si te jesh i sukseshem

[Eureka]

Tek çdo njëri ekzostojnë antipodet e ambicies që e shtyjnë të provojë fatin: një lloj frike e brendshme, një lloj dembelizmi i qetë moral që e përmbajnë, e largojnë nga ëndrrat e tij të fuqishme e madhështore duke i pikturuar me bojra magjepëse kuadrin idilik të një ekzistence të qetë, të sigurtë nga të gjitha shtrëngatat e pështjellimet… Kjo formë frike e dembelizmi moral quhet në mënyrë mistike, kënaqësi me gjendjen aktuale: dhe kjo përbën aspektin më të zakonshëm, më të ulët dhe më të qortueshëm të mediokritetit njerëzor.

Mos lër të sigurtën për të pasigurtën

“Më mirë një vezë sot se një pulë mot; kush kënaqet gëzon”: mjaftojnë këto proverba mediokre për të treguar gjithë shtrirjen e budallallëkut të atyre që ndjekin filozofinë e meskinitetit e të nënshtrimit. Në realitet, megjithatë “të kënaqurit me gjendjen e tyre” nuk janë kurrë plotësisht të kënaqur siç duan të hiqen, sepse kushtet e tyre të jetës nuk janë kurrë kaq të shkëlqyera sa t’i tregojnë në thellësi të shpirtit ata që kanë diçka më shumë. Është në natyrën e njeriut që të ndodhë kështu. Ai fenomen i miopisë morale që konsiston në mosparjen e asgjëje jashtë apartamentit tënd është mjaft më i rrallë sesa besohet. “I kënaquri me gjendjen e vet” nuk mund të mos vërë re të paktën se fqinji i tij ka një shtëpi të bukur ndërsa ai s’e ka; se përgjegjësi i tij merr 800 euro në muaj e udhëton me makinë, ndërsa ai vetëm 80 dhe ecën me këmbë; se një i njohuri i tij vesh një peliçe luksoze, ndërsa ai nuk ka veç një pallto të vjetër. E këto konstatime, për inat të të gjitha proverbave të botës nuk janë bërë për të favorizuar kënaqësinë e gjendjes vetjake.

Merrni iniciativa

Iniciativa është, zakoni, metoda, mëyra për të vepruar përpara, spontanisht, sipas të dhënave të eksperiencës personale dhe aftësisë mbartëse e njohurive vetjake. Të dalësh nga shtigjet e rrahura tepër, të përçmosh traditat dhe rutinën, të përpiqesh të krijosh, të vësh diçka personale në tërë atë që bëhet, të influencosh në mentalitetin e publikut, të restaurosh sisteme e mënyra të harruara e të braktisura prej vitesh, të vësh në plan të parë atë që të tjerët kanë përcaktuar të padobishme, të vihesh në krye të një lëvizjeje, të drejtosh inteligjencën dhe vetëdijen, të grumbullosh e të bashkosh në koalicion vetëm prirje divergjente, t’i japësh turmës atë që dëshiron në formë të mjegullt dhe të pasaktë, të kryesh xhestin që presin të gjithë e që askush nuk ka kurajon ta kryejë. Ky është kuptimi i fjalës “iniciativë”. Nëse ti do të kesh në shoqëri rëndësinë tënde e pjesën tënde dominuese, përpiqu të formosh e të zhvillosh aktivisht në veten tënde shpirtin e iniciativës.

Vetëm mediokrit janë të kënaqur

Kam qenë 20 vjet një i pakënaqur. Si të gjithë të pakënaqurit e kësaj bote, kam ndërruar zanat dhjetëra herë, kam përshkuar botën gjërë e gjatë në kërkim të diçkaje që nuk e gjeja kurrë, jam endur si gjilpëra e një busulle e turbulluar nga tërheqje të shumëfishta, nga një ekstrem në tjetrin. E megjithatë e arrita suksesin. Ja, ajo që ka rëndësi. Prandaj disponoj një farë kompetence e një farë ekperience personale, për t’iu drejtuar me autoritet të pakënaqurve dhe të zhgënjyerve të të gjitha zanateve dhe të të gjitha aktivitetetve. Edhe këtyre mund t’u mësoj diçka. Gjëja e parë që dua t’u them është kjo: se e vlerësoj pakënaqësinë e tyre e që shoh tek ata shenjën me të qartë e më të dukshme të epërsisë së tyre morale e të parashikimit të suksesit të tyre. Vetëm mediokrit janë të kënaqur me gjendjen e tyre, e kam thënë tashmë diku, e për pasojë, të privuar në mënyrë të pandreqshme nga suksesi.

