Tentoi të djegë shtëpinë e rektorit Qarri, pranga gruas

[Xhuxhumaku]

Tentoi të djegë shtëpinë e rektorit Qarri, pranga gruas

NGA: ENRIK MEHMETI
Tentoi të djegë shtëpinë e rektorit Qarri, pranga gruasVLORE-Rektori i Universitetit nuk i mori të afërmin në punë, 42-vjeçarja tentoi që t'i vinte zjarrin derës së shtëpisë së tij. Ngjarja me protagoniste Albana Bajramajn ka ndodhur tre muaj më parë në qytetin e Vlorës, por është bërë publike nga policia vetëm ditën e djeshme. Pas hetimeve të kryera gjatë kësaj periudhe, blutë e qytetit bregdetar vunë në pranga Bajramajn, e cila akuzohet për "Shkatërrim të pronës me zjarr, mbetur në tentativë".

Burime zyrtare nga Drejtoria e Policisë së Qarkut të Vlorës bënë me dije se 42-vjeçarja me profesion edukatore kopshti u arrestua mbrëmjen e së hënës. Mësohet se Albana Bajramaj i kishte kërkuar rektorit të Universitetit "Ismail Qemali", Albert Qarrit që të punësonte një të afërm të saj. Refuzimi nga ky i fundit e ka irrituar 42-vjeçaren, e cila ka vendosur të marrë hak. (Per me teper lexoni sot ne Gazeta Shqiptare ne print)

http://www.balkanweb.com/kryesore/1/...as-212712.html

[Xhuxhumaku]

Gjen eksploziv në makinë: Ish-gruaja më ka thënë “do të të hedh në erë”

Nga Redaktor on 24/09/2014

Fatjon Vrapi ka gjetur 50 gram eksploziv në makinën e tij dhe ka lajmëruar policinë. Lënda plasëse nuk kishte detonator

policia shqiponja shqiponjatNjë sasi eksplozivi është gjendur në makinën e një personi, ndërsa ende nuk është zbuluar autori i këtij kërcënimi. Lënda plasëse u zbulua pas kontrollit të Njësisë Antieksploziv në kryeqytet, ndërsa mjeti ishte i parkuar në rrugën ‘Ylbere Bylykbashi’ në afërsi të ish-parkut të autobusëve. Mësohet se mjetit me ngjyrë gri “Alfa Romeo” me targa AA601FP, në pronësi të shtetasit Fatjon Vrapi iu gjetën 50 gr lëndë eksplozive, por pa detonator, e vendosur në pjesën e pasme të tij. Fatjon Vrapi kishte rreth një muaj që ishte kthyer nga Italia, ndërsa automjetin e kishte parkuar afër shtëpisë së tij. Por dje rreth orës 15:17 minuta kur ka dashur të ndezë makinën, ka konstatuar një lëndë të dyshimtë brenda saj. Dyshimet e tij janë bërë më të forta kur ka parë se mjetit i ishte hapur njëra derë. Ekspertët e policisë shkuan për të kontrolluar mjetin pas telefonatës dyshuese të Vrapit, i cili mësohet se ka konflikt me ish-bashkëshorten e tij. Pikërisht konfliktet familjare janë pista kryesore e hetimit të policisë. Fatjon Vrapi ishte divorcuar 6 muaj më parë dhe përgjatë kësaj kohe kishte marrë kërcënime nga ish-gruaja. Në polici, Vrapi ka thënë se bashkëshortja e kishte kërcënuar me fjalët “do të të hedh në erë”. Njësia antieksploziv e policisë së Tiranës ka rrethuar dhe evakuuar ndërkaq zonën përreth. Ata shprehen se heqja e lëndës eksplozive nga mjeti nuk ka rrezik për qytetarët. Pas gati një ore është bërë i mundur neutralizimi i lëndës plasëse, i dërguar më pas në laborator për ekspertime të mëtejshme. Mësohet se makina kishte disa kohë që ishte parkuar në këtë rrugë dhe policia do të sekuestrojë kamerat e sigurisë të bizneseve për të identifikuar autorët. Ndërkohë, hetimi i “bluve” të Tiranës është fokusuar edhe tek konfliktet personale të Fatjon Vrapit.

http://mapo.al/2014/09/24/gjen-ekspl...e-hedh-ne-ere/

[Elian70]

me 50gr nuk hidhet ne ere as nje vazo me lule....Fatjon Futja Vrapit nga gruja....