Reforma territoriale: Pushteti lokal mbledh firma për referendum, qeveria kundër

[Albo]

Harta territoriale, Komisioni dërgon draftin në Kuvend. Fino: Reforma e reformave

Harta territoriale, Komisioni dërgon draftin në Kuvend. Fino: Reforma e reformaveTIRANE - Një ditë pas miratimit nga Këshilli i Ministrave të projektit për ndarjen e re administrativo-territoriale, komisioni i posaçëm është njohur me përgjigjen zyrtare të qeverisë dhe ka miratuar draftin përfundimtar që do t’i dërgohet kuvendit për miratim.

Në hapje të mbledhjes, kryetari i komisionit, Bashkim Fino tha se projekti i miratuar dje nga qeveria do t’i bëhet i ditur grupeve parlamentare, duke lënë të hapur mundësinë për të dhënë mendime dhe sugjerime.

Fino theksoi se kjo është reformave e reformave, ndër më të rëndësishmet për vendin. Mbledhja u karakterizua nga diskutime, kryesisht mes deputetit Andrea Marto dhe kryetarit të komisionit Fino.

Fino: “Çdo deputet do të ketë dijeni për draftin, Jemi të hapur, ka pasur edhe deputetë kundër”
Deputeti Andrea Marto-Finos: “Më keni paragjykuar për Konispolin”
Bashkim Fino-Martos: “Ju kërkoj ndjesë nëse jeni fyer”
Idrizi: Kjo reformë duhet të bëhet në radhë të parë në dakordësinë e dy forcave të mëdha politike. Ajo që pamë ishte vullneti i mirë që në zonën e jugut të Shqipërisë të krijohej një mega njësi e re administrative ku grupoheshin për herë të parë njësitë me shumicë minoritare. Janë marrë dy komuna nga Delvina, dy nga Saranda dhe disa poshtë dhe janë bashkuar bashkë për të bërë një njësi të re administrative me shumicë minoritare. Do bënim mirë të mos ekzistonte që njësia administrative të mos bazohet mbi etninë. Por ne nuk jemi kundër, por megjithëse ne jemi vrarë, jemi prerë, jemi përzënë dhe nuk jemi këtu për të bërë me të njëjtën monedhë. Tani na del problemi i tre fshatrave. Ne kemi dorëzuar peticionin e Pandelejmonit dhe Sopikut. Nëse bëhet fjalë për Vagalatin dhe Vagalati na prishka gjithë historinë ne e japim konsensusin dhe për Vagalatin, por jo për Pandelejmoni dhe Sopiku.
Vasili: Unë mendoj që duke qenë në fundin e një procesi të gjatë dhe të vështirë, unë mendoj se duhet të vazhdojmë të ruajmë thelbin. Përpara kemi një produkt që na bie 61 njësi, i vetmi rast ku nuk teprohet fjala historike. Sa i takon emocionaliteteve unë nuk dua ti komentoj sepse të tilla ka pasur ka dhe do të ketë. Por kjo gjë e madhe është shumë me e rëndësishme se sa interesat e tjera. Është shumë pozitive që kemi treguar vullnet të mirë dhe durim për të pritur opozitën. Është shumë i mirëpritur edhe zoti Idrizi që u bë pjesë e komisionit. Unë distancohem nga interpretimet politike. Ne kemi ardhur të bëjmë një Shqipëri që jeton më mirë, administrohet më mirë. Hapësirat për diskutim politik nuk janë tagër i këtij komisioni. Për mua komisioni ka kryer punën në mënyrë të shkëlqyer.
Marto: Në Facebook thuhet jo këta duan një bashki të madhe...
Fino: Unë nuk jam kryetar i Facebook-ut, jam kryetar i komisionit. Nuk merrem me komente Facebook-u. Unë nuk marr përsipër të kthej përgjigje se çfarë shkruajnë njerëzit në Facebook.

Gjatë mbledhjes së djeshme, qeveria miratoi ndarjen e re administrative me 61 bashki, një variant i miratuar nga komisioni. Në këtë vendim u arrit pas marrjes në konsideratë të mendimeve dhe opinioneve të shprehura nga njësitë vendore, si dhe nga Partia për Drejtësi, Integrim dhe Unitet (PDIU).

