Bushat-diplomacia: OSBE i ofron drejtimin e komitetit, ministri Bushati e refuzon

[Albo]

Bushati refuzoi drejtimin e Komitetit Ekonomik të OSBE, PD e PS e kritikojnë



Tiranë-Në unison, mazhoranca dhe opozita në Komisionin e Jashtëm, kanë kritikuar vendimarrjen e kryediplomatit, Ditmir Bushati, për të refuzuar drejtimin e Komitetit Ekonomik të OSBE-së për vitin 2015.
Deputeti Aldo Bumçi, deklaroi se vendimi godet raportet me OSBE.
“Drejtimi i Komitetit nga Shqipëria është refuzuar nga Ministri i Jashtëm. Kjo është jashtëzakonisht e rëndë, janë të pakuptueshme arsyet që kanë çuar Ministrin në këtë refuzim që do i jepte Shqipërisë një peshë dhe rol shumë të madh në këtë moment zhvillimesh të mëdha në Ukrainë, ku Serbia merr drejtimin e OSBE. Dhe duam të kërkojmë sqarim se për çfarë arsyeje Ministri i Jashtëm ka refuzuar drejtimin e një nga tre Komiteteve më të rëndësishme të OSBE”tha Bumçi.
Edhe kryetarja e Komisionit Arta Dade, sqaroi se nga Organizata ka pasur shqetësim.
“ Ministri nuk më ka konsultuar, por shqetësimet e OSBE i kam avancuar pranë Ministrit. Kam qenë e mendimit që Shqipëria mirë do të ishte ta merrte këtë kryesim. Pasi duke qenë në drejtim qoftë dhe të Komisionit në Çështjet Ekonomike ne kemi një rol për të luajtur gjatë Presidencës së Serbisë. Arsyet pse mund të jetë refuzuar kjo mund të jetë dhe fakti se Shqipëria ka kërkuar të drejtojë Komitetin për Çështje të Sigurisë” deklaroi Dade.
Në mbledhjen e parë, Komisioni ra dakord për të marrë në shqyrtim në fillim të muajit shkurt ligjin e ri për shërbimin e jashtëm, për të cilin PD e PS do të punojnë bashkë.

ORA NEWS

[Albo]

Ministri Bushati nuk i jep sqarime njeriu, ai i jep sqarime vetem Partise e shokut Rama.

Bravo Bushat, ua tregove vendin imperialisteve evropiane e amerikane!

Shoku Rama, jepi nje medalje Bushat-diplomacise!

Albo

[SERAFIM DILO]

Nga ana teorike nuk ka faj se ka ndjekur vetem direktivat e partise,qe jane direktiva shpellaresh.

Nga ana praktike,do ta "haj" do ta detyrojne te japi dorheqjen.(U sakrifikua per partin).Edhe per nje minister te jashtem eshte nje dilentantizem gomarllik.


Te gjithe tek Kristali ne ate vend dipllomohen e mbrojne doktoraturat !Ore po nuk pam nje politikan te zgjuar,sikur i zgjedhin budallenjt me kokrra.

[BOKE]

Bushati refuzon OSBE nga inati me ambasadorin Koçi.

Ministria: Prapaskenat e mos pranimit të komitetit

Ministri i Punëve të Jashtme, Ditmir Bushati, ka refuzuar kërkesën e OSBE­së për të marrë drejtimin e një prej komiteteve më të rëndësishme të kësaj organizate, dhe kjo për shkak të inatit me ambasadorin shqiptar në OSBE, Spiro Koçi.
Burime nga Ministria e Jashtme bënë me dije se më datë 25 shtator, Këshilli i përhershëm i OSBE­së, i ka propozuar ambasadorit të Shqipërisë në OSBE, Spiro Koçi, që të marrë kryesimin e Komitetit për Çështjet Ekonomike, Sociale dhe Ambientale në OSBE. Në total, OSBE ka tri komitete, ai për Çështjet e Sigurisë, ai për Çështjet e të Drejtave të Njeriut dhe Komiteti për Çështjet Ekonomike e Sociale. Vendit tonë i është ofruar që të marrë drejtimin e njërit prej tri komiteteve, duke i dhënë mundësinë që Shqipëria të luajë një rol më aktiv dhe më balancues në rajon gjatë presidencës serbe të OSBE­së. Kërkesa e OSBE­së është përcjellë zyrtarisht nga ambasadori Koçi te ministri i Jashtëm. Ky i fundit mësohet se që prej shtatorit të vitit 2014 ka zvarritur përgjigjen ndaj ftesës së OSBE­së. Po ashtu, mësohet se për shkak të konflikteve me ambasadorin tonë në misionin e përhershëm në Vjenë, Ditmir Bushati, ka marrë vendimin për të refuzuar kërkesën për të drejtuar Komitetin për Çështjet Ekonomike dhe Sociale, pasi drejtimi i tij do të realizohej nga ambasadori Spiro Koçi. Me këtë refuzim ministri i Jashtëm e ka lënë Shqipërinë të papërfaqësuar në OSBE në nivele drejtuese të kësaj organizate.

