Maks Velo: Pse jam antiverior e antimysliman

[Elian70]

kisha respekt per Maksin, por po filloj te respektoj me shume xhaxhin....ka pas te drejte si per kete edhe per ate (Tosin)...keta o kane rrjedhur o kane qene shume te fshehur...ne vend qe te nxjerrin me emra ata qe u kane bere keq, fillojne e shajne veriun, skenderbeun, nene terezen e kompani....keta perfundimisht i dhekllaroj te deshtuar.

p.s. kur thua jam antigeg fut percarje or tunxh....

[EXODUS]

Mund të gjente mënyrën e duhur për t'u shprehur, sepse në këtë mënyrë që është shkruar artikulli, ose e kan bërë me qëllim që shkrimi të tërheqë sa më shumë blerës gazete, ose për të nxitur debate e konflikte !!

Edhe ti si "e ëma e Zeqos maj thanes" ??
Titulli eshte tejet provokues, por as une nuk jam ne mendjen e intervistuesit, apo publicistit!
Nese lexon me gjakftohtesi permbajtjen, dhe nese nuk "infektohesh emocionalisht" nga titulli "jashtekontekstual" besoj se do e kapesh esencen e gjithe ceshtjes "antiverior" Ai pohon se verioret e sotem(deri diku ne dukje subjektiv) nuk jane më Gegët e nje here e nje kohe, pasi ai vëren nje degradim/shkuarje mbrapa... te banoreve(pergjithesim) te kesaj zone.
Maks Velo, eshte mbase patrioti me i flakte nga te gjithe NE qe bejme "llaka-tuka" ne kete teme, e aq me teper pseudopatriotet e islamizuar deri ne palce! Ai e do Shqiperine me te gjitha VLERAT e trashegimise, ato qe kane mbijetuar e ato qe po i "zhben" koha dhe vete NE shqiptaret apatike, moskokcares, simptoma e te infektuarit me dokrat e Islamit!!!

Ju duket se keni padurim ndaj bedenave, miteve, Kanunit, ndërkohë që flisni për vlerat e pazëvendësueshme të trashëgimisë. A mos e keni fjalën për një trashëgimi vetëm të krishterë e posaçërisht ortodokse, pra kishat e ritit bizantin, ikonat e afresket? A mos jeni për një Shqipëri paraosmane? A nuk është kjo e pamundur?

Kështu si e bëni Ju pyetjen, sigurisht është e pamundur. Kur një njëri numëron pasurinë e fillon nga ato më me vlerë, në fillim diamantet, pastaj florinjte, pastaj eurot dhe në fund leket. Pasuria e një kombi merr në konsiderate në radhë të parë ato me të çmuarat. Kodikët e shekullit 6 dhe 9-të, Epitafi i Gllavenicës, ikonat ( mbi 5000 – je) dhe afresket (ndër to edhe ato të Rubikut ). Nëse këto janë Ortodokse për mua ka pak rëndësi, këto janë sikurse janë katër B–të e mëdhenj Budi, Buzuku, Bardhi dhe Bogdani.

Këto vepra që përmenda janë prodhim i Bizantit Ballkanik, atelietë ishin lëvizëse nëpër manastire. Piktorët ikonografë lëviznin në gjithë siujdhesën. Sot janë një baze për të bashkuar gjithë Ballkanin Perëndimor drejt Europës. Por mos harrojmë MARUBIN e madh dhe shumë të çuditshëm për nga moderniteti. Kanuni është një nga Opuset më madhore të Drejtësisë Mesjetare, është një nga kodet bazë të drejtësisë botërore. Është klasifikimi dhe kodifikimi i jetës se kaluar. Por duhet të mbetej një Opus shkencor. Kur aplikohet sot në Veri, tregojmë se nuk kapërcejmë dot Mesjetën. Ne po bisedojmë për Trashëgiminë, dhe nuk zgjidhen dot kohët, epokat, territoret, por vlerat. Onufri është në kohën osmane, por ka një iluminim perëndimor.

Mitet janë ëndrrat e popujve, pa to nuk deshifrohet dot historia.

BEDENAT? Kemi Kalanë e Shkodrës, të Lezhës, të Krujës, atë të Beratit dhe atë të Gjirokastrës.

Janë të dëmtuara dhe kur shkon sikur do të ikësh sa më parë, nuk po arrijmë dot t’i bëjmë të lakmuara.

