Si pasurohen pushtetarët e rinj duke vjedhur fondet publike

[Busy Girl]

O njerez te gjith per vete e zoti per tgjith. Ca prisni ju qe Edi ,Luli terrci verrci ti bij menja per mu a per ju?? Mos beni avokatin mbrojtes te asnjerit se njesoj jan.

[Etno3]

Po pse te mos vvjedh ,ne shqiperi vidhen shenjat e komunikacionit e ankohen qe vjedh ai burri qe eshte maje lekut..

[Busy Girl]

Se po te ishin kta ne maj te lekut sdo bonin kshu pffff

[peshkaqeni33]

Se mos e ndriten ata te paret, qe po cuditeni me keta ju!
Ata vidhnin gomarce, keta po vjedhin me gomar. Pse, mos ta ndryshonin stilin e vjedhjes keta?! Te njejtin stil te ndiqnin thoni ju?

Une e kuptoj, juve ju pelqen qe tju vjedhin ne stilin e vjeter. Do ta keni nje cik te veshtire sa te mesoheni me stilin e ri.

[benseven11]

Mjafton te jesh Andej nga jam une, dhe ke Lind I pasur
Dmthen nga Lazarati

Pashe nje video ne youtube ku nje fshatar nga Lazaratus po kalonte kufirin per ne Greqi.
E pyeten po ti ku shkon
Ai i thote ja te shes kete valixhen me hashash dhe prape ne Lazarat do me gjeni lol

[par]

lapsi.al

krimi në Shqipëri ka shënuar sot një nga kulmet e tij duke arritur të kërcënojë hapur dhe në mënyrë të bujshme, vetë ministrin e Brendshëm dhe pse jo edhe kryeministrin Edi Rama. Ky është rasti i parë kur familja e një zyrtari kaq të lartë terrorizohet me shpërthim tritoli. Vetë kryeministri e ka lexuar këtë ngjarje si një akt terrorist që i shkon si mesazh ministrit Saimir Tahiri dhe qeverisë, duke deklaruar se ata nuk do të tërhiqen në luftën kundër krimit.

Por kush ka qenë i interesuar t'i dërgojë një mesazh të tillë Saimir Tahirit? A ka qenë ky mesazh edhe për kryeministrin Rama (një sasi tritoli e pashpërthyer u gjend nga policia pranë banesës së nënës së Edi Ramës)? Po oficeri i lartë i policisë, Alfred Numani, përse u paralajmërua gjithashtu me një shpërthim të fuqishëm tritoli? Çfarë mund t'i lidhë këto akte me njëra- tjetrën?

Nuk ka dyshim, që ashtu siç thotë kryeministri, këto janë një kërcënim i urdhëruar dhe ekzekutuar nga krimi. Por Edi Rama duhet të kuptojë që ky nuk është një rast për të bërë politikë. "Kemi çelur epokën e re të ndarjes së shtetit nga krimi dhe të luftës dinjitoze pa ndalim e as tolerancë të shtetit përballë krimit", shkruan Rama në facebook për të mos humbur mundësinë për të bërë propagandë edhe në një ditë të zezë si kjo. Por pikërisht bërja politikë edhe me rendin publik dhe mosndarja e shtetit nga krimi, janë shpjegimi i gjithë kësaj që po ndodh.

Kryeministri Rama dhe ministri Tahiri e kthyen luftën kundër krimit në një betejë propagandistike, banale dhe tërësisht të politizuar duke bërë krahasime me përqindje për numrin e viktimave apo sasitë e kapura të drogës. Përballë ngjarjeve të rënda si atentatet e shumta me tritol, vrasja e një bankieri në zemër të kryeqytetit, sulmet me armë të bandave kriminale, avioni i drogës në Divjakë, fabrika e kokainës në Xibrakë, eleminimet mafioze, etj, kryeministri dhe ministri kanë patur si rrugëdalje ose "fajin e ka Saliu" ose se bandat po lajnë hesapet me nxitim se do vendoset shteti ligjor dhe më pas nuk do të kenë mundësi të vrasin njëri- tjetrin.

Kjo mënyrë e trajtimit të situatës kriminale në vend është pak të thuhet se është amatore. Strategjia se, me Saliun apo me idiotësi si ajo e larjes së hesapeve, do të mund të kapërcehet paaftësia dhe kriminalizimi i strukturave të larta të rendit, është thjesht një iluzion. Kryeministri Rama duhet ta shohë këtë situatë të rëndë që po i ndodh në një vit e gjysëm si pasojë e qeverisjes së tij dhe jo të sillet si drejtoresha e QSUT që përgjegjësinë e shkarkon atje ku nuk mund të jetë më. Edi Rama duhet të dijë se rendi dhe lufta kundër krimit nuk bëhet me fushata gjobash apo burgosje të shkelësve minorë të ligjit. As me lënien e kopilit në derën e pushtetit të shkuar. As me sulmet kundër mediave. Ajo fillon që nga emërimet e drejtuesve të policisë, që në pjesën më të madhe janë persona me lidhje të dyshimta me botën e krimit. Fillon edhe atëherë kur kriminelë që dyshohet se kanë suport politik nuk lihen të lirë të bredhin rrugëve të armatosur por futen në burg, aty ko sot janë ata që kanë vjedhur ndonjë kabëll të energjisë.