Ministria e Jashtme, prapaskenat e refuzimit te komitetit ne OSBE Burime nga Ministria e Puneve te Jashtme, tregojne prapaskenat e refuzimit te komitetit ne OSBE. “OSBE­ja ka tri komitete, një për çështjet e sigurisë, atë për të drejtat e njeriut dhe ai për çështjet ekonomike, sociale dhe mjedisore. Ne si ministri kemi kërkuar që të marrim drejtimin e një prej dy të parave, duke marrë parasysh edhe eksperiencat tona, kontributin tonë në këto dy komitete si dhe objektivat tona kombetare. Por na është ofruar vetëm drejtimi i Komitetit të Çështjeve Ekonomike. Propozimi na ka ardhur direkt nga vetë organizata e OSBE­së.”

Panorama

[Albo]

Bushati pranon skandalin me OSBE, PD: Të shkarkohet



Partia Demokratike kërkoi dje dorëheqjen ose shkarkimin e ministrit të Jashtëm Ditmir Bushati, ndërsa Ministria e Jashtme pranoi se ka refuzuar drejtimin nga ana e Shqipërisë të Komitetit të Çështjeve Ekonomike në OSBE.

Deputeti demokrat, Aldo Bumçi, e ka cilësuar këtë refuzim një akt të paprecedentë. “Ministri i Jashtëm ka refuzuar kryesimin nga Shqipëria të një prej tri komiteteve të OSBE, duke kryer një akt të paprecedentë në historinë e diplomacisë sonë. Duke refuzuar drejtimin e Komitetit, ka humbur një shans unik për të balancuar presidencën serbe të OSBE-së dhe për të rritur rolin ndërkombëtar në këtë kohë zhvillimesh të rëndësishme në Europë. Njeriu që duhet të promovojë interesin e vendit ka dalë kundër tij. Mjafton ky skandal, që ministri i Jashtëm Bushati të japë dorëheqjen ose të shkarkohet pa vonesë”, tha Bumçi gjatë një konference për shtyp nga selia blu.

PROPOZIMI
Deputeti demokrat, ishministër i Jashtëm, ka treguar të gjitha procedurat që janë bërë nga partnerët ndërkombëtarë të Shqipërisë në OSBE. “Kërkesa që Shqipëria të drejtonte një nga tri komitetet e OSBE-së ka ardhur nga partnerët tanë më të rëndësishëm në kuadër të OSBE-së, SHBA, Gjermani etj. Kjo mbështetje ndërkombëtare duhet të siguronte miratimin e të gjithë vendeve anëtare të OSBE-së, duke përfshirë Presidencën serbe që të pranonin që Shqipëria të drejtonte një nga tri komitetet”, u shpreh Bumçi. Por sipas deputetit demokrat, kur gjithçka ishte përgatitur nga partnerët ndërkombëtare, Ministria e Jashtme shqiptare e ka refuzuar drejtimin e Komitetit. “Ndërsa ky proces është kurorëzuar me sukses dhe kërkesa zyrtare ka ardhur nga OSBE-ja që Shqipëria të kryesojë një nga tri komitetet, nga Ministria jonë e Jashtme ka ardhur refuzimi. Me gjithë lobimin e partnerëve për të bindur ministrin tonë të jashtëm, Bushati, ai ka refuzuar duke u justifikuar me mungesë burimesh njerëzore dhe fondesh. Këmbëngulja e partnerëve tanë ka habitur, madje janë shokuar nga refuzimi i ministrit të Jashtëm, ka arritur deri aty sa dhe vetë Sekretari i Përgjithshëm i OSBE-së i ka premtuar ministrit Bushati se do ta mbështeste ai Shqipërinë me burime njerëzore. Por përsëri, ministri Bushati ka refuzuar”, u shpreh Bumçi.


