Atentatet në Tiranë: Arrestohet polici që vrau atentatorin, lihet i lirë krimineli

[Albo]

Dy atentate me armë zjarri janë verifikuar mbrëmjen e së hënës në kryeqytet, ku si pasojë kanë mbetur të plagosur 5 persona. Ka qenë rasti i dytë që për nga numri i personave të përfshirë ka rezultuar dhe më fatali.

Plagosja e parë ka ndodhur në rrugën “Him Kolli”, pranë Rrugës së Kavajës, ku të plagosur kanë mbetur katër persona, njëri prej të cilëve agjent policie. Sipas burimeve zyrtare, dyshohet që efektivi i policisë të ketë shkëmbyer zjarr me një të dyshuar, i cili ka qenë i shoqëruar me dy persona të tjerë. Të 4 personat e përfshirë në këtë incident kanë mbetur të plagosur. Informacione të pakonfirmuara sugjerojnë se njëri prej tyre ka mbetur i vrarë.

Plagosja e dytë ka ndodhur në Qafën e Kasharit. Emiljano Shullazi, një emër i njohur për drejtësinë shqiptare për trafik droge dhe armësh, është plagosur pasi është qëlluar me një breshëri plumbash mbrëmjen e sotme në Qafën e Kasharit. Shullazi ishte duke lëvizur me makinën e tij kur është qëlluar nga një tjetër automjet në lëvizje. Pasi ka marrë disa plumba, ai ka humbur kontrollin e timonit dhe makina ka përfunduar në kanal.

Kush është Emiljano Shullazi

Emiljano Shullazi është një emër i njohur për drejtesinë dhe policinë. Ai është ndaluar disa herë nga policia për kërcenime dhe armëmbajtje pa leje. Ndërsa në nëntor të vitit 2011 ai u lirua nga burgu pasi kreu dënimin prej 7 vjetësh e 4 muaj burg për trafik droge.

Emiljano Shullazi, i cili është cilësuar si anëtari dhe si drejtuesi i një grupi kriminal që vepron në rrugën e Kavajës.

Anëtarë të tjerë të kësaj bande, e cila është krijuar në Tiranë, janë Pajtim Serjani, Ervin Ferhati, Artan Allushi, Erges Ymeri, Artan Shabani, Selfo Driza, Ermal Gogu, të gjithë të arrestuar.

Ky grup kriminal, sipas policisë, merrej me trafikimin e lëndëve narkotike.

Arrestimi i fundit i Shullazit ka të bërë me datën 9 nëntor 2011 kur ai së bashku me një shokun e tij u ndaluan për veprën penale të armbajtjes pa leje.

Emiljano Shullazi dhe Gilmand Dani, u arrestuan nga forcat e komisariatit të policisë nr. 2.

Policia tha se menjëherë pas kapjes së tyre, janë ushtruar kontrolle në banesat përkatese. Efektivët që u morën me kapjen e tyre thanë se në cilësinë e provës materiale u sekuestrua pistoleta, maskat, telefonat e dy të ndaluarve, si dhe makina e cila ishte në pronësi të kuvendit të shqipërisë.

Po ashtu edhe gjatë ditës së zgjedhjeve lokale të 8 majit 2011, Shullazi është kapur me armë, por ka deklaruar se ajo ishte artizanale dhe e kishte dhuratë, duke hedhur poshtë dyshimet se po planifikonte ndonjë ngjarje kriminale.

Koha Jonë

[SERAFIM DILO]

Krimi,ne ate vend tregon se asgje nuk ka ndryshuar.Vazhdon si me perpara,po te ndryshosh emerat e Kryeministrit;Meta-Nano-Berisha-Rama,etj;duket jo sikur qeveris gjithmone e njejta qeveri, por sikur edhe vitet nuk kane ndryshuar.(Ne kete aspekt do jete e lehte per shkruesit o historianet e ardhshem, do ta komentojne kete periudhe,1997-2018... e deri sa do zgjasi,si nje periudhe krimi e korrupsjoni te njejte. Eshte per tu habitur por dhe 45 vjeçari komunist edhe se me te njejtin sistem e njerez nder vite... ka o kishte nder vite ndryshime;"koha me jugosllavet,ndalimi i fese, prishja me sovietiket,ndalimi i artit i festivalit te 11,Kinezet,Tufezimi,denimi i qeveritarve te ndryshem etj etj,pra dhe ajo periudhe kishte nenperiudhat e veta,kishte ndryshime jo vetem ne politiken e jashtme qe kjo pastaj pasqyrohej ne politiken e brendshme por edhe vete ne nivelin e jeteses ne popull,ku u kalua nga rrogat e larta te kohes me Sovietiket ne uljen e rrogave,nga mallrat kineze ne tollonat e ushqimit e me radhe.
E vetmja veshtiresi per historianet e ardhshem mbase do jete te mbajn mend emerat e Kryeministrave o te Qeverive te periudhes se sotme,sepse nuk ka asnje ndryshim midis politikaneve qe do duhej te ndihmontee o ta ngacmonte memorjen. Do shkruhet pak a shume: "Nga vitet perpara dhe mbas 2000-shit,ku nuk ka rendesi se kush ishte Kryeminister,gjendja ne Shqiperi ishte e tille..").


