Shpend Ahmeti VV - kandidat për Kryetar të Prishtinës!

[ARIANI_TB]

Shpendi kandidat për Kryetar të Prishtinës!

Lëvizja Vetëvendosje ka shpallur kandidatin e saj për kryetar të Prishtinën. Kjo lëvizje ka njoftuar se anëtarësia e saj ka votuar për nënkryetarin Shpend Ahmeti.

Kryetari i VV-së Albin Kurti gjatë kësaj shpalljeje ka folur për kandidatin për kryetar dhe ka bërë një prezantim të tij.

“Shpend Ahmeti ka lindur më 18 prill 1978 në Prishtinë. Shpendi ka përfunduar studimet master në Politika Publike në Universitetin e Harvardit të Shteteve të Bashkuara, gjatë viteve 2002 - 2004. Specializimi i tij është “Zhvillimi politik dhe ekonomik”. Studimet universitare i ka përfunduar në Ekonomi dhe administrim biznesi, në Universitetin Amerikan në Bullgari, gjatë viteve 1996 – 2000. Specializimi i tij në këtë diplomë është Ekonomi e aplikuar dhe administrim biznesi.
Gjatë viteve të studimeve Shpendi ka qenë senator dhe më pas Kryetar i qeverisë studentore në Universitetin Amerikan të Bullgarisë (1999-2000), si dhe Udhëheqës i komuniteteve të ndryshme (nga më shumë se dhjetë vende) përgjatë një periudhe të reformave në universitet. Në universitetet amerikane, angazhimi në Qeveri studentore është eksperienca që ndërthur dijen, organizimin, përballjen për mbrojtjen e të drejtave dhe përgjegjësinë e besimin nga shokët e kolegët.
Shpendi pas kthimit nga studimet ka punuar në Kosovë në institute të vendit e ndërkombëtare, siç janë Instituti për Studime të Avancuara e Banka Botërore ku ka pasur një aktivitet tepër intensiv duke u angazhuar në shumë çështje të rëndësishme. Shpendi ka punuar dhe në zyrën Amerikane në Prishtinë, gjatë viteve 2000 -2001, si dhe në Fondin Monetar Ndërkombëtar, këtu në Prishtinë, si dhe në Bankën për Zhvillimin e rindërtim e në shumë iniciativa e projekte të cilat në qendër kanë pasur politikat ekonomike”, ka thënë Kurti.

VV poashtu ka bërë publike edhe listën e kandidatëve për asambleistë. Ndër ta edhe disa prej figurave qendrore të kësaj lëvizjeje: Puhie Demaku, Dardan Sejdiu, Hatixhe Hoxha, Fisnik Ismaili, Nazlie Bala, Xhelal Sfeçla, Ylli Hoxha.
Më poshtë edhe lista, e renditur në bazë të alfabetit.

Afërdita Pireva
Afërdita Veliu
Afrim Mehmeti
Ajtene Asani-Xhemajli
Anduena Arrni
Arben Vitia
Arbnora Berisha
Bahrije Ademi
Bardha Dida-Rogova
Berat Lahu
Bislim Shala
Burbuqe Shurdha
Dardan Sejdiu
Drita Tahiri-Rexhepi
Edona Bajçinca
Edona Desku
Ejup Bajrami
Fadil Dini
Fatmir Ibrahimi
Fatmir Qorolli
Fatos Aliu
Fazli Maloku
Fisnik Ismaili
Fitore Pacolli-Dalipi
Flamure Brajshori
Florim Kurti
Genc Sherifi
Genti Xhambazi
Hatixhe Hoxha
Hatixhe Latifi-Pupovci
Imer Rrahmani
Jeton Budima
Kreshnik Ahmeti
Lirijonë Duli
Minivere Pllana
Misim Bajrami
Nazlie Balaj
Nol Binakaj
Puhie Demaku
Qëndron Kastrati
Rifat Deri
Ruzhdije Murati
Sadri Ramabaja
Shemsi Rudari
Sherafedin Sekiraqa
Sherif Makolli
Shpend Ahmeti
Sylejman Krasniqi
Sylejman Pireva
Teuta Krasniqi
Tringa Kelmendi
Xhavit Mustafa
Xhelal Sveçla
Xhevat Isufi
Ylli Hoxha
Zana Hoxha

http://www.indeksonline.net/?FaqeID=2&LajmID=69156

[ARIANI_TB]

[ARIANI_TB]

Ahmeti: Synimi i VV-së, së bashku me qytetarët të ndryshohet Prishtina!

Në mbrëmjen e 10 shtatorit Qendra e Lëvizjes VETËVENDOSJE! në Prishtinë, paraqiti para qytetarëve të Matit, Modelin e Lagjes. Shpend Ahmeti me bashkëpunëtorë u takuan me qytetarët në qendër të lagjes.
Fillimisht Shpend Ahmeti para të pranishmëve paraqiti Modelin e Lagjes, për të cilin tha se është një model që ofron një jetë normale për qytetarët. Sipas këtij modeli lagjja duhet të ketë:
- Furnizim të rregullt me ujë,
- Shërbime mjekësore në afërsi,
- Çerdhe e institucione parashkollore me çmim të përballueshëm,
- Shkollim cilësor në afërsi,
- Hapësira relaksuese e sportive (parqe e terrene sportive),
- Rrugë të ndriçuara dhe të sigurta,
- Linja të transporti publik dhe me orar të parashikueshëm e të saktë,
- Rregull e ligjshmëri,
- Parking për banorët e lagjes,
- Lidhje me infrastrukturën e qytetit (kanalizim, rrugë), si dhe
- Vetëorganizim dhe pjesëmarrje në planifikimin e lagjes.