Por, ky variant është kundërshtuar nga Partia Bashkimi për të Drejtat e Njeriut (PBDNJ) dhe organizata OMONIA, të cilat kundërshtojnë bashkimin e bashkisë Himarë me komunat e Vranishtit dhe Lukovës. Drafti i ndarjes së re administrative pritet të miratohet më 31 korrik ne Kuvend, në seancën e fundit parlamentare të këtij sesioni.

GJASHTË DEPUTETË TË MAZHORANCËS KUNDËR DRAFTIT
Gjashtë deputetë të mazhorancës kanë bërë të ditur votën e tyre kundër ndarjes së re administrativo- territoriale. Përveç deputetit socialist Andrea Marto, i cili ka shprehur kundërshtitë e tij, kohë më parë, qysh në fillimet e diskutimeve, deputetët e PS-së Parid Cara dhe Pjerin Ndreu u shprehën dje në rrjetin social “Facebook” kundër hartës së re. Kundër doli edhe deputeti minoritar nga radhët e LSI-së, Vangjel Tavo.

Të njëjtin qëndrim shprehën dje edhe kreu i PKD-së, Mark Frroku si edhe ai i PBDNJ-së, Vangjel Dule, njëherazi nënkryetar i Kuvendit, i cili paralajmëroi në emisionin “Studio e hapur” në NEWS 24 deri largimin nga koalicioni qeverisës në rast të miratimit të kësaj reforme.

(er.nu/BalkanWeb)

[Albo]

“Territorialja”, banorët peticion: Po fshijnë nga harta Dukagjinin

TIRANE- Banorët e Dukagjinit kanë hartuar një peticion, ku kundërshtohen ndryshimet në kuadër të reformës Adminiastrativo-Territoriale. Në peticion, banorët kanë kërkuar që të përfshihen në hartën e re të ndarjes territoriale, si njësi më vetë.

Në peticionin e nënshkruar nga 5 krerë të komunave të kësaj zone theksohet se Dukagjini meriton të jetë njësi administrative më vete. Sipas pretendimeve të banorëve, Dukagjini po fshihet nga harta, me ndarjen e re territoriale, reformë e cila i diskriminon.

“Ndarja administrativo-territoriale përcaktohet me ligj mbi bazë të nevojave dhe të interesave të përbashkëta ekonomike dhe të traditës historike. Kufijtë e tyre nuk mund të ndryshojnë pa u marrë parasysh mendimet e vetë popullsisë që banon në to. Kjo e bazuar në nenin 108, pjesë e gjashtë për qeverisjen vendore, të Kushtetutës së Republikës së Shqipërisë.”-thuhet në peticionin e banorëve të Dukagjinit.

Peticioni i është drejtuar Presidentit, Bujar Nishani, kryeministrit Edi Rama, kreut të Kuvendit, Ilir Meta, Ministrit Bledi Çuçi, kryetarit të komisionit për Reformën Territoriale, Bashkim Fino, kreut të PD-së, Lulzim Basha, Avokatit të Popullit, Igli Totozani.

Reforma Territoriale pritet të kalojë për miratim në Kuvend në datën 31 korrik. Ndërkohë, shumë zona dhe forca politike janë shprehur kundër ndarjes së re territoriale.

(ed.me/BalkanWeb)

[Albo]

Reforma Territoriale, SHKSH kundër: Varianti me 61 njësi, gjysmë hapi

TIRANE- Shoqata e Komunave të Shqipërisë, ka ngritur shqetësimin e saj në lidhje me ndarjen e re administrativo-territoriale. Sipas SHKSH-së, opsion më i arsyeshëm është ndarja e vendit në mbi 80 njësi, dhe jo në 61 njësi vendore. Më tej Shoqata e Komunave është shprehur se mbështet reformimin transparent.

“Shoqata e Komunave të Shqipërisë, si organizata në të cilën janë anëtarë të gjithë komunat e Shqipërisë, pa dallime politike të kryetarëve dhe këshilltarëve të tyre, si një nga grupet kryesore të interesit, në fushën e forcimit të qeverisjes vendore dhe decentralizimit, si një lobuese dhe avokate e zhvillimeve demokratike dhe reformave të pushtetit vendor, ka mbështetur dhe mbështet parimisht dhe praktikisht reformimin e drejtë dhe transparent të pushtetit vendor, ndarjen territoriale dhe ndarjen andminstrative.”-thuhet në reagimin e Shoqatës së Komunave të Shqipërisë.

