Abuzoi me Rrugën e Kombit, Ministria e Financave padit ish-ministrin Bode

[Albo]

Abuzoi me Rrugën e Kombit, Ministria e Financave padit ish-ministrin Ridvan Bode

Ministria e Financave ka kallëzuar sot në mesditë penalisht ish-ministrin demokrat të financave Ridvan Bode dhe ish-zëvendësministrin Sherefedin Shehu.

Dy deputetët aktualë të Kuvendit të Shqipërisë, akuzohen veprën penale të “shpërdorimit të detyrës” dhe “shkeljes së barazisë në tenderë” në bashkëpunim, gjatë procedurës së tenderit për kredinë prej 230 milionë eurosh, që ka përfunduar në buxhetin e ndërtimit të rrugë së Kombit Durrës-Kukës-Morinë.

Ministria e Financave, në kallëzimin e depozituar pranë Prokurorisë së Përgjithshme, arsyeton se Bode e Shehu i kanë shkaktuar shtetit një dëm prej 60 milionë eurosh.

Nëse Bode shpallet fajtor për këto akuza, rrezikon deri në 7 vjet burg. Bode është ish-ministri i dytë demokrat që paditet penalisht nga qeveria pas rastit të parë të ish-ministrit të mbrojtjes, Arben Imami.

Shqip

[Albo]

Tenderi Durrës-Kukës, Cani padit Boden e Shehun. Ish-ministri: Akuzat janë qesharake

TIRANE-UPDATE- Ministria e Financave njofton se ka paraqitur javën e kaluar pranë Prokurorisë së Tiranës një kallëzim penal ndaj ish-ministrit të Financave, Ridvan Bode dhe ish- zëvendësministrit të Financave, Sherefedin Shehu, për shkelje qe sipas ketij institucioni, jane kryer në procedurat e marrjes së kredisë tregtare nga kreditorë privatë të tregut ndërkombëtarë në vlerën 250 milionë euro, për financimin e investimeve kapitale.

I gjithë procesi thote ministria e Financave, është kryer në shkelje të ligjit nr. 9665, datë 18.12.2006 “Për huamarrjen shtetërore dhe garancitë shtetërore të huas në Republikën e Shqipërisë”, dhe të ligjit nr. 9643, datë 20.11.2006 “Për prokurimin publik”.

“Përzgjedhja e fituesit është kryer në kushte të pabarabarta dhe jo transparente, duke favorizuar një ofertues kundrejt të tjerëve, dhe duke kryer vlerësim të pabarabartë të ofertave, konkurrim të pandershëm nëpërmjet kritereve të ndryshuara nga ato të shpallurat, por të panjoftuara paraprakisht ofertuesve, si dhe të paargumentuara me document”,-thuhet në njoftimine MF-së.

Më tej theksohet se jo vetëm vlerësimi i ofertave, por dhe procesi është i padokumentuar dhe jo transparent. “Kriteret janë ndryshuar gjatë procesit të vlerësimit të ofertave, pasi është konstatuar se ofertuesi i preferuar kishte paraqitur borxhin më të shtrenjtë nga gjithë të tjerët. Përveçse një borxh shumë i shtrenjtë me kosto reale rreth 13.3%, si pasojë e veprimeve të mësipërme dhe duke blerë borxhin më të shtrenjtë midis gjithë ofertave të paraqitura, i është shkaktuar dëm buxhetit të shtetit në vlerën 60 milionë Euro”,-deklaron Ministria e Financave.


Pas padizë së depozituar nga Ministria e Financave, ka ardhur edhe reagimi i ish-ministrit Ridvan Bode, duke i quajtur qesharake akuzat, ndërsa thekson se është i hapur ndaj hetimit.


Reagimi i Bodes

Më në fund Cani, e mbajti “premtimin” e dhënë një vit më parë publikisht në parlament. Qeni qepën të hajë do të çonte ish-ministrin e financave në prokurori, qoftë dhe me një akuzë sa qesharake aq dhe të padëgjuar në ndonjë vend si kjo që sajoji sot.

Deklaraoj që në fillim, se jam i hapur ndaj organeve të hetimit dhe i interesuar për të ndihmuar në sqarimin e shpejtë të kësaj çështje, që për mua është një çfryrje e tullumbaces së radhës.

Në fakt, një akuzë e tillë nuk do të meritonte për tu debatuar, sikur të mos ishte pjesë e një skenari tashmë të deklaruar nga qeveria Rama, që për të larguar vëmëndjen nga dështimet e saj të përditshme, ka zgjedhur strategjinë e sulmit dhe denigrimit të kundërshtarëve politikë, revanshin e pafre ndaj çdo institucioni të pavaruar apo dhe ndaj qytetarëve, me synimin e vetëm: gjunjëzimin dhe nënshtrimin e gjithkujt.

Me aq sa degjova nga mediat vizive, pasi nuk kam dijeni për sajesën e Canit, bëhet fjalë për një kredi sindikale të pranverës së vitit 2009, me sa kujtoj., e sindikuar nga Deutch Bank. Ka qenë periudha e kulmit të krizës financiare dhe kur një numur vendesh edhe të BE refuzoheshin në tregje. Ka qene momenti kur kursi i këmbimit i monedhave të rajonit, por dhe të disa vendeve të BE u çvlerësua me mbi 25%. Suksesi i kësaj dalje në treg nga Shqipëria është përshëndetur edhe nga FMN.

E gjitha sa dëgjova, ishte një sajesë e përçartur, e cila sajohet në një kontekst dështimesh të qeverisë. Cani kthehet duarbosh nga Washingtoni, me një axhendë rritje taksash dhe çmimit të energjisë elektrike dhe “qetëson” opinionin me një akuzë të reme. Sipas ligjit të prokurimit publik, produktet financiare as i janë nënshtruar dhe as i nënshtrohen ligjit të prokurimit publik. Kredia është marrë pasi u miratua në parlamnet me ligj të veçantë marrëveshja dhe procedura për marrjen e kredisë. Personalisht as kam qenë kurrë pjesë e ndonjë komisioni ofertash apo negociatash. Ka qene një drejtori e përgjithshme e borxhit që ka zbatuar të njëjtat procedura e rregualla si në të tjera kredi sindikale apo kredi të tjera që kontraktohen rëndom nga ministria e financave dhe që janë të njëjta në të gjitha tregjet financiare.

E gjitha është një akuzë politike, me një synim dhe këmbëngulje të verbër inati e revanshi saqë nuk sheh se gjithshka për këtë kredi është miratuar me një ligj në parlament.


Panorama

[Korcar-L1]

rruga e kombit duhej quajtur rruga e Ali Babait dhe hajdute. Nuk ngeli njeri pa vjedhur nga ai ndertim "patriotik"

[Qyfyre]

gjithesesi nuk besoj te jete shume ndryshe nga shume projekte te tjera qe behen ne Shqiperi. thjeshte ka qene nje projekt me i shtrenjte dhe normalisht eshte vjedhur me shume.