Mbi të gjitha, si Edi Rama ashtu dhe ministri i tij, e kanë të qartë se njerëz të botës së krimit që i kanë përdorur për të siguruar vota dhe i kanë shpërblyer ose duke i futur në politikë ose duke i bërë "biznesmenë", janë aty si pjesë e tyre dhe si dëshmi e kapjes së pushtetit të ri. Nga kjo pjesë nuk shkëputesh dot me deklarata boshe politike dhe hiletë e lënies së përgjegjësisë jetime. Shpërthimi i tritolit sot, ishte një kujtesë për këtë.

Tri ngjarjet sot në Tiranë ishin vërtet një mesazh për Tahirin dhe Ramën, por jo se këta po luftojnë krimin pa kompromis. Por se kanë bërë kompromis me këdo në emër të pushtetit dhe për këtë nuk mund ta ketë fajin Saliu

[par]

Këshilli bashkiak/ Pronarja e Top Channel bashkon votat e PS-së dhe PD-së





Postuar në 12 Shkurt, 2015 02:02









Rreth mbledhjes së sotmë të këshillit bashkiak të Tiranës po bëhet një zhurmë e madhe nëse do të rrisë apo jo tarifat e autobuzëve urbanë. Por gjithë kjo rokopujë po fsheh në fakt një aferë tjetër. Lapsi.al ka siguruar dokumentin e sotëm të rendit të ditës kun ë pikën 8 të tij bëhet fjalë për “përcaktimin e formës së bashkëpunimit të parkimit me pagesë” në kryeqytet. Deri këtu gjithçka duket në rregull. Kaosi me parkimin në Tiranë e ka të nevojshme një gjë të tillë. Por pyetja që shtrohet është: kush do ta fitojë këtë biznes të majmë në Tiranë?

Basha perballe socialisteve ne keshillin bashkiak

“Po na ka ardhur një document që të kalojmë sot edhe bëhet fjalë për kompaninë “Speed” thotë një anëtar democrat i këshillit bashkiak. Ashtu sikurse përflitej prej kohësh në Tiranë, prapa kësaj kompanie qëndron pronarja e Top Channel, Vjollca Hoxha. Ajo prej muajsh ka mbyllur një marëveshje me kryebashkiakun basha për ta marrë vetë këtë minierë të artë të biznesit në Tiranë. Por sipas burimeve të lapsi.al, deri më tani këtë aferë e ka mbajtur të bllokuar kryeministri Rama. Natyrisht, jo për arsye parimore por për shkak të frikës politike, sepse nuk do të lejojë një lidhje të shkurtër të pronares të medias më të madhe në vend, me kundërshtarin e tij kryesor politik. Madje sipas burimeve Brenda TCH Rama i ka dhënë fjalën Vjollca Hoxhës se ajo mund ta përfitonte këtë biznes, pas qershorit, kur sipas ij socialistët do ta merrnin pushtetin edhe në bashkinë e rrëmbyer 4 vite më parë. Por një propozim i tillë nuk e kam kënaqur aspak të interesuarën dhe një gjë e tillë është bërë burim konfliktesh edhe Brenda vetë televizionit më të madh në vend, lidhur me linjën editorial që duhet ndjekur.

Vjollca Hoxha

Po tani, a ka ndërruar mendje kryeministri? A është tërhequr ai nga frika e presionit të medias së fuqishme? Fakti se administrate e bashkisë e ka future në rend të ditës të këshillit këtë çështje, tregon dy gjëra: ose se rama është tërhequr dhe i ka dhënë porosi këshilltarëve të tij të bashkojnë votat me PD-në në interes të pronares të Top Channel, ose kjo e fundit, që tashmë e ka arritur marëveshjen me Bashën (një gjë e tillë konfirmohet edhe nga futja në rendin e ditës), po bën një provë force: duke i vënë socialistët përpara dilemës: ose votoni pro meje, ose do të keni Topin kundër.

E gjitha kjo do të merret vesh sot pasdite. Një anëtar i drupit të këshilltarëve socialist i pyetur nga Lapsi.al, deklaroi se atyre vendimi për të votuar di tju vijë vetëm në çastet e fundit. “me sa duket ende nuk është përcaktuar qëndrimi” tha ai për lapsi.al.

Le ta saqarojmë në këtë çështje nuk ka asgjë të paligjshme. Parkimet e kryeqytetit duhen rregulluar. Dhe një gjë e tillë ose mund të bëhet me një ofertë të hapur nga bashkia, pra në një lloj gare ku sejcili biznes që e sheh me interes këtë garë mund të konkurojë, ose me propozim të një kompanie private, e cila e sheh se me këtë gjë mund të bëjë para dhe ia propozon atë autoritetit publik.

Me sa duket në këtë rast ka ndodhur varinti i dytë. Ajo që këshilltarët demokratë e quajnë do votojmë edhe atë të “speed-it”. Pra është kompania pas të cilës është Vjollca Hoxha, ajo që ka pasur idenë dhe tani po tenton të bëjë bashkë votat e armiqve PD-së që ka bashkinë dhe PS-së që ka shumicën në këshillin bashkiak.

A do ja arrijë?

Duke thënë edhe njëherë që në të gjithë këtë histori nuk kemi të bëjmë me asgjë antiligjore, ajo ngre edhe njëherë një problem moral. Atë të një pushteti mediatik që ka aq forcë sa për interest e tij të bashkojë kundërshtarët e mëdhej, për të zaptuar bizneset fitimprurëse. Ajo ngre gjithashtu edhe pyetjen e dytë se kush e drejton realisht këtë vend: oligarkët apo shtetarët? Ja pra ku erdhëm tek e njëjta pikpyetje që ngrinim edhe gjatë përiudhës së regjimit të Berishës. A përsëritet njësoj historia? Një pjesë e përgjigjes do të jepet sot gjatë mbledhjes së këshillit bashkiak.

