Ju

[Elian70]

Shqiptari mund te jete gjithshka por i trashe jo.
Le te analizojme (edhe pse humbje kohe)

-Ju ishit skllevër, por hiqeshit të lirë, të qeshur, të lumtur.

Kush po qesh me ne kohen e sotme???!!!

-Ju mbaheshit për trima, por dridheshit nga frika.

E vertete.

-Ju hiqeshit më të ndershmit e botës, por s’latë bijë dhe mbesë dhe kushurirë pa e shitur në Itali sapo muarët vesh se kushtonte jo më pak sa një lopë.

Shume e vertete.

-Ju ishit të uritur dhe të rreckosur, por mbaheshit për të ngopur, të veshur e të mbathur.Ju tani jeni të lirë, por ankoheni gjithë kohën, si të pakënaqur, të palumtur.

Jo, ca si une ishin shume te ngopur me te vertete.

-Ju votoni, por të zgjedhurit nuk i respektoni.

Je ke fut kot, se ata s'kane nevoje per voten tone...i vjedhin...

-Ju votoheni, por për zgjedhësit nuk doni t’ja dini.

Buxheti eshte i mafjes dhe popolli eshte gjithmone skllav...informohu.

-Ju, kishit pak libra, por lexonit shumë, romane, poezira.

Futja kot.

-Ju tani keni pafund libra, por lexoni “Aventurat e Noc Rrokut”.

Vetem ky e kupton kete fjali.

-Ju kishit pak mundësi për të parë televizion, por shihnit shumë filma.

Futja kot.

-Ju tani keni pafund televizione, por shihni pak ose aspak filma.

Futja kot.

-Ju mbrëmjeve shihni shumë programe televizive me analista dhe opinionista që të lenë pa ment me dijenitë dhe shkathtësitë e tyre gjirizore, por ata duke qënë të shitur nuk thonë dhe nuk do j’ua thonë kurrë të vërtetat që j’u interesojnë juve, por rrenat që u interesojnë atye që u kanë hedhur kockën.

Me se e vertete.

-Ju që s’kishit as makina as qerre por kishit shumë qef të udhëtonit, nuk mund të shkonit dot, le në Gollobordë apo Korab, por as në Spille ose Patok, se quheshin zona kufitare dhe të gjente belaja.

Kontradikte! Kur s'kishin me cfare te shkonin...si do shkonin???

-Ju tani keni mjete të fuqishme të shpejta dhe rrugë për të udhëtuar, por udhëtoni fare pak ose aspak. Po të kalosh, për shembull, në një vend magjik, nga Peqini në Lushnje përmes Darsisë dhe Dumresë, sheh kodra dhe liqere me të ikë menia e kresë, por gjatë asaj rruge sheh a s’sheh nja dy a tre makina, edhe ato të banorëve lokalë.

Hahahahahaaaa...qaju hallin. Jo! Qaji hallin vetes qe nje here qe shkon i ben rekllame, kurse ata qe shkojne 100 here ne muaj u eshte bere e zakonshme.

-Ju thoshit se e donit atdheun kur Shqipëria dergjej nën thundrën e një çete vrasësish që e quanin veten çlirimtarë, fitimtarë etj., por tani që Shqipëria nuk është e vrasësave por e juaja, ju nuk doni Shqipërinë, doni Italinë, Gjermaninë, Amerikën. Ju të rinjtë mbaroni shkollat jashtë, por s’gjeni dot punë brenda se karriket i kanë zënë të vjetrit dhe s’i lëshojnë fytin tua sharrosh.

E vertete, por s'do te thote qe pleqte duhen te vdesin dhe te mos punojne. Jashte nuk njihet dhe nuk e pranojne pleqerine..meqenese do te hiqesh edhe mudhern.

-Ju Kosovën ua çliroi NATO, por ua zaptoi mafia.

Kete me mire mos e kishe shkruar fare. Gjaku i derdhur i kosovareve s'ka kete cmim te ulet qe ke shkruar.

-Ju Maqedoninë perëndimore nuk ua preku kush, por po ua bëjnë çorap politikanët llafazanë dhe hajdutë zgjedhur prej jush të cilët çirren për Liri dhe Shqiptari derisa e kthejnë në çast pllakën sapo ulen në një kolltuk dhe nisin të heshin si peshq.

Ketu nuk di cfare te shkruaj se s'jam i informuar.

-Ju doni taksa të ulëta, mundësisht asnjë taksë, por doni dhe makinën të vijë të marri plehrat, doni tu asfaltohen rrugët dhe rrugicat dhe të gjitha lehtësirat e tjera, me pare të rëna nga qielli.

Taksat i paguajme dhe c'te paguar se, por s'kam pare nje cope rruge me asfalt qe kur erdhi Rilindja. Thane do benin Lungomare...nuk e bene (ne shtator duhej te mbaronte)...thane do behej nje rruge kendej nga fshati Qishbardhe...nuk e bene...E sa te tilla ka ne gjithe Shqiperine? Por parate i kane marre, taksat tona i kane marre. Ku Jane???!!! Informohu e me kthe pergjigje.

-Ju i telefononi tjetrit, por gjithmonë për hallin tuaj, kurrë për ndonjë hall të tijin.

Qaju hallin. Te marrin ne telefon nga mengjesi deri ne darke...tipike e shqiptareve qe humbin kohen kot.

