Shqipetaret fukaresha shesin femijet.

[Brari]

Shekulli

-------------

Dhjetëra gra shqiptare kanë pranuar të paguhen për të mbetur shtatzana dhe për t’u shitur foshnjat trafikantëve.

“Petalli”, 2.5 mijë euro për të lindur fëmijë

Gratë shtatzëna dërgoheshin në një maternitet në periferi të Selanikut, ku lindnin viktimat e trafikut

Aleksandra Bogdani

TIRANË- Dhjetëra gra shqiptare kanë pranuar të shesin foshnjat e tyre, kundrejt shumës 2.5 mijë euro. Ato janë paguar nga grupi i trafikantëve “Petalli” për të mbetur shtatzanë dhe për të lindur fëmijë, të cilët bëheshin më pas “pre” e trafikut. Burime në Ministrinë e Rendit Publik bëjnë të ditur se fakte të reja kanë dalë në dritë, nga hetimet e kryera për trafikimin e më shumë se 65 fëmijëve shqiptarë drejt Italisë. Anëtarë të organizatës së trafikut kanë rekrutuar një numër të madh femrash, të cilat kanë pranuar të paguhen për të lindur fëmijë. Burimet e mësipërme bëjnë të ditur se gratë e paguara për të lindur foshnja, vinin kryesisht nga Durrësit, Lushnja apo Kavaja. Bashkëpunëtorët e të akuzuarit si kreu i kësaj organizate, Besim Metani, kishin për detyrë të gjenin gra të gatshme, për të lindur fëmijë kundrejt shumës 2 mijë-2.5 mijë euro. Kontigjenti i mësipërm ka qënë shumë i lehtë për t’u “peshkuar” nga trafikantët e fëmijëve. Gra rome, gra pa përkrahje, gra të varfra, të cilat nuk kanë pasur asnjë mundësi tjetër jetese, kanë pranuar të mbajnë në bark fëmijën për nëntë muaj dhe më pas ta shesin për 2.5 mijë euro.
Trafiku
Një linjë më vete trafiku e organizuar më së miri, ka funksionuar për këto gra, të cilat kanë lindur viktimat e mitura të trafikut. Pasi pranonin të bashkëpunonin me grupin “Petalli”, këto femra mbaheshin nën kontroll gjatë gjithë muajve të shtatzanisë. Ndërsa gjatë muajit të nëntë, atyre u siguroheshin dokumente të falsifikuara me viza greke, për të kaluar kufirin shqiptaro-grek. Sipas burimeve në Ministrinë e Rendit Publik mësohet se krerët e organizatës paguanin persona të veçantë, për të shoqëruar gratë shtatzëna drejt Greqisë. Ato lindnin foshnjat e trafikut në një maternitet, në veri të Selanikut dhe më pas kthehen në qytetin e tyre të lindjes. Rrugëtimi i këtyre grave nga Shqipëria në Greqi është i organizuar dhe sipas burimeve të mësipërme, ka vite që funksionon. Foshnjat e lindura dorëzohen tek "shoqëruesi" ndërsa nënat e tyre kthehen në Shqipëri, me paratë në xhep.
Të arrestuarit
Hetimet e prokurorisë italiane për trafikimin e fëmijëve shqiptarë kanë filluar gjatë shtatorit të vitit të kaluar, me arrestimin e Xhuliana dhe Ramiz Petallit. Burrë e grua u akuzuan se kishin trafikuar një numër të madh të miturish shqiptarë, me dokumentet e tre fëmijëve të tyre. Më pas, përgjimet e palës italiane kanë arritur deri tek organizatori i këtij rrjeti të trafikut të fëmijëve, Besim Metani. Ndërsa arrestimi i tij është bërë i mundur më 4 prill, në një vilë në periferi të Durrësit. Së bashku me të janë arrestuar edhe i vëllai i tij, Sulejman Metani, Xhevat Berberi, Musa Sina dhe nënoficeri i repartit të mbrojtjes kundër zjarrit në Durrës, Sofokli Coko. Ndërsa në operacionin paralel, që është zhvilluar në Itali ka përfunduar në pranga një tjetër i akuzuar si bashkëpunëtor i Metanit, i cili punonte në SHISH-in e Durrësit. Deri tani, numri i të prangosurve si bashkëpunëtorë në trafikun e fëmijëve ka arritur në 15 persona.


------------


Moderatora !


Disa mendime..


Faqja " Tema e shtypit." .. "Aktualitete " dhe "Problematika shqiptare" trajtojne pak a shume te njejtat gjera..

