Studentëve nuk u njihen vitet e studimeve të kryera në Universitetet e mbyllura
Mbyllja e 18 programeve të palicensuara në universitetet private për shkak të paligjshmërisë së tyre, ka çuar në mosnjohjen e studimeve të kryera pranë këtyre universiteteve nga ana e shtetit.
Ministrja e Arsimit Lindita Nikolla, e pyetur sot nëse do t’u njihen lëndët dhe vitet e studimit studentëve që kanë ndjekur programe të palicensuara në 18 universitetet private të mbyllura, u shpreh: “Pyetja juaj për ato programe që kanë qenë të palicensuara, sigurisht që nuk pret mbrapa përgjigjen që po, pasi arsyet se përse u mbyllën ato universistete ishin pikërisht sepse ofronin programe të palicensuara. Kjo është sqaruar njëherë e mirë dhe ne po mundësojmë për studentët shancin e dytë, në programe të licensuara, në programe të akredituara, qoftë në universitete publike, qoftë ato private. „
Ndërkohë udhëzimi i Ministrisë së Arsimit i datës 23 shtator në pikën 3 të tija sqaron transferimet e studentëve nga një program studimi në tjetrin. Sipas këtij udhëzimi: “Studenti që transferohet nga një program studimi i cili, në momentin e regjistrimit të studentit ose në vitin ku është regjistruar studenti në atë program studimi, rezulton të mos ketë qenë i licensuar nga MAS, edhe pse lnstitucioni që e ofronte atë ka qenë i licencuar konform kuadrit ligjor në fuqi, mund të aplikojë për t’u transferuar në vitin e parë të studimeve në një program të njëjtë ose të ngjashëm studimi, sipas listës së shpallur për ekuivalentimin e programeve nga secila IAL publike, por nuk i njihen lëndët e shlyera dhe kreditet e përfituara më parë”.
Sipas të njëjtit udhëzim, lëndët e shlyera dhe periudhat e studimit të kryera prej tyre nuk mund të njihen nga institucionet e arsimit të lartë.
Koha Jone
Përgjigju Duke Cituar
Postuar më parë nga mia@
Krijoni Kontakt