Pasuria, Meta e Kryemadhi dalin me borxhe

[Vinjol]

Kreu i Kuvendit, Ilir Meta, së bashku me bashkëshorten deputete të LSI-së, Monika Kryemadhi, rezultojnë se janë “të zhytur” në kredi, të cilat janë marrë për blerje banese. Sipas deklaratës së pasurisë për vitin 2013, çifti Meta kanë nga secili nga një kredi për blerje banese, por pa përcaktuar të dhëna shtesë rreth banesës që kanë blerë.


Shuma e përbashkët që çifti Meta kanë për të shlyer kredi është 361.185 mijë euro, ku përkatësisht kreu i Kuvendit rezulton se më 2013-n ka një kredi prej 185.785 mijë eurosh, ndërsa bashkëshortja e tij rezulton se ka një kredi prej 175.400 mijë eurosh, që janë marrë gjatë vitit 2013. Të dy bashkëshortët, sipas deklaratës së ILDKPKI-së, janë duke shlyer vlera të caktuara nga këto kredi.

Ndërkohë që duke parë deklarimet e të ardhurave, duket se çifti Meta-Kryemadhi bëjnë një jetë modeste, ku të ardhurat kryesore të tyre janë nga pagat që marrin si kryetar dhe deputete në Kuvend. Sipas deklaratës së pasurisë, dorëzuar në ILDKPKI, rezulton se kreu i Kuvendit për vitin e kaluar ka shtuar një llogari bankare në shumën 20.590 lekë, si dhe ka pakësuar gjendjen cash të valutës me shumën 14000 eurove. Duke iu referuar të ardhurave të deklaruara në ILDKPKI rezulton se kreu i Kuvendit jeton vetëm me pagën e tij si dhe të bashkëshortes deputete. Meta ka deklaruar se të ardhurat nga paga për vitin 2013 janë 2.318.887 lekë, ndërsa të bashkëshortes, 663.897 lekë. Meta ka deklaruar si shtim të të ardhurave nga pagat dhe përfitime të tjera financiare, një shumë prej 714.099 lekë. Në deklaratën e Metës rezulton se është edhe një overdraft i pashlyer në shumën 95.093 lekë, që është marrë në emër të bashkëshortes Kryemadhi. Nga ana tjetër, bashkëshortja e Metës, deputetja Monika Kryemadhi, ka deklaruar për 2013 pakësim llogarie bankare me vlerën 243.930 mijë lekë, si dhe një tjetër pakësim llogarie prej 10.000 eurosh për vitin e kaluar. Në të ardhurat e saj për vitin e kaluar rezulton se janë shtuar nga paga e saj si deputete në Kuvendin e Shqipërisë 714.099 lekë si dhe të ardhurat e pagës së bashkëshortit Ilir Meta, me 841.679 lekë. Kryemadhi, në deklaratën e saj, rezulton se ka dhe një overdraft të pashlyer me shumën 95.093 lekë.

E teksa shumicës së deputetëve të Kuvendit të Shqipërisë nuk u kanë munguar kreditë e mëdha që kanë marrë, këtyre nuk u ka shpëtuar as deputeti i PS-së, kreu i Komisionit të Ligjeve, Fatmir Xhafaj. Në deklaratën e paraqitur pranë ILDKPKI-së për vitin e kaluar rezulton se deputeti Xhafaj ka marrë një kredi prej 100 mijë eurosh për blerjen e një apartamenti banimi në kryeqytet. Gjatë vitit të kaluar, Xhafaj ka shlyer edhe një hua prej 25.000 eurosh, e marrë për blerjen e një automjeti. Për vitin që lamë pas, deputeti i socialist deklaron se ka shtuar tre llogari bankare përkatësisht me 27.31 euro, 110.640.19 lekë si dhe 571.17 lekë. Janë shtuar dhe dy llogari, një e bashkëshortes me 4.528338 lekë, si dhe një e vajzës me 0.80 euro. Ka dhe dy llogari bankare të deputetit Xhafaj që janë pakësuar një me 324,53 lekë, si dhe një tjetër me 7.324,64 euro. Në të ardhurat për vitin 2014, deputeti i PS-së ka deklaruar se janë ato nga paga e deputetit në Kuvend me 2.372.16 lekë, të ardhura nga paga dhe shpërblimet e bashkëshortes me 822.197 lekë si dhe të ardhura shtesë nga shitja e apartamentit në Pogradec, me vlerën 10.855 lekë. Ndërkohë që bashkëshortja e tij, Mimoza Xhafaj, ka deklaruar se ka shtuar të ardhurat nga shitja e tre apartamenteve, i pari me vlerën 5.058.500 lekë, i dyti, 2.727.342 lekë, ndërsa i treti me vlerë 3.042.414 lekë. (Gazeta Shqip)