(Lapsi.al)

[par]

Ç’po ndodh me koncesionin e madh te parkingjeve të Tiranës?





Postuar në 13 Shkurt, 2015 01:02


Pika 8 e rendit të ditës ishte ajo më e nxjehta në mbledhjen e Këshillit Bashkiak të Tiranës. Këshilltarë të djathtë e të majtë debatuan për disa orë mbi konçesionin më të madh në historinë e Bashkisë së kryeqytetit; atë për menaxhimin 35 vjeçar nga një konsorcium privat të parkingjeve publike të Tiranës, për t’i kthyer ato në parkingje me pagesë.

Dukej se ky konçesion nuk do të haste pengesa. Lapsi.al kishte bërë të ditur gjatë ditës, por edhe më parë, arritjen e një marrëveshje mes të majtëve dhe të djathtëve, për një bashkim votash për këtë sipërmarrje milionash që do të rrjedhin nga paratë e qytetarëve. Arsyeja: pas kontratës qëndronin pronarja e Top Channel, Vjollca Hoxha, me kompanitë Speed Taxi dhe ABT si dhe vetë kryetari i Bashkisë, Lulzim Basha, i cili kishte çuar për miratim në këshill konçensionin sipas propozimit të pakërkuar nga dy kompanitë në fjalë..

Siç rezultoi më vonë, disa nga këshilltarët socialistë nuk ishin në dijeni të kësaj marrëveshjeje, padyshim "historike", duke parë tensionin që ka në këto kohë mes PD dhe PS. Këshilltarët demokratë e mbështetën konçesionin, por disa nga të majtët hodhën dyshime të forta për kontratën në fjalë, ndryshe nga drejtuesit kryesorë të së majtës në Këshill.

Eridian Saliani dhe Florian Pullazi kërkuan nëse kishte studim për këtë projekt dhe kush e kishte bërë atë. Nënkryetari Enno Bozdo tha se studimi dhe propozimi është i vetë bashkisë. Por më pas, gjatë diskutimeve doli në dritë fakti se propozimi ishte bërë nga “Speed Taxi”. Nuk ka asnjë shkelje ligjore në këtë fakt, por kur propozimi bëhet nga kompania private dhe jo nga institucioni, procedura e konçesionit ndryshon. Ajo duhet të kalojë në një garë të hapur mes kompanive të interesuara për sipërmarrjen dhe kompania që ka bërë projektin thjesht shpërblehet me një bonus. Por më parë duhet të ketë garë. Nënkryetari Bozdo gënjeu publikisht kur tha se studimi ishte bërë nga Bashkia, ndërkohë që në relacionin shpërndarë anëtarëve të këshillit ishte shkruar se studimi ashtu si dhe propozimi ishte bërë nga dy kompanitë private. Enno Bozdo me siguri ka dashur ta kalojë këtë moment para kamerave, për të mos u kuptuar interesat që qëndrojnë pas këtij konçensioni, por në relacion gjthçka është e qartë.

Eridian Salianji hodhi dyshime të forta për përfitim në kurriz të qytetarëve: “Doni të përfitojë bashkia apo xhepat tuaj? Bllokuat parkimet nëntokësore për interesat tuaja. Sot doni të shisni ajrin, po shisni ajrin. Doni të privatizoni pronën e qytetarëve.” Hije dyshimi u hodhën edhe për faktin se ky konçesion do të krijojë monopol në treg.

Florian Pullazi: Isha në Vjenë, parkingjet ishin të gjitha të bashkisë. Mos vallë kjo kompani do të krijojë një monopol në treg. Kush është kompania që ka sjellë studimin dhe a është e licencuar për të bërë studimin. Për një periudhë 35-vjeçare ne do të japim me koncesion ambientet e qytetarëve. Më duken shumë 35 vjet. Ju bëj thirrje të gjithë këshilltarëve të mendohen mirë.”

Dy kompanitë ABT sh.p.k dhe Speed Taxi që ka kryer studimin, dhe që pritet ta fitojnë konçesionin, pasi votimi vetëm u shty në Këshillin Bashkiak, kanë një ortak të përbashkët. Në ekstraktet e QKR rezulton se ai është Shpresim Bajraktari. Në Speed Taxi është administrator dhe ortak me 92 % të aksioneve, ndërsa në ABT është aksioner me 70 % të kapitalit.





As kjo nuk është shkelje e ligjit. Po ku qëndron problemi i kësaj kontrate? Gazeta Dita, sipas një përllogaritje të thjeshtë, shkruan se bëhet fjalë për 24 milionë lekë për çdo orë, për 35 –vjet me radhë. Janë 24 mijë vende parkimi në rrugët kryesore të Tiranës, bulevarde etj. Pagesa do të jetë 150 lekë të reja për dy orë parkim në qendër dhe 20 lekë nëpër lagje. Konsorciumi parashikon në projekt vetëm vijëzimin e parkimeve dhe vendosjen e matësave të kohës së qëndrimit të makinaven në parkim. “Shitje ajri”, siç thotë Salianji, i cili u duk se nuk ishte në dijeni të marrëveshjes PD– PS për kontratën e majme për pronaren e Top Channel. Investimi është vetëm 2 milionë euro. Bashkia do të përfitojë vetëm 10 % të xhiros vjetore, një tjetër pikë kjo që ka ngjallur dyshime e debate në këshill dhe reagime në publik. Disa media e kritikuan fort këtë sipërmarrje gjatë ditës së djeshme, ndonëse sot kritikat duken më të zbehura.