Më tej në deklaratën për shtyp të Shoqatës së Komunave thuhet se janë rekomanduar pesë opsione teknike për reformën territoriale. “Shoqata e Komunave ka bërë studime mbi ndarjen territoriale dhe mbi përmbushjen e funksioneve nga njësitë vendore, duke angazhuar ekspertët më të mirë vendas dhe të huaj. Nga këto studime, janë rekomanduar pesë opsione teknike, për reformën administrative e territoriale. Nga këto, Shoqata e Komunave ka vlerësuar se opsioni më i arsyeshëm do të ishte një ndarje me një numër nga 80 deri në 100 njësi vendore, nga 373 që ka sot vendi. Shoqata e Komunave të Shqipërisë ka qenë mjaft aktive gjatë gjithë procesit të zhvilluar nga qeveria qendrore, për ndarjen e re territoriale në vend.”-thuhet në deklaratën e Shoqatës së Komunave.

Më tej, SHKSH theksoi se shumica e opozitës duhet të kontribuojnë për këtë reformë. “Qeveria nuk ndoqi këto parime por vazhdoi me mënyrën dhe për interesat e saj. Ajo ndonëse përgatiti pesë variante, përzgjodhi variantet ekstreme me 39 dhe 47 njësi dhe vetëm për këto kërkoi formalisht mendimin e njësive vendore, por e ndodhur përballë refuzimit masiv të këtyre dy varianteve dhe për arsye të tjera politike, qeveria kaloi në ekstremin tjetër të saj, në variantin me 63 njësi vendore nga i cili pakësoi dy prej tyre.

Edhe ky diapazon i gjerë i opsioneve qeveritare dhe kapërcimi nga njëri ekstrem tek tjetri janë tregues se reforma qeveritare ishte pa metodë dhe në injorim e shkelje të parimeve të mirënjohura të kryerjes së reformave të këtilla. Megjithatë, Shoqata e Komunave vlerëson se kalimi i qeverisë nga varianti me 39 apo 47 njësi në variantin me 61 njësi qeverisëse vendore është një gjysmë hap drejt ndarjes më të arsyeshme territoriale por nëse mbetet vetëm një gjysmë hap, kjo do të ishte edhe më e dëmshme, si çdo reformë gjysmake.”-thuhet në deklaratën e Shoqatave të Komunave.

Kjo ndarje do të krijonte pabarazi sipas SHKSH-së. “Pra, nëse qeveria dhe Kuvendi do të miratojnë ndarjen e propozuar me 61 njësi, atëherë kjo ndarje do të krijonte pabarazi dhe padrejtësi të shumta lokale, pasi nuk ka kuptim që ndërsa në disa pjesë të territorit të vendit krijohen afro 22 njësi vendore të dimensioneve të vogla, krahasuar me variantin me 39 njësi apo 11 mbi variantin me 47 njësi, të njëjtat kritere mund të zbatohen edhe në pjesë të tjera të territorit, për të krijuar edhe afro 20 njësi të tjera. Pra, edhe një herë Shoqata e Komunave të Shqipërisë apelon fuqimisht dhe artikulon qëndrimin më të fundit të saj, lidhur me reformën territoriale:

-Mazhoranca e opozita dhe i gjithë spektri politik por jo vetëm, të gjejnë rrugët e bashkëpunimit në çdo moment, për të kontribuar në këtë reformë;
-Të rishikohet rikonfigurimi dhe varianti i fundit me 61 njësi vendore, në interes të rritjes së numrit të njësive në intervalin 80-100 njësi apo 7-8 njësi për qark;
-Të shmanget çdo konfigurim me prapaskena politike;
-Të punohet me urgjencë kuadri ligjor, strategjia e decentralizimit fiskal dhe administrative, në funksion të NJQV-ve të reja.”-përfundon deklarata e SHKSH-së.

(ed.me/BalkanWeb)

[Albo]

Ndarja e re territoriale, Mema: S’është reformë por hartë elektorale

TIRANE- Shoqata e Qarqeve është shprehur kundër miratimit të hartës territoriale. Sipas kreut të kësaj shoqate, kjo nuk është reformë, por hartë elektorale.

Këtë ndarje të re territoriale e ka kundërshtuar dhe Shoqatës së Komunave, sipas të cilës nuk është një reformë e drejtë.

Kjo reformë pritet të kalojë për miratim në Kuvend në datën 31 korrik.