REAGIMI
Ministria e Jashtme ka pranuar skandalin e refuzimit nga ana e saj të propozimit për drejtimin e Komitetit të Ekonomisë në OSBE. Përmes një deklarate të shpërndarë në media dhe jo përmes një deklarate të ministrit Bushati, Ministria e Jashtme justifikohet me faktin se refuzimi ka ardhur sepse kishte kërkuar drejtimin e një tjetër Komiteti dhe jo atij të çështjeve ekonomike. “OSBE-ja ka tri komitete, një për Çështjet e Sigurisë, atë për të Drejtat e Njeriut dhe ai për Çështjet Ekonomike, Sociale dhe Mjedisore. Ne si Ministri kemi kërkuar që të marrim drejtimin e një prej dy të parave, duke marrë parasysh edhe eksperiencat tona, kontributin tonë në këto dy komitete, si dhe objektivat tanë kombëtarë. Por na është ofruar vetëm drejtimi i Komitetit të çështjeve ekonomike. Propozimi na ka ardhur direkt nga vetë organizata e OSBEsë”, thuhet në reagimin e Ministrisë së Jashtme.

SKANDALI
Gazeta “Panorama” publikoi dje faktin se më datë 25 shtator, Këshilli i përhershëm i OSBE-së i ka propozuar ambasadorit të Shqipërisë në OSBE, Spiro Koçi, që të marrë kryesimin e Komitetit për Çështjet Ekonomike, Sociale dhe Ambientale në OSBE. Kërkesa e OSBE-së është përcjellë zyrtarisht nga ambasadori Koçi te ministri i Jashtëm. Ky i fundit mësohet se që prej shtatorit të vitit 2014 ka zvarritur përgjigjen ndaj ftesës së OSBE-së. Po ashtu, mësohet se për shkak të konflikteve me ambasadorin tonë në misionin e përhershëm në Vjenë, Ditmir Bushati, ka marrë vendimin për të refuzuar kërkesën për të drejtuar Komitetin për Çështjet Ekonomike dhe Sociale, pasi drejtimi i tij do të realizohej nga ambasadori Spiro Koçi.


Bushati refuzon OSBE nga inati me ambasadorin Koçi

Ministri i Punëve të Jashtme, Ditmir Bushati, ka refuzuar kërkesën e OSBE-së për të marrë drejtimin e një prej komiteteve më të rëndësishme të kësaj organizate, dhe kjo për shkak të inatit me ambasadorin shqiptar në OSBE, Spiro Koçi.

Burime nga Ministria e Jashtme bënë me dije se më datë 25 shtator, Këshilli i përhershëm i OSBE-së, i ka propozuar ambasadorit të Shqipërisë në OSBE, Spiro Koçi, që të marrë kryesimin e Komitetit për Çështjet Ekonomike, Sociale dhe Ambientale në OSBE. Në total, OSBE ka tri komitete, ai për Çështjet e Sigurisë, ai për Çështjet e të Drejtave të Njeriut dhe Komiteti për Çështjet Ekonomike e Sociale. Vendit tonë i është ofruar që të marrë drejtimin e njërit prej tri komiteteve, duke i dhënë mundësinë që Shqipëria të luajë një rol më aktiv dhe më balancues në rajon gjatë presidencës serbe të OSBE-së. Kërkesa e OSBE-së është përcjellë zyrtarisht nga ambasadori Koçi te ministri i Jashtëm. Ky i fundit mësohet se që prej shtatorit të vitit 2014 ka zvarritur përgjigjen ndaj ftesës së OSBE-së. Po ashtu, mësohet se për shkak të konflikteve me ambasadorin tonë në misionin e përhershëm në Vjenë, Ditmir Bushati, ka marrë vendimin për të refuzuar kërkesën për të drejtuar Komitetin për Çështjet Ekonomike dhe Sociale, pasi drejtimi i tij do të realizohej nga ambasadori Spiro Koçi. Me këtë refuzim ministri i Jashtëm e ka lënë Shqipërinë të papërfaqësuar në OSBE në nivele drejtuese të kësaj organizate.


Sot gjate mbledhjes se komisionit te Jashtem

Kryetarja e Komisionit për Punët e Jashtme Arta Dade ka kritikuar sot ministrin e Jashtëm Ditmir Bushati par faktin që Shqipëria ka refuzuar të drejtojë një komitet në OSBE gjatë presidencës serbe. Në mbledhjen e komisionit kritikës i është bashkuar edhe ish ministri i Jashtëm Aldo Bumçi sipas të cilit ky refuzim është i pafalshëm.