Per ta mbyllur me diçka, kunder llogjikes o dhe kunder rrymes,eshte per tu vleresuar roli i Policise o i Policit,qe mbase eshte nje anormalitet qe ja vlen te shqyrtohet.Kam mendimin,qe gjate kesaj periudhe,policia eshte organizata qeveritare,sociale dhe kulturore me e mire qe ka Shqiperia.Po te krahasojme nje polic o policine me politikanet,ushtaraket,doktoret,gazetaret,mesuesit o me te gjitha rolet dhe profesionet e tjera shteterore do te shikojme qe Polici si figure civile-morale qendron shum me larte se profesionistet e tjere te lartpermendur.(Nuk kane klane o grupe policie,ne pergjithesi nuk kane bere kerdine me tenderat e policise,eshte e vetmja kategori qe ben detyren duke e pasur koken dhe vendin e punes ne rrezik.Sa jane vrare polic nuk jane vrare nga te gjitha kategorite shteterore).

Lind pyetja o dhe morali i ketij arsyetimi,duke ditur qe policet ne pergjithesi vine nga shtresat e varfera o dhe fshatare,nuk kane shkolle o kane minimumin e shkolles se duhur,si ka mundesi qe me pozitivet te jene ata me pak "inteligjentet ?" (Dy,mund te jene shpegimet e mundshme ;o i kemi policat shume inteligjent,o kemi te tjeret shume budallenj ).
Ky arsyetim,me qe jemi ne periudhen e sotme mund te lidhet dhe me Majkon,Kryeministri me i ri qe erdhi nga bankat e shkolles,pa asnje fare eksperience,pa asnje fare (gjykim personal) edhe inteligjence,por eshte fakt se gjate kesaj periudhe ka qene Kryeministri me i mire i vendit.Me i miri Ai qe nuk ka as inteligjenc dhe as eksperienc.

Hiq mjeket,hiq dhe policet se me te mire nuk kemi ku ti gjejme,sikur ne Shqiperi punojesit shteteror te zgjidheshin me short o t'ia linim fatit (gjyshja e filanit kryeminister,nje tetembedhjetevjeçar guvernator i bankes te Shqiperise) Shqiperia mbase nuk do bente "hapa gjigante" por e sigurte do ishte me mire se sot.

[goldian]

te gjithe te arrestuar dhe qellohen ne mes te tiranes????

[par]

Krimi,ne ate vend tregon se asgje nuk ka ndryshuar.Vazhdon si me perpara,po te ndryshosh emerat e Kryeministrit;Meta-Nano-Berisha-Rama,etj;duket jo sikur qeveris gjithmone e njejta qeveri, por sikur edhe vitet nuk kane ndryshuar.(Ne kete aspekt do jete e lehte per shkruesit o historianet e ardhshem, do ta komentojne kete periudhe,1997-2018... e deri sa do zgjasi,si nje periudhe krimi e korrupsjoni te njejte. Eshte per tu habitur por dhe 45 vjeçari komunist edhe se me te njejtin sistem e njerez nder vite... ka o kishte nder vite ndryshime;"koha me jugosllavet,ndalimi i fese, prishja me sovietiket,ndalimi i artit i festivalit te 11,Kinezet,Tufezimi,denimi i qeveritarve te ndryshem etj etj,pra dhe ajo periudhe kishte nenperiudhat e veta,kishte ndryshime jo vetem ne politiken e jashtme qe kjo pastaj pasqyrohej ne politiken e brendshme por edhe vete ne nivelin e jeteses ne popull,ku u kalua nga rrogat e larta te kohes me Sovietiket ne uljen e rrogave,nga mallrat kineze ne tollonat e ushqimit e me radhe.
E vetmja veshtiresi per historianet e ardhshem mbase do jete te mbajn mend emerat e Kryeministrave o te Qeverive te periudhes se sotme,sepse nuk ka asnje ndryshim midis politikaneve qe do duhej te ndihmontee o ta ngacmonte memorjen. Do shkruhet pak a shume: "Nga vitet perpara dhe mbas 2000-shit,ku nuk ka rendesi se kush ishte Kryeminister,gjendja ne Shqiperi ishte e tille..").