(ed.me/BalkanWeb)

[Albo]

Berisha: Harta e re, pazar banal ku Rama-Meta kanë ndarë Shqipërinë si plaçkë elektorale

TIRANE - Ish-kryeministri Berisha konsideron se varianti i propozuar për ndarjen territoriale është antikushtetues, diskriminues dhe ndëshkues për qytetarët. Në një reagim në faqen e tij zyrtare në “Facebook”, Berisha thekson se harta është ndërtuar vetëm mbi kriterin elektoral dhe sipas tij është “një pazar banal ku Rama - Meta kanë ndarë Shqipërinë si plaçkën e tyre elektorale”.

“Ndarja e re territoriale Rama - Meta është harta e tyre elektorale, është antikushtetuese, diskriminuese dhe ndëshkon qytetarët! Cilido që i hedh një sy hartës Rama - Meta të ndarjes se territorit konstaton se është shkelur çdo kriter gjeografik, demografik, ekonomik e kulturor dhe se ajo është e ndërtuar vetëm mbi kriterin elektoral dhe diskriminimin krahinor, një pazar banal ku Rama - Meta kanë ndarë Shqipërinë si plaçkën e tyre elektorale.”- shkruan Berisha.

Sipas ish-kryeministrit, “Tiranës i është bashkëngjitur Shengjergji me fshatra mbi 40 km larg saj apo Zall Herri që është përtej Paskuqanit, por jo Paskuqani i "mallkuar" nga qeveria, i cili është vazhdim i saj dhe që pak vite më parë ka qenë pjese e saj. Po kështu, qarku i Beratit me 8 deputetë, është lënë me 5 bashki, kurse Fieri me 16 deputetë është lënë vetëm me 6 bashki. Kulmi i diskriminimit arrin me Qarkun e Tiranës, i cili ka 32 deputetë dhe 1/3 e popullsisë së vendit dhe është lënë vetëm me 4 bashki, pra ka 3 bashki me pak se qarku i Gjirokastrës dhe 1 bashki me pak se qarku i Beratit, apo rreth 5 herë më pak se qarqet Vlorë, Berat, Gjirokastër, që se bashku sjellin ne Parlament gjithsej 25 deputetë dhe që janë shpërblyer me 19 bashki”.

“Kështu, Qarku i Gjirokastrës me 5 deputete ka 7 bashki, nga te cilat vetem njera eshte e fshatrave minoritare. Kurse jetimja Shkoder qe eshte me 11 deputete ka gjithsej 5 bashki. Theksoj ketu se vetem Velipoja vitin e kaluar ka patur te regjistruar si biznese 91 hotele, ekzakt sa Saranda. Po keshtu, dhe po per qellime elektorale, jane fshire nga harta Rama - Meta, Kashari dhe Paskuqani, qe ne censusin e fundit renditen perkatesisht ne vendin e 8-te dhe te 10-te si njesite e qeverisjes vendore me te medha ne numer banoresh te vendit.

“Pra ndarja Rama - Meta eshte thjesht ndarje elektorale apo harta e zones se pare operative, e cila shperblehet ne kete ndarje me 19 bashki apo me rreth 1/3 e bashkive te vendit. Ndarja e re territoriale zhduk nga harta 320 komuna dhe eshte nje dhunim flagrant i Kushtetutes te Shqiperise, e cila ne interesin me te mire te qytetareve jua garanton komunen si njesi te qeverisjes vendore. Kushtetuta ne nenin 108 pika 3 percakton se: “Komuna dhe bashkia jane njesi baze te qeverisjes vendore dhe si njesi te qeverisjes vendore kryejne te gjitha detyrat veteqeverisese vendore...".
“Kjo ndarje vjen ne kundershtim flagrant me interesat e perditshme dhe zhvillimore te çdo qytetari, komuniteti, zone dhe vendit ne teresi.Ndarja Rama - Meta bazohet ne parimin absurd te largimit sa me shume te qeverise vendore nga qytetari. Kjo ndarje eshte ndeshkim i rende i me shume se 1.3 milione shqiptareve banor te komunave, te cilet do duhen te bejne sipas rastit dhjetera e dhjetera kilometra rruge, madje deri ne 40 e 70 km per te arritur ne qendren e tyre administrative. Pra keta qytetare, qe jane dhe me te varferit e vendit, do duhet te shpenzojne shume me teper kohe dhe para per te arritur ne qendren e qeverise se tyre vendore. Keshtu, tani e tutje çdo sherbim qe qeveria vendore ju ofron qytetareve do ju kushtoje atyre dy e me shume here me shtrenjte ketyre te fundit dhe kjo nxit depopullimin e ketyre zonave.”

