Përdhunohet nga kushërinjtë dhe ngelet shtatzënë, vritet nga familja për të ruajtur nderin

Emri: n_9615.jpg Shikime: 1548 Madhësia: 34.2 KB

Hasret ishte 15 vjeç, kur u përdhunua nga dy kushërinjtë e saj më të mëdhenj në moshë, duke bërë që të ngelej shtatzënë.
Përballë kësaj situate, familja e saj e vrau, për të ruajtur nderin. Ngjarja tragjike ka ndodhur në Turqi dy vite më parë, por është zbuluar vetëm këto ditë falë hetimeve të nisura si pasojë e denoncimeve të opozitës për vdekjen e saj.



Pasi u përdhunua nga dy kushërinjtë Serhildan dhe Ozcan, vajza ngeli shtatzënë pa e ditur se kush prej tyre ishte babai i foshnjës.

Në atë periudhë 12 anëtarë të familjes, mes të cilëve gjyshi dhe gjyshja, tre xhaxhallarë, tre halla dhe dy kushërinj u bënë bashkë për ta vrarë në mënyrë që të “fshinin” çnderimin.

Mirëpo asnjë dënim nuk u dha për përdhunuesit. Në proces gjyqësor ndodhet njëri nga xhaxhallarët, Habip, i cili ishte ngarkuar nga “komisioni” që ta çonte vajzën në një shpellë, ta mbyste dhe ta linte kufomën atje.

Ky rast është denoncuar me ashpërsi nga opozita turke, e cila kërkon dënim të ashpër dhe gjykim për autorët e krimit.


Data: 10 Shtator 2014 07:39 Autori: GazetaExpress



PS
Si mund te ndodhe kjo? Cilat jane "arsyet" qe i shtyjne njerezit te veprojne keshtu? Sa eshte shoqeria shqiptare larg nga keto "tradita"?