-Ju e ndihmoni partinë të vijë në pushtet, por kurrë në mënyrë idealistike, gjithmonë për ndonjë interes, për shembull, për t’ju gjetur një punë.

Idealistike???? Me kembe ne toke thuaj...

-Ju hiqni spinën e dushit, demek për kursim, por jeni aq të trashë sa nuk dini dhe nuk kuptoni se heqja e spinës nuk është veprim as inteligjent dhe as kursimtar, por thjesht një budallallëk.

A ka njeri te ma shpjegoje se nuk po e marr vesh...Pyeta dhe nja pese te tjere, por as keta nuk e kuptuan.

-Ju, kur jeni shitësa nuk ja vini kurrë çmimin mallit, por kur jeni blerësa jeni gjithë kohën të revoltuar për çmimin që mungon, dhe ç’është më e bukura, me shpresë për të dalë fitimtar gjatë një lufte të heshtur nervash disaminutëshe me shitësin, ju nuk ja vini kurrë në dukje atij mungesën e çmimit të produktit mbi një copë karton, ndërkohë që për t’i kërkuar faturën tatimore as që bëhet fjalë.

E drejte.

-Ju, kur jeni hallexhinj, bërtisni në kupë të qiellit kundër korrupsionit, por kur bëheni nëpunësa shndrroheni menjëherë nga bërtitësa të revoltuar në të korruptueshëm dhe të korruptuar të heshtur dhe tinzarë.

Gabim! Hallexhiu ne Shqiperi mbetet gjithnje hallexhi. Duhet te jesh maskara te zesh vend pune.

-Ju kur jeni fukarenj dhe shihni ndonjërin që pasurohet, j’u çrregullohet gjumi, jeni gati ta shqyeni dhe të merrni kazmën t’ja shembni atë që ka ndërtuar, por kur qëllon që j’u bie ndonjë lek në dorë dhe nisni e majmeni, filloni ta urreni, dhe bëni çmos që mundësisht edhe ta vrisni armatën e fukarenjve, alter egon tuaj, veten e dikurshme, nga frika se mos kthehet e hakmerret për tradhëtinë.

E drejte.

-Ju edhe punoni, por keq.

Ka edhe nga ata qe me pese leke bejne cudira e mrekullira.

-Ju dini të punoni dhe mirë, madje të keni edhe rendiment të kënaqshëm, por vetëm në punët e liga, thashethemet, intrigat, spiunimet.

Keto s'quhen pune e mos i ngaterro gjerat.

-Ju keni apartamente të mëdhaja të bollshme të teprueshme, por, meqënse të jetuarit nëpër kotecat e dikurshëm j’u ka hyrë në gjak, e pamundur të mos ja merrni frymën vetes duke i mbyllur ballkonet me lloj lloj vetratash dhe duraluminash për tu treguar më të squt se arkitekti.

E ku ka arkitekt te zote Shqiperia???!!! Te gjithe kopjace jane.

-Ju keni mbi kokë qiell dhe kaltërsi, por nuk i ngrini kurrë kryet t’i shihni.

E drejte

-Ju keni Histori, por përtoni ta njihni, preferoni ta shihni nëpër filma ku protagonistët dhe heronjtë nuk janë kurrë njerëz normalë, por gjithmonë ose tuhafa ose vrasësa.

Jo! Historine na e kane bere gjithmone te tjeret...ne kemi qene dhe jemi spektatore.

-Ju keni gjeografi, por nuk doni ta shkelni.

Më se ci kemi bere mune...

-Ju keni fshatra të bukur si ëndërra, por refuzoni t’i vizitoni.

Qaju hallin...provo te hysh ne Lazarat.

-Ju keni pyje të magjishëm, të bukur dhe të freskët, por i prisni.

I kishim.

-Ju keni mes jush njerëz të ditur dhe të ndershëm, por nuk i respektoni.

E drejte..dhe ikin jashte shtetit.

-Ju keni miq që j’u duan, por nuk i doni, i refuzoni.

S'po shkruaj fare...

-Ju flisni keq me fjalë të rënda dhe të hidhura për fqinjin, të largëtin, të huajin, por ngaqë ata i keni frikë, atyre u rrini larg, nuk u afroheni.

Asnje s'jua ka friken...jane bere vertet qelbesira.

-Ju flisni butë, me fjalë të ëmbëla për të afërmin, mikun, familiarin, por mgaqë të afërmëve nuk nuk ua keni frikën sepse prej tyre nuk j’u vjen asnjë rrezik, u afroheni jasht mase, i invadoni, i rrini ngjitur, u zini gjithë hapësirën, i bezdisni, i tmerroni, i lodhni dhe i dëshpëroni.

E drejte, biles bejne edhe sikur qajne...me qep ne xhep.

-Ju keni ligje moderne, por nuk i respektoni.

Ku ndryshon ligji klasik nga ai modern???!!!

-Ju jeni të rrethuar me qytetërim, por prej tij nuk doni të mësoni, nuk doni të kuptoni, sepse ju nuk ndjeni.

Numri i qyteteve ne Shqiperi eshte dyfishuar...por vet nuk po shoh ne rruge qytetare...jemi akoma blebej...

Rezultati:
Shume kontradikta...nje shkrim pa vlere ne pjesen me te madhe te shkrimit...gjera qe dihen, por te interpretuara ne menyre individuale.