“Për një vend ne zhvillim e siper, fshirja e komunave nga harta vendos ne harrese përfundimtare zonat me te pazhvilluara te vendit, pasi ju heq atyre buxhetimin direkt dhe i shnderron ato ne satelit jetim te qendrave urbane dhe kjo nxit shpernguljen masive te banoreve te ketyre zonave drejt qendrave te medha urbane apo emigrimin jashte vendit. Por edhe qendrat urbane ne teresine e tyre edhe keshtu siç jane nuk perballojne si duhet problemet e tyre te medha te urbanizimit, mjedisit, pastrimit, furnizimit me uje, etj.. Bashkim i tyre me zonat rurale do shoqërohet padyshim me përkeqësim te sherbimeve ndaj qytetareve te tyre. Ndarja Rama - Meta godet rende potencialin turistik të Shqipërise sepse fshin nga harta njësitë vendore me potencial te madh turistik si: Velipoja, Shëngjini, Golemi, Spilleja, Semani, Orikumi, Lukova (me 50 km vije bregdetare), Ksamili. Ndarja elektorale Rama - Meta "harroi" qarqet, duke faktuar kështu se është thjesht një ndarje elektorale.”

“Si përfundim kjo është harta elektorale e Edvin Ramës, Ilir Metës, harta e shpërblimit të zonës së parë operative dhe e ndëshkimit të Tiranës, Fierit, Shkodrës dhe zonave të tjera të vendit. Kjo harte është anti-kushtetuese, anti-qytetarë dhe anti-kombëtare. Ju bëj thirrje qytetarëve të përdorin të gjithë mjetet kushtetuese kundër këtij ndëshkimi të rëndë dhe të pamerituar që po ju bën klika Rama - Meta!!”- përfundon Berisha.

(er.nu/BalkanWeb)

[Albo]

To Vima: Territoralja tensionon marrëdhëniet Shqipëri-Greqi. Ambasadori grek: Nuk ndërhyjmë tek reforma

Gazeta e njohur greke, To Vima, i konsideron marrëdhëniet midis Shqipërisë dhe Greqisë si të tensionuara për shkak të ndarjes së re administrative. Sipas To Vimas, minoriteti grek në Shqipëri mbetet një temë e mprehtë për dy vendet fqinje. Në artikull theksohet se marrëdhëniet afatgjata mes Greqisë dhe Shqipërisë janë në vështirësi për shkak të reformës së re administrative të parashikuar nga Tirana, e cila rrezikon demografinë e minoritetit grek në Shqipëri.

Problemet pritet të shfaqen pas ndryshimeve të planifikuara në Himarë, ku edhe ndodhet një minoritet i konsiderueshëm grek. Sipas To Vimas, planet e qeverisë shqiptare për të bashkuar zonat me pakicë greke me disa zona të largëta do të ndryshojë balancat etnike dhe fetare. Gazeta greke akuzon mediat shqiptare për një rritje të nacionalizmit, duke komplikuar bisedimet.

“Qeveria greke argumenton se ky lloj bashkimi apo shkrirje komunash në Shqipëri, nuk ka asnjë qëllim praktik dhe po bënë presion për një zgjidhje miqësore. Ministri i Jashtëm Evangelos Venizelos, ka tentuar të negociojë për tema të tjera të mprehta si kufinjtë detarë, por pala shqiptare heziton”, përfundon shkrimi i To Vima.

Nëse do ti referohemi gazetës greke To Vima, e cila njofton për një presion miqësor nga qeveria greke në drejtim të asaj shqiptare, atëherë vihet re një ndyshim i madh në qëndrimin e Greqisë sa i përket reformës territoriale në vendin tonë. Rreth një muaj më parë i ndodhur përpara studentëve të Universitetit Europian të Tiranës, ambasadori grek në Tiranë Leonidas C. Rokanas, duke iu përgjigjur pyetjes në lidhje me qëndrimin që ka mbajtur organizata OMONIA për ndarjen e re territoriale dhe Himarën, ka deklaruar se kjo reformë është një çështje që i takon qeverisë shqiptare dhe se Greqia nuk do të përfshihet në këtë çështje të brendshme. Ai është shprehur se pas Himarës nuk ka ndonjë ndodhi të mistershme.