Shpendi theksoi se synimi i Lëvizjes Vetëvendosje! është që së bashku me qytetarët e secilës lagje ta ndryshojë Prishtinën, duke realizuar këtë model. Ai më tutje u shpreh se i njeh problemet e Matit siç janë: mungesa e ujit, mungesa e ndriçimit publik dhe mungesa e sigurisë, shkolla, e cila në aspektin teknik është në gjendje jo të mirë, çerdhja e cila tek pas presionit të madh të qytetarëve ka filluar të ndërtohet etj., mirëpo se ka ardhur në Mat të dëgjojë nga vetë qytetarët e pranishëm se si e shohin ndryshimin e lagjes.
Gjatë bashkëbisedimit banorët e lagjes Mat ngritën shqetësimet rreth investimeve pa planifikim dhe “shkel e shko” që po realizohen nga pushteti komunal vetëm në prag të fushatave, rreth uzurpimit të pronave publike përskaj rrugës “Isa Kastrati”, mungesës së ujit dhe detyrimit të hapjes së puseve mjaft të kushtueshme e kështu me radhë.
Shpendi e përfundoi takimin duke theksuar se nuk jep premtime të parealizueshme dhe se “secili politikan që u thotë qytetarëve se do ta realizojë këtë apo atë projekt për kaq muaj, gënjen dhe se zgjidhja është të ndryshohet qasja ndaj politikës duke u bërë qytetarët bashkë me Lëvizjen Vetëvendosje! e duke e realizuar ndryshimin në gjetjen e zgjidhjeve në bashkëbisedim e bashkëveprim”. /Indeksonline/

http://www.indeksonline.net/?FaqeID=...types=og.likes

[ARIANI_TB]

VV-ja denoncon vërshimet pranë “Rrugës B”!


Pa marrë parasysh se në cilën stinë, sapo të fillojë të bie një rrebesh i shiut qytetarë të shumë pjesëve të Prishtinës duhet të përgatiten që të mbrohen nga vërshimet. Ishte nata mes 10 dhe 11 shtatorit kur shiu i radhës shkaktoi vërshimet e radhës. Problemin e shiut të djeshëm e ka adresuar Qendra e Lëvizjes Vetëvendosje-dega në Prishtinë, duke e ilustruar me disa fotografi.
“Nuk është se të reshurat e shiut në Prishtinë janë të jashtëzakonshme, por rrjeti i kanalizimit është i jashtëzakonshëm. Rrjeti është jashtëzakonisht i dobët dhe i ndërtuar pa asnjë planifikim. Por absurdi më i madh është ai i të famshmes “Rruga B” në lagjen Mati 1. E proklamuar nga kryetari aktual i Komunës së Prishtinës si rrugë me standardet më të larta Evropiane, kjo rrugë po del të paraqes problemin e radhës për Prishtinën. Përpos vonesave në përfundimin e ndërtimit të “Rrugës B” dhe shkeljes së çdo afati në këtë drejtim të caktuar nga vetë Komuna, kjo rrugë ende duke u ndërtuar po i shfaq defektet tejet të rënda teknike”, konsideron VV-ja.
Sipas kësaj Lëvizje, sa herë që bie shi tek rrethrrotullimi ku bashkohen “Rruga B” me rrugën “Muharrem fejza”, uji vërshon lokale të shumta afariste (ndër to edhe barnatoret e lagjes) duke shkaktuar secilën herë netë pa gjumë për qytetarët që duhet të mobilizohen për të hequr ujin dhe dëme materiale të konsiderueshme.
“Pika e Lëvizjes VETËVENDOSJE! në Matin 1, qysh nga 8 korriku i vitit 2012 kur ngjashëm si tani vërshimet e dëmtuan këtë pjesë të lagjes , ka kërkuar që komuna ta sanojë këtë gjendje dhe të mos i lë qytetarët dhe afaristët në mëshirën e motit (reagimi i 8 korrikut 2012 http:/ëëë.vetevendosje.org/index.php?cid=1,107,4788) , mirëpo edhe pas më shumë se një viti pushteti komunal nuk e ka parë të udhës as që ta sanojë këtë gjendje e as që të paktën t’i vizitojë qytetarët e dëmtuar”, përfundon VV-ja. /Indeksonline/

http://www.indeksonline.net/?FaqeID=2&LajmID=70212

[ARIANI_TB]

[ARIANI_TB]

Prezantimi i Kandidateve te VV per Kryetar dhe Asamblesit Komunash ne tere teritorin e Kosoves!
Salla e Kuqe, Prishtine, Shqiperi Diele 15 Shtator 2013!

[ARIANI_TB]

[ARIANI_TB]

[ARIANI_TB]

[ARIANI_TB]