Por ky nuk është problemi i vetëm. Ka edhe një problem moral në këtë histori, të prekur nga Lapsi.al dhe të ritheksuar edhe nga gazeta Dita në numrin e sotëm: Një pushtet mediatik arrin jo vetëm të bashkojë kundështarë të mëdhenj vetëm për interesa fitimprurëse, jo për qytetarët, por edhe t’u imponohet me privatizim të parkingjeve publike për 35 vjet qytetarëve të Tiranës.

Duke e vënë theksin tek ky fakt, Dita shkruan se “ky biznes miliardash i shtrirë në një interval kohor prej plot 35 vitesh është tentuar fillimisht nga kunati i Bashës, por më pas ai ka bashkuar në ide pronaren e TCH për ta pasur më të lehtë politikisht miratimin e aferës.”

Lapsi.al shkruante disa javë më parë se konçesioni 35 –vjeçar është bërë shkak i disa përplasjeve të forta mes Top Channel dhe kryeministrit Rama. Sipas burimeve të lapsi.al Rama nuk ka qenë kundër që konçesionin ta merrte kompania e pronares së Top Channel, por i ka kërkuar asaj që të presë deri në zgjedhjet e qershorit kur bashkia e Tiranës të fitohet nga e majta. Por kjo ofertë është refuzuar.
Marrëveshja me kryetarin e Bashkisë së Tiranës, Lulzim Basha, ka ndryshuar këto kohë edhe vijën editoriale të Top Channel. Shumëkush mban mend se Basha nuk figuronte në lajmet e Top–it as në zgjedhjet e vitit 2011. Por këto kohë ai është i pranishëm thuajse me çdo aktivitet. Do të duhet edhe një javë për të parë se çfarë kanë vendosur palët mbi këtë aferë multi– milionere, në përfitim, jo në investim. /lapsi.al/

[par]

Shefi i Forcave Operacionale Speciale zyrtarisht nën hetim për korrupsion





Postuar në 13 Mars, 2015 02:03









Lapsi.al zbulon skandalin se si Ministria e Brendshme dhe Policia e Shtetit e mbajtën të fshehtë faktin se Shefi i Sektorit Elitë të Policisë së Shtetit, Forcës Operacionale Speciale, Albano Ahmeti, ishte nën akuzë për korrupsion pasiv. Lapsi.al disponon dokumentin që vërteton se ndaj kreut të njësisë që heton krimin e organizuar, trafikun e drogës, si dhe krime të tjera të rënda, u pezullua me vendim të Gjykatës së Tiranës, pasi hetohet për korrupsion.

Në datën 10 mars 2015 Partia Demokratike denoncoi shtetasin Albano Ahmeti, me detyrë drejtori i Forcave Operacionale në Policinë e Shtetit, se ishte i përfshirë në korrupsion dhe trafik droge. Sipas PD-së, Albano Ahmeti ishte i përjashtuar nga Policia e Shtetit, por u rikthye në shërbim pas ardhjes së socialistëve në pushtet.

Denoncimi i PD

“Pak javë më parë u ndalua një nga oficerët e kësaj strukture, Hamza Demushi. Pas hetimeve, rezultoi se Demushi ishte i dërguar, i mandatuar në këtë tregti droge, nga shefi i tij, pikërisht nga drejtori Albani Ahmeti. Ne nxisim prokurorinë të hetojë e të mos ndikohet nga presionet e Tahirit dhe Didit, pasi ky person është i afërt me ta. Forcat operacionale janë përgjegjëse për mbulimin, vëzhgimin, gjurmimin me metodat speciale të hetimit. Pra kjo strukturë kryen operacionet më të rëndësishme kundër krimit e trafikut, kundër bosëve të drogës. Merreni me mend, se çfarë ndodh me trafikun e drogës, kur shefi i kësaj strukture, përgjegjësja kryesore për ndalimin e narko-trafikut, është vetë pjesë e pazareve të pisëta e të jashtligjshme.Kjo do të thotë se; banda më e rrezikshme e drogës, është në radhët kryesore të Policisë së Shtetit”,- deklaroi Arben Ristani.

Reagimi i Ministrisë së Brendshme

Pas deklaratës së Ristanit nga selia blu, reagon Ministria e Punëve të Brendshme, po në datën 10 mars 2015. Në një deklaratë që nuk përmbante asnjë emër të personave të përfshirë në çështjen në fjalë, pra Hamza Demushi dhe Albano Ahmeti, zëdhënësi i ministrit Tahiri thotë se këto janë shpifje të PD-së.

“Partia Demokratike vijon fushatën e sulmeve ndaj Policisë së Shtetit. Është e vetmja Parti që sulmon Policinë dhe jo kriminelët. Sot doli një ish i dënuar për korrupsion dhe hodhi dozën ditore të shpifjeve absurde ndaj Policisë së Shtetit, nën moton e ditur tashmë, "na nxjerrin të shpifim në emër të Partisë e nuk mbajmë përgjegjësi për çfarë themi". Bëjmë me dije publikun, se hetimet të cilave iu referohet lexuesi i deklaratës së radhës, janë nisur dhe ende sot vazhdojnë nga Shërbimi për Çështjet e Brendshme dhe Ankesat, pranë Ministrisë së Punëve të Brendshme (ish-SHKB). Çështja është në hetim për një punonjës policie të arrestuar tashmë, por gjithashtu po hetohet edhe për përfshirjen e mundshme të çdo punonjësi tjetër të Policisë së Shtetit, pa asnjë dallim”,- thuhet në deklaratën e Ministrisë së Brendshme.

