Greqi: Arrestohet Arbër Bako i akuzuar për plagosjen e 15 personave në klub nate

[Albo]

Arrestohet shqiptari i cili akuzohet për plagosjen e 15 personave në lokalin e natës, ngjarje e ndodhur fundjavën e kaluar, zonën Akti Dilavefri të Athinës.
Mediat greke informojnë se Arbër Bako u arrestua mesditën e sotme në shtëpinë e një shoku të tij në Athinë, në lagjen “Gudhi”
Policia bën me dije se në momentin e arrestimit nuk ka bërë rezistencë.
Operacioni i arrestimit u krye nga forcat speciale EKAM dhe ishte një operacion tepër i fshehur.
Bashkë me Bakon është arrestuar dhe një person i dytë.
Pak ditë më parë mediat greke thanë se emri i shqiptari ishte Arben Glodiani, por sot mediat greke bënë publike emrin Arben Bako.
Në orët e para të mëngjesit të së shtunës 22 nëntor, shqiptari qëlloi me kallashnikov brenda një klubi nate duke plagosur 15 persona.
Bako është i dyshuar dhe per dy perplasje të tjera me armë, në një prej të cilave u vra një 44-vjecar grek dhe një 21-vjecar shqiptar.

ORA NEWS

[Albo]

Greqi, shqiptari zbraz kallashnikovin në një lokal nate, plagos 15 persona

Greqi-Si një skenë filmi janë kthyer orët e para të mëngjesit të së shtunës, në një lokal nate në zonën Akti Dilavefri të Athinës.
Dëshmitarët okularë kanë dëshmuar për median greke “Zougla.gr”, se një shtetas shqiptar, rreth 50 vjeç, pasi ka zbritur nga makina me të cilën udhëtonte, ka hyrë në ambientet e brendëshme të lokalit, dhe pasi ka sharë dhe ofenduar të gjithë klientët që ndodheshin të ulur në tavolina, ka qëlluar me breshëri me një armë kallashnikov. Pak sekonda përpara se të shtypte këmbëzën, ai ka bërtitur: “Tani do të derdhet gjak”.
Sipas raportimeve, 50-vjeçari, gjatë natës kishte qenë klientë në këtë lokal. Më vonë ai ishte larguar dhe pas 15 minutash ishte kthyer përsëri, por kësaj radhe i armatosur. Policia ka në zotërim foton e autorit të ngjarjes, me anë të së cilës do të përcaktojë identitetin e tij dhe do të mbledhë më shumë informacion mbi këtë ngjarje, duke i kushtuar vëmendje të veçantë faktit nëse gjatë mbrëmjes ishte në lokal me persona të tjerë apo i vetëm.
Në ambientet e lokalit u gjetën 14 gëzhoja ndërsa policia ka dyshime se kjo ngjarje ka lidhje me me një tjetër incident të gjashëm, në një lokal në pronësi të një shtetasi shqiptar ku humbi jetën një 44-vjeçar grek.
Sipas vlerësimeve të policisë, i dyshuari kryesor ka qenë i akuzuar edhe më parë për grabitje dhe vepra të tjera penale, por asnjëherë nuk është gjykuar fajtor.
Sipas “Zougla.gr”, Autori i ngjarjes ka zbrazur dy karrikatorë të kallashnikovit. Pasi ka mbaruar njëri karrikator, 55-vjecari e ka zëvendësuar atë dhe ka vazhduar përsëri të që qëllojë me karrikatorin tjetër.
Menjëherë më pas, ai ka dalë nga lokali dhe pasi ka plagosur edhe një person tjetër, është larguar me një taksi, me shpejtësi të madhe në drejtim të panjohur.
Medait greke flasin për 15 të plagosur, 6 prej të cilëve pasi kanë marrë ndihmën e nevojshme mjekësore, janë larguar edhe nga spitali. Të plagosurit kanë plagë në duar dhe në kokë dhe janë të gjithë të rinjë, nën moshën 30 vjec.