[par]

Dërguar nga arren më 08-09-2014 në 07:36

jeni thjeshte nje psikopat I ngjyrosur nga sllavizmi dhe helenizimi I trojeve shqiptare,
nuk duhet te harrosh shqiperia eshte aq e vogel sa nuk ndahet ne veri - jug, por morra si puna jote qe ju sherben apo je paguar nga sherbime te huaja fqinje per te krijuar ndasi nderfetare, kulturore,je thjeshte nje plesht me mjekerr
ky eshte komenti im ne nje te perditshme mbi figuren e ketij pseudo intelektuali

[Wordless]

Edhe ti si "e ëma e Zeqos maj thanes" ??
Titulli eshte tejet provokues, por as une nuk jam ne mendjen e intervistuesit, apo publicistit!
Nese lexon me gjakftohtesi permbajtjen, dhe nese nuk "infektohesh emocionalisht" nga titulli "jashtekontekstual" besoj se do e kapesh esencen e gjithe ceshtjes "antiverior" Ai pohon se verioret e sotem(deri diku ne dukje subjektiv) nuk jane më Gegët e nje here e nje kohe, pasi ai vëren nje degradim/shkuarje mbrapa... te banoreve(pergjithesim) te kesaj zone.
Maks Velo, eshte mbase patrioti me i flakte nga te gjithe NE qe bejme "llaka-tuka" ne kete teme, e aq me teper pseudopatriotet e islamizuar deri ne palce! Ai e do Shqiperine me te gjitha VLERAT e trashegimise, ato qe kane mbijetuar e ato qe po i "zhben" koha dhe vete NE shqiptaret apatike, moskokcares, simptoma e te infektuarit me dokrat e Islamit!!!

Epo ta thashë edhe një herë po nuk e paske kuptuar... Maxi ka gjetur mënyrën e gabuar për tu shprehur, gjithashtu dhe intervistuesi e gazeta-shtypsi. Po t'i bënte llogarit mirë, del që duhet të ishte anti-tosk e anti-ortodoks dhe jo anti-geg e anti-myslyman. Pse ? Fillo bëj llogarit se kush del më shumë te kronika e zezë e edicionit të lajmeve... Ja ta them unë : ç'do ditë del Fieri, pastaj një herë në dy a tre ditë e ka radhën Vlora, Berati duke u pasuar me një herë në javë nga Koça, Skrapari, Lazarati, Lushnja. Tirana e Durrësi po dihet se kanë rekord vrasjesh e pedofilie, po hajde gjeje se nga janë ata që i kryejn se emrat i kanë llesh , pjetër e zef,, por edhe jorgo, thanas e petraq. Dalim tani te feja.... Kush është ai mysliman që do t;ia bashkangjisë Shqiprinë Arabisë apo Tuqisë ( me përjashtim të disa arabofilëve që sot kanë vajtur në Siri e Irak) ?? Më thuaj tani se sa ortodoks e konsiderojnë Gërqinë mëmëdhe të dytë ose të parë duke pasur parasysh dhe këndimin ? Më gjej një të parë xhamie Arab ose Turk ... e të të gjej unë ty një alamet Janulle Më thuaj një rast të futjes së hundve në punët e brënshme nga Arab e Turq e të gjej unë 1 milion raste të kishës Greke e Serbe...

e nejse , ja kësht i krijon konfliktet dallkauku Max biaggi

[Meriamun]

Paska përmendur disa qytete të Veriut si qendra të krimit dhe monstruozitetit por harron të na thotë se Lazarati nuk ishte në veri, Zan Çaushi dhe hordhitë e hakmarrjes për drejtësi nuk ishin në veri. Aldo Baret e lushnjarëve dhe Altin Dardhët e Beratit nuk ishin në Veri. A nuk e din Maks Velo që edhe gjëma 50 vjeçare, periudha komuniste erdhi nga jugu dhe jo nga veriu.

Krimi ska atdhe dhe nuk njeh krahinë. Për hatrin e një idioti si Maksi nuk duhet të merremi me krahinizma

Islami sido që të ketë ardhur në trojet shqiptare është fe e pjesës dërrmuese dhe meriton respektimin dhe vendin e duhur.
Edhe sikur të ketë ardhur me dhunë, kjo nuk përbën arsye që të braktiset apo urrehet. Maksi Velo nuk del dot prej injorancës së tij.