Ministria e Brendshme dhe Policia e Shtetit u munduan të fshehin ngjarjen

Zëdhënësi i Tahirit i cilësoi “shpifje absurde ndaj Policisë së Shtetit”, akuzat e bëra nga Partia Demokratike. Por Lapsi.al siguron dokumentin, ku në datën 11 mars 2015 (një ditë pas deklaratës së PD-së dhe Ministrisë së Brendshme), Drejtori i Përgjithshëm i Policisë së Shtetit, Artan Didi ka firmosur vendimin për pezullimin paraprak nga detyra të drejtuesit Albano Ahmeti. Didi e ka marrë një vendim të tillë pasi Gjykata e Rrethit Gjyqësor Tiranë, me vendim nr.671, datë 6 mars 2015, kishte vendosur ndaj Ahmetit masën e sigurimit personal “Pezullimin e ushtrimit të një detyre a shërbimi publik”, pasi Ahmeti ishte i dyshuar për veprën penale “Korrupsion pasiv i personave që ushtrojnë funksione publike”. Pra, vendimi i Gjykatës së Tiranës është marrë në datën 6 mars, ndërsa ekzekutimi i tij nga Drejtori i Përgjithshëm i Policisë së Shtetit, Artan Didi, është bërë 5 ditë më vonë, në datën 11 mars 2015. Ekzekutimi i vendimeve është i detyruar brenda 24 orësh nga shpallja e tij, ndërsa Didi e ka vonuar plot 5 ditë këtë vendim dhe çfarë është më e rënda, e ka firomosur pezullimin pasi Albano Ahmeti është denoncuar publikisht nga opozita. Përpjekja e parë për fshehjen e ngjarjes u bë nga Artan Didi, që e vonoi ekzekutimin e vendimit për pezullimin e Ahmetit dhe përpjekja e dytë u bë nga Ministria e Brendshme, e cila përmes një deklarate theksonte se këto janë shpifje të opozitës.

Lidhja e Artan Didit me të akuzuarin Albano Ahmeti

Burime të Lapsi.al thonë se lidhja që Albano Ahmeti ka me Artan Didin është arsyeja përse Ministria e Brendshme dhe Policia e Shtetit, e mbajtën të fshehtë faktin se ai është nën akuzë për korrupsion, edhe kur ky fakt u bë publik nga opozita. Ekzekutimi i vendimit të Gjykatës së Tiranës për Albano Ahmetin është bërë 5 ditë me vonesë dhe fill pas denoncimit publik të Partisë Demokratike. Sipas PD-së, Ahmeti është rikthyer në Policinë e Shtetit me ardhjen e Didit në krye.

Kjo ngjarje zhvlerëson totalisht zotimet e ministrit Tahiri për luftë të pakompromistë ndaj korrupsionit dhe krimit të organizuar, sidomos në nivele të zyrtarëve publikë. Tentativa për fshehjen e kësaj ngjarje, tregon selektivitetin e Policisë së Shtetit në përpjekjen për të goditur krimin dhe korrupsionin.

[par]

Skandal me bordet shtetërore/ Si po pasurohen shtetarët





Postuar në 03 Prill, 2015 10:04









Praktika e lejimit të bordeve, po gllabëron mialiarda në vit nga taksat e shqiptarëve, si paga fiktive për një klikë nepotike familjare e klanore, ku 12% e përfituesve janë anëtarë në 3-5 borde shtetërore Një drejtor drejtorie doganash është anëtar bordi në një spital! Një këshilltar për NATO-n i Ministres së Mbrojtjes Kodheli është anëtar bordi në një azil pleqsh! Një këshilltar shëndetësie është anëtar bordi në drejtorinë e patentave! Një drejtor drejtorie në ministrinë “Gjiknuri” është anëtar në bordin e Teatrit të Kukullave! Një këshilltar i kryeministrit Rama për bujqësinë është anëtar bordi në një nga bordet e “Posta Shqiptare”. Një dekan i shkencave sociale është anëtar bordi në Inspektoriatin Qendror Teknik (IQT), një këshilltar kulture ministrie është anëtar bordi në një drejtori rruge, ndërkohë që një këshilltar për kultet fetare është anëtar bordi në një drejtori dogane dhe një drejtor teatri është anëtar në... Bordin e Kullimit të një Qarku! Sipas një statistike numri i bordeve e këshillave mbikëqyrës, bordeve teknikë, këshillave teknikë dhe këshillave drejtues që janë krijuar nga drejtuesit shtetërorë, si burim fitimi me paga “thela mbi bisht” nga paratë e buxhetit të shtetit, arrin në 1278 të tillë, me mbi 17 mijë anëtarë, ku afro 2500 mijë janë drejtues që paguhen 2-3 e 10 fish më tepër se anëtarët dhe sa 1-2-3 herë më tepër se paga mujore shtetërore...