Per ta mbyllur me diçka, kunder llogjikes o dhe kunder rrymes,eshte per tu vleresuar roli i Policise o i Policit,qe mbase eshte nje anormalitet qe ja vlen te shqyrtohet.Kam mendimin,qe gjate kesaj periudhe,policia eshte organizata qeveritare,sociale dhe kulturore me e mire qe ka Shqiperia.Po te krahasojme nje polic o policine me politikanet,ushtaraket,doktoret,gazetaret,mesuesit o me te gjitha rolet dhe profesionet e tjera shteterore do te shikojme qe Polici si figure civile-morale qendron shum me larte se profesionistet e tjere te lartpermendur.(Nuk kane klane o grupe policie,ne pergjithesi nuk kane bere kerdine me tenderat e policise,eshte e vetmja kategori qe ben detyren duke e pasur koken dhe vendin e punes ne rrezik.Sa jane vrare polic nuk jane vrare nga te gjitha kategorite shteterore).

Lind pyetja o dhe morali i ketij arsyetimi,duke ditur qe policet ne pergjithesi vine nga shtresat e varfera o dhe fshatare,nuk kane shkolle o kane minimumin e shkolles se duhur,si ka mundesi qe me pozitivet te jene ata me pak "inteligjentet ?" (Dy,mund te jene shpegimet e mundshme ;o i kemi policat shume inteligjent,o kemi te tjeret shume budallenj ).
Ky arsyetim,me qe jemi ne periudhen e sotme mund te lidhet dhe me Majkon,Kryeministri me i ri qe erdhi nga bankat e shkolles,pa asnje fare eksperience,pa asnje fare (gjykim personal) edhe inteligjence,por eshte fakt se gjate kesaj periudhe ka qene Kryeministri me i mire i vendit.Me i miri Ai qe nuk ka as inteligjenc dhe as eksperienc.

Hiq mjeket,hiq dhe policet se me te mire nuk kemi ku ti gjejme,sikur ne Shqiperi punojesit shteteror te zgjidheshin me short o t'ia linim fatit (gjyshja e filanit kryeminister,nje tetembedhjetevjeçar guvernator i bankes te Shqiperise) Shqiperia mbase nuk do bente "hapa gjigante" por e sigurte do ishte me mire se sot.

sa gabohesh me analizen tende per policine lum miku

Po ta vesh re shumicen e ish shefave te policeise I ke sipermarres sot, por dhe me vila 3 , 4 , 5 apo me shume kate, nese ti e referohesh nje polici te thjeshte ne rruge dhe ai me ate 5 mije lekshin qe merr e ben raki, sa per korropsionin e policise duket se si zhduken provat e krimeve, se si pistoleta behet prej kallcuku, etj, etj. nje ish shef policie ne lagjen time ka disa vila neper tirane dhe e ka zili femijet per ate pasuri qe ka vene brenda shqiperise ndersa une qe punova mbi 15 vite jashte mezi e kam nje hyrje dhe ate me dyshime se mund te na sjellin inukun dhe te na lej pa cati ne koke,

[SERAFIM DILO]

sa gabohesh me analizen tende per policine lum miku

Po ta vesh re shumicen e ish shefave te policeise I ke sipermarres sot, por dhe me vila 3 , 4 , 5 apo me shume kate, nese ti e referohesh nje polici te thjeshte ne rruge dhe ai me ate 5 mije lekshin qe merr e ben raki, sa per korropsionin e policise duket se si zhduken provat e krimeve, se si pistoleta behet prej kallcuku, etj, etj. nje ish shef policie ne lagjen time ka disa vila neper tirane dhe e ka zili femijet per ate pasuri qe ka vene brenda shqiperise ndersa une qe punova mbi 15 vite jashte mezi e kam nje hyrje dhe ate me dyshime se mund te na sjellin inukun dhe te na lej pa cati ne koke,

Nuk diskutohet qe eshte ashtu siç thuaj ti,do ishte jashte llogjikes qe ne ate shtet te kishte polici o police te pakorruptuar o normal etj etj...Aty u zhduk tuneli me flori do ishte e habitshme mos zhdukej o zevendesohej nje pistolete me nje pistolete kallçuku...