GJynaf more gjynaf si mendoni ju beheme te gjithe e i japim nga 1 euro

[Elian70]

i kthen perseri vilat mbrapsht dhe u zgjidh puna e "borxheve"

p.s. Prifti s'ka pas te drejte atehere kur u vodhen milionat e hidrocentralit

[Vinjol]

Jam dakort me ty elian

[Albo]

O shoku Rama,

Qeveria duhet ta ndihmoje ciftin Meta se pa shokun Meta na bie koalicioni e qeveria. Nxirr ndonje ligj ne Qeveri qe ti paguaje Qeveria e Shqiperise e shqiptaret borxhet e shokut Ilir Meta.

Dhe mos harro qe te paguash edhe ato shpenzimet e ditelindjes se shokut Ilir, se mezi e kemi, nje burre te zgjuar ka nxjerre Skrapari, e ai eshte Ilir Metaj, apo sic e therrisni ju ne Tirane, Ilir Meta. Ka bere fis me vete djali.

Albo

[goldian]

Ti albo e mba veten dhe per te mecem
te gjithe te pasurit ne bote kann kredi (per te mbulu ndonje pisllek te pasurise se tyre)
edhe presidenti i klubit ku une vet luaj ka ne Austria bank 2 milion euro kredi jo se ka nevoje po ashtu o loja e iliri o cik ma i mecem se ti e une bashke

sjam perkrahes i tij e po te ishte per mu ne burg e pafsha po mos te eksitohet albo kaq shume

[Meriamun]

Shumë veta në Shqipëri nuk po gjejnë vend ku të futen. Papunësia dhe pasiguria mbyt çdo zë shprese dhe dritë horizonti ndërsa këta ordinerë tallen me një popull të tërë. Mullaqet do ti digjen dhe bëhen shkrumb në zjarrin e ferrit.
Grykësia e tyre u shndërroftë në kolesterol dhe sheqer. Le ti mbysë haku i të varfërve.

[xhori]

kush e di per sa vjet e ka bere kredin i shkreti, prandaj na qenka dobesuar iliri ka fillu te kursej edhe per te ngrene nuk eshte kollaj te paguash gjith kete borxh bravo ilir kryemadhi

[Albo]

Ti albo e mba veten dhe per te mecem
te gjithe te pasurit ne bote kann kredi (per te mbulu ndonje pisllek te pasurise se tyre)
edhe presidenti i klubit ku une vet luaj ka ne Austria bank 2 milion euro kredi jo se ka nevoje po ashtu o loja e iliri o cik ma i mecem se ti e une bashke

sjam perkrahes i tij e po te ishte per mu ne burg e pafsha po mos te eksitohet albo kaq shume

Une i mencem? Te mencun jane Tom Doshi dhe Ilir Meta. Tom Doshit do ti ngrejme nje bust ne mes te Shkodres si shkodrani me i mire e me i zgjuar qe ka nxjerre Shkodra. Kurse Ilir Metes do t'ia ngrejme ne mes te Policanit.

Une e kam hallin, se keta shqiptaret jane si gojet e liga, e thone: Po ja ky shoku Rama po na del ne televizor e po na u ckermitet gjykatesve qe i kane grate me biznese se nuk deklarojne pasurine, por shokeve te partise si shoku Meta nuk u ckermitet fare edhe pse ky na jeton si pasha ne Shqiperi.

kush e di per sa vjet e ka bere kredin i shkreti, prandaj na qenka dobesuar iliri ka fillu te kursej edhe per te ngrene nuk eshte kollaj te paguash gjith kete borxh bravo ilir kryemadhi

Eshte dobesuar se do te behet kryeminister se shpejti, prandaj.

Albo

[Qyfyre]

Jo vetem te pasurit po cdo person me mend ne koke, edhe nese ka leket ne banke per te blere shtepine, prap merr kredi dhe mban leket ne banke. Kshuqe borxhet qe kane marre s'me habisin shume, por paska qesharake ajo shuma qe kane shtuar ne banke gjate vitit, 20.590 lekë. Po u rriten cik cmimet kete vit, i bie te fillojn te harxhojne kursimet.

[skender76]

Posi ore!!!

Nuk esht puna se nuk kane fare, por nuk kane te thyshme....

Sepse, ai ka me shumice kallep ari por s'ka banka ti kthej kusur....