Lotaria e re Amerikane 2016

[BOKE]

Lotaria e re Amerikane 2016, si duhet të aplikoni?

Që nga data 1 tetor dhe deri më 3 nëntor të këtij viti, starton faza e re e aplikimeve për Lotarinë Amerikane 2016. Kështu, të gjithë qytetarët shqiptarë të cilët janë të interesuar për të emigruar në Shtetet e Bashkuara të Amerikës, mund të përfitojnë nga shansi që ofron kjo lotari, regjistrimet online për të cilën fillojnë saktësisht ditën e mërkurë të javës së ardhshme, datë 1 tetor 2014 (ora lokale 12:00 me atë të Amerikës dhe 18:00 me të Shqipërisë) dhe përfundon të hënën, datë 3 nëntor 2014 (ora lokale 12:00 me atë të Amerikës dhe 18:00 me të Shqipërisë). Një informacion ky i bazuar sipas njoftimit zyrtar të Departamenti të Shtetit Amerikan, pikërisht rreth regjistrimit online për programin e vizave të shumëllojshmërisë DV-2016. Kujtojmë sakaq se programi i vizave emigruese të shumёllojshmërisë, i autorizuar nga Kongresi, administrohet nga Departamenti i Shtetit në bazë vjetore. Ku për vitin 2016, në tërësinë e tyre janë parashikuar të jenë në dispozicion 50.000 viza emigrantësh të shumëllojshmërisë (DV). Duke mundësuar kështu viza për një grup emigrantёsh tё njohur si “emigrantë të shumёllojshmërisë” prej vendeve me shkallë historikisht të ulët emigrimi drejt Shteteve të Bashkuara të Amerikës. Shqipëria ende gjendet e përfshirë në këtë program, pasi figuron se ende nuk i ka konsumuar kuotat e saj. Siç thuhet se kanë bërë në fakt vende të tilla si Bangladesh, Brazil, Kanada, Kinë, Kolumbi, Republika Domenikane, Ekuador, San Salvador, Haiti, India, Xhamaika, Meksikë, Nigeri, Pakistan, Peru, Filipine, Koreja e Jugut, Mbretëria e Bashkuar (me përjashtim të Irlandës së Veriut), vendasit e të cilëve nuk kanë qenë të pranishëm për të aplikuar për lotarinë e vitit 2015, pikërisht sepse figuronin të kishin dërguar në total më shumë se 50.000 emigrantë në Shtetet e Bashkuara të Amerikës gjatë pesë viteve të shkuara. Bëhet me dije gjithashtu se aplikantët të cilët janë përzgjedhur nga programi i lotarisë (“të përzgjedhurit”) duhet të plotësojnë kërkesa të thjeshta, por të rrepta të pranueshmёrisё në mënyrë që të kualifikohen për një vizë shumëllojshmërie. Një kompjuter përzgjedh rastësisht aplikantët për vizën e lotarisë. Vizat e lotarisë shpërndahen ndërmjet gjashtë rajoneve gjeografike dhe asnjë vend i veçantё nuk mund të përfitojë më shumë se 7% të Lotarive (DV-ve) të disponueshme për çdo vit. Në fund, sqarohet se faza e përzgjedhjes së aplikimeve fituese nga autoritetet amerikane do të jetë duke nisur nga maji i vitit të ardhshëm 2015, deri në 30 qershor 2016.

PRAKTIKA

Regjistrimi për Programin e Llotarisë DV-2016 duhet të kryhet në mënyrë elektronike në web-faqen e Departamentit Amerikan të Shtetit (www.dvlottery.state.gov), duke filluar nga dita e mërkurë, datë 1 tetor 2014 (ora lokale 12:00 me atë të Amerikës dhe 18:00 me të Shqipërisë) deri të hënën, datë 3 nëntor 2014 (ora lokale 12:00 me atë të Amerikës dhe 18:00 me të Shqipërisë). Aplikuesit mund të aplikojnë personalisht vetë online në faqen zyrtare përkatëse.

Retrospektivë

24 vjet Lotari, ëndrra amerikane vazhdon…

Programi i vizave emigruese në shumë vende të botës u jep përfituesve të drejtën për emigrim dhe banim të përhershëm në Shtetet e Bashkuara të Amerikës. Dhe prandaj, mund të thuhet se përmes tij, ëndrra amerikane vazhdon, për të gjithë shqiptarët që duan të përfitojnë prej kësaj. Kështu, program i lotarisë amerikane figuron se ka filluar para 24 vitesh dhe ka për qëllim pikërisht që të krijojë një diversitet të emigrantëve që vijnë në SHBA duke përzgjedhur vetëm 50 mijë aplikime nga miliona të tilla që bëhen në rang botëror, nga vende të ndryshme të botës. Sipas të dhënave të emigracionit nga Kosova gjatë këtyre viteve kanë konkurruar mijëra persona, ndërsa nga Shqipëria kanë konkurruar dhjetë herë më shumë, ose rreth 56 mijë vetëm në vitin 2011. Ndërsa vetëm në vitin 2013 nga Shqipëria vizën emigruese për në SHBA e kanë fituar 1.520 veta, ndërsa në vitin 2014 ky numër është dyfishuar, duke arritur deri në 3.289, duke i kthyer kështu shqiptarët ndër përfituesit më të mëdhenj të programit të lotarisë nga e gjithë bota. Teksa në Kongres ka qenë i hapur edhe debati lidhur me reformën në politikën e emigracionit, ku një ndër propozimet ka qenë pikërisht edhe eliminimi i lotarisë emigruese, si kompensim i legalizimit të miliona personave që qëndrojnë ilegalisht në Shtetet e Bashkuara të Amerikës.

Kushtet e aplikimit
Para së gjithash, ju duhet të jeni i lindur në një nga vendet e kualifikuara për të aplikuar në këtë lotari dhe Shqipëria figuron brenda tyre. Një kusht tjetër është se duhet të aplikoni vetëm një herë, sepse personat me dy aplikime, do të skualifikohen. Por dhe ata me aplikime të pakompletuara me të gjithë zërat e duhur. Nga ana tjetër, për t’u regjistruar në lotari, ju duhet të keni një arsim të mesëm ose të barabartë me 12 vjet fillor dhe të mesëm të përfunduar plotësisht (pra të vërtetoni me bindje që keni mbaruar 12-vjet shkollë të plotë); ose të keni 2 vjet eksperiencë pune brenda 5 viteve të shkuara në një punësim që kërkon të paktën 2 vjet trajnim ose eksperiencë për të ushtruar. Për të përcaktuar eksperiencën e kualifikueshme të punës do të përdoret Baza e të Dhënave të Departamentit Amerikan të Punës. Në qoftë se ju nuk mund të keni këto kërkesa, ju nuk duhet të aplikoni në programin e Lotarisë.

Të dhëna që duhet të plotësoni:
1. Emri i plotë (si në pasaportë)

Data e lindjes – Data, Muaji, Viti;
3. Gjinia – Mashkull ose Femër;
4. Qyteti i lindjes;
5. Shteti i lindjes;
6. Shteti i kualifikueshëm për lotarinë
Fotografia e regjistrimit
8. Adresa juaj
9. Qyteti ku jetoni aktualisht
Numri i telefonit – jo e detyrueshme.
Adresa e E-mailit
Niveli më i lartë i shkollimit
13. Statusi martesor
Numri i fëmijëve

"Koha Jone"

[Vinjol]

a nuk bjen rrufeja ne ***** :P
cdo vit e hedh e asihere sbi

[bela13]

Ne raste se fiton lotarine proceduren me pas doja te dija pasi nuk kam te aferm ne amerike si funksionon pra