Mendimi o arsyetimi im ishte,qe ne ate shtet aq te korruptuar duhet te kishim polici akoma me te keqe,po ti referohemi sistemit,popullit,politikes.Ishte nje arsyetim,kot,optimist,duke pare sketerren qe ka pushtuar ate vend.

[KNFC]

Late nam me kete punen e sketerres qe paska pushtuar kete vend ... vrasje dhe shkembime zjarri behen gjithandej ... ne Amerike java shtate e dita tete del ndonjeri qe vret nga pese e perpjete njerez kot per hobi e asnjeri nuk thote qe Ameriken qenka sketerre ... per te mos folur pastaj per kroniken e zeze ne Amerike apo shtete te tjera te Evropes ... qe nuk ka forum te mbaje aq material sa duhet per te pershkruar sa vrasje apo krime ndodhin ne Amerike apo vende te tjera te zhvilluara qofte dhe ne nje dite te vetme ...

Keta cuna kete jete kane zgjedhur te bejne ... dhe si e thote ajo fjala e vjeter ... kush rron me shpate mund te vdese nga shpata ... keto jane zgjedhje personale dhe prekin vetem ata persona te caktuar qe i kane bere keto zgjedhje ... nuk kam degjuar te vriten njerez per hobi ne Shqiperi si ndodh ne Amerike apo vende te tjera kur here pas here del ndonje psikopat qe hyn shkollave e ben kerdine !!!

[Albo]

Shoqerohet Shullazi, akuzohet për ‘Armëmbajtje pa leje’

Shoqërohet në polici Emiljano Shullazi, i cili bashke me mikun e tij, Dani, mbeten të plagosur një natë më parë në tentativen për t’i ekzekutuar.

Ata janë shoqëruar, pas marrjes së mjekimit në spitalin e Traumës në Tiranë, pasi ndaj tyre policia ka ngritur akuzën e “armëmbajtjes pa leje”. Kjo, sepse prane makines me te cilen udhetonte Shullazi jane gjetur municione.

Paraditen e sotme, ai është shoqëruar nga ambientet e spitalit, me nje makinë policie, drejt Drejtorise se Policise.

Burime nga policia bejne me dije makina me te cilen udhetonte Shullazi ishte ne pronesi te shtetasit Tahir Berisha, i cili ia kishte dhene kusherit te tij, SH. Berisha, banore te Shkallnuerit. Ky i fundit ka pranuar se i ka dhene automjetin Shullazit.



PD: Bandat që u përplasën kanë lidhje me qeverinë

Partia Demokratike reagoi sot pas ngjarjeve të mbrëmshme në kryeqytet ku pas një përplasje mes bandash, një person vdiq dhe tre u plagosën.

“Ngjarja e mbrëmshme që ka tronditur qytetarët e Tiranës, e nxori lakuriq Kryeministrin dhe Ministrin e tij të rendit, pas mburrjes së tyre me shifra kot, me statistika të sajuara, që nuk i hyjnë në punë askujt. Ramën dhe Tahirin nuk i beson më njeri, sidomos për rendin dhe sigurinë, pasi qytetarët po shohin çdo ditë se krimi sa vjen e rritet, rendi sa vjen e bie, pasiguria për jetën e për pronën sa vjen e shtohet”, tha sekretari i Përgjithshëm i PD-së, Arben Ristani.

Sipas tij “dihet botërisht se banda e përplasjes së përgjakshme, ka lidhje me qeverinë. Por përfshirja fizike në këtë histori e një efektivi të policisë, është një fakt i rëndë, kompromentues, që bën përgjegjës drejtpërdrejt Saimir Tahirin, që bën përgjegjës shefin e Tahirit, Edi Ramën”.



Shullazi plagoset pas përplasjes mes bandave rivale në Tiranë, ekzekutohet “vrasësi me pagesë”

Një përplasje me armë mes grupeve rivale në Tiranë përfundoi me një bilanc të rëndë mbrëmjen e djeshme.