[palushi]

AGRON GJEKMARKAJ
Pak ditë më parë, te gazeta “Mapo” lexova intervistën
e Maks Velos dhe në momentin e parë nuk u besova
syve, thashë me vete prit more se jam gabim. Por,
pasi u ftillova dhe e rilexova, kuptova që duhej t’i
besoja të zezës mbi të bardhë. Ishte një gjë e ndyrë.
Fëlligështia vetë.
Personalisht kam pasur një lloj nderimi për Maks
Velon, për burgun dhe persekutimin e padrejtë, për
pikëllimin e njehsuar me siluetën e tij, për veprën piktorike dhe verbin intelektual,
për ngritjen e zërit ndaj barbarisë urbane dhe mungesës së shijes që ka pushtuar
territorin shqiptar. Jam ndier keq kur kam marrë vesh se i kanë zënë pusi dhe
rrahur për hir të opinioneve të tij publike. Akte të tilla shfaqin mjerimin e
demokracisë dhe qytetarisë sonë.
Me simpati e kam ndjekur atë kur ka ngritur zërin ndaj ekstremizmit fetar,
problem i cili më shqetëson kur shfaqet në secilin krah. Personalisht jam përfshirë
në debate të tilla edhe vetë kur kam parë shenja dhe tendenca simpatie e nostalgjie
për pushtimin otoman duke propozuar neootomanizmin si ardhmëri. Nevojën për
të shprehur mendim e kam ndier kur në optikën time është konturuar flirti me
robërinë, kur denigrimi i Skënderbeut dhe qëndresës së tij nuk e toleron heshtjen.
Gjithashtu kur feja është instrumentalizuar politikisht ose konflikti historik turkogrek
është transformuar në konfliktin shqiptaro-grek me sfond fetar, duke derdhur
frustrimet tona mbi Janullatosin, përsëri duhej folur. Në çdo rast kam pasur
bindjen që këto janë grupe minoritare dhe të improvizuara, por tejet të dëmshme
nëse tolerohen apo stimulohen, po aq sa skuadrizmi fashist dhe nazist në Europën
e viteve ‘20-‘30. Nuk i kam parë kurrë ata si përfaqësues të komunitetit mysliman
në Shqipëri, por si armiq të tij. Një përfshirje e tillë nuk ma ka zbehur asnjëherë
vetëdijen se shqiptaret katolikë, ortodoksë dhe muhamedanë janë njësoj
shqiptarë, njësoj europianë e njësoj të ngarkuar nga trashëgimia orientale,
bashkëpërgjegjës për të gjitha dështimet dhe sukseset kombëtare, qofshin ata nga
veriu apo jugu.
Maks Velo me intervistën e fundit nuk rri më brenda një opinioni intelektual, por
heq valvulën e siguresës dhe na spërkat të gjithëve me një dalldi urrejtjeje fetare
dhe krahinore, konkretisht ndaj myslimanëve dhe veriorëve. Ai e di se çfarë thotë,
ndaj hipotetizon se do ta quajnë të çmendur për t’ia hedhur paq. Duke sulmuar më
keq se Gjeorgjeviçi dhe Qosiçi strukturën shoqërore të kombit tonë, gjeografinë e
tij, bashkëjetesën, përpjekjet e përbashkëta për integrim dhe emancipim,
pritshmëria e tij qenka kaq modeste?! Jo! Kësaj here askush nuk e quan veprim
prej të çmenduri, që këqyret me habi e pak mëshirë, por teza të neveritshme të një
antishqiptari. Në çdo vend normal të Europës do të procedohej penalisht për
nxitje të urrejtjes fetare dhe krahinore.
Maks Velo manipulon me historinë dhe me emrin e Skënderbeut, kur e dimë fort
mirë që shumica dërrmuese e shqiptarëve e njeh shpirtërisht atë për Hero
Kombëtar. Por atij i këndet që si përfaqësues të myslimanëve të konsiderojë disa
xhihadistë, për të cilët faji duhet kërkuar te shteti dhe organet e tij të sigurisë për
një sërë arsyesh. Atë që ka ndodhur në 500 vjet, ia mbështjell aktualitetit duke
injoruar çdo fakt. Rrugëtimin e monumentit të Skënderbeut në pjesën më
myslimane të kombit tonë, në Kosovë dhe Maqedoni, e ka fshirë nga kujtesa.
Pikërisht atë pritje përtej imagjinatës me turma gjigante me mijëra makina,
mijëra flamuj, kënge e valle deri natën vonë, që “myslimanët” shqiptarë po i bënin
“Atletit të Krishtit”. Jo e jo, i do ata një me hordhitë otomane, duke unifikuar
qëndrimin me diplomacinë serbe te Millosheviçit dhe tezat neootomaniste.
Sheshi kryesor i Prishtinës quhet “Nënë Tereza” dhe ndërtesa më e madhe e këtij
qyteti është një katedrale katolike po me këtë emër. Nuk i thotë asgjë Velos ky
fakt!? Në qytetin e tij të prejardhjes nuk ka të tilla.
Epitafet, kodikët, afresket, ikonat dhe kishat që Velo ndershmërisht i ka për zemër,
shumica e shqiptarëve i nderojnë po aq sa ai, ndërsa Velo i përçmon të tyret, që