Si të jesh njeri i veprimit

Bota është e njerëzve të veprimit. Në qoftë se ti nuk je i tillë, nevoja më urgjente, për ty, është që të bëhesh deomos i tillë. Nëse je, duhet të preokupohesh që të bëhesh më tepër. Ja disa metoda:

1. Të duash punën, energjinë, lëvizjen: Të urresh dembelizmin, rehatllëkun, mënyrat e panumërta të humbjes së kohës (kafe, diskutime të padobishme, spektaklet banale, miqtë mendjelehtë, klubet, zbavitjet e kota, gjumin e drekës).

2. Të jesh i pasionuar me aktivitetin tënd professional: t’i kushtosh tërë kohën tënde, tërë mendimet e tua, tërë forcat e tua. Kur të kesh rrojtur shumë e të kesh njohur kotësinë e trishtuar të tërë atyre gjërave e tërë atyre preokupimeve të cilave u kemi dhënë gabimisht aq shumë rëndësi do ta çmosh më shumë punën tënde e do të pendohesh që je preokupuar kaq pak e kaq keq. Koha kushtuar punës është e vetmja e harxhuar mirë, sespe është e vetmja që pjell diçka.

3. Të mos mërzitesh kurrë: Ose mos e lër veten të mposhtet nga mërzia. Mërzia na zë në momente kur truri ynë është i plogët. Të mbash vazhdimisht trurin në aktivitet, mos e lejo në asnjë moment të ndalojë, mos i krijo as pretekste, as mënyra të hutohet. Njerëzit që mërziten, janë për t’u mëshiruar dhe përçmuar në të njëjtën kohë.

4. Mos i lër kurrë asgjë rastit: Parashiko gjithçka. Mos merr vesin e shëmtuar të varësh shpresat tek fati, tek rrethanat, tek e papritura: është një mënyrë shkatrrimtare që të çon në pasojat më të dëmshme.

5. Mësohu të gjykosh dhe të vendosësh me shpejtësi: Në jetën kontemporane, gjithçka zhvillohet në kohë rekord. Mekanizmi dhe ritmi i punëve kërkojnë sot që një njeri të dijë të përcaktojë qëndrimin e tij e të formulojë masat paraprake në një të dhjetën e sekondës.

Të veprosh dhe të përtërihesh

Të veprosh: Ja fjala e ditës në epokën në të cilën jeton. Njeriu që arrin sukses është njeri i veprimit. Një shekull më parë mund të arrinte sukses edhe një idnivid që “dinte të fliste”. Sot, të dish të flasësh nuk është më mjaftueshëm; bile më tepër të bën dëm. Duhet të dish të veprosh. O të veprosh, o të pranosh humbjen. Nuk është më e mundur t’i shmangesh kësaj alternative të hekurt. Të krijosh, të provosh, të shesësh, të blesh, të lëvizësh, të sajosh idera e t’i kthesh në fakte, pa pushim, pa asnjë çast plogështie dhe shkujdesjeje: tërë jeta aktuale kalon nëpër furrën e kësaj nevoje, zhvillohet në këtë atmosferë të ethshme e tërë ankth. Njeriu i epokës tonë është një idnivid që e ka kuptuar me kohë këtë aspekt të realitetit dhe e ka pranuar. Punon me zell, mendon papushim të ngjallë interesa të reja rreth vetes, lufton me këmbëngulje për të mposhtur një rival apo konkurrent. Punët përfaqësojnë për të, tërë jetën e tij: në këtë fjalë ai sintetizon universin.

Vlerësojeni veten

Nëse do të dallosh në jetë, të kapërcesh nivelin e ambjentit shoqëror në të cilin je burgosur aktualisht, të dominosh të tjerët në vend që të jesh shërbëtor i përjetshëm, mbi të gjitha vendose veten mbi tjetrin. Vlerësoje veten më shumë se të gjithë, syno të bëhesh një nga njerëzit më të mëdhenj të kohës tënde, përfytyro veten vazhdimisht në një post komandues. Pozicioni që ti do të arrish të fitosh në shoqëri është ai që ti ndjen, deri në kohën që do mundesh e do duash ta arrish. Duke menduar shumë e në mënyrë të pandërprerë për energjinë, ka mundësi të bëhesh energjik; duke menduar në mënyrë të palodhur për bukurinë, ti brumos një mentalitet dhe një temperament prej artisti; duke menduar me bindje të thellë dhe me entuziazëm të papërmbajtur për ambicien, ti bëhesh i aftë të përfaqësosh në rrethin e hiearkive më të larta shoqërore një pjesë në planin e parë. Nëse mendimi yt dominues është “të arrish sukses”, të gjithë përbërësit e personalitetit tënd, të inteligjencës tënde, të instiktit tënd do të ndikojnë drejt këtij mendimi, do t’i nënshtrohen me ëmbëlsi, do ta forcojnë me ndihmën e energjive të tyre të shumëfishuara e do të marrin nga ai një gjurmë të vetme. Ti do të bëhesh në këtë mnyrë tipi ideal i njeriut të prirur për sukses: i vendosur, agresiv, e i pathyeshëm.