Një person u vra dhe tre të tjerë u plagosën, mes tyre edhe Emiljano Shullazi, personazh i njohur në kryeqytet. Episodet e të njëjtës ngjarje ndodhën në një diferencë kohore prej 15 minutash nga njëra-tjetra dhe në vende të ndryshme, por sipas Policisë kanë lidhje me njëra-tjetrën.

Ngjarja ka nisur me një atentat te Rruga e Kavajës, në rrugicën “Islam Alla”. Pas një sulmi me armë ndaj tre vetave, aty mbeti një i vrarë (dyshohet autori i atentatit) dhe dy persona të plagosur, teksa i treti nuk u kap nga policia, por nuk ka shkuar as në spital.

Vazhdimi i kësaj përplasjeje ndodhi disa minuta më vonë. Sipas Policisë, atentati ndaj Emiljano Shullazit erdhi si pasojë e përplasjes së armatosur në Tiranë. Rreth 15 minuta më vonë, në rrugën e Rinasit, disa metra sa kalon Qafën e Kasharit u regjistrua përplasja e dytë.

Aty mbeti i plagosur Emiljano Shullazi, i cili po kthehej nga Fushë–Kruja në Tiranë me makinën tip “Golf”, me targë AA 649 HR, pasi ishte lajmëruar për plagosjen e mikut të tij, Pajtim Serjani, te Rruga e Kavajës. Persona ende të paidentifikuar i kishin zënë pritë dhe e kanë qëlluar me breshëri automatike nga makina në makinë. Automjeti i Shullazit ka dalë nga rruga dhe përfundoi disa metra në një tokë bujqësore në anë të saj.

Panorama

[Albo]

PD nxjerr foton e Serjanit ne seline e PS-se

UPDATE-Një ditë pas përleshjes me armë që ndodhi në Tiranë, Partia Demokratike ka postuar në rrjetin social “Facebook” një foto të Pajtim Serjanit, njërit prej të plagusurve pranë “Rrugës së Kavajës”, duke thënë miku i Shullazit është fotografuar pranë selisë së PS-së, aty ku sulmohet opozita shqiptare.

“Pajtim Serjani, miku i Shullazit i përfshirë mbrëmë në përplasjen e bandave, i fotografuar në hyrjen kryesore të Partisë Socialiste, aty ku mbrohet krimi e sulmohet opozita me deklarata si ato të deputetit Bushati sot.”,-shkruhet në komentin e shkurtër në faqen e PD-së në “Facebook”.
Ndërkaq, pas këtij publikimi, reagoi edhe zyra e shtypit e Partisë Socialiste.
Me anë të një njoftimi të shkurtër, PS thotë se “fotografia dhe komenti i PD-së që lidh të plagosurin e ngjarjes së mbrëmshme me Partinë Socialiste, është një ndër shprehjet më të dëshpëruara të një opozite pa vizion, pa program, pa lider”. Sa më shumë PD përshkallëzon këtë politike balte thotë PS, “aq më e qartë bëhet për ne se nuk ia vlen as t’i pergjigjesh kësaj opozite që nuk do dialog, nuk do debat, nuk do zhvillim po vetëm grindje dhe baltë”.

Më herët, pas përleshjes mes bandave rivale mbrëmjen e së hënës në Tiranë, ku mbeti i vrarë një shtetas dhe u plagosën tre të tjerë, mes tyre Emilajno Shullazi dhe një efektiv policie, policia e kryeqytetit shoqëroi rreth 50 persona në komisariat.


Pajtim Serjani, foto e postuar nga PD ne “Facebook”

Burime nga policia thonë se operacioni i kërkimit është përqendruar në periferi të Tiranës, si dhe në zonën ku ndodhi vrasjaë e mbrëmshme, kryesisht në zonat: Berxhullë, Kashar, “Rruga e Rinasit”, “Rruga e Kavajës” dhe “21 Dhjetori”.

Më herët, Emiljano Shullazi, i cili i shpëtoi atentatit të mbrëmshëm në dëshminë e tij për prokurorët ka bërë të paditurin për gjithë sa ndodhi.

Ai ka thënë se ka qenë duke u kthyer nga Fushë Kruja për në banesën e tij, kur në Kashar është gjendur përballë një breshërie armësh, që u zbraz mbi makinën me të cilën ai dhe miku i tij ishin duke lëvizur.