nuk i njeh për të tijat. Historia duhet lexuar në kontekstin e të ndodhurit të saj dhe
jo të nxirret nga ai kontekst për të nxitur përçarje dhe urrejtje në vend. Kur ky
veprim kryhet, atëherë ajo nuk është më qëllim, por mjet. Të lexuarit e saj të
pjesshëm është baras me gënjeshtrën. Të qenët i krishterë në disa raste po
shndërrohet në profesionin e Velos në këtë fazë të jetës, meqenëse po i braktis
profesionet e tjera, po ushtrohet në të riun në variantin e tij fundamentalist.
Ushqim më të mirë, sesa kjo intervistë për stomakun e babëzitur të ekstremistëve
islamikë, që ai gjasme sulmon, nuk ka. Investim i jashtëzakonshëm për kauzën e
tyre. Ndaj kjo intervistë për mua është thjesht e poshtër.
Urrejtja spazmodike ndaj Veriut është e ngjashme dhe e argumentuar njësoj
ideologjikisht me atë të jugorit Enver Hoxha, të cilin Velo si rastësisht e fshin nga
historia. Maks Velo po kalon Shkumbinin me divizionin e parë sulmues si në vitin
1944.
Tepri është t’i kujtohet këtij shkumëzuesi se çfarë është Veriu dhe veriorët dhe sa
kontribute kanë në historinë e këtij vendi, por mjaftohemi duke i kujtuar se
Shqipëria pa Veriun është si Shqipëria pa Jugun. Perversët dhe rrogëtarët që e
duan këtë vend në ndasi krahinore, japin të tilla gjykime. Velo i di këto të vërteta,
por nuk i interesojnë, sepse objekt i interesit të tij duhet të jetë diçka tjetër. Në
Veri ka një thënie “Mos u zhburrnofsh në pleqni!” Urim i fisëm, nga i cili M.Velo
tashmë nuk përfiton dot prej tij.
Por edhe ne i dimë disa të vërteta dhe ka ardhur koha që pa komplekse atij dhe një
skalioni tjetër këtu në Tiranë t’u thuhen. Shqiptarët myslimanë e të krishterë janë
sjellë si asnjë komb tjetër me vllahët, nuk i kanë cenuar kurrë në të drejtat, gjuhën
dhe besimin e tyre. Madje, kur ata kanë dashur të ndihen, të sillen, të quhen
shqiptarë, i kanë pranuar si të tillë vëllazërisht pa i testuar në u bënë vërtet. E
pazakontë në Ballkan. Shumë anëtarë të këtij komuniteti i kanë bërë shërbime të
vyera rilindjes sonë kombëtare, vetë Shqipërisë, por disa të tjerë, një çetë, tanimë
në epokën e lirisë, ndiejnë pendesë për këtë konvertim, zemërim për etërit e tyre,
por më shumë për Shqipërinë dhe shqiptarët tolerantë!
E çuditshme, e pashpjegueshme, veç në qoftë punë e paguar a maraz që shqiptarët
ia dolën të kenë një atdhe, dy shtete, gjuhë dhe kulturë të konsoliduar, në të cilën
përfshinë me dashuri edhe vllahët, të cilët qenë të pafat, që në raste delikate ky
skalion në përgjithësi i lidhur me diktaturën i ngul thika pas shpine këtij vendi, që
duhej të ishte edhe i tyre.
Disa detraktojnë Skënderbeun, të tjerë duan të vjedhin Nënë Terezën, por shtati i
tyre latreth nuk ua mban peshën e hajdutërisë dhe ajo i zë përfund, ndonjë zhytur
në amullinë e harresës do të ngatërrohet te lidhëset e këpucëve të Kadaresë si
atentator imazhi, tellall apo qërues peshku, për t’u identifikuar.
Maks Velo është njëri prej tyre, i cili bën sikur i mbron këta, por baltos dhe urren
popullin e tyre. Si askush tjetër e deklaron urrejtjen ndaj myslimanëve dhe
veriorëve si kulturë, si patriotizëm, si emancipim, si moto bashkëkohësie pa ndier
faj dhe turp dhe as frikë nga ndëshkimi ligjor. Të parët godasin simbolet, ky masën
njerëzore. Maks Velo, si përfaqësues i njohur i vllehve të penduar që u bënë
shqiptarë, i themi pa racizëm, bëji ndonjë shërbim komunitetit tënd, shkruaj
ndonjë gjë për historinë e tyre se po bdaret, për gjuhën, fenë, kishat dhe zakonet,
grigjat, kullotat dhe karvanët e të parëve të tu! Shqiptarët, më shumë se
ç’parashikojnë konventat demokratike, ju krijojnë çdo mundësi t’i kultivoni ato,
siç kemi bërë ndër mote teksa i zgjidhin vetë punët e tyre qoftë në Jug, qoftë në
Veri mes të krishterësh dhe muhamedanësh, qoftë aty ku takohen dhe
bashkëjetojnë. Një punë e tillë nga Maks Velo, në heshtje dhe për disa vite mund të
na ndihmojë të harrojmë intervistën më të fëlliqur të shtypit shqiptar në 24 vjet
liri të dhënë jo nga një i çmendur, por nga një shovinist vlleh, një antishqiptar i
pikëlluar.