Një metodë pasurimi e shtetarëve nëpërmjet skemës shtetërore të vjedhjes së fondeve publike e taksave të shqiptarëve, që po përdoret rëndomë e hapur në këto 23 vite shtet e shoqëri shqiptare tranzitive, të lënë qëllimisht prej politikës, është anëtarësia në bordet e ministrive, të drejtorive të ministrive, të agjencive të shërbimeve publike, të universiteteve, fakulteteve, institucioneve shkencore, kërkimore, kulturore, sportive, të institucioneve qeverisëse të pushtetit lokal, në shoqëritë anonime dhe ndërmarrjet pronë shtetërore e deri në ndërmarrjet e pastrim-gjelbërimit, të ujësjellës-kanalizimeve, të ujësjellësve të bashkive etj. Mos u habitni, por edhe në Gjykatën Kushtetuese e në Presidencë ka borde! E sikur të mos mjaftonin bordet, në disa ministri, drejtori qendrore, institucione e ndërmarrje shtetërore, përveç bordeve janë ngritur edhe Këshilla Mbikëqyrës, që gjoja kontrollojnë... bordet! Këto Borde drejtuese, Borde Teknike, Këshilla Mbikëqyrës e Këshilla Teknik, janë shpikur jo për të drejtuar e kontrolluar punët, siç thonë “statutet” e tyre, por që anëtarët të përfitojnë pagesa të tjera mujore shtesë, mbi pagesën mujore që u jep shteti. Në këto borde, miratohen si anëtarë shtetarë, vartës, familjarë e shokë të tyre. Në borde gjen ministra, zv/ministra, këshilltarë kryeministri e ministrash, këshilltarë presidenti, drejtorë drejtorie, profesorë miq, kunetër, shokë, prindër të ministrave dhe deputetëve, bashkëshortë, krushq e sekretare ministrash! Nëse shikon përbërjen e bordeve, ndesh që një person është anëtar në 3, 4 e 6 borde, madje një rektor universiteti është anëtar në 11 borde e këshilla drejtues, deri edhe nënkryetar bordi në ndërmarrjen e ujësjellës-kanalizimeve të një bashkie periferike! Një këshilltar për NATO i ish-kryeministrit Berisha është ende anëtar bordi në 3 ndërmarrje ujësjellësi në rrethin e Sarandës e Vlorës. Një këshilltar i presidentit Nishani është anëtar bordi në 2 ndërmarrje ujësjellës-kanalizimesh në Gjirokastër dhe në 1 ndërmarrje shpim-kërkimi nafte! Po kështu 17 shtetarë dhe zyrtarë të lartë arsimi, kulture, shëndetësie e integrimi, janë anëtarë dhe nënkryetarë në bordet e kullimit e të ndërmarrjeve të KESH! Një zv/ministër arsimi është anëtar bordi në një Port Detar, ndërkohë që një zv/ministër mbrojtjeje është anëtar bordi në departamentin femëror të barazisë gjinore në Ministrinë e Punës dhe Çështjeve Sociale. Një këshilltar kulture është anëtar në bordin e agrobiznesit! Një drejtor drejtorie doganash është anëtar bordi në një spital! Një këshilltar për NATO-n i Ministres së Mbrojtjes Kodheli është anëtar bordi në një azil pleqsh! Një këshilltar shëndetësie është anëtar bordi në drejtorinë e patentave! Një drejtor drejtorie në ministrinë “Gjiknuri” është anëtar në bordin e teatrit të kukullave! Një këshilltar i kryeministrit Rama për bujqësinë është anëtar bordi në një nga bordet e “Posta Shqiptare”. Një dekan i shkencave sociale është anëtar bordi në Inspektoriatin Qendror Teknik (IQT), një këshilltar kulture ministrie është anëtar bordi në një drejtori rruge, ndërkohë që një këshilltar për kultet fetare është anëtarë bordi në një drejtori dogane dhe një drejtor teatri është anëtar në Bordin e Kullimit të një Qarku! Ndërsa sipas faqeve “online” të drejtorive të institucioneve shëndetësore e spitalore rajonale e qendrore në Tiranë, Ministri i Shëndetësisë Ilir Beqja është kryetar në të gjithë bordet e këtyre institucioneve. Ajo që bën përshtypje është numri i madh i bordeve e këshillave mbikëqyrës, të krijuar sidomos në 15 vitet e fundit, ku rekordin e mbajnë ministritë me nga 20-25 borde me emra të çuditshëm dhe me funksione fiktive, të mbushur me shtetarë, zyrtarë e familjarë të tyre, që emërohen anëtarë e drejtues bordesh nëpër ministritë, institucionet, agjencitë dhe ndërmarrjet e njeri-tjetrit, sa për të zhvatur paga, mbi pagat që u jep shteti. Sipas një statistike numri i bordeve e këshillave mbikëqyrës, bordeve teknikë e këshillave teknikë dhe këshillave drejtues që janë krijuar nga drejtuesit shtetërorë si burim fitimi me paga “thela mbi bisht” nga paratë e buxhetit të shtetit, arrin në 1278 të tillë, me mbi 17 mijë anëtarë, ku afro 2500 janë drejtues që paguhen 2-3 e 10 fish më tepër se anëtarët dhe sa 1-2-3 herë më tepër se paga mujore shtetërore! Natyrisht që të gjithë kryetarët dhe anëtarët e këtyre bordeve, paguhen sipas numrit të mbledhjeve që bëjnë dhe ata bëjnë... sa mbledhje të duan, troç sa “lekë-mbledhje” të duan! Gazeta “Telegraf” ka investiguar batërdinë që po bëjnë shtetarët dhe familjarët e tyre me qenien si anëtarë në borde drejtuese, borde teknike, borde këshillimore, në këshilla mbikëqyrës e këshilla teknik dhe do të vijojmë publikimin e fakteve për çdo bord.

Skandali

Ministri - kryetar bordi tek shoqata e babait, babai - anëtar bordi në 3 institucione të ministrisë dhe qeverisë së djalit

Shkëlqim Cani, “çek” 250 milionë lekë nga “thesi” i shtetit për OJF... e babait 91 vjeçar!