“Nuk kam konflikte me njeri, nuk kam asnjë dyshim se kush mund të ketë qëlluar”- ka thënë ai. Pyetur për armët që janë gjendur pranë makinës së tyre, e për të cilat edhe u shoqëruar në polici, me akuzën e ‘armëmbajtjes pa leje’ ai ka thënë se nuk ka asnjë dijeni rreth tyre. “Nuk kam asnjë dijeni, në makinën tonë nuk kishim armë, mund të jenë të atyre që qëlluan apo të personave të tjerë”- mësohet të ketë thënë ai.

Po ashtu, Shullazi ka mohuar të kishte dijeni edhe për ngjarjen tjetër te Rruga e Kavajës ku mbeti i vdekur atentatori, 42 vjecari Arjanit Sterjo.

Panorama

[Albo]

Zbardhet plagosja e mikut të Shullazit, autori u vra. Policia kontradiktore me kohën e dy ngjarjeve dhe lidhjen mes tyre

Një person u vra dhe katër të tjerë u plagosën mbrëmjen e së hënës në Tiranë, në dy ngjarje që kanë si emërues të përbashkët Emiljano Shullazin. Në episodin e parë u plagos miku i Shullazit, Pajtim Serjani, ndërsa në të dytin vetë ai.

Edhe pse ka të dhëna se ngjarjet kanë lidhje me njëra-tjetrën, policia i ka trajtuar si dy ngjarje të veçuara. Prokuroria, nga ana tjetër, nuk ka bërë ende një vlerësim, ndonëse njoftimi nga policia dhe referimi i krimeve është bërë në dy dosje me prokurorë të ndryshëm. Në versionin zyrtar Policia e Tiranës deklaron se ngjarja te Rruga e Kavajës ka ndodhur 10 minuta pas asaj te Qafa e Kasharit, përkatësisht e para në orën 19:30 dhe e dyta në 19:40, në raportet e sallës operative rezulton e kundërta. Sulmi me armë ndaj Emiljano Shullazit rezulton se është raportuar 32 minuta pas plagosjes së mikut të tij në Tiranë.

Në shkresat e brendshme të Policisë së Tiranës thuhet se në orën 19:50 është vrarë shtetasi Arjanit Sterio te Rruga e Kavajës (ku u plagos një polic dhe Pajtim Serjani), ndërsa në orën 20:22 është qëlluar me breshëri makina e Emiljano Shullazit, pranë Qafës së Kasharit. Në versionin zyrtar të Policisë thuhet se Shullazi është qëlluar në makinën tip “Golf”, me targë AA 629 HR. Pra flitet për të njëjtën makinë, por orari kur ka ndodhur ngjarja jepet i ndryshëm nga policia. Burime nga grupi hetimor thonë se të dyja ngjarjet kanë lidhje me njëra– tjetrën, edhe pse Shullazi nuk ndodhej në Tiranë në momentin e vrasjes. Dyshohet se ai po kthehej nga Fushë–Kruja pasi ishte lajmëruar për atë që kishte ndodhur me miqtë e tij.


“LUFTA” TE RRUGA E KAVAJES

Sipas librit të raportit të shërbimeve të Policisë së Tiranës rezulton se të hënën, në orën 19:50, një qytetar ka telefonuar në sallën operative duke njoftuar se te rruga “Him Kolli”, afër Rrugës së Kavajës, është një person i shtrirë. Menjëherë kanë shkuar shërbimet e policisë dhe është konstatuar se një person, i identifikuar më pas me emrin Arjanit Sterio, emri i vërtetë i të cilit është Artur Baze, ishte vrarë me armë zjarri. Ndërsa një telefonatë tjetër po në sallën operative, 4 minuta më pas, lajmëronte se në një spital privat, pranë Kthesës së Kamzës, ka shkuar i plagosur me armë zjarri një person. Pas verifikimeve ka rezultuar se i plagosuri ishte oficeri i policisë Roland Meta, i cili ishte qëlluar me 2 plumba te Rrufa e Kavajës. Personi tjetër i plagosur në këtë ngjarje, Pajtim Serjani, miku i Emiljano Shullazit, ishte dërguar në Spitalin Ushtarak.