[WesternBlot]

Nuk jam dakort me ato me ato qe thote Maxi por nga ana tjeter ,per fat te keq, thot hapur ate qe shume shqiptare e thone fshehur midis tyre.

[EXODUS]

Wordless, s'kam shume kohe per t'u pergjigjur, megjithese edhe pergjigja ime do te ishte e pafrytshme, pertej asaj qe tashme kam shkruar. Sdq, urdhero!
Tani, pse na shpie neper qorrsokake?? C'eshte ky dallim i kronikes se zeze, ne ate verior e jugor, qe kerkon te na shesesh per kunderargument?! C'jane keto paralelizma kontrastesh te dhunes se cdo forme, qe kerkon t'i m'veshesh menyres sate te kundershtimit te nje opinioni, tek e fundit personal te Maks Velos, per te justifikuar te kunderten e atyre qe pohon ky? E si mund te aplikosh nje logjike kaq lakonike(shkurtabiqe) kundrejt problemeve më relevante(s'me kujtohet shqip kjo fjale) qe e kane mbajtur vertet peng kete komb, qe Velo merr guximin ngre pamvaresisht sulmeve idiote qe jane te paevitueshme ndaj personit te tij, aq me teper ne platformen publike mediatike?

Pse gjithe kjo mani per t'i bere gjyq nje mendimi te lire? Injorance "e pa deklaruar" valle?!

Maks Velo, e ka theksuar: ai eshte antiverior por jo antigeg! Nese nuk arrin te kuptosh kete, qofte ti qofte te tjere, atehere jeni ju siperfaqesore dhe paragjykus, pertej nje opinioni si i Velos.

Per ate punen e arabeve shembullore, miqve turq, islamdashesve shqiptare, pergjigjen e ke tek nje postim me lart drejtuar ati Hoxhes se komunitetit musylman!!

p.s Maks Velo tani na duall vlleh/sllav/grek/amazonas, se na paska "shqetesuar" tekat e krenarise sone dylekshe??!! Ju qofshi per kete bir mendjeje qe "i jepni" krahe sorrash.........!

[Wordless]

Paraleli im ishte me vënd. Ai nuk dënon gjestet e individëve por një krahinë të tërë.. (Ai thotë: jam antiveriorë") dhe unë prandaj thashë që po të ishte puna për krahasime kriminale , jugu i'a kalon veriut me dhjetra herë. Pastaj, ç'janë këto shprehje jo gegë por verior ?!! Jo hoxh Alia po Ali Hoxha i thionë kësaj Maksi bën mirë t'i riartikulojë bajgat që nxjerr nga goja tijë, para se t'i fusin ndonjë hu në prapanicë rrugës Një artisti nuk i lejohet të shprehet si një njeri me 4 klasë. Turp të ketë ai dhe halerat që i publikojnë marrëzit e tija.