“OMONIA siç e dini është një nga organizatat e minoritetit dhe që ka pikëpamjet e saj. Nuk na takon neve të gjykojmë pikëpamjet e tyre. Me Himarën s’ka ndonjë ndodhi të mistershme. Ju kujtoj se një nga hartat e prezantuara në parlament, në fakt plotëson ato kritere që OMONIA kërkon. Qëndrimi im është që nuk do të përfshihem në këtë çështje të brendshme, por nëse një organizatë demokratike prezanton qëndrimin e saj, unë e respektoj. Kjo jo vetëm për këtë zonë, por edhe të tjerat si për shembull në Pustec apo gjetkë. Nuk më takon mua të futem në detaje të reformës tuaj territoriale. Kjo është një cështje që i takon qeverisë dhe juve. Ju takon juve të vendosni”, ka thënë Rokanas.

MAPO

[Albo]

Deputetët e PS-së kundër Reformës Territoriale, rrezikohet votimi në Kuvend

Kontestimi i grupit nismëtar të partive politike të minoritetit grek në Shqipëri është vetëm njëra anë e medaljes për fatin që do të ketë reforma administrativo-territoriale. Brenda 24 orësh, drafti përfundimtar që mori edhe viston e qeverisë, është kundërshtuar fort nga disa deputetë të PS-së, qëndrimi i të cilëve në rast se do të përkthehet edhe në votë kundër, atëherë do të rrezikojë jo pak miratimin e saj në Kuvend në fund të muajit korrik. Aktualisht mazhoranca ka 85 deputetë përfshi këtu edhe kryetarin e PBDNJ-së, Vangjel Dule. Kësaj liste deri më tani i hiqen apriori dy vota, ajo e Dules dhe deputetit tjetër minoritar por që ka garuar në siglën e PS-së, Andrea Marto. Ky i fundit deklaroi në mbledhjen e komisionit për reformën territoriale se do të votonte kundër në rast se drafti përfundimtar nuk do të rishihej. Me dy votat e paralajmëruara “kundër” të Vangjel Dules dhe Andrea Martos mazhoranca shkon në 83 vota. Një ndihmë të madhe në këtë rast do të japin pesë votat e PDIU-së, të cilët paraprakisht janë shprehur pro reformës me ndryshimet e fundit që kaloi mazhoranca. Por sërish 88 votat nuk janë të palëkundshme për reformën nëse do t’i referohemi qëndrimeve të fundit të mbajtura nga plot katër deputetë, Parid Cara, Pjerin Ndreu, Vangjel Tavo dhe Mark Frroku. Nëse qëndrimet e tyre do të përktheheshin në vota, atëherë mazhoranca do të shkonte në seancë me 84 vota të pasigurta edhe pse ky është kuorumi i nevojshëm për të kaluar këtë reformë. Eksperienca e deritashme ka treguar se asnjë prej mazhorancave nuk është futur në seancë me vota të lëkundura kur bëhet fjalë për çështje të rëndësishme siç është edhe ajo për reformën territoriale, pasi deri në miratimin e saj në fund të muajit korrik ujërat mund të trazohen jo pak nga deputetët e mazhorancës. Kontestimi i djeshëm i disa prej deputetëve të shumicës në thelb kishte mungesën e konsultimeve të këtij drafti nga ana e qeverisë me komunitetin që ata përfaqësojnë në Kuvend. I pari që shfaqi kontestimet ishte deputeti Parid Cara. “Miq, harta e re e propozuar për ndarjen e territorit të Kavajës nuk ka marrë formë përfundimtare. Po nëse vendoset për versionin ku zona e Kryevidhit nuk do të jetë në administrimin e Kavajës siç ka qenë dekada me radhë, atëherë në cilësinë e deputetit të zonës do të ndërmarrë hapa konkrete për ndryshimin e kësaj situate, ”- komentoi deputeti Cara në faqen e tij në Facebook. Ndërsa në një prononcim të mëvonshëm për “News 24”, Cara tha: “Tani mund të them vetëm diçka: Nuk kam ndërmend të votoj dhuratat që u bëhen partive duke shkelur mbi interesat e popullsisë kavajase”. Pas tij ka reaguar edhe deputeti tjetër i PS-së, Pjerin Ndreu. “Mbështes deputetin e Kavajës Parid Cara në të drejtën e tij për të ndalur ndarjen territoriale në dhurata e qoka të dëmshme për interesat e komunitetit. Asnjë nuk ka marrë mendim as për zonën time elektorale deri tani meqë ra fjala..!”, – shkruan Ndreu në Facebook. Edhe deputeti i partisë Lëvizja Socialiste për Integrim, Vangjel Tavo është shprehur kundër variantit për bashkimin e disa fshatrave të minoritetit grek me Konispolin dhe Delvinën. Duke u ndalur tek çështja e Himarës, Tavo ka propozuar që të pyeten vetë himariotët nëse duan apo jo të bashkohen me Vranishtin, siç e parashikon dhe ndarja e re e Reformës Administrativo-Territoriale. Ndërsa deputeti Mark Frroku reagoi dje përmes një deklarate zyrtare. “Vota ime do të jetë kundër kësaj pakete ligjore”, – u shpreh deputeti Frroku, duke dhënë disa argumente rreth këtij qëndrimi. Ai tha se, “Partia Kristian Demokrate e Shqipërisë, megjithë dëshirën e saj, nuk është bërë pjesë e procesit të konsultimit dhe përfshirjes për hartimin e draftit në Komisionin e Posaçëm Parlamentar, ndonëse një kërkesë e tillë u është parashtruar drejtuesve të tij”. Po ashtu, kjo reformë, sipas tij, nuk arriti të jetë gjithëpërfshirëse.

