Hidhet nga kati i 12 sepse humbi 1 miljon leke ne Lloto ne Elbasan.

[benseven11]

Humbi 1 milion lekë në loto, 27-vjeçari hidhet nga kati i 12-të. Kamarieri: Porositi ujë dhe doli në verandë

Humbi një shumë të madhe parash në loto, i riu vetëhidhet nga kati i 12-të i lokalit. Sajmir Leka, 27 vjeç, është ngjitur në verandën e lokalit më të lartë në Elbasan dhe është vetëhedhur ditën e djeshme.

Ngjarja që shkaktoi vdekjen e menjëhershme të tij përhapi panik te banorët, pasi tashmë kjo viktimë shënon precedentin e katërt të vetëhedhjeve në këtë pallat.



Tre prej tyre janë në verandën e lokalit që ndodhet në katin e 12-të, ndërsa një e mitur është vetëflijuar nga kati i gjashtë i banesës së saj.

NGJARJA
Ngjarja tragjike ka ndodhur në pikun e drekës, rreth orës 15:30, kur Sajmir Leka ka shkuar në verandën e lokalit, i cili njihet në qytet si më i larti dhe që rrotullohet.

Kamerieri i lokalit ka deponuar për policinë se “Ai erdhi në lokal dhe doli në verandë. Porositi një ujë natyral. Unë nuk u vonova dhe ia dërgova, pasi në atë orë në lokal kishte shumë pak njerëz. Ndërsa në verandë asnjë, pasi frynte edhe pak erë. Në momentin që i servira ujin, ai e mori shishen në dorë dhe nisi ta shtrëngonte me të gjithë forcën që kishte. Por unë ia lashë në tavolinë dhe u largova pasi nuk mund ta mendoja atë çfarë do të ndodhte. Shkova pas pak çastesh dhe nuk e pashë aty. Dyshova se mund të ishte vetëhedhur dhe pashë menjëherë nga ana e pasmë e verandës. Aty pashë se çfarë kishte ndodhur dhe lajmërova menjëherë policinë. E kishin lajmëruar edhe banorët e tjerë, pasi në momentin e rënies ishte dëgjuar zhurmë e fortë”.

VIKTIMA
Mësohet se viktima është djalë i vetëm i familjes Leka. Ai ka studiuar për Gazetari në Universitetin e Elbasanit, por më pas nuk është angazhuar në media. Fqinjë të tij bënë të ditur se prej shumë vitesh Sajmiri punonte nëpër loto sporti në qytet. Dyshohet se ai së fundmi kishte kaluar në gjendje depresioni, pasi kishte lënë një shumë prej rreth 1 milion lekësh të rinj në loto.

“27-vjeçari është hedhur nga kati i 12-të i verandës së lokalit dhe ka gjetur vdekjen në ballkonin e një apartamenti, familjarët e të cilit fatmirësisht nuk kanë qenë në banesë. Ka qenë kamerieri, i cili ka parë mungesën e të riut në verandë dhe ka lajmëruar Policinë”, bënë të ditur burime nga grupi hetimor. Të njëjtat burime thanë se në banesën ku ka rënë i riu nuk ka pasur njeri, pasi mendohet se prej kohësh është e pabanueshme. Por, pas alarmit të dhënë, policisë i është dashur që ta hapë derën me mjete të tjera. “Një nga pistat ku po hetohet rreth vetëvrasjes së tij, është humbja e një sasie parash në loto – sporti, vend ku i riu kishte kohë që punonte”, thanë më tej burime nga grupi i hetimit.

Pasi është transportuar për në morgun e spitalit, Policia ka nisur të marrë në pyetje familjarët e të riut, të cilët vazhdojnë të jenë të shokuar nga kjo tragjedi që i ka ndodhur familjes së tyre. Nisur nga precedentët e mëparshëm, administratorët e lokalit kanë marrë masa për evitimin e ngjarjeve të tilla, duke ngritur më shumë se një metër kangjellat në verandë, si dhe duke e mbushur atë me shumë vazo e lule të mëdha, por as kjo masë e tyre nuk e ka evituar tragjedinë e djeshme.

MIRANDA SADIKU

Panorama

[martini1984]

Nje i ri nga Elbasani,Sajmir Leka 27 vjec,hidhet nga kati i 12 i nje pallati sepse humbi 1 miljon leke ne lloto.


http://www.panorama.com.al/hidhet-ng...nde-depresive/

Fajin e ka rilindja shkruajne analizuesit????
Edhe ketu bubulojne lojrat e fatit,dhe asnjeri nuk eshte hedhur nga pallati,sepse i detyruar nuk je qe te luash.
Por 4 MILIARD EURO xhiro behen aman,dhe aty tek 67% fiton SHTETI.

[JuliusB]

Fajin e ka rilindja shkruajne analizuesit????

Legjenda thote se fajin e ka Saliu....

[Meriamun]

Fajin e ka mendja e sëmurë e këtij tipit sepse po të ishte tamam sdo të shkonte të linte 1 milionë lek nëpër kazino por ske ça të bësh sepse u mungon kultura familjare dhe janë injorantë, njerëz pa principe dhe pa qëllime në jetë. Në moshën e atij njeriu duhet të cajë malet dhe të bëj të pamundurën.

[JuliusB]

Fajin e ka mendja e sëmurë e këtij tipit sepse po të ishte tamam sdo të shkonte të linte 1 milionë lek nëpër kazino por ske ça të bësh sepse u mungon kultura familjare dhe janë injorantë, njerëz pa principe dhe pa qëllime në jetë. Në moshën e atij njeriu duhet të cajë malet dhe të bëj të pamundurën.

E njihje personin ne fjale zotrote ?

[Meriamun]

Po, e njihja.

[JuliusB]

E njihje 1 m.ut t'madh e njihje.

[benseven11]

Vlereso prinderit e tij si jane.
Me rregull treshi si te jene prinderit,
ashtu behet edhe femija.
Per shembull..Nqs prindi eshte tahmaqar(greedy),don te behet milioner
brenda nates,atehere edhe femija do ece me ate mentalitet,
bikoz aty ku rrjedh,do pikoje diku
thote nje shprehje e vjeter.

[Meriamun]

E njihje 1 m.ut t'madh e njihje.

Meqë ti e din që unë se njoh ath për ca pyet?