Me pak fjalë: Shqetsimin e tijë e ka ngritur në mënyrë të gabuar dhe mbi të gjitha të njëanshme. Problemi që ai ka ngritur ekziston në ç'do pëllëmb territor të Shqipërisë dhe jashtë sajë

[Xhuxhumaku]

Ç’do të thotë të jesh antiverior…

Nga Llazar Kumaraku on 08/09/2014

-Reagim ndaj intervistës së Maks Velos

koment foto ilustrimKy shkrim lindi nga indinjimi i thellë i deklaratave të z. Maks Velo, që theksonte se ai është antiverior dhe antimysliman. Autori i shkrimit, që nuk është as verior dhe as mysliman, u ndje i ofenduar intelektualisht nga këto deklarata dhe i konsideron ato si banale dhe ordinere.

Të jesh intelektual nuk do të thotë të kesh mbaruar arsimin e lartë. Nuk janë intelektualë as ata që kanë vuajtur nën diktaturën e regjimit komunist. Statusin e intelektualit nuk ta jep as mosha e thyer. Intelektual nuk të bëjnë as artikujt shkencorë që mund të kesh botuar. Titullin intelektual ta atribuojnë kur ke disa cilësi të tjera. Le të analizojmë më poshtë këtë fjalë.

Baza etimologjike e fjalës intelektual është e njëjtë me atë të fjalës inteligjencë dhe të dyja derivojnë nga bashkimi i fjalëve latine intus=brenda dhe legere=lexosh. E thënë në fjalë të varfra: për të qenë intelektual duhet më parë të jesh inteligjent, ose më saktë, i aftë të shikosh gjërat në thellësi dhe mos të ndalesh si gjithë të tjerë tek aparenca. Për më tepër nuk duhet të gjykosh i bazuar mbi opinione banale dhe ordinere. Karakteristikë tjetër e një personi intelektual është ajo e mospërgjithësimit, por analiza e rasteve të ndarë nga njëri-tjetri. Derivon nga më sipër se për të qenë intelektual nuk mund të ndash kulturën apo artin ne kategori të mëdha si verior apo jugor. Nga një intelektual i vërtetë as bota nuk mund të ndahet në e krishterë apo islamike. Midis dhe rreth tyre ka një pafundësi sfumaturash dhe besimesh.

Të jesh antiverior do të thotë të mos marrësh në konsideratë Gjergj Fishtën, Ndre Mjedën, Luigj Gurakuqin, Millosh Gjergj Nikollën. Kjo do të thotë të fshish një pjesë të historisë e kulturës kombëtare. Të jesh antiverior do të thotë mos të marrësh në konsideratë veprat e ekspozuara në MAXXI (Museo nazionale delle arti del XXI secolo) të Romës nga Adrian Paçi. Këtë të fundit zoti Velo mundet edhe mos ta njohë sepse nuk e ka hasur nëpër ato “galeritë artistike” nën pjergullat me hardhi ngjitur me lokalet që frekuenton.

Nga ana tjetër të jesh antimysliman do të thotë mos të marrësh në konsideratë arkitekturën e Taj Mahal, të xhamisë së madhe të Damaskut, të Samarras, të Kairouan, arkitekturën e pallatit të Ukhaidir, arkitekturat e qytetit të Kajros. Të jesh antimysliman do të thotë të mos respektosh arkitekturën e Iranit, të Turqisë, të Egjiptit apo atë të qyteteve spektakolare të Tunizisë. Antimyslimanit nuk i intereson arkitektura e Sinanit apo dhe e shume arkitektëve të tjerë që kanë punuar në vende islamike. Mora shembuj mbi arkitekturën sepse besoj se Maks Velo mund të jetë kompetent në këtë fushë.

Të mohosh një pjesë të kulturës apo të profesionit tënd do të thotë që, o je i pakulturuar, o je joprofesional në atë që ushtron.

Dua të theksoj edhe faktin që injorant nuk është ai që nuk di. Ai që nuk di është i paditur dhe si i tillë nuk mund të jetë në asnjë mënyrë intelektual. Injorant është ai që injoron kulturën dhe faktet.

*Autori është Arkitekt.

http://mapo.al/2014/09/cdo-te-thote-te-jesh-antiverior/