Greqi: Hari Koka, bashkëpunontori shqiptar i terroristit grek Kristodulos Ksiros

[Albo]

Ja kush është shqiptari që bashkëpunonte me terroristin grek



Hari Koka, 39 vjeç, quhet shqiptari që kërkohej nga mediat greke si bashkëpunëtor i terroristit grek Kristodulos Ksiros.
Mediat greke raportuan se Koka u arrestua më 14 janar pas disa muajsh kërkimesh.

Së bashku me të është arrestuar edhe një tjetër bashkëpunëtor, shtetasi grek Chris Patouchas, 53 vjeç.

Shqiptari përdorte dokumente të rreme me identitete të ndryshme dhe njëri ndër ta ishte “CHRYSAKIS Theocharis”.

Ata akuzohen për pjesëmarrje në një organizatë terroriste, sulme terroriste, posedim të municioneve luftarake si eksplozivë dhe bomba, posedim i armëve të rënda, falsifikim dokumentesh dhe strehimin e një krimineli.



Prokuroria po vijon me hetimet për të zbuluar edhe bashkëpunëtorët e tjerë të këtij grupi.

39-vjeçari shqiptari kishte strehuar në shtëpinë e tij me qira Ksiros gjatë periudhës 1-vjeçare që ky i fundit ishte arratisur nga burgu Koridhalos.

Të dy të akuzuarit ndodhen në paraburgim dhe në pritje të daljes para gjyqit.

Kristodulos Ksiros, ekzekutuesi i organizatës famëkeqe “17 Nëntori”

Ksiros (Xyros) ka qenë i përfshirë në disa sulme terroriste në vitet ‘80 dhe ‘90. Viktimat janë ndër të tjerë industrialisti athinas Dimitrios Angelopulos, botuesi konservator Nikos Momferatos, policë greke, si dhe diplomatë nga Britania e Madhe dhe Shtetet e Bashkuara. Përveç kësaj Ksiros ka qenë i përfshirë në sulmet e dështuara kundër ish-ministrit socialist, Jorgos Petsos dhe ish-komisionerit të BE-së, Jannis Palaiokrassas. Edhe një sulm me raketë anti-tank mbi rezidencën e ambasadorit gjerman në vitin 1999 shkon në llogari të "17 Nëntorit”.



Pas shkatërrimit të organizatës terroriste, Ksiros u dënua me burgim të përjetshëm gjashtë herë në vitin 2003. Për sjellje të mirë ai ka marrë në tetëmbëdhjetë muajt e fundit tetë herë leje nga burgu me kusht që të paraqitej çdo ditë në stacionin më të afërt policor. Gjatë lirimit të fundit me kusht vitin e shkuar për Krishtlindje, Ksirosi shfrytëzoi rastin dhe u fsheh për tu kapur sërish pak javë më parë.

Shekulli