, ku shumë vetë kanë mbetur të gjymtuar. Megjithatë, një ndër qytetet më problematike për të tilla shpërthime me eksploziv, është edhe Fushë-Kruja. Në këtë qytet janë goditur pothuajse të gjitha institucionet, Policia, Bashkia apo Spitali, ndërsa shumë biznese janë prishur. Drejtësia ka filluar të veprojë, në mungesë të provave të lëna në këto ngjarje kriminale, duke mbajtur në vëzhgim grupet që trafikonin këto lëndë shpërthyese. Një agjent i infiltruar ka arritur të zbardhë edhe mekanizmin sesi vepronin këto grupe, të cilat sipas përgjimeve që disponon Prokuroria e Krimeve të Rënda, shikohet se ata e kishin mjaft të lehtë të vendosin lëndë eksplozive atje ku i vinte “porosia”. Ata i thonë agjentit të infiltruar se mjafton të jetë korrekt me pagesën dhe porosia do të kryhet pa më të voglin problem.

Pazaret për atentatet

Prokuroria thotë se grupi kishte vendosur edhe pagesat fikse për ngjarjet kriminale. Për një shpërthim në banesë, grupi merrte 3 mijë euro, ndërsa për një sulm ndaj policisë kërkonte 5 mijë euro. Akuza thotë se çmimet varionin nga 3-5 mijë euro, kryesisht për prishjen e rendit publik, pa pasoja në jetë. Ndërkohë, kishte çmime edhe për sasitë e eksplozivit që tregtonin.

Ditën e djeshme, në Gjykatën e Krimeve të Rënda, dolën për tu njohur me masën e sigurisë katër të arrestuarit e para disa ditëve në qytetin e Durrësit. Ata janë katër të rinj, që janë futur në “kurth” nga agjenti i infiltruar. Në pranga përfunduan Dritan (Febjus) Dauti, Dashnor Dumani, Asllan Plaku dhe Bledar Plaku. Sipas dosjes së prokurorisë, me ndihmën e agjentit të policisë është regjistruar biseda mes agjentit të infiltruar dhe Dritan Dautit, i cili rendit të gjithë “menynë” e shërbimeve që ai dhe tre shokët e tij ofronin kundrejt pagesës. Dauti i tregon qetësisht “bëmat” e tij, se ka vënë eksploziv në makina, ambiente të komisariateve, apartamente apo shtylla të tensionit të lartë elektrik, kundrejt pagesave të ndryshme. Madje në një moment, ai është përgjuar kur i thotë agjentit të infiltruar se për shkak të punës që ka kryer me shokët e tij, porositësit i kanë ende borxh 16 mijë euro. Dauti kërkon nga agjenti i policisë që të jetë korrekt me pagesat, pasi gjithçka kryhet! Pas kësaj bisede, agjenti i infiltruar ka porositur disa aparate telefoni të lidhur me eksploziv dhe në momentin e shkëmbimit të mallit ka ndërhyrë policia. Ndërkohë, pas leximit të aktakuzës nga prokurori Përparim Kulluri, Gjykata e Krimeve të Rënda ka caktuar masën e sigurisë “arrest me burg” deri në përfundim të hetimeve. Para gjykatës, të dyshuarit mohuan akuzat, duke kërkuar lirimin nga qelia. Sipas akuzës, të katër të dyshuarit e arrestuar akuzohen se kanë konsumuar veprën penale të “akteve terroriste” në bashkëpunim.

Shpërthime në distancë

Sipas akuzës, Dritan Dauti, në bashkëpunim me disa persona të tjerë ka vendosur edhe herë të tjera lëndë plasëse në zonën e Fushë–Krujës dhe Krujës në objekte të ndryshme. “Këta persona u arrestuan në flagrancë nga ana e forcave të Policisë së Shtetit në zonën e Shën Vlashit, në Durrës, pas një hetimi nën drejtimin e Prokurorisë për Krime të Rënda, në datën 17 janar 2015. Hetimi ka nisur në bazë të informacioneve të siguruara nga ana e Policisë së Shtetit”, thuhet në dosjen e akuzës. Sipas saj, janë siguruar informacione se shtetasi që njihet me emrin Dritan (Febius) Dauti lindur në Golaj, Has dhe banues në Durrës, kryen aktivitet të kundërligjshëm të kryerjes së “vepra me qëllime terroriste” dhe “mbajtje pa leje e armëve dhe municioneve luftarake”. “Dritan Dauti në bashkëpunim me shtetas të tjerë dyshohet se ka vendosur edhe herë të tjera lëndë plasëse në zonën e Fushë–Krujës dhe Krujës në objekte të ndryshme. Ky shtetas ka ndërruar emrin nga Dritan në Febius. Pas regjistrimit të procedimit penal nga ana e prokurorisë, në bashkëpunim me policinë është vijuar hetimi për personat e dyshuar si të përfshirë në këtë veprimtari kriminale.

Nga ana e Policisë Gjyqësore është bërë i mundur sigurimi i informacionit, në bazë të të cilit Febius Dauti dhe 3-4 shokë të tij mund të vendosin eksplozivë me porosi në vende të ndryshme si makina, vende publike apo kudo që të bëhet porosi kundrejt shpërblimit me para. Sipas informacionit të përftuar, këta shtetas synonin që porositësit e tyre të ishin korrekt në pagesa për kryerjen e veprimeve të tyre” thuhet në dosje. Prokuroria pohon se janë siguruar të dhëna se ky grup dyshohet se mund ta vendosnin lëndën shpërthyese edhe duke e telekomanduar shpërthimin nga distanca.

Arrestimi

Prokuroria thotë se në datë 17 janar 2015 në orën 16.20 në autostradën Durrës-Tiranë, në zonën në afërsi të mbikalimit për këmbësor në Shën Vlash, u konstatuan Fabjus (Dritan) Dauti, një person tjetër rreth moshës 30 vjeç, i cili mbante në dorë një qese të kuqe. Në këto moment kanë ndërhyrë oficerët e policisë, të cilët kapën në duart e tij tre kallëpe, në trajtë cilindrike, me përmasa të ndryshme, të mbështjellë me natriban të zi, me dy fije të dala nga pjesa e trupit. Këto material dyshohet se janë lëndë shpërthyese e llojit eksploziv C4. Në momentet e këmbimit të lëndës plasëse kanë qenë të pranishëm dhe janë kapur nga policia edhe shtetasit e dyshuar Dashnor Dumani, Bledar Plaku e Asllan Plaku. Sa më sipër është kryer arrestimi në flagrancë i shtetasve, si persona të dyshuar për kryerjen e veprës penale të “trafikimit të lëndëve plasëse, djegëse, helmuese dhe radioaktive”.

Shqip

[Wordless]

Bombat e famshme qe ngjiten poshte makinave.
Bombat plasin pasi i ke rene numrit te celularit te lidhur me bomben.
Keto jane terroriste dhe per akte te tilla minimumi burgosjes eshte 25 vjet

Këto bomba në pamjet që ka sjellë Albo nuk ngjisin asgjëkundi sepse nuk e kanë piastrën magnetizuese të instaluar.. ato veç po i fute në skapamento ose po ja dhe në dorë atijë që don të vrasësh se ndryshe nuk bëjnë punë

[iliria e para]

Këto bomba në pamjet që ka sjellë Albo nuk ngjisin asgjëkundi sepse nuk e kanë piastrën magnetizuese të instaluar.. ato veç po i fute në skapamento ose po ja dhe në dorë atijë që don të vrasësh se ndryshe nuk bëjnë punë

Na dole dhe ekspert .