“Prezenca e OSBE ka kërkuar takim institucional edhe me mua. Ministri nuk është konsultuar. Kam qenë e mendimit që Shqipëria duhet ta merrte drejtimin e komitetit. Ne duhet ta diskutojmë në këtë komision edhe për rolin që Shqipëria duhet të luajë gjatë presidencës serbe. Mendoja se do kishte ekuilibër që Shqipëria të drejtonte një komitet. Arsyeja mendoj se ka qenë që Shqiperia donte të drejtonte komitetin për çështjet e sigurisë”, tha kryetarja e komisionit Arta Dade.

Ndërsa deputeti demokrat Aldo Bumçi theksoi se “I është propozuar Shqipërisë të drejtojë një komitet të OSBE. Por ministri i Jashtëm ka refuzuar drejtimin ndërkohë që ajo ju dha për balancë rajonale, pasi Serbia ka marrë presidencën e OSBE. Si mund të refuzohet në një kohë të tillë drejtimi i komitetit kur Serbia merr drejtimin e OSBE”.

Panorama

[SERAFIM DILO]

Ne nje shtet normal duhet te dilte kryeministri ta sqaronte kete lajm.Ka pergjegjsi direkte.
Qe dhe nuk ka shume edhe per tu sqaruar o justifikuar,do mjaftonte nje deklarate e thjeshte:"Na vjen keq per ministrin e jashtem por jane krahe pune te shkuara dem per industrin e minierave"

Edhe nje testim edhe per ministrat do ishte i mirpritur,ne kete rast nuk ka te beje me aftesite profesionale politike se sa me çertifikimin e gjendjes psikofizike te ministrit.

[Albo]

Eh Zot i madh cfare frymoresh mban mbi toke dhe i ben edhe ministra. E refuzoi drejtimin e komisionit per inat te vartesit te tij qe do ta drejtonte kete komision?!

Ruaje o Zot Shqiperine nga budallenjte!

Albo

[Albo]