MAPO

[Albo]

Qeveria miraton hartën me 61 njësi vendore, Himara nuk është minoritet

Ministri Çuçi: Relacioni ynë pro. Janë vetëm tri zona minoritare



Qeveria shqiptare, përkundër kërcënimeve të PBDNJ-së, si dhe të deputetëve të tjerë të mazhorancës për rishikimin e zonave minoritare, miraton hartën e re me 61 bashki në shkallë vendi, duke mos pranuar ndryshimin e konfigurimit të Himarës. Ministri i Shtetit për Çështjet Vendore, Bledi Çuçi, në një deklarim publik pas mbledhjes së qeverisë bëri të ditur vendimin për miratimin e ndarjes së re, sipas propozimit të paraqitur nga ana e komisionit të posaçëm parlamentar për reformën administrative-territoriale. “Këshilli i Ministrave miratoi projektin për ndarjen e re administrative–territoriale, sipas propozimit të bërë nga komisioni i posaçëm parlamentar. Qëndrimi ynë për reformën administrative–territoriale është i qartë dhe i prerë, në mbështetje të propozimit të ardhur nga komisioni. Projekti për ndarjen e re, me 61 bashki ka dalë pas një analize të detajuar për funksionalitetin e secilës, në bazë të kritereve të miratuara nga komisioni për këtë qëllim. Së bashku me relacionin dhe mendimin pro të ndarjes, Këshilli i Ministrave do të dërgojë në Kuvend të gjitha materialet shoqëruese që kanë të bëjnë dhe që lidhen me analizën funksionale të të gjitha bashkive të propozuara për hartën e re, si dhe me dokumentacionin e plotë që lidhet me procesin e konsultimeve, të kryer në të gjithë Shqipërinë”, deklaroi Çuçi. Ministri shtoi më tej se “kjo ishte një punë kolosale që u ngarkua nga komisioni i posaçëm për reformën territoriale. Ne jemi gati tashmë, me gjithçka, për t’i dorëzuar komisionit, në mënyrë që të vazhdojë procesi i vendimmarrjes në seancë plenare për hartën e re administrative–territoriale”.