DINAMIKA E NGJARJES
Pas mbledhjes së dëshmive dhe rindërtimit të skenës së krimit te Rruga e Kavajës në Tiranë, ka rezultuar se viktima, Arjanit Sterio (Artur Baze), ka qenë i shoqëruar edhe nga dy persona të tjerë të armatosur. Ata janë larguar nga vendi i ngjarjes dhe nuk janë identifikuar ende. Pala tjetër në përplasjen me armë ka qenë miku i Shullazit, Pajtim Serjani dhe oficeri i Forcave Operacionale, Roland Meta, të cilët, sipas policisë, qenë të shoqëruar edhe me dy miq të tjerë të tyre, shtetasit Denis Ramani, 26 vjeç dhe Ditmir Reçi, 33 vjeç. Të katër këta persona ndodheshin në një lokal në rrugën “Islam Alla”, pranë Rrugës së Kavajës, dhe aty është futur viktima, që sipas policisë ka qenë person i dyshuar si vrasës me pagesë, i shoqëruar edhe nga dy persona të tjerë të paidentifikuar. Sipas policisë, sherri ka nisur në lokal, por është zhvendosur jashtë tij, në rrugicat e zonës ku ka pasur shkëmbi zjarri. Fillimisht është plagosur në kofshën e këmbës së djathtë shtetasi Pajtim Serjani. Gjatë sulmit me armë Roland Meta i ka bërë thirrje “Ndal policia” shtetasit Arjanit Sterio dhe pas këtij moment ka pasur një shkëmbim zjarri. Si pasojë ka mbetur i vdekur nga disa plagë me armë zjarri 42-vjeçari Sterio, si dhe është plagosur efektivi Meta, i cili ndodhet në gjendje të rëndë në spital ku është arrestuar.

Panorama

[Albo]

PD: Rama i lidhur me bandën. Kryeministri e padit për shpifje

Për të dytën ditë rradhazi Partia Demokratike akuzoi kryeministrin Rama se është vënë në shërbim në bandës së Shullazit, ku ai vetë mbeti i plagosur nga një atentat dy netë më parë.

Nënkryetari demokrat, Edi Paloka tha në një konferencë për shtyp se “Pati dje dezinformim të vazhdueshëm dhe mungesë transparence, në favor të bandës. Këto ngjarje të rënda kanë ndodhur në 24 orët e fundit, që kanë tronditur mbarë opinionin publik, dhe gjithë qytetarët e vendit. Vetëm Edi Rama hesht. Asnjë fjalë, asnjë reagim. Ky aktivitet kriminal ndodh sigurisht në dijeninë e tij të plotë. Rama ka përfituar nga shërbimet e bandës gjatë fushatës zgjedhore, në blerjen, e në marrjen me forcë të votave. Tani, ai po i kthen bandës favoret, duke i ofruar shërbimet e tij. E lejon të vërë gjoba e të terrorizojë biznesmenët e qytetarët. U jep oficerë policie në dispozicion për t’i dhënë siguri dhe mbrojtje.

Sipas tij “kujdeset për bandën në cdo drejtim që armët të mos gjenden, provat të mos gjenden, që kreu i saj të mos qëndrojë më shumë se disa minuta në zyrat e Drejtorisë së Policisë. Pas ngjarjes në redaksinë e gazetës në Paris kanë reaguar edhe Shtëpia e Bardhë, NATO, kryeministri italian Renzi si dhe kryeministri Edi Rama të cilët e kanë dënuar aktin duke e cilësuar si të mirëfilltë terrorist”.

Pas akuzave të PD-së kryeministri Edi Rama ka ngarkuar Zyrën Juridike të Kryeministrisë që të përgatisë ballafaqimet penale dhe civile të shpifësit në fjalë, qoftë në Prokurorinë e Përgjithshme qoftë në Gjykatën e Lartë.

“I kallëzuari dhe i padituri Edi Paloka, duhet të japë prova për çka ka thënë sot dhe qoftë edhe përballë një prove të vetme, Kryeministri Edi Rama është i gatshëm të lërë detyrën. Në të kundërt Kryetari i Grupit Parlamentar të PD, një shpifës profesionist i nivelit më të ulët edhe në llogoren e politikës së vjetër të baltës, duhet të përgjigjet përpara ligjit. Kjo histori e shëmtuar marrjeje zvarrë e opinionit publik nëpër labirinthin e baltës së shpifjeve e fyerjeve, me moton “Shpif e shpif se diçka do mbetet!”, nuk mund të vazhdojë më tutje pa ballafaqimet e nevojshme përballë organeve të drejtësisë”, thuhet në njoftimin e Kryeministrisë.

Panorama