Presidenti dekreton nesër datën, zgjedhjet lokale mbahen më 21 qershor

[Ingenuous]

TIRANE- Presidenti Bujar Nishani do të nxjerrë nesër dekretin për përcaktimin e datës së zgjedhjeve të ardhshme lokale. Gazeta ‘Panorama’ ka mësuar se kreu i shtetit do të dekretojë të dielën e tretë të qershorit të vitit 2015, ditën kur do të organizohen zgjedhjet për bashkitë në të gjithë vendin.

Burime nga Presidenca bëjnë të ditur se kreu i shtetit i është referuar nenit 92 pika ‘gj’ e kushtetutës dhe nenit 10 të Kodit Zgjedhor, për të caktuar datën 21 qershor për mbajtjen e zgjedhjeve.

Ndërkohë, gjatë ditës së nesërme pritet të dalë edhe vendimi i Gjykatës Kushtetuese për kërkesën e Partisë Demokratike për rrëzimin e hartës së re territoriale. Në seancën e zhvilluar pak ditë më parë opozita pretendoi se ka të paktën pesë arsye që duhet rrëzuar harta me 61 njësi vendore. Ndërsa, sipas maxhorancës, në gjithë procesin e zhvilluar nuk ka pasur asnjë shkelje kushtetuese.


(ma.ar/BalkanWeb)

[legjenda12]

shum mire sukses

[Wordless]

Me çfarë do t'i gënjejnë kësaj radhe votuesit për t'u marë votën ?!

Do premtojnë se do ngrenë minimumin jetik ?

Do ngrenë rroga e pensione ?

Do sigurojmë çdo puntor me sigurime shoqërore/shëndetsore ?

Do rregullojnë ambientet dhe do heqin korrupsionin në Shkolla e Spitale ?

Do vëndosin ligjin ?

Do i japin prioritet mallit vëndas dhe jo të huajit ?

Hë mo me çfarë do na gënjeni se këto premtime keni 24 vjet që nuk i mbani ?!!

[Ingenuous]

"Rrëzohet" PD-ja, Kushtetuesja le në fuqi Ndarjen Territoriale, Rama: Vendim i kthjellët

TIRANË – Ligji për ndarjen e re territoriale të Shqipërisë mbetet në fuqi, pasi Gjykata Kushtetuese ka hedhur poshtë sot, ankimimin që ka paraqitur Partia Demokratike për ta shpallur atë të papajtueshëm me Kushtetutën.

Lajmin e ka publikuar Kryeministri Rama në Twitter, që duket se e ka pritur me padurim fatin e njerës prej reformave më të mëdha që mori përsipër.

“Vendim i kthjellët i Kushtetueses, – shkruan Rama në Twitter,- që vulos një reformë historike dhe i hap rrugë riorganizimit rrënjësor të territorit e shërbimeve.

Më 9 dhjetor, Gjykata Kushtetuese ka rrëzuar edhe kërkesën e parë të Partisë Demokratike për të pezulluar ligjin për reformën e re territoriale, ndërsa sot dha vendim edhe për kërkesën e dytë, për ta shpallur ligjin të papajtueshëm me Kushtetutën.

(ar.sh/BalkanWeb)