Si mendoni

[SERAFIM DILO]

Nuk jam dakort me kete moden e pasurimit o te suksesit me "çdo kusht".Eshte nje filozofi o menyre jetese qe nuk ka etike o nuk mund ti pershtatet harmonise te "nje shoqerie".

Duke mos pasur etike nuk duhet te kete asnje virtyt dhe mbase nuk ka as lumturine qe supozon.

[Neteorm]

Jam shume dakort! Vertet ia vlen ta lexosh dhe plot plot optimizem.

[Meriamun]

Mendoj qe kjo eshte nje pjese e shkeputur nga njeri prej dhjete librave te dy autoreve amerikane H.Box dhe J.G Watson tek seria " Sekretet e Suksesit", pershtatur ne shqip aty rreth viteve 2000-2001, nese nuk me ka lene kujtesa. Jane nje seri keshillash qe mesojne njerezit si te marresh iniciative, si te ndertosh nje kapital apo te behesh kopetent ne profesionin perkates, te perforcosh vullnetin, memorjen, te imponohesh, te dish te flasesh, te behesh simpatik per te tjeret dmth te jesh altruist e p.ordhi kali ne dere te hanit, budalleqe jankish te cilat me se tepermi promovojne qellimin e nje ariitje kapitale ne baza teresisht materialiste dhe te pacipa.

Mendoj qe ja vlen te lexosh Seneken, librin Lettere a Lucillius apo Mark Aurelin librin meditime etjere qe te krijosh nje koncept te mirefillte mbi jeten dhe kohen, shpirtin dhe materjen etjere.

[Prudence]

jo se jane kot kto me siper, por gjithmone pula e botes eshte me e majme, keshtu qe me me kemb ne toke.

pasi numerojme ata qe kemi para, duhen numeruar edhe ata qe kemi mbrapa.

hajde paci shendet dhe dashuri per familjen

[WesternBlot]

Per here te pare rash ne kontakt me kete serine e ketyre librave ne vitet 97-98. Me ndikuan shume ne jeten time qe mund te them qe ishin "pike kritike" per mua. Jane plotesisht te drejta keshillat qe jepen qe vetem mendjengushtet dhe ata qe besojne se perpjekja e vazhdueshme per sukses eshte shkak i mos-lumturise.
Kam kerkuar ne intnet por nuk kam gjetur asnje lloj informacioni per autoret e librave H.Box dhe Whatson.Besoj se do te jene emra te sajuar nga perkthyesi i librave sepse perkthimi dhe botimi ka mundesi te jete pa leje te autorit. Besoj gjithashtu se ben pjese tek ata libra qe duhet patjeter te lexoje nje njeri qe te quhet i kompletuar.

[Wordless]

jo se jane kot kto me siper, por gjithmone pula e botes eshte me e majme, keshtu qe me me kemb ne toke.

pasi numerojme ata qe kemi para, duhen numeruar edhe ata qe kemi mbrapa.

hajde paci shendet dhe dashuri per familjen

Nëse sheh prapa nuk ecën dot përpara !!

Njeriu është i krijuar ose e ka në natyrën e tijë të kërkojë që të ketë gjithnjë e më shumë. Lind kapitalist. Problemi qëndron se e ardhmja dhe suksesi varet shumë nga e tashmja dhe e kaluara e një njeriu apo shoqërie. Nuk mund të krijohet një e ardhme "ëndrrash" nëse nuk jeton në një vënd ku është e mundur realizimi i kësaj "ëndrre" pra e sukseit që të jesh shumë i pasur. Por po të ndjekim versionin që na sygjeron hapsi i temës i cili vë në dukje si shëmbull shtëpinë e komshiut, atëhere do të thoja se këtë lumturi mund ta kërkojë kushdo. psh Një Afrikan i cili jeton në një kasolle kashte mund të konkurohet nga një Afrikan tjetër i cili shtëpisë prej kashte i vëndos një Palmë afër për t'i bërë hije... mirpo... një Afrikan tjetër më ambicioz që sheh kushtet dhe rrethanat nuk meret fare me të tilla konkurenca por emigron në perendim dhe bëhet një "yll" basketbooli, boksi, futbolli, muzike etj.