Eshte si te thuash Ali Myfti Hoxha ose Myfti Hoxh Aliu ose Hoxh Ali Myftiu..


Po keshtu faqet .."Bashk patriotet e mi ne bote" me " Shqiptaret ne Diaspore " eshte si te thuash "Tenxherja ka fasule" ose "Fasulet ka ne Tenxhere" ..

Edhe aty poshte ka " Pyetje - Pergjigje" dhe "Vrejtje dhe Keshilla".. qe jane aty aty me kuptim..


Tjeter...


Tek "ELITA KOMBETARE " ka ca gjera qe nuk shkojne.

Aty duhet te jete si nje ALBUM me Biografine (Jeten dhe vepren) e figurave te Shquara..Shqiptare..

Jo sejcili nga ne ka te drejte te fusi ne kete Rubrike ate cka do ai..
Aty duhen futur Figura te pranuara si te Shquara nga breza te tere ose qe nuk njihen ose qe mbi ta eshte hedhur balte pa te drejte nga historiografia staliniste por qe koha i nxjerr ne drite ose nje studiues serioz argumenton vlerat e tyre.

Ne kete Rubrike ska pse te kete debate..inate..denigrime etj.

Vetem histori Njerezish..te medhenj te kombit..nga fusha te ndryshme..



Cdo te mire..


...

[|-|e|\|a]

_outputin e mora vesh per llogari te kujt ikte dhe sa vlente...

_po inputi firmen e kujt mbante?
(thu te jete veper bamiresie e firmes "petalli"?)

[Brari]

GSH

---------

Arrestohen presidenti i ekipit të Gramshit, Dritan Xhaka dhe i vëllai pas denoncimit të A.M.

Bosi i futbollit trafikant fëmijësh
Kanë fituar për katër vjet afro 200 milionë lekë


---------------------------------------------------------------------

Basir Çollaku
Arrestohen presidenti i ekipit të futbollit të Gramshit, Dritan Xhaka dhe i vëllai, Miridan Xhaka, nën akuzën e trafikimit të fëmijëve me qëllim përfitimi. Prangosja ka ardhur pas denoncimit të një prej viktimave, 16-vjeçarit A. M .

LAJMI

Presidenti i ekipit të futbollit të Gramshit së bashku me të vëllanë ka përfunduar në qeli ditën e djeshme. Akuza është trafik fëmijësh për në Greqi. Pas një denoncimi të njërit prej viktimave, 16- vjeçarit A.M, policia kriminale ka mbledhur provat dhe ka bërë arrestimet e të akuzuarve. Fëmija është rrëmbyer në vitin 1997 në moshën 9- vjeçare dhe është dërguar në Athinë ku është detyruar të lypë rrugëve dhe frytin e punës t'a marrin tutorët e tij. Sipas hetimeve paraprake të kryer nga agjentët e antikrimit, dyshohet se nëpërmjet këtij shfrytëzimi të të miturit, vëllezërit kanë fituar afro 200 milionë lekë për katër vjet rresht. Tutorët e lypësit kanë vjelë paratë nga krimi dhe i kanë premtuar viktimës që t'i blinin një shtëpi kur të kthehej në Shqipëri. Por nuk ka ndodhur kështu. Mashtrimi ka vijuar dhe vëllezërit nuk i kanë dhënë më tepër se bukë dhe rroba për të veshur. Në këtë gjendje i trafikuari ka vajtur dhe ka denoncuar në komisariatin e policisë dhe pastaj kanë ardhur arrestimet. Dritan Xhaka ka qenë dhe një herë i dënuar me 13 muaj burg, për kundërshtim me dhunë të forcave të policisë. Hetuesit po verifikojnë raste të tjera fëmijësh që dyshohet se janë mashtruar dhe më pas trafikuar prej vëllezërve Xhaka. Por në stadin e tanishëm të hetimeve rasti denoncues është i provuar.

Mashtrimi
Në vitin 1997 fëmija ishte vetëm 9 vjeç dhe ishte shumë i varfër. Babai i tij kishte vdekur. Gjahtarët e trafikut e kanë vënë re dhe e kanë joshur me premtime të miturin. I vogli do të shkonte në Greqi dhe do të fitonte shumë para. Me lekët që do të fitonte atje do të blinte një shtëpi. Nga Gramshi fëmija merret dhe dërgohet në shtetin helen. Djali ka bredhur për katër vjet rrugëve të Athinës me dorën të shtrirë dhe ëndrrën se do bëhej me shtëpi. Kujdestarët që e mbikëqyrnin merrnin nga ai në darkë paratë që shkonin në një tjetër adresë. Kjo lojë ka vijuar me vite. Kthimi në shtëpi ka qenë i pafat për të miturin. Tre vjet të tjerë ai priste që të mbahej premtimi i dhënë nga Xhakajt. Paratë, sipas tutorëve, kishin mbetur në Greqi dhe ata prisnin që t'i merrnin dhe t'i ndanin sëbashku. Por fëmija tashmë i rritur nuk ka besuar më. Premtimeve të stërzgjatura më në fund ai u është përgjigjur me një denoncim në polici. Kaq ka mjaftuar që dy vëllezërit që i kishin marrë paratë e gjakut për katër vjet të përfundojnë në qelitë e komisariatit të Gramshit.