Himara

Qeveria, nëpërmjet ministrit Çuçi ka bërë të qartë se nuk është tërhequr pavarësisht kërkesës publike të kreut të PBDNJ-së, Vangjel Dule, për rishikimin e Himarës, duke kontestuar bashkimin me Hore-Vranishtin. Për qeverinë, Himara nuk mund të konsiderohet si pjesë e minoritetit. “Sa i përket Himarës, vendimi ynë ishte i qartë: Himara është 1 nga 58 zonat funksionale që janë krijuar në Shqipëri. Për ne Himara është pjesë e Shqipërisë, ashtu siç janë zonat funksionale nga Shkodra deri në Konispol, përveç 3 zonave minoritare, që për shkak të kritereve që ne vetë kemi vendosur, i kemi ruajtur përkatësinë minoritare. Himara është 1 pjesë e 58 zonave funksionale dhe është krijuar për t’i mundësuar një funksionalitet si bashki e ardhshme. Qëndrimi ynë për këtë ka qenë dhe mbetet i qartë”, deklaroi Çuçi. Disa ditë më parë, kreu i PBDNJ-së, Vangjel Dule, në një takim të zhvilluar në Himarë kontestoi fuqishëm bashkimin e Himarës me Hore-Vranishtën, duke u shprehur se kjo ndarje është në dëm të minoritetit. Për Dulen, Himara është një minoritet dhe si i tillë duhet të trajtohet dhe nga ana e qeverisë “Rama”. PBDNJ ka kërcënuar dhe daljen nga koalicioni qeveritar, nëse nuk ndryshohet harta e Himarës. Kjo parti kërkon që të votohet varianti numër 5 me 63 njësi vendore. Ndërkohë që mazhoranca nga konsultat e zhvilluara me PDIU-në pranoi propozimin që të krijohet Bashkia e Konispolit. Përkundër variantit me 47 bashki, komisioni i posaçëm iu përafrua variantit ekstrem me 63 bashki, duke i hequr dy njësi. Me këtë vendim mbyllet i gjithë procesi i hartimit të hartës së re territoriale. Në seancën e 31 korrikut, sipas të gjitha parashikimeve, Kuvendi duhet ta votojë në seancë plenare hartën e re. Vendimi nga Kuvendi duhet të merret me një shumicë të cilësuar votash, gjë që në dukje, sipas shifrave, mazhoranca e ka të sigurt.


Apeli

Ndoka: PD të shprehet për ndarjen territoriale

Kryetari i Partisë Demokristiane, Nard Ndoka, i bën apel Partisë Demokratike, si subjekti më i madh i opozitës që të shprehet në lidhje me reformën territoriale. “Opozita duhet të ketë një axhendë, pasi opozita nuk po e përdor institucionin e vet për të ndaluar revanshin e mazhorancës. Një prezencë e opozitës në Parlament do ishte me mjaft rëndësi. Mazhoranca duhet të kalojë Reformën Territoriale e më pas reformat e tjera. Nuk do të ketë shërbime cilësore ndaj qytetarëve. Ka pasur besim që mazhoranca do binte në konsensus. Sot jemi përballë fakteve të tjera. Pritet që brenda këtij muaji reforma territoriale të kalojë në Parlament. Kjo për opozitën do të thotë shumë, pasi PD-ja po i shmanget përgjegjësisë. Opozita e vëmendshme të shprehet qartë për reformën. Opozita merr një goditje në zgjedhjet lokale, kjo nuk është aspak e papritur. Ndaj duhet të reagojmë në kohë”, deklaroi Ndoka.


“To Vima”
Ndarja e re cenon marrëdhëniet mes dy vendeve
Gazeta greke “To Vima” shkruan se “marrëdhëniet afatgjata mes Greqisë dhe Shqipërisë ndodhen në vështirësi, për shkak të planeve të qeverisë mbi reformën e ardhshme administrative, e cila kërcënon demografinë e minoriteteve greke në Shqipëri”. Gazeta e njohur greke shkruan se problemi kryesor duket se rrjedh nga ndryshimet e planifikuara në Himarë, ku sipas saj, ndodhet një minoritet i rëndësishëm grek. “Me planet e qeverisë shqiptare, bashkimi i zonave minoritare me zona të tjera do të ndryshojë ekuilibrat fetarë dhe kombëtarë”, thekson shkrimi në “To Vima”.

Shqip

[Wordless]

Nëse ky ligj i djeg Grekëve .. unë jam PRO miratimit për arsye të thjeshtë dhe të vetkuptueshme.

Shqipëria po bëhet

[Albo]

Nëse ky ligj i djeg Grekëve .. unë jam PRO miratimit për arsye të thjeshtë dhe të vetkuptueshme.

Shqipëria po bëhet

Te lumte! Mos e ver trurin ne perdorim fare, mjafton te pyesesh se cfare mendon minoriteti grek per kete ceshtje, dhe ti bej te kunderten e tyre. Tamam rilindas i vertete socialist je. Ka nevoje Partia per rilindas si puna tende.

Po se si do te ndikoje ky ligj ne jeten tende e ke marre mundimin te pyesesh veten? Kur te gjithe ata fshataret e qytetaret e zonave te vendit te mblidhen te gjithe ne Tirane se nuk kane me as nje bashki apo komune afer aty ku jetojne, pastaj do te shikojme se sa e mire dhe e bukur do te behet Tirana dhe mbare Shqiperia.

Nuk e kishe menduar kete gje? E po te duhet nje tru qe ti mendosh keto gjera, e ty te ka fluturuar truri.

Albo