Gazeta “Telegraf”, ka publikuar skandalet që po shoqërojnë në këto 18 muaj qeverisje, disa ministra të babëzitur, që përveçse janë dështakë në punën e tyre, po diskreditojnë keqas imazhin e “Rilindjes” e që çuditërisht po mbahen në detyrë! Janë 3-4 kokrra ministrash të zhytur në akte korruptive, duke u kthyer në shërbestarë e mbrojtës aktivë të krimit ekonomik, duke krijuar “fije të reja” korrupsioni, por edhe duke bashkëpunuar e bashkë-përfituar me koncesionet mafioze të “ish-gardës së vjetër” të krimit ekonomiko-financiar të viteve 2005-2013, të ish-qeverisjes “Berisha”. Një nga këta “esnafë” abuzimesh është ministri i Financave Shkëlqim Cani, që si “urithi” “nëntokazi” po deformon e po shkatërron sistemin financiar shqiptar, nën petkun e shlyerjes së borxheve dhe gjoja të reformave të “rilindjes financiare”. Ndërsa Ministri Gjiknuri, po hedh firma për vazhdimin e koncesioneve të pista, Ministri Beqja po vazhdon biznesin e tregut të ilaçeve dhe po mbledh 10% të tenderëve e koncesioneve që u jep klientëve të tij. Nga ana tjetët Ministri Veliaj po përdor reklamat e “punësimit dhe shkollimit profesional” si mënyrë për të financuar shoqatat dhe bizneset e vëllait, gruas e vajzave të kolegëve deputetë “rilindës”. Rasti më skandaloz paraqitet me Ministrin Shkëlqim Cani që guxoi të financojë babanë e tij kryetar shoqate (OJF) Islam Cani, me pagesë projekti fiktiv, të shpikur enkas për shoqatën që drejton babai i tij... 91 vjeçar.

Skandali financiar "Cani", me OJF e babait - kryetar

Afro 1 muaj më parë, Ministri i Financave Shkëlqim Cani, ka larguar nga puna një prej bashkëpunëtorëve më të afërt, të cilin e paguante me rrogë “drejtor drejtorie”, vetëm duke e përdorur për “vigjilencë” në ministri. Shkak i largimit ishte, se në vend që “vigjilenti” të ruante sekretin dhe të zbulonte sekrete “anti-ministër”, krejt pa dashje, në një bisedë tavolinash në kafene me kolegët e ministrisë, mes të cilëve ishte futur për të zbuluar sekrete “anti-Cani”, kishte nxjerr një “sekret” që kishte lidhje me aferat e ministrit Cani. Fjala shkoi urgjent në “veshin” e kryeministrit Edi Rama, prej nga u veprua menjëherë për të ndalur dhe mbuluar skandalin financiar, të bërë prej kryefinancierit Cani. Sekreti që doli dhe që përbën skandal të rëndë, ka lidhje me një urdhër të paligjshëm me numër “Extra” Prot., datë 31 dhjetor 2014, të Ministrit të Financave Shkëlqim Cani. Sipas këtij urdhri, Ministria e Financave duhej të bënte një pagesë në vlerën 250 milionë lekë të vjetra nga buxheti i kësaj ministrie, për llogari të subjektit privat (OJF) “Shoqata e Konsumatorit Shqiptar” që drejtohet nga babai i tij Islam Cani, me këtë objekt shpenzimi: “Veprimtari vëzhguese lidhur me freskinë e mallrave, sipas afateve të përcaktuara në standardet shtetërore, në tregun e lirë”. Urdhri u lëshua, mbështetur në një propozim dhe kërkese të paraqitur tek Ministri Cani, nga struktura vartëse “Drejtoria Teknike e Standardeve dhe e Cilësisë” pranë kësaj ministrie. Mbështetur në kërkesën e drejtorisë vartëse të standardeve dhe në projektin e OJF-së, “Shoqata e Konsumatorit Shqiptar” që e drejton babai i tij Islam Cani, Ministri Cani e miratoi këtë projekt vrojtimi në treg, si “risi evolutive në sektorin e përditësimit të dhënave në sektorin e standardizimit të tregut”. Ende pa u ekzekutuar në thesar, urdhri u anulua prej Ministrit Cani, pas një telefonate nga kryeministria. Shkaku i anulimit të këtij urdhri, ishte skandali që përmbante ky urdhër financiar shtetëror, me të cilin djali - ministër i Financave Shkëlqim Cani, i dhuronte babait të tij kryetar i “Shoqatës së Konsumatorit Shqiptar” - Islam Cani, një çek 250 milionë lekë të vjetra nga buxheti i shtetit, nën motivin e një shërbimi shtetëror, që ndalohet kategorikisht të bëhet nga subjekte private, qofshin këto edhe OJF! Sa për kujtesë, babai i ministrit Cani ka përfituar fonde publike në disa qeveri në emër të shërbimeve shtetërore, gjoja të bëra nën petkun e kësaj shoqate ku është kryetar që prej ditës së parë të vetë-themelimit prej tij më 15 Mars 1990, që prej ditës së miratimit në Gjykatën e Tiranës me Vendim Nr. 1177 Prot, datë 03. 10. 1991 e deri sot pas 25 vitesh, kur vazhdon të financohet nga i biri ministër financash, me lekët e buxhetit të shtetit, që na fakt janë taksa të shqiptarëve.