Milionat
Nga të dhënat e para që ka mbledhur Zyra Rajonale Kundër Trafiqeve dyshohet se vetëm nga fëmija denoncues vëlle- zërit të kenë përfituar 150 deri në 200 milionë lekë. Kjo shumë është llogaritur për katër vjet shfrytëzim të fëmijës që ka filluar të lypë që në moshën 9 vjeçare. Sipas organit të akuzës do të kontrollohen llogaritë bankare të të arrestuarve dhe pasuria fillmisht do të vihet në sekuestro konservative. Do të jetë gjykata më pas ajo që do të vendosë se çfarë do të bëhet me paratë, pas provave të Prokurorisë.

----------

[erzeni]

gazeta shqiptare


........

KORÇE

Marash Zefi: Ato gënjeheshin lehtë pasi janë të varfëra

Kreu i jetimeve: Vajzat e trafikuara ikin me dëshirë


-------------------------------------------------------------

Roland Beqiraj

KORÇE

Nga Shoqata e Jetimeve të Korçës figurojnë të trafikuara 7 vajza 19-22 vjeçe. Sipas policisë, ato janë trafikuat në Itali e Greqi. 4 prej tyre dyshohet se janë detyruar nga tutorët e tyre për të lindur fëmijë për qëllime trafikimi. Pikërisht për këto trafiqe, si një nga personat e dyshuar është cilësuar edhe Marash Zefi, prej 12 vitesh kryetar i Shoqatës së Jetimëve. Megjithatë, ai gjatë një interviste për "Gazetën" i ka mohuar akuzat duke i cilësuar ato shpifje.

Jeni akuzuar në pro-kurori se merrni pjesë në trafiqe njerëzore?
"Këto akuza janë vetëm disa shpifje që kanë ngritur ndaj meje 5 anëtarë të kryesisë së shoqatës për qëllimet e tyre. Ata stisën akuza të rreme dhe lloj-lloj shpifjesh që mbetën të paprovuara nga organet kompetente".

Përse mendoni se ikin ato?
"Natyrisht nga vërfëria. Ato jetojnë të gjitha bashkë në një dhomë konvikti pa kushte higjenike dhe shpesh pa drita. Pikërisht për këtë arsye gënjehen lehtë megjithëse unë jam munduar t'i bind që të mos largohen por jo gjithnjë ia kam arritur".

Ju jeni arrestuar nga policia madje edhe me një akuzë?

"Ata ngritën ndaj meje një akuzë të sajuar që kishte të bënte me ushtrimin e detyrës së kryetarit pas marrjes fund të mandatit. Por unë fitova pafajësinë".

Jeni paditur për bashkëpunimin me një 50-vjeçar italian për të trafikuar bashkë një vajzë?
"Kjo është shpifje, pasi italiani Luciano ishte fejuar me L.N. Ditën që ata do të niseshin për në Itali, në bazë të një denoncimi të rremë, unë shoqërohem në komisariat. Por erdhi vetë vajza që tha të vërtetën".

Sa vajza nga shoqata kanë rënë viktima të prostitucionit?

"Që në fillim kanë shkuar disa prej tyre, tani janë rreth 7, por ato nuk më pyesin mua kur shkojnë. Unë jetoj mes varfërisë, i mbytur në borxhe sepse ushqimet i marr me listë dhe nuk paguaj dot KESH-in. Lidhur me femrat e trafikuara unë të gjitha të dhënat ua kam thënë organeve kompetente. Por unë nuk mund të them asgjë se kam frikë. Unë si qytetar mund të them se këtu nuk është asgjë e sigurtë se janë të tjerë personat që janë të implikuar me këtë trafik dhe mund t'a pësoj.

gazeta shqiptare

............




As ne Afrike nuk jane jetimoret ne kte gjendje.

[Io_e_Te]

Mjer ata, ne edhe kush vjen pas nesh thuaj...