Qeveria në luftë me duhanpirësit: Po ua rrisim çmimin e paketës për të mirën tuaj!

[Albo]

Qeveria rrit akcizën e duhanit Ministri i Shëndetësisë Ilir Beqaj, në një deklaratë për mediat informoi sot, mbi vendimin e fundit të qeverisë për rritjen e akcizës së duhanit.

Duke bërë një parantezë të sëmundjeve që shkaktohen nga duhani si ato kardiovaskulare dhe kanceri i mushkërive, ministri Beqaj prezantoi vendimin e marrë në mbledhjen e Këshillit të Ministrave që ka të bëjë me ndryshimin e ligjit të akcizës.

"Duhanpirja është shkaku kryesor i sëmundjeve kardiovaskulare e kancerit të mushkërive. Jemi të vëmendshëm të mbrojmë shëndetin e qytetarëve nga duhani", u shpreh Beqaj duke shtuar se akti formalisht është fiskal, pasi ndryshohet ligji i akcizës për duhanin.

Ndryshimi i akcizës, sipas ministrit të Shëndetësisë, do të ketë impakt ekonomik dhe social. Gjithashtu, ai shtoi se ndryshimi i ligjit, do ketë efekt vit pas viti deri në vitin 2017.

Më tej, ai foli për ligjin aktual antiduhan duke theksuar se prej 5 javësh është zbatuar me sukses.

Ai u ka bërë edhe një apel instancave përkatëse që të vijojnë punën pa tolerime, ndërsa ka falënderuar ata sipërmarrës që i janë bashkuar iniciativës.

ATSH


Rama, i vendosur t’u fikë llullën shqiptarëve, rrit akcizën e duhanit



Tiranë – Kryeministri Edi Rama është i vendosur t’ua fikë duhanin, shqiptarëve. Ai ka firmosur në Qeveri, vendimin për rritjen e akcizës së duhanit dhe e ka komentuar këtë fakt.
“Ulja e shifrave të konsumit të duhanit, – shkruan Rama në Fb, – është një tregues inkurajues që do ta përmirësojmë akoma përmes rritjes më tej të akcizës së cigareve. Edhe zbatimi rigoroz i Ligjit Antiduhan është pjesë e kësaj beteje të programuar për uljen afatgjatë të sëmundshmërise nga konsumi i cigars.”

ar.sh/Oranews.

[Albo]

Vendimi i qeverisë, çmimi i cigareve rritet 20 lekë

Nga: OLA MITRE

Vendimi i qeverisë, çmimi i cigareve rritet 20 lekëTIRANE-Këshilli i Ministrave ka miratuar ditën e djeshme projektligjin "Për akcizat në Republikën e Shqipërisë", i cili parashikon rritje të akcizës për duhanin, çka pritet të sjellë dhe rritjen e çmimit të paketave të cigareve. Vendimi u komunikua nga ministri i Shëndetësisë, Ilir Beqaj, i cili theksoi se kjo masë do të ndikojë drejtpërdrejt në uljen e konsumimit të duhanit e më pas në uljen e numrit të sëmundjeve kardiovaskulare e tumorale.

"Edhe në vendet e zhvilluara, regjimi fiskal i produkteve të duhanit është një nga elementët që ka rezultuar i suksesshëm në frenimin e duhanpirjes. Edhe pse akti, në fakt, formalisht është akt fiskal, sepse po ndryshojmë ligjin e akcizave respektivisht për pjesën e duhanit, besojmë se frenimi i duhanpirjes do të ketë impakt të drejtpërdrejtë në përmirësimin e kujdesit shëndetësor të qytetarëve, por dhe impakt, po ashtu social dhe ekonomik", - u shpreh Beqaj. (Per me teper lexoni sot Gazeta Shqiptare ne print)

(a.n/GSH/BalkanWeb)