Babai i ministrit Cani, anëtar bordi në Drejtorinë e Përgjithshme të Standardizimit dhe në 3 borde të tjerë

Babai i ministrit të Financave Shkëlqim Cani, tashmë në moshën 91 vjeçare, vazhdon të jetë anëtar bordi në 3 institucione shtetërore, madje prej shumë vitesh. Prej 12 vitesh Islam Cani është anëtar në Bordin Drejtues të Drejtorisë së Përgjithshme të Standardizimit, prej 8 vitesh është anëtar në Bordin e Autoritetit Kombëtar të Ushqimit, prej 4 vitesh është anëtar në bordin e Drejtorisë së Përgjithshme të Metrologjisë dhe prej 18 muajsh është anëtar në Bordin e Drejtorisë Teknike të Standardeve dhe Cilësisë, strukturë e Ministrisë së Financave. Thuhet se babai i Ministrit Cani është edhe në 4 borde të tjerë institucionesh shtetërore që merren me kontrollin higjenik, shëndetësor, të sigurisë fizike dhe standardet në treg, por interesimit të gazetës “Telegraf” në këto institucione, nuk pranuan t’i përgjigjen, me justifikimin “mungon shefja e administratës” (në faqet “online” nuk janë publikuar përbërjet e bordeve)! Nuk e dimë, nëse babai i ministrit është apo jo anëtar në 4 borde të tjera siç thuhet, por dimë faktin që babai i ministrit Islam Cani është anëtar në bordet e ministrisë dhe institucioneve të qeverisë së djalit - ministër, ndërsa djali ministër Shkëlqim Cani është kryetar në bordin e shoqatës së babait - kryetar shoqate, pasqyruar kjo në faqen “online” të strukturës drejtuese të “Shoqata e Konsumatorit Shqiptar”.

Ja bordi i “Shoqata e Konsumatorit Shqiptar”, që kryen punime shkencore e projekte dhe siguron ndihma financiare për shoqatën

1. Shkëlqim Cani, Dr. Prof. i Ekonomikut.

2. Baftjar Rusi, Avokat.

3. Eleni Vangjeli, Dr. Shkencash Ekonomike.

4. Ahmet Osja, Dr.Shkencave Agronomike

5. Hajredin Toca, Ekonomi Agrare, Asistent.

6. Nazmi Tola, Biznesmen.

7. Spartak Kamberi, Inxhinieri Mekanike, Biznesmen.

8. Arben Cani, Inxhinier, Ekonomist me Bursën.

9. Galip Rrema, Ekonomist, Biznesmen.

10. Zabit Bushi, Ekonomist.

11. Zana Kamberi, Dr.Shkencave Arkeologjike.

Ja faqja zyrtare e Bordit Drejtues, të Drejtorisë së Përgjithshme të Standardizimit, ku është anëtar edhe babai i ministrit Shkëlqim Cani

Ilir RRËMBECI, Agjencia Rajonale e Zhvillimit, Tiranë, Drejtor Ekzekutiv.

Klotilda NEZIRI, Ministria e Zhvillimit Ekonomik, Tregtisë dhe Sipërmarrjes, Drejtor - Drejtoria e Tregut të Brendshëm.

Fjorida DEMKO, Konfindustria, Koordinatore për Marrëdhëniet Institucionale.

Fatmir HOXHAJ, Ministria e Zhvillimit Ekonomik, Tregtisë dhe Sipërmarrjes, Drejtor, Drejtoria e Shërbimeve Juridike.

Armond HALEBI – Drejtoria e Përgjithshme e Akreditimit, Drejtor i Përgjithshëm

Edlira PRENGA, Dhoma e Tregtisë dhe Industrisë Tiranë, Drejtore e Marrëdhënieve me Median.

Dorina RUÇI, I pazëvëndësuar akoma, Drejtoria e Përgjithshme e Metrologjisë.

Shpresa ARBI, Ministria e Bujqësisë, Zhvillimit Rural dhe Administrimit të Ujërave, Drejtor -Drejtoria Veterinare.

Islam CANI, Shoqata e Konsumatorit Shqiptar, Kryetar.

Përparim DEÇOLLI, Universiteti Politeknik i Tiranës, Profesor i Fakultetit të Inxhinierisë Mekanike

Ibrahim MORINA, I pazëvëndësuar akoma, Ministria e Transportit dhe Infrastrukturës.

Bordi i Qendrës Universitare Spitalore, kryetar ministri Ilir Beqja

Ministri i Shëndetësisë, Kryetar.

Rektori i Institucionit të Arsimit të Lartë (IAL).

Dekani i Fakultetit të Mjekësisë.

Kryetari i Këshillit të Profesorëve të Fakultetit të Mjekësisë.

Drejtori i Përgjithshëm i ISKSH.

Këshilli Mbikëqyrës i KESH, mbushur me shefat e ministrisë “Gjiknuri”

Entela Çipa, Kryetar, këshilltare e Ministrit Damian Gjiknuri.

Koli Bele, Anëtar, Sekretar i Përgjithshëm.

Aurora Alimadhi, Anëtar, Drejtore Juridike tek Ministria e Gjiknurit.

Arian Hoxha, Anëtar, Drejtor i Politikave, Zhvillimit, tek Ministria e Gjiknurit.

Zv/Ministri Energjisë, Dorjan Duçka, anëtar i Këshillit Mbikqyrës të “Eagle Mobil”

Ahmet Calik.

Bahadir Aksoy.

Mehmet Taylan.

Izzet Ferhat.

Demir Tahsin.

Vilmaz Mehmet.

Ertugrul Gurler.

Mahmut Can Calik.

Dorjan Duçka.



/Gazeta Telegraf/