Turp në diplomacinë shqiptare

Shqetësimet e përditshme të shqiptarëve, nevojat e tyre ekonomike bëjnë që vëmendja më e madhe politike dhe mediatike të përqendrohet në politikën e brendshme dhe jo në atë të jashtme. Mirëpo, kushdo, pa qenë nevoja të jetë ekspert i politikës së jashtme, e kupton që rëndësia e saj është pa dyshim shumë e madhe, jo vetëm në imazh, por në aspektin e një bote ku asnjë shtet nuk mund të funksionojë i vetëm në arenën ndërkombëtare pa bashkëpunimin dhe mbështetjen e të tjerëve. Kjo ndikon edhe në jetën e përditshme të qytetarëve, ashtu si vetë politikat e brendshme. Thënë këtë, kuptohet që një turp i diplomacisë shqiptare është po aq i rëndësishëm sa çdo skandal, ku ministri i Jashtëm ka refuzuar kryesimin nga Shqipëria të një prej tri komiteteve të OSBE, duke na vënë ne në pozitat më inferiore dhe qesharake ndonjëherë në historinë e diplomacisë sonë. Nuk është e konceptueshme që mund të ndodhë një situatë e tillë edhe thjesht në kërkesën për të kryesuar një konferencë ndërkombëtare, një takim shumëpalësh dhe jo më kur fjala është për OSBE. E cila kujtoj që është një organizatë shumë e rëndësishme me kontekstin ndërkombëtar, por edhe në sfidat e nevojat që ka Shqipëria për demokratizimin, për reformën zgjedhore, për monitorimin dhe ndjekjen e proceseve zgjedhore, për lirinë e shtypit, për të drejtat e njeriut etj. Me 57 anëtarë që kanë në fokus: kontrollin e armëve, menaxhimin e kufijve, luftën kundër trafikimit të qenieve njerëzore, luftën kundër terrorizmit, parandalimin dhe zgjidhjen e konflikteve, demokratizimin, aktivitetet ekonomike, arsimin, zgjedhjet, aktivitetet mjedisore, barazinë gjinore, qeverisjen e mirë, të drejtat e njeriut, lirinë e medias dhe zhvillimin, reformën ushtarake dhe bashkëpunimin, të drejtat e minoriteteve, sundimi i ligjit, toleranca dhe jo-diskriminim, OSBE përfaqëson një interes real dhe shumë të madh për shqiptarët dhe Shqipërinë.
Ky akt i turpshëm refuzimi nga Ditmir Bushati e rëndon edhe më shumë situatën, po të sjellim në vëmendje faktin që aktualisht presidencën e OSBE e ka ministri i Jashtëm i Serbisë, Ivica Daçiç. Kryesimi do të sillte një balancim në interesat ballkanikë, sidomos për sa i përket Kosovës dhe shqiptarëve në përgjithësi. Drejtimi i një prej 3 komiteteve do t’i jepte një rol shumë të madh vendit tonë në arenën ndërkombëtare, duke e potencuar atë dhe duke e bërë faktor më të rëndësishëm seç mund të jetë si një anëtare. Kjo edhe për shkak të krizës në Ukrainë, që OSBE do të jetë dhe është një nga organizatat me interesa dhe me punë konkrete në menaxhimin e kësaj gjendjeje. Po ashtu refuzimi rëndonm, sepse në mbështetje të vendit tonë për kryesimin e komitetit kanë qenë partnerët tanë të rëndësishëm, si p.sh. SHBA, Gjermania, të cilët kanë bërë edhe punë lobuese në këtë drejtim. Kjo e nxjerr vendin tonë dy herë zhgënjyes në sytë e tyre.
Arsyeja e paraqitur është po aq e papranueshme sa vetë akti, lidhet me mungesën e burimeve njerëzore dhe fondeve, që ia bëjnë të pamundur marrjen e kryesimit. Është e papranueshme së pari, sepse OSBE ka ofruar mbështetje në këtë drejtim për të lehtësuar Ministrinë tonë të Jashtme. Së dyti sepse aty je si anëtar i barabartë me të tjerët dhe duhet të sillesh në mënyrë të tillë duke pranuar pozicione të caktuara, që nesër të pretendosh të trajtohesh në mënyrë të tillë, pra si i barabartë (apo aq më tepër nëse do të jesh faktor për rajonin), por dhe duke mos e vënë vendin në pozita inferioriteti kundrejt të tjerëve dhe në pozita qesharake kundrejt partnerëve.
Ndërsa së treti, është që kjo arsye bie në kundërshtim me atë që është programi i qeverisë dhe objektivat e vetë Ministrisë së Jashtme, që supozoj që i kanë të mbështetura edhe në burime njerëzore dhe financiare, se ndryshe nuk do të kishte kuptim të ishin në program dhe objektiva për t’u arritur. Në uebsajtin e MPJ gjen një objektiv logjik dhe më se normal për sa i përket OSBE-së, që është: “Oferta jonë për të kryesuar Organizatën në të ardhmen e afërt është shprehje e nivelit të ri të marrëdhënieve me OSBE-në dhe do të përfaqësojë kontributin më të madh që do të japë vendi ynë për çështjet e sigurisë europiane”. Pra, oferta e qeverisë shqiptare dhe ministrit të Jashtëm është të kryesojë OSBE, që do të thotë ka parashikuar edhe burime njerëzore e financiare për këtë ofertë. Ndërsa ka këtë si ofertë nuk pranon ofertën e partnerëve ndërkombëtare që të kryesojë një nga 3 komitetet e OSBE për mungesë fondesh dhe burimesh njerëzore!!!! Paradoksal si arsyetim, paradoksal si justifikim dhe një turp i madh për diplomacinë shqiptare.
Ky turp nuk mendoj se duhet të lihet të kalojë sikur nuk ka ndodhur asgjë, sepse bie në kundërshtim me parimet dhe qëllimet e politikës së jashtme dhe diplomacisë, bie në kundërshtim me interesat e shqiptarëve në kontekstin historik, por dhe për rëndësinë që kanë organizata të tilla si OSBE për të krijuar një rol ndërkombëtar dhe së fundmi bie në kundërshtim me programin dhe premtimet e vetë kësaj qeverie.

INA ZHUPA
*Pedagoge në Universitetin Europian të Tiranës

Panorama

[benseven11]

Bushati nuk eshte i kualifikuar dhe nuk ka kapacitet te drejtoje nje komitet aq te rendesishem
per ceshtjet e ekonomise per gjithe Europen.
Kerkohet qe ai te marre shkolle dhe njohuri me te thella ne fushen e ekonomise,tregetise se jashtme
dhe me shume eksperience pune ne diplomaci.
Eshte hap i parakohshem per te, ai nuk eshte i pregatitur te drejtoje ne ate nivel
vendimi i tij eshte i drejte,te pakten ai i kupton kufizimet e tij dhe ndershmerisht eshte terhequr
per ta marre ate pozicion dikush tjeter.