ORA NEWS

[Albo]

Greqi, Arben Glodiani shqiptari që plagosi 15 persona në lokalin e natës

Policia greke bën publike identitetin e shqiptarit i cili në orët e para të mëngjesit të së shtunës 22 nëntor, qëlloi me kallashnikov brenda një klubi nate duke plagosur 15 persona.
Ai është Arben Glodiani, 35 vjeç.
Në mediat greke policia ka shpërndarë dhe foton por dhe momentin kur i riu shqiptar doli nga klubi i natës në Mikrolimano menjëherë pas krimit.
Policia thotë se 35 vjeçari është person i rrezikshëm dhe me precedent të mëparshëm penalë.
9 prej të plagosurve kanë marrë plagë në gjymtyrë, ndërsa 6 të tjerë pasi kanë marrë mjekimin e duhur kanë dalë nga spitali.
Mësohet se policia ka ushtruar kontrolle në disa banesa ku mendohet se 35 vjeçari kishte qëndruar para se të kryente krimin.
Dosja do të dorëzohet sot në prokurorinë e Pireut, ndërsa dyshohet se Glodiani është autor edhe i një sulmi me armë në një dyqan në Metaxourghio por edhe për dy sulme të ngjashme, një në 6 Nëntor në kafe Saint Panteleimon dhe një në lokalin Mihalakopoulou muajin e kaluar.
Dëshmitarët kanë parë shqiptarin të largohet me një makinë, ndërsa në lokal kishte qenë nën shoqërinë e një vajze. Mediat greke saktësojnë se autori
pak sekonda përpara se të shtypte këmbëzën, kishte bërtitur “Sot të gjithë do të vdesim” dhe jo “Tani do të derdhet gjak”.

ORA NEWS

[Qyfyre]

Arsyeja dihet?

[Meriamun]

O qyfyre, a ka arsye në botë, e kam fjalën për arsye dhe jo çmenduri, që të hysh në një vend plot me njerëz dhe të shkrepësh një armë automatike?

Shkaku me shumë mundësi ka qenë ndonjë sherr për motive banale, ndoshta pija dhe icik prepotenca e grekërve kanë zgjuar instiktet kafshërore në mëndjen e këtij bashkëfshatarit tonë.

Unë për vete u bënë kohë që nuk frekuentoj asgjë nga këta të natës, jo për gjë por në shqipëri, itali dhe greqi të duhet jelek antiplumbi me vete. Lloj lloj monstre të mërzitur nga jeta dhe të gatshëm për gjëra më banale të shkatërrojnë çdo gjë.

[Albo]

Greqi, policia zbulon grupin kriminal të shqiptarit Arbër Bako

ATHINE- Pas dëshmive të Arbër Bakos, autori i sulmit me armë në një lokal nate në Athinë disa më parë, policia greke ka arritur të zbulojë grupin kriminal që bashkëpunonte me të. Nga ngjarja e ndodhur në Greqi u plagosën 15 persona, dhe pas hetimeve policia greke ka arrestuar një shqiptar, ndërsa janë shpallur në kërkim disa persona të tjerë. Pas dëshmive të shqiptarit Arbër Bako, në prangat e policisë greke është vënë Klodian L. me pseudonimin “Meçi”, i cili dyshohet se kryente vrasjet nën urdhrat e të burgosurve. Sipas policisë greke, Klodian L. ka tentuar të vrasë në ushtarak të lartë kundrejt shpërblimit prej 200 mijë euro, ndërsa dyshohet edhe si autor i vrasjes së dy neonazistëve në Greqi.

Pas dëshmive të Bakos, policia greke është vënë në kërkim edhe të dy shtetasve të tjerë shqiptare, një vajzë dhe një djalë me emrin Olti. Ndërkaq, në kërkim janë shpallur edhe një shtetas polak dhe një shofer taksie grek.

Gjatë dëshmisë së tij para Prokurorisë greke, Bako ka pranuar përfshirjen në përplasjen me armë në Athinë, ku mbetën të plagosur 15 persona.

Shqiptarja

[Besoja]

E po kur arrestojne edhe kur plagos...!!!

[shitesi]

Arsyeja dihet?

Arsyeja sipas mediave greke te cituara nga "panorama"eshte hakmarrje ndaj grekerve per vrasjen e ilia karelit.Arber Bako ishte pjese e nje grupi ne Fb prej 145 mij veteve qe kerkojne hakmarrje per vrasjen brutale te Ilias.Arsyeja sipas vete autorit ishte se ishte dehur ish bere dru dhe sja ndjente per asgje.