Oficeri francez që ndau Mitrovicën: Britanikët luftuan për shqiptarët, francezët për

[legjenda12]

Komandanti i forcave speciale franceze, të cilat kishin hyrë në Kosovë me forcat e NATO-së në qershor të vitit 1999, Zhak Hogar dhe që ka pranuar se ishin trupat franceze ato që e ndanë Mitrovicën në vitin 1999, ka vazhduar me zbulimin e “sekreteve” të tjera gjatë misionit të tij në Kosovë. Ai, duke dalë në mbrojtje të serbëve, ka fajësuar aleatët e Francës për bombardimet e caqeve serbe dhe ndërhyrjen e misionit paqeruajtës ndërkombëtar duke thënë se Franca ishte në anën e serbëve.
Njeriu që, sipas dëshmisë personale, e ka ndarë Kosovën dhe që ka publikuar një libër në Beograd me titull “Evropa vdiq në Prishtinë“, thotë se e kishte kuptuar se “gjatë tërë kohës ushtarët e Ushtrisë Çlirimtare të Kosovës kanë qenë nën kontrollin e shërbimeve ushtarake të Britanisë dhe Gjermanisë, gjatë operacioneve të ndryshme të sulmeve mbi kolonat e serbëve që po iknin dhe mbi objektet serbe, pas përfundimit të bombardimeve të NATO-s”.
“Britanikët ishin në bashkëpunim të ngushtë me UÇK-në. Ushtarët e njësitit 20 të SAS, faktikisht ishin të angazhuar në anën e UÇK-së. Ata u kanë ofruar ndihmë logjistike dhe i kanë stërvitur. Këtë e kam zbuluar në raste konkrete në terren”, rrëfen Zhak Hogar.
“Kur pjesëtarët e UÇK-së e sulmuan nga një pritë kolonën me serbët që po iknin, e ly sulm u krye me përkrahjen e britanikëve, e kam thirrur një brigadë serbe që po tërhiqej që të kthehej dhe të ndalte agresionin e shqiptarëve, gjë që edhe e bënë. Kur civilët serbë ikën nga Peja, edhe ata u sulmuan nga ushtarët shqiptarë. E kam ngritur një helikopter, i cili nga ajri me rafale i ka shpërndarë ata. Pak minuta pas aksionit më ka thirrur gjenerali britanik Mejson dhe më ka pyetur se si është e mundur që të jetë shtënë në ushtarët e tij. I jam përgjigjur: ‘Nuk po mund ta besoj se ushtarët tuaj të njësitit special bashkë me ata banditë që po gjuajnë në civilët serbë’. Mejson heshti”, ka thënë Hogar për revistën serbe Ndeljnik, i cili do të mbahet mend si oficeri që ka krijuar vijën ndarëse mbi lumin Ibër në Mitrovicë.
Hogar thtë se si fëmijë nga një familje oficerësh është rritur më rrëfime për heroizmat nga Fronti i Selanikut, ku kishte rënë gjyshi i tij, dhe se gjithmonë e kishin mësuar se Serbia është mik i madh i popullit francez. Prandaj, tregon se para se të shkonte në misionin e NATO-s në vitin 1998, kishte dilemë nëse duhej të mënjanonte detyrën në të cilën do të mund të kishte përballë ushtrinë serbe.
“Kam shkuar që për misionin në Kosovë të bisedoj më babanë tim, sepse gjyshi tashmë ishte i vdekur. Babai im ishte gjeneral në pension dhe po vdiste nga kanceri. Ai më tha: ‘Nëse shkon atje, mos u bëj shumë i ashpër ndaj serbëve’. Më ka thënë edhe: ‘Nuk guxojmë ta vëmë në pikëpyetje të ardhmen, duke harruar të kaluarën tonë’”, ka thënë Hogar.
Ai më tej ka rrëfyer se si në karrierën e tij ushtarake do të mbahet mend mbrojtja e Manastirit të Deviqt, për çka ishte dekoruar nga Kisha Ortodokse Serbe më dekoratën “Sveti Sava”. /Telegrafi/http://www.tetovasot.com/wp-content/...i1-620x330.jpg

[legjenda12]

Mediat serbe thonë se koloneli francez, Jacques Hogard është ai i cili e hartoi demarkacionin mbi lumin Ibër, që realisht është bërë një lloj kufiri i pakalueshëm duke e ndarë veriun nga pjesa tjetër e Kosovës.
Hogard është autor i një libri pro serb të titulluar “Evropa ka vdekur në Prishtinë” ku akuzon disa shtete perëndimore se e kanë ndihmuar UÇK-në për të kryer krime kundër civilëve serbë në Kosovë, transmeton Indeksonline.
Ai iu ka thënë medieve serbe se dashuria e tij për popullin serb i ka lindur nga historitë që i ka dëgjuar nga gjyshi dhe babi i tij të cilët i kanë thënë se Serbia është mik i madh i popullit francez.
Ai ka thënë se para se të angazhohej në misionin e NATO-s në Kosovë ka qenë në dilemë nëse të vij në Kosovë apo jo sepse ka pasur mundësi që të jetë i një anshëm në anën e ushtrisë serbe. /Indeksonline/

http://www.tetovasot.com/wp-content/...zi-620x330.jpg

[legjenda12]

francezi e pranon se ia kishte me hile,por shqiptaret e injorojn sinqeritetin e francezit i cili botrisht e pranon se ishte me serbet.
Por nuk ishte i vetmi ai francezi...sot e kesaj dite qeveritaret ja mbulojn kte ligsi te ktij gjenerali te turpshem.
Franca vertet e ka mike Serbin,popr ne smundem ta benim mik per 100 vjet...Se di pse shpreson Franca ta ket mike nji Serbi te lige.
Serbit po i erdhi dita ua ben francezve me keq se josovarve,ket se besoi qe ua tha njeri.Franca e ndihmoj Serbin ,madje e beri edhe shtet.Por po ju dha mundesia Serbis sigurishte se do fa tundoste Francen ne fund te oqeanit.
Serbet jon dinak.
Serbet e duan Francen vetem kur ju duhet Serbve.
Ai gjenerali ra viktim e serbve maskaren qe qajn e qeshin kur ua do puna.