Dua të dal edhe një herë te ajo që thashë në fillim se për të qenë i suksesshëm duhet dhe të ndërrosh vënd në kërkim të suksesit, pasi vëndi ku jeton nuk ta jep mundësinë më shumë se të mbjellësh një Palmë për t'i bërë hije shtëpisë tënde dhe për t'i bërë karshillik komshiut se gjoja ti je më i zoti se ai. Unë personalisht njoh një person (nga afër) që brënda 20 viteve u bë Miliarder me djers dhe mëndje. E nisi me një tavolinë "tezgë" me 200.000 lek borxh me fajde dhe sot është ai që është.. një Miliarder. Po ky person në kohë të Monizmit mezi hante bukë dhe mezi mbante 3 fëmijët e mitur. Ai sistem atijë nuk ja dha mundësinë që të mbillte as atë Palmën mbi shtëpi, bile nuk kishte as shtëpi. Për ta përmbledhur dua të risjell edhe një herë të nënvizuar mendimin tim rreth kësaj teme i cili është : Problemi qëndron se e ardhmja dhe suksesi varet shumë nga e tashmja dhe e kaluara e një njeriu apo shoqërie.. Pse ? Sepse mund të jesh edhe një trashgimtar e që këtë trashgimi mund ta shumfishosh ose ta falimentosh..!!

p.s

Serafim, pak më ambicioz se je edhe i LSI-së djalli ta marë

[SERAFIM DILO]

Simbas llogjikes, nje gje eshte pozitive kur sherben asaj qe quhet e "mira me e larte",qe duhet te jete diçka qe ti sherbeje individit per te jetuar ne nje shoqeri me te respektueshme e me te lumtur,dmth qe dhe suksesi e pasuria i sherbejne harmonise ne shoqeri kur kane nje moral praktik pozitiv.

Marim si shembull pasurine edhe se suksesi mund te jete diçka tjeter por sot kryesisht identifikohet me pasurin o pasurimin.Sistemi me i drejte eshte ai kapitalist,ku individi per meriten,punen dhe zgjuarsine e tije i jepet mundesia te pasurohet.Vetem ne kete menyre shoqeria mund te eci perpara o te zvillohet kur ka nje konkurence midis individeve,pra kush eshte me i zoti,me i afti jo vetem qe ka te drejte te pasurohet por edhe mund te thuhet se e ka si detyre te pasurohet.Ky sistem o sistemi kapitalist funksionon kur te gjithe kane te drejta o mundesi te barabarta,ku ka meritokraci. Ky sistem prishet o degjenerohet kur pasurimi o pasuria kthehet ne monopol,kur pasurimi bllokon sistemin e zhvillimit,kur krijon antagonizmin midis klasave te ndryshme sociale,kur i pasuri nuk punon dhe punojne te tjeret per te,kur kapitalizmi kthehet ne feudalizem,kur ky koncentrim pasurie prish o kalon nga konkurenca e lire ne monopol.Kjo eshte ana ekonomike ne politike.

Nga ana morale o filozofike pasuria o pasurimi sherben kur nuk krijon asnje demtim per te krijuar vantazh,kur nuk prek lirine e mundesite e nje personi tjeter.Per te kopjuar Popper qe shpegonte Kant:"Shpirti i etikes kantiane mund te permblidhet ne keto fjale;ki kurajon te jesh i lire;dhe respekto lirine e te tjereve.

E vertet,nuk jam ambicioz Wordless,"edhe ne zbardhjen me trasparence te plote drejt integrimit per hapjen e tunelit te Krrabes".Ambiciozet e vertete jane ata qe "kenaqen me pak",ata qe kane si virtyt moralin apsolut.Natyrisht, pastaj jeta eshte nje, ku kerkohet gjithmone lumturia qe varet edhe nga faktore te tjere edhe personal si shendeti dhe harmonia,por prap suksesi i vertete,per te kopjuar nje shqiptare ambicioze te suksesshme Nen Terezen:Suksesi,nuk eshte tek gjerat qe ben por sa dashuri